Бебе почина како последица од здобиени повреди откако автомобил излета од пат.

Трагедијата се случила вчера околу 12:50 часот на магистрален пат Струмица – Ново Село, делница помеѓу селата Босилово и Турново.

Автомобил „фолксваген поло“ со струмички регистарски ознаки, управуван од 40 годишната В.Д.Т. од село Стиник, општина Ново Село, излетал од коловозот.

-Од здобиените повреди починало бебе, кое било превезувано во возилото, а смрт констатирал лекар во Медицински центар Струмица. Со телесни повреди се здобиле В.Д.Т. и сопатничката С.Т.(49) од село Доброшинци, струмичко, информира МВР.

Увид на местото извршиле Јавен обвинител и екипа на СВР Струмица.

The post Автомобил излета од пат во струмичко, загина бебе appeared first on Република.

Познат е идентитетот на тројцата Македонци што синоќа загинаа во тешка сообраќајна несреќа во Италија.

Од Министерството за надворешни работи информираа дека нашата амбасада во Рим добила усна потврда од надлежните италијански институции и станува збор за лицата: З.С. (33) од Македонска Каменица; А.К. (31) од селото Саса (Македонска Каменица) и В.И. (30) од село Пекљани, Виничко.

Тие биле во еден автомобил, а се судриле со возило што било управувано од 23-годишен Италијанец, кој е четвртата жртва во несреќата.

Сообраќајката се случила доцна синоќа во градот Ница Монферато, во италијанската провинција Асти, дел од регионот Пиемонт.

Иако поради велигденските празници комуникацијата со италијанските служби се одвива забавено, нашите дипломатски претставништва остануваат во комуникација со цел прибирање дополнителни информации за деталите околу сообраќајната несреќа, податоци за починатите, како и во делот на обезбедување писмена потврда за сите детали од несреќата, велат од МНР.

Возилата биле целосно уништени.

The post Познат идентитетот на тројцата млади Македонци кои загинаа во сообраќајната несреќа во Италија appeared first on Република.