Драго ми е што сме тука повторно, се чувстуваме како да се вративме дома, рекоа синоќа Данците од бендот „Ефтеркланг“ на концертот кој следеше по прикажување на музичко-документарниот филм „Ефтеркланг-Македониум бенд“ со кој синоќа се отвори 23. издание на Фестивалот на европски филм „Синедејс“ во паркот зад Младинскиот културен центар (МКЦ).

Музичкиот документарец „Ефтеркланг-Македониум бенд“ на Андреас Јонсен го следи патешествието на Ефтеркланг во Скопје, со цел да состават нов бенд, кој би извел перформанс пред споменикот на слободата, „Македониум“ во Крушево. Групата ја сочинуваат тројца музичари - Мадс Брауер, Каспер Клаусен и Расмус Столберг кои во април доаѓаат во Скопје, во МКЦ и на оглас ги наоѓаат останатите музичари со кои ќе одржат концертот пред „Македониум“. Во бендот се уште и пејачката Дина Јашари, пијанистката и поетеса Ива Дамјановски, тапанарката Мартина Баракоска, гитаристот Јане Трајковски, Женскиот младински хор при МКЦ со диригентот Сашо Татарчевски, музичарот на народни инструменти Стефче Стојковски и скулпторот и музичар Дејан Спасовиќ. Овој голем тим го организира продуцентот од МКЦ Владица Младеновски-Грга.

По завршување на документарецот бендот одржа концерт во паркот зад МКЦ во истиот состав кој го видовме во филмот. Публиката која присустуваше на проекцијата понесена од еуфоријата на концертот и убавата енергија, на крајот се фати на оро.

Ова беше неверојатно искуство, да твориш со комплетни странци, а на крајот да се чувствуваш како да сте најблиски пријатели. Мислам дека секој треба да направи такво нешто бар еднаш во животот“, рече на концертот пејачот Каспер Клаусен.

Светска премиера „Eфтеркланг: Македониум бенд” имаше во март 2024 на фестивалот „CPH“ во Копенхаген, Данска. Филмот на фестивалот имаше две проекции, по што следеа и два настапи на бендот кој и таму, како и во Скопје ја крена публиката на нозе.

https://republika.mk/scena/film/mkts-go-osvoi-kopenhagen-so-svetskata-premiera-na-filmot-efterklang-makedonium-bend-vo-rezhija-na-andreas-jonsen/

The post Се чувствуваме како да се вративме дома, рекоа Данците од групата „Ефтеркланг“ на отворањето на „Синедејс 2024“ appeared first on Република.

Во петок и сабота во Крушево ќе се одржи настанот Европско патувачко кино под отворено небо : CINEDAYS 2024 warm up.

Пред споменикот “Македониум” посетителите ќе имаaт можност да ја уживаат во програмата:

21 јуни,петок од 20:30часот

“Дали си маж”, режија Ѓорче Ставревски, 15′

“Efterklang: Makedonium band”, режија Андреас Јонсен, 81′

Концерт на музичка група The Local Blue

22 јуни сабота,од 20:30 часот

“Моето злосторство”, режија Франсоа Озон, 102′

дискусија со Златко Ѓелески, филмски критичар и Ана Алексовска, режисерка

“Тик -Так”, режија Јане Алтипармаков, 20′

The post Европско патувачко кино под отворено небо: CINEDAYS 2024 warm up appeared first on Република.