Министерството за одбрана на Русија соопшти дека руската авијација соборила украински ловец МиГ-29, а единиците за противвоздушна одбрана срушиле транспортен авион Ан-26, кој превезувал оружје и опрема.

За време на воздушната битка во регионот Славјанск, во Доњецката Народна Република, беше соборен авион МиГ-29 на украинските воздухопловни сили. Руските ПВО системи во регионот Одеса срушиле авион АН-26 кој пренесувал воена опрема - соопшти официјалниот претставник руското минисетсртво за одбрана, генерал-мајор Игор Конашенков.

Тој додаде дека во последните 24 часа биле уништени 10 дронови, меѓу кои и еден „Бајрактар ​​ТБ2“.

The post Во воздушна битка соборен украински Миг-29, во Одеса срушен транспортен авион со странско оружје за Украина appeared first on Република.

Украинската армија соопшти дека руските единици се групираат на приодите кон Славјанск и дека имале „делумен успех“ во борбите што се водат во овој источен град.

Генералштабот на Украина соопшти дека руските сили се подготвуваат да ја продолжат офанзивата против Славјанск, додека „Си-Ен-Ен“ објави дека соседниот Краматорск, најголемото урбано место во регионот Доњецк, сè уште е под украинска контрола.

Генералштабот додава дека Русите се обиделе да извршат напад врз градовите северозападно од Славјанск - Барвинкове и Свијатохирск, но не успеале во офанзивата.

Според Генералштабот, борбите продолжуваат во Северодонецк, а Русите со употреба на артилериски оган ги нападнале станбените населби во источниот дел на градот.

Непријателот има делумен успех - соопшти украинскиот Генералштаб.

The post Официјален Киев: Руските сили се групираат на пристапот кон Славјанск appeared first on Република.

Генералштабот на украинската армија соопшти дека се водат борби со руските сили во областите Славјанск, Попасна и Курахово, како и околу Мариупол.

Според украински податоци, Русија продолжува да формира воздухопловна група во близина на источната граница на Украина, за да ги зајакне артилериските единици и да ги оптимизира постоечките системи за контрола, разузнавање и медицинска поддршка.

Се наведува дека руските сили продолжуваат со ракетни и артилериски напади врз воената и цивилната инфраструктура во областите Харков, Доњецк и Запорожје.

The post Генералштаб на Украина: Борби околу Славјанск и Мариупол appeared first on Република.

Од Институтот за воени студии најавуваат дека руските трупи подготвуваат офанзива на источниот град Славјанск.

Во проценката на Институтот се наведува дека ваквата офанзива ќе следува во обид да дојде до поврзување со другите сили на исток во регионот на Донбас.

Напорите на руските сили да го заземат Славјанск веројатно ќе се покажат како следната клучна битка во војната во Украина - се вели во извештајот.

The post Институт за воени студии: Руската офанзива на Славјанск ќе биде следната клучна битка appeared first on Република.