Седумнаесетгодишната Јана Атанасовска на вчерашната слаломска трка во скијачкиот центар Веинебене во Австрија го освои 2-то место, со вкупно време од 1:46.94. Овој пласман македонската скијачка надеж во силна конкуренција го оствари со резултат од 37.29 FIS точки, што претставува најдобар резултат во историјата на македонското скијање. Претходниот најдобар резултат од 47.97 FIS точки Јана го постигна пред два месеца.

По првата трка Атанасовска беше прва, со време од 50.55 и со голема предност од 0,71 секунда пред второпласираната, но во втората трка таа одлучи да скија повнимателно и да ја заврши трката за којашто знаеше дека ќе ѝ обезбеди одличен пласман.

Атанасовска во континуитет постигнува одлични резултати, а со неа македонското скијање за првпат има натпреварувачка надеж од која се очекувааат многу нови успеси на европско и светко ниво

The post Македонската скијачка надеж Јана Атанасовска со нов рекорд за македонскиот спорт во Австрија appeared first on Република.

Младата словенечка скијачка Хана Јамник трагично почина во Норвешка, соопшти Скијачкиот сојуз на Словенија.

19-годишната Јамник почина на подготовките за новата сезона. Детали за тоа што се случило не се објавени, но се вели дека нејзината смрт е последица на „трагичен инцидент“.

Норвешките медиуми јавуваат дека Словенката утрото на 11. август паднала под камион во тунелот на автопатот 523 во 8 часот и 41 минути додека тренирала на ролери. Таа била тешко повредена и со хеликоптер била пренесена во клиничкиот центар во Ставангер, но за жал таму не можеле да и помогнат. Полицијата веста за смртта ја соопшти во 13 часот и 54 минути.

Камионџијата кој беше обвинет за прекршување на сообраќајните правила, се изјасни за невин и тврди дека тоа што се случило е трагична несреќа.

Талентираната скијачка беше вклучена во репрезентацијата на Словенија за претстојната сезона.

The post 19-годишна словенечка скијачка загина во Норвешка appeared first on Република.