Светската и европска шампионка Јарослава Махучих од Украина го собори светскиот рекорд во скок во височина во женска конкуренција кој 37 години го држеше Бугарката Стефка Костадинова.

Махучих (22) денеска на митингот од Дијамантската лига во Париз во првиот обид ја прескокна летвичката на височина од 210 сантиметри, што е за еден сантиметар подобар резултат од долговечниот рекорд на Костадинова.

Стефка Костадинова го постави претходниот рекорд од 209 сантиметри на Светското првенство во 1987 година во Рим.

Второто место во скок во височина во Париз го освои светската шампионка во сала Никола Олислагерс од Австралија со 201 сантиметар, а на третото место заврши Анџелина Топиќ од Србија со прескокнати 198 сантиметри.

The post Соборен рекорд стар 37 години во скок во височина appeared first on Република.

Популарниот Мондо по осми пат во својата кариера си урна свој и постви нов рекорд во скок со стап, откако на дијамантската лига во Кина прескокна 6 метра и 24 сантиметри.

Откако не успеа да ја прескокне оваа граница на претходниот митинг, Дуплантис очигледно добро се подготвувал изминативе месеци, па така денеска во Џиамен постави нов светски рекорд на отворено.

Дуплантис има само 24 години и својата неверојатна низа на рекорди ја почна пред четири години, кога првпат ја надмина границата од 6 метри и 17 сантиметри.

Оттогаш, Дуплантис поставува нови стандарди во атлетиката, па за верување е дека ќе го подобри светскиот рекорд за уште неколку сантиметри во наредните неколку години.

The post Дуплантис по осми пат си го урна својот и постави нов рекорд appeared first on Република.