Шумски пожар беснее северно од Лос Анџелес, а властите издадоа наредба за евакуација на луѓето во областа, објавија американските медиуми.

Невремето зафати 14,5 квадратни километри во близина на Меѓудржавен 5 во Горман, околу 100 километри северозападно од Лос Анџелес.

Наредбата за евакуација е издадена во округот Лос Анџелес во американската сојузна држава Калифорнија поради ширење пожарот кон главниот автопат и околните згради.

Пожарот избувнал вчера околу 14 часот по локално време, а гаснењето го отежнува ветерот кој достигнува брзина од 100 километри на час, јавуваат американските медиуми.

Во гаснењето на пожарот се вклучени и хеликоптери, а возачите кои застанаа да го фотографираат пожарот предизвикаа неколку сообраќајни несреќи на автопатот.

Почната е истрага за причините за пожарот.

The post Голем шумски пожар северно од Лос Анџелес, издадена наредба за евакуација appeared first on Република.

Шумски пожар вечерва избувна во атарот на гостиварското село Дебреше, опожарена е борова шума. Заради интензитетот и временските услови гаснењето е отежнато.

Според информациите од Центарот за управување со кризи, во текот на денот имало два пожари во гостиварско. Едниот во атарите на селата Печково и Долно Јеловце во кој гореле висока трева и стрништа и кој е изгаснат, додека попладнево се појавил нов пожар кај Дебреше. За гаснење на пожарот најавено е дека ќе биде побарано да се делува и од воздух.

– Вториот пожар е во село Дебреше, гостиварско. Пожарот има навлезено во борова шума и засега не може да се стави под контрола. За утре е најавено побарување за воздушна поддршка, наведуваат од ЦУК.

The post Шумски пожар над гостиварско Дебреше appeared first on Република.

Петти ден по ред противпожарните сили на грчкиот остров Родос од воздух и копно се справуваат со огнените јазици, а шумскиот пожар сѐ уште не е ставен под контрола, јави дописничката на МИА од Атина.

Претпладнево преку бројот 112 за итни случаи беше испратена порака до жителите на две села превентивно да се евакуираат, додека пак синоќа беше евакуирано друго село.

Според Секретаријатот за цивилна заштита на Грција денеска постои многу висока опасност од пожари во седум региони од земјата.

Од четвртокот Грција ја зафати нов топлотен бран, втор во период од неколку дена, што се очекува да кулминира утре со температури и до 45 степени.

Директорот за истражувања во Националната опсерваторија во Атина Костас Лавувардос за грчката телевизија ЕРТ рече дека „податоците покажуваат дека топлотниот бран веројатно ќе биде во траење од 16-17 дена, нешто што досега не се случило во земјата“.

Грчките метеоролози коментираат дека станува збор за рекордно високи температури за месец јули во изминатите 36 години, по катастрофалниот топлотен бран во Грција во 1987 година со околу 1.300 загинати.

The post Вон контрола шумскиот пожар на грчкиот остров Родос appeared first on Република.

Од воздух и копно противпожарните сили на Грција го гаснат пожарот што рано утрово избувна во шумски предел на Света Гора, во поширокото подрачје на еден од манастирите, јави дописничката на МИА од Атина.

Заменик-управителот на Света Гора, Аристос Касмироглу за грчката телевизија Скај рече дека пожарот е во непрооден дел во близина на манастирот, но станува збор за шумски предел и манастирот не е во опасност.

Паралелно изрази надеж дека огнените јазици брзо ќе бидат ставени под контрола.

Во гаснењето учествуваат четири авиони и еден хеликоптер, како и 11 возила со 43 пожарникари и три пешадиски тима.

The post Шумски пожар во близина на манастир во Света Гора appeared first on Република.

Преку бројот 112 за итни случаи, Министерството за климатска криза и цивилна заштита на Грција побара од жителите на атинската населба Ано Вула во јужниот дел на градот да се евакуираат, поради големиот пожар што попладнево избувна во подножјето на планината Имито и брзо од една, се прошири кон друга населба, јави дописничката на МИА од Атина.

Неофицијално, огнените јазици стигнале до дел од домовите, гори една куќа, а освен испратената смс порака, претставници на противпожарната служба и на полицијата, одат од куќа до куќа и бараат од граѓаните да ги напуштат нивните домови.

Во гаснењето на пожарот интервенираат 72 пожарникари со три пешадиски тима, 20 возила, а повремено интервенираат и шест авиони и три хеликоптери, додека пак помагаат волонтери пожарникари и цистерни од општините.

Силниот ветер дополнително ја отежнува работата на пожарникарите.

The post Голем шумски пожар во близина на атинска населба, се евакуираат жителите appeared first on Република.

Украински официјални лица соопштуваат дека во близина на нуклеарната централа во Чернобил избувнале седум шумски пожари.

Украинците тврдат дека пожарите најверојатно избувнале поради гранатирање, но можно е и да се подметнати.

The post Пожари беснеат околу Чернобил appeared first on Република.