Еден од најуспешните американски ситкоми на сите времиња „Сите го сакаат Рејмонд“ ќе добие српска верзија. Таа има работен наслов „Сите го сакаат Андрија“, а во главната улога ќе биде Андрија Милошевиќ, објавија српските медиуми.

Режисери на серијата се Огњен Јанковиќ од хип хоп групата „Београдски синдикат“ и Предраг Личина, автор на филмот „Последниот Србин во Хрватска“. Снимањето, што ќе трае четири месеци, ќе се одвива во специјално направена куќа, а премиерата е планирана догодина.

„Сите го сакаат Рејмонд“ имаше девет сезони од 1996 до 2005 година и освои 15 Еми награди.

The post Се снима српска верзија на американскиот ситком „Сите го сакаат Рејмонд“ со Андрија Милошевиќ во главна улога appeared first on Република.