Денеска ќе стапат на сила измените на Законот за безбедност на сообраќајот на патиштата, кои Собранието на Србија ги усвои минатата недела, со кои се создадени услови за спроведување на одредбите врз основа на кои возилата ќе бидат привремено задржани за најтешките прекршоци.

Законот за безбедност на сообраќајот за прв пат предвидува можност за привремено одземање на возило додека не заврши правната постапка против возач кој во последните две години е осуден за тешки прекршоци.

The post Внимавајте ако возите низ Србија: Од денеска може да ви го одземат автомобилот ако сторите сообраќаен прекршок appeared first on Република.

Полициски службеници на СВР Тетово во текот на изминатата вечер (24/25.09.2022) во периодот од 22.00 до 04.00 часот, на поширокото полошко подрачје спроведоа акциска контрола на возачи – дали и колку од нив ги управуваат возилата под дејство на алкохол.

При контролата откриени и вкупно санкционирани биле 36 возачи (ТЕ-24 и ГВ-12), кои управувале под дејство на алкохол, од кои кај 1 (ТЕ) биле измерени 2,89 промили алкохол во крвта. Сите возачи-прекршители веднаш се исклучени од сообраќај, времено им се одземени возачките дозволи и изготвени им се соодветни поднесоци. Во акциската контрола адекватно санкционирани се и 18 други видови сообраќајни прекршоци (ТЕ-13 и ГВ-5).

СВР Тетово повторно со апел, посебно до младите и пред се за викендите, да не седнуваат зад волан доколку претходно конзумирале алкохол и да не ја доведуваат во ризик сопствената и безбедноста на другите учесници во сообраќајот, но и да не возат пребрзо и да не престигнуваат на недозволени места и начин. Со тоа ќе придонесат за подобрување на вкупната сообраќајна безбедност во регионот и пошироко.

The post Тетовец фатен со 2,89 промили алкохол appeared first on Република.

Министерството за внатрешни работи во текот на вчерашниот ден (28.01.2022) продолжи со засилените акциски контроли во областа на сообраќајот, соопшуваат од МВР.

На територија на град Скопје изречени се вкупно 330 мерки, меѓу кои за недавање предност на пешаци 140 санкции, возење повеќе од дозволената брзина 41 санкција, 15 мерки за возење без возачка дозвола, 15 санкции за технички неисправни возила.

Изречени се четири мерки за возач почетник, седум санкции за зборување на мобилен телефон, пет мерки за минување на затворен сигнал црвено светло, 26 санкции за прекршоци што ги чинат пешаците.

Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, посочуваат од МВР.

The post 140 санкции за непропуштање пешаци appeared first on Република.