Најавен штрајк пред Собранието на Град Скопје - повторно нема плата во ЈП Улици и патишта, соопштија вработените преку писмено соопштение.

Поради лошото менаџирање на двоецот Арсовска - Глигоров преку разрешениот директор Ванчо Умленски, претпријатието повторно како и минатиот месец има сериозни проблеми со исплата на личниот доход на вработените.

Причините за ваквата состојба се следните:

 

1. Презадолжување на претпријатието кон добавувачи на материјали во износ од 240 милиони денари;

2. Не плаќање на долгот од страна на директорот, односно градоначалничката, т.е. селективно плаќање на фирми блиски до секретарот и градоначалничката;

3. Сметката е блокирана во износ од 10 милиони денари и извршни решенија во износ од 40 милиони денари кои ќе стапат на сила наредниов период;

4. Во претпријатието нема основни средства за работа како нафта, ризла, тампон, рабници. Причина за ова е не плаќањето на обврските кон добавувачите, а со тоа и испораката на материјалите;

5. Градежни машини и возила што поради погоре наведените причини се со дефекти и не се сервисираат со месеци;

 

Вработените се принудени преку штрајк да го остварат своето право на личен доход и истиот ќе биде пред Собранието на Град Скопје кога вработените ќе дојдат со целата механизација.

За почетокот на штрајкот ќе бидете дополнително информирани, стои во соопштението.

 

The post Најавен штрајк пред Собранието на Град Скопје – повторно нема плата во ЈП Улици и патишта appeared first on Република.

Двата најголеми синдикати во Грција – во приватниот (ГСЕЕ) и во јавниот сектор (АДЕДИ) на 20 ноември ќе стапат во 24-часовен генерален штрајк.

Досега своето учество во штрајкот го најавија синдикатот на вработените во приватното образование, во градежништвото, во државните болници и во банкарскиот сектор. Синдикатот на грчките морнари најави дека в среда сите бродови ќе останат во пристаништата.

Еден ден претходно ќе штрајкуваат медиумите. Тие ќе ја прекинат работата од 19 ноември од пет часот до пет часот на 20 ноември.

Општите барања на синдикатите се однесуваат на мерките за справување со зголемените трошоци за живот и зголемените трошоци за домување, враќањето на законските одредби за колективни договори, борбата против картелите на пазарот. Синдикатите на државните службеници бараат враќање на 13-та и 14-та плата и реално зголемување на платите.

Меѓутоа, во различни сектори, штрајкувачите поставуваат и конкретни барања.

The post Грција на 20 ноември ќе биде блокирана од штрајкот на вработените во приватниот и јавниот сектор appeared first on Република.

Здравствените работници во Хрватска, организирани од Синдикатот Заедно, од понеделник ќе започнат штрајк во текот на кој услуги ќе даваат само во итни случаи, соопштено е денеска во Загреб.

„Поголемиот дел од установите во Хрватска ќе штрајкуваат. Како што најавивме ќе се работи само со итни случаи, односно  целата дијагностичка, лабораториска и радиолошка обработка нема да се извршуваат“, изјави потпретседателот на Синдикатот, Санда Алиќ на прес-конференција пред Клиничкиот болнички центар Загреб.

Здравствените работници собрани во синдикатот бараат зголемување на основицата за најмалку 20 отсто и промена на регулативата за коефициенти. Како што е најавено, штрајкот ќе се спроведува во сите големи болници и некои здравствени домови.

The post Здравствените работници во Хрватска најавија дека ќе одржат штрајк на 11 ноември appeared first on Република.

Синдикатот на технолошките работници во Њујорк тајмс испрати писмо до Управниот одбор на компанијата, во кое предлага да се постигне договор пред изборите во САД за да се избегне штрајк.

„Како преговарачки комитет на вработените во технолошкиот сектор во Њујорк тајмс, ви пишуваме за да ве информираме дека претставниците на Тајмс во преговорите покажаа неподготвеност за компромис во поглед на клучните договори“, се наведува во писмото на синдикатот, објавено на социјалната мрежа Икс.

Синдикатот, кој брои околу 700 технолошки работници, додава дека веќе влегле во третата година од преговорите со раководството на компанијата за договорот и дека неговите членови го одобриле штрајкот на 10 септември.

The post Синдикатот на вработените во технолошкиот сектор на Њујорк тајмс најави штрајк пред изборите appeared first on Република.

Во повеќе градови низ Германија се одржуваат штрајкови на работниците од металуршката и електроиндустријата, организирани од синдикатот „ИГ метал“. На протестите учествуваат и работниците на автопроизводителите „Фолксваген“ и „БМВ“.

Според германските медиуми, околу 250 работници на „Фолксваген“ штрајкуваа во Оснабрик, Долна Саксонија, каде што се наоѓа фабриката на Фолксваген која е под закана од затворање.

https://republika.mk/vesti/svet/folksvagen-ke-zatvori-tri-pogoni-vo-germanija/

Во Регенсбург, Баварија, штрајкувачите истакнаа транспаренти со нивните барања пред фабриката на „БМВ“. Демонстрантите планираат да го сторат истото во фабриката на „Ауди“ во блискиот Инголштад.

Исто така, околу 200 вработени во компанијата за батерии Клариос однесоа факели и знамиња на синдикатот на улиците на Хановер во Долна Саксонија. Во истиот регион во градот Хилдесхајм, околу 400 вработени во „Јенсен ГмбХ“, „КСМ Кастингс груп“, „Роберт Бош“, „Вагонбау Граф“ и „ЗФ ЦВ Системс“ Хановер останаа без работа.

The post Штрајкови во Германија на вработените во автомобилската индустрија и големите претпријатија appeared first on Република.

Работниците на компанијата „Боинг“ гласаа за отфрлање на понудата за договор за работа и за продолжување на штрајкот кој трае повеќе од пет недели. Против договорот, кој предвидуваше зголемување на платите за 35 отсто во следните четири години, гласаа 64 отсто од членовите на синдикатот.

По гласањето, синдикалните лидери изјавија дека се подготвени веднаш да ги продолжат преговорите со „Боинг“ за првиот нов работен договор од 2014 година. Синдикатот бара зголемување на платите за 40 отсто и враќање на пензиската клаузула со дефинирани надоместоци.

Одбивањето на најновата понуда, како што јавуваат странските агенции, претставува голем удар за директорката Кели Ортберг, која ја презеде функцијата во август со ветување дека ќе оствари подобра соработка со работниците од нејзините претходници. Исто така, одбивањето на понудата, откако минатиот месец 95 отсто од работниците гласаа против првиот договор, го одразува долгогодишното незадоволство на вработените.

Повеќе од 30.000 машински работници стапија во штрајк во фабриките на „Боинг“ на американскиот западен брег на 13 септември, прекинувајќи го производството на најпродаваните модели „737 MAX“, „767“ и „777“.

The post Работниците во Боинг ја одбија понудата за договор за работа, штрајкот продолжува appeared first on Република.

Со оглед на тоа што Владата на Србија и Парламентот не ги исполнија барањата на белиот штрајк до 13 октомври, членовите на Самостојниот синдикат на просветните работници на Србија (НСПРС) денеска ја започнуваат втората фаза - пишување оценка „одличен 5“ за секој ученик, соопшти синдикатот, јавија беглрадските медиуми.

Таа петка, доколку барањата на белиот штрајк не се усвојат и до крајот на полугодието, ќе биде основа за заклучување на оценките „одличен 5“, без разлика на сите други оценки што ќе бидат дадени според објективни критериуми, во вообичаени начини, се наведува во соопштението.

Барањата на белиот штрајк се да се подобри безбедноста во училиштата преку соодветни измени на законот и придружните прописи преку гарантирање на наставниците поефикасна правна заштита од напади, овозможувајќи им веднаш да ги суспендираат учениците кои несоодветно се однесуваат на наставата како и укинување на анонимните пријави до просветната инспекција.

За усвојување на тие барања потребна е само политичка волја на Министерството за образование, Владата и Народното собрание. Донесувањето и спроведувањето на изменетите прописи не би ја чинело државата ниту еден динар, посочуваат од синдикатот.

Пожелните оценки, додаваат, не се причина, но тие се најчеста причина за напади врз наставниците.

The post Петка за сите ученици Во Србија почна втората фаза од белиот штрајк на просветните работници appeared first on Република.

Механичарите вработени во компанијата „Боинг“ најавија дека ќе штрајкуваат бидејќи го отфрлиле договорот со кој во следните четири години ќе им се зголемат платите за 25 отсто.

Меѓународната асоцијација на механичари и работници во воздухопловството соопшти дека 94,6 отсто од работниците гласале за отфрлање на договорот, а 96 отсто гласале за штрајк.

За организирање на штрајкот им беа потребни две третини гласови од вкупно 33.000 работници во компанијата.

Штрајкот е само еден од низата предизвици за новата генерална директорка, Кели Ортберг, која пред шест недели доби задача да ја заживее компанијата, која во последните шест години изгуби повеќе од 25 милијарди долари и сериозно заостанува зад европскиот ривал „Ербас“.

Ортберг ги предупреди механичарите дека гласањето за штрајк ќе го загрози закрепнувањето на „Боинг“ и ќе предизвика дополнителни сомнежи за компанијата во очите на клиентите.

The post Вработените во Боинг го одбија понуденото зголемување на платата, ќе одат на штрајк appeared first on Република.

Од пет часот утрово таксистие во Атина, организирани од нивниот Синдикат, започнаа 24-часовен штрајк поради, како што велат,„низа владини одлуки и важни законодавни пропусти што се однесуваат на нивниот сектор“, јави дописничката на МИА од Атина.

Од Синдикатот потенцираа дека новите даночни и осигурителни закони ќе ги доведат до финансиска пропаст, а планираната транзиција кон електрични возила од 2026 година ќе ја загрози нивната професија.

Паралелно, за претпладнево закажаа Генерално собрание на кое ќе разговараат за проблемите со кои се соочуваат.

Грчката метропола до утре наутро ќе биде без такси превоз. ср/

The post Штрајкуваат таксистите во Атина appeared first on Република.

Синдикатот на државните службеници на Грција (АДЕДИ) од утрово е во еднодневен штрајк со барање за зголемување на платите за 10 отсто поради високите цени, бидејќи некои нови цени во Грција се драстично повисоки од цените на истите производи на други места во ЕУ.

По генералниот штрајк на сите синдикати на крајот на февруари, Конфедерацијата на вработени во приватниот сектор (ГСЕЕ) во април имаше 24-часовен штрајк од истите причини.

Во писмото до претседателката на Европската комисија, Урсула Фон дер Лајен, премиерот Киријакос Мицотакис побара „повеќе транспарентност“ на единствениот пазар на ЕУ, укажувајќи дека тоа е еден од приоритетите на граѓаните пред изборите за европратеници на 9 јуни.

„Клучно е“ „ЕУ да докаже дека е способна да ги постави вистинските приоритети“, вклучително и заштита на потрошувачите пред високите цени, напиша Мицотакис во писмото испратено во саботата и објавено во понеделникот.

Мора да се преземат храбри мерки за да се обезбеди единствениот пазар да функционира со поголема конкуренција и транспарентност во корист на потрошувачите“, посочи Митотакис три недели пред евроизборите.

Соочен со незадоволството на граѓаните во Грција, тој бара Брисел „одлучно, брзо и ефикасно да интервенира“ за да се регулира единствениот пазар.

Според него, „неодамнешната инфлаторна криза доведе до значително намалување на куповната моќ на европските граѓани и ја истакна асиметричната моќ на мултинационалните компании во однос на диференцирање на ценовните политики“.

Куповната моќ и инфлацијата се главните грижи на Грците пред европските избори.

Според Мицотакис, во одредени земји како Грција, основните производи за широка потрошувачка се продаваат поскапо отколку во другите земји на ЕУ поради „територијалните ограничувања за снабдување наметнати од големите мултинационални компании“.

Станува збор за тоа што големите мултинационални компании се договориле да ги приспособат цените според големината на пазарот во земјата, а тие се пониски на големите пазари бидејќи таму имаат конкуренција, а повеќе на малите каде што има помала конкуренција.

Митотакис предлага мерки за „спречување на политиката на одредени мултинационални компании да продаваат исти или слични производи за широка потрошувачка под различни брендови во различни земји-членки, што им овозможува да имаат различни цени“ и повикува на „забрана на нефер комерцијалните практики“.

Во април потрошувачките цени во Грција пораснале за 3,1 отсто, во споредба со истиот месец лани, при што цените на храната пораснале за 5,4 отсто – покажуваат податоците на грчката статистичка служба „Елстат“.

Високите трошоци за живот го зголемија социјалното незадоволство во Грција, каде според европската статистичка служба на ЕУ, „Евростат“, платите се само на 21 место меѓу 27-те земји од ЕУ.

The post Бараат повисоки плати поради високите цени: Штрајкuваат државните службеници во Грција appeared first on Република.

Вработените во ФЗО на предупредувачки протест, генерален штрајк ако не им бидат усогласени платите со растот на минималната плата

Вработените во Фондот за здравствено осигурување денеска одржуваат предупредувачки протест со барање за усогласување на платите со растот на минималната плата. На протестот пред Фондот за здравство беше порачано дека доколку не им се исполни барањето од 1 јуни ќе стапат во генерален штрајк.

Бранко Аџигогов, претседател на Синдикалната организација на ФЗОМ, рече дека доколку до 15 мај не се преземе ништо првенствено ќе започнат секој ден во сите градови од еден до два часа со предупредувачки протести.

На минатата седница од петокот нашата точка за усогласување на нашите плати согласно Законот за минимална плата беше одложена на неопределено време односно после изборите, како што знаете во изминатиот период, вработените штрајкуваа со цел да им остане иста платата, применетата одлука од Владата после штрајкот се однесува на тоа дека платите ни остануваат исти до 31 мај, времето се ситни и остануваат само уште 30 дена додека дознаеме колку ќе имаме ние плата, појасни Аџигогов.

Додаде дека станува збор за усогласување од 2 392 денари по лице и дека иако навидум делуваат како малку пари, се работи за законска обврска која мора да биде исполнета.

Дополнително, бараат да се донесе и вредносен бод, за да се зачуваат тие плати што ги имаат. Велат дека се разочарани од односот на управниот одбор на Фондот, бидејќи членовите според нив, не сакале да изгласаат порамнување на платата на состанок кој се одржал при крај на минатата недела, кога точката за усогласување на платите била отстранета од дневниот ред и оставена за после изборите.

Ние сакаме да го предупредиме овој состав на управниот одбор да седне да си ја сработи својата работа и да ја донесе одлуката, да не не држи во неизвесност. Со оглед на тоа дека изјавиле дека немаат намера до формирање на нова влада да донесат одлука останува прашањето зошто управниот одбор воопшто постои, би било поетички да си дадат отказ и да дојдат лица кои ќе си ја сработат работата, посочи Аџигогов.

Вработените во ФЗОМ, исто така бараат Управниот Одбор на Фондот да биде целосно разрешен и да биде поставен нов, затоа што тројца од членовите биле пензионери и со истечени мандати.

Пред три месеци, Фондот за здравство стапи во штрајк поради опасноста дека платите ќе им се намалат за 21 процент, меѓутоа владата донесе одлука тие да останат непроменети по што штрајкот беше прекинат.

The post ФЗО најави генерален штрајк ако вработените не добијат повисоки плати appeared first on Република.

Вработените во Фондот за здравство денеска излегуваат на протест. Тие бараат усогласување на платите со растот на минималната плата.

Од Синдикатот соопштија дека ќе бараат и разрешување на целиот управен одбор на фондот и поставување нови членови кои ќе го дозволат усогласувањето на платите.

Вработените во ФЗО штрајкуваа и пред три месеци, но штрајкот беше ставен во мирување по одлуката да не им се намалат платите.

The post Вработените во ФЗО денеска на штрајк – имаат три барања appeared first on Република.

Вработените во Фондот за здравство утре во 11 часот ќе излезат на протест поради незадоволството кај работниците за неусогласувањето на платите со растот на минималецот, објави Сител.

Претседателот на УПОЗ, Трпе Деановски во изјава за Телевизијата рекол дека вработените имаат три барања.

Имаме 3 барања: усогласување со минималната плата, да се донесе вредносен бод и да се зачуваат тие плати што ги имаат вработените и веднаш да се разреши целиот управен одбор на фондот, да се донесат нови членови кои веднаш ќе заседаваат и ќе донесат одлука со која ќе се заштитат вработените во фондот за здравство - изјавил Деановски за Сител.

Ако протестот не вроди со плод, тогаш ќе се активира и штрајк.

The post Поради неусогласување на платите вработените во ФЗО утре на протест appeared first on Република.

Приватните специјализанти привремено го ставаат генералниот штрајк во мирување поради пациентите, сензитивноста на периодот и отежнатата работа на клиниките во комплексот „Мајка Тереза”, но секој вторник за време на паузата ќе излегуваат во паркот пред интерните клиники за да потсетат дека треба да се решат нивните барања.

Доктор Христина Илиоска Чешлароска, приватен специјализант по интерна медицина, рече дека јавно се оградуваат од било каква политичка поврзаност и мотивираност. Единствениот мотив за штрајкот, како што посочува, бил што биле доведени до работ на егзистенција. Таа упати порака во името на своите колеги дека нема да се отстапат додека не се решат нивните барања и дека веднаш по изборите ќе побараат решавање на проблемите.

Во знак на изразување на револт што нашите барања сѐ уште не се прифатени, приватните специјализанти од следната недела, секој вторник за време на својата пауза, во 11 часот ќе се собираат во паркот пред интерните клиники, со цел да покажеме дека сме тука, постоиме и чекаме да се решат нашите проблеми, рече Илиоска Чешлароска, изразувајќи благодарност до колегите државни специјализанти и специјалисти кои им даваат поддршка.

И претседателката на Здружението на лекари специјализанти, доктор Александра Георгиева нагласи дека ставањето на штрајкот во времено мирување никако не значи откажување од било кое барање.

Се надеваме веднаш по завршување на изборниот процес и формирање на новата Влада, дека сите барања ќе бидат решени – здравствено осигурување, плата на ниво на просечен лекар и вработување на сите колеги кои се на специјализација, нагласи таа.

Георгиева рече дека податоците покажуваат оти над 70 проценти од студентите на Медицинскиот факултет активно учат германски јазик, што според неа не е случајно. Според статистиките на Македонското лекарско друштво, над 250 лекари секоја година ја напуштаат државата што е еднакво на бројот на студенти што се запишуваат на Медицинскиот факултети.

Владата на седница во вторникот донесе одлука статусот на приватните специјализанти да се решава по изборите со предлог-законски решенија со кои ќе се предвидат нивните севкупни права и одговорности.

The post Штрајкот на приватните специјализанти времено ставен во мирување appeared first on Република.

Вработените во културните институции од утре почнуваат со протести кои нема да запрат се до исплаќањето на платата за месец март усогласена со колективните договори. Како што најави на денешната прес-конференција претседателката на Синдикатот на културните работници Вера Атанасовска, тужбите за задоцнета исплата на плата во моментот се процесуираат.

Протестите ќе се одржуваат пред Министерството за култура секој ден од 13 часот.

Платата за месец март во културата не е исплатена. Сите законски рокови се пробиени и три илјади вработени во културата се уште немаат земено плата. Добив повик од кабинетот на министерката за култура каде ми соопштија дека денеска во 13 часот треба да имаме состанок во Министерството за финансии. За што ќе биде точно состанокот не сум информирана, меѓутоа веднаш после тоа од институциите за култура добив повици во коишто кажуваат дека вработени од Министерството за култура им се јавувале во институциите и кажувале платата да се исплати без усогласувањето согласно колективните договори, посочи Атанасовска на прес-конференцијата пред Министерството за култура.

Според Атанасовска, за неколку дена три илјади вработени во културата заедно со нивните семејства ќе останат и без здравствено осигурување.

И денес на 18 април плата за месец март се уште нема. Сите добро знаеме дека секогаш кога се спроведуваат колективни договори и кога се даваат финансиски ветувања истите треба да бидат усогласени со Министерството за финансии. Како министерката за култура на 1 април од истото ова место ветуваше покачување на платите за март ако претходно тоа исто покачување не го договорила со министерот за финансии за сега кој да биде виновникот за неисплаќањето на платите во културата, додаде Атанасовска.

Според Атанасовска, ова не само што ја загрозува егзистенцијата на оние кои се посветени на уметноста и културата, туку го поткопува и интегритетот на нашите културни институции.

Без разлика на причината, ефектот останува ист – деморализирана културна работна сила и намалена национална култура во колапс и пред протест и штрајк, појасни Атанасовска.

Претседателот на Сојузот на синдикати на Македонија (ССМ), Слободан Трендафилов на прес-конференцијата денеска посочи дека платите треба денеска да се исплатат согласно колективниот договор. Во спротивно, како што рече, од утре почнуваат протестите.

Тој напомена дека од денеска ќе зависи дали тие протести ќе бидат само пред Министерството за култура или и пред Министерството за финансии.

Пред две недели бевме тука и слушнавме дека министерката за култура дава целосна поддршка и го зборува тоа што го зборува и синдикатот – платите во културата растат за 12 проценти. За жал, две недели подоцна тоа се уште се нема случено и ние сме загрижени дека мерењето на политичката сила на грбот на овие работници е неприфатливо и не смее да се случи во едно демократско општество. Се разбира дека ССМ во изминатиот период покажа дека нема да молчиме и покрај сите притисоци што ги добиваме и ние во ССМ, меѓутоа и синдикатите, рече Трендафилов.

Тој ја повика министерката за култура денеска да направи максимални напори платите до крајот на работното време да легнат на сметките на вработените во култура.

Доколку не, се гледаме утре на протест, се гледаме и други ден и така се’ до исполнување на нашите барања. Не бараме преку леб погача, бараме плата, а платата веќе сме си ја изработиле а ја работиме и новата плата за месецот кој треба да го добиеме во месец мај. Недозволиво е ова да ни се случува особено 15 дена пред избори. Недозволиво е 15 дена пред избори да барате наш глас, а притоа да не не’ плаќате како што треба – зборуваме за плати, не зборуваме за мито и корупција. Немаат изговор, платата најдоцна до крајот на денот доколку не легне во текот на утрешниот ден започнуваат протестите, додаде Трендафилов.

The post Од утре вработените во културните инситуции ќе штрајкуваат секој ден пред Министерството appeared first on Република.

Штрајкот на докторите приватни специјализанти продолжува и понатаму. На денешниот, четврти ден од генералниот штрајк, беше изразена осуда за притисоците што ги имаат од клиниките и од постарите колеги специјалисти.

Доктор Христина Илиоска Чешлароска, специјализант по интерна медицина, трета година, рече дека сака да ги охрабри сите колеги приватни специјализанти, да не подлегнат на притисоците од клиниките и да издржат во оваа нивна борба.

Со оглед на тоа дека Министерството за здравство и министерот немаат слух за нашите барања, односно се изјаснија само за последното трето барање за решавање на нашиот статус, свесни сме и знаеме дека е тоа долг процес и нашиот статус нема така лесно и брзо да се реши, додаде Илиоска Чешлароска.

Таа појасни дека затоа сакале веднаш да се остварат првите две нивни барања, покачување на месечниот надоместок и воведување на здравствено осигурување. Притоа, истакна, дека со оглед на тоа што тие две барања за кои барале итно да бидат решени, не биле решени, тие ќе продолжеле со нивниот штрајк.

Бидејќи министерот очигледно нема слух и не гледа дека ние штрајкуваме, во понеделник, во пет до 12, пред Министерството за здравство, повторно ќе се собереме на протест, под мотото, „Пет до 12 за македонското здравство“. Со тоа сакаме да упатиме јасна порака до Министерството за здравство и до целата држава. Затоа што, доколку овие 400 приватни специјализанти не ги добијат своите барања, јас сум сигурна дека на половина од нив, веќе, во некој ќош дома им стои куферот и чекаат само да го спакуваат и да заминат, подвлече Илиоска Чешлароска.

На новинарско прашање, таа одговори дека до сите катедри упатиле барање за поддршка. Јавно се заблагодари на професорката од Медицински факултет, инаку од клиниката за ревматологија, што вчера им даде поддршка.

The post Не подлегнувајте на притисоците од клиниките, им порачаа на колегите специјализантите кои штрајкуваат четврти ден appeared first on Република.

Влезовите во метро-станиците останаа затворени, автобусите се во транспортните центри, нема дневни весници на киосците: Грција оваа среда (17.04.2024) е практично парализирана, пишува Дојче веле.

Како одговор на зголемените трошоци за живот, кровната организација на синдикатите (ГСЕЕ) повика на генерален штрајк. Списокот на барања пред сè вклучува зголемување на платите и поконзистентна примена на колективните договори, но и ефективни мерки против драматичните поскапувања кои се шират низ Грција

Генералниот штрајк започна во вторник (16.04.2024) со 24 часовен штрајк на грчките новинари, како и на техничкиот и административниот персонал на сите печатени, електронски и онлајн медиуми во јавниот и во приватниот сектор. Репризи беа прикажани на многу телевизиски и радио станици, а и не беа објавени весници.

The post Грција парализирана од генерален штрајк appeared first on Република.

Бродовите се закотвени во грчките пристаништа, а железничките услуги се стопирани денеска бидејќи транспортните работници штрајкуваат и бараат повисоки плати за да се справат со зголемените животни трошоци. Дури и автобусите и таксистите денеска не работат, па многу патишта во центарот на Атина се пренатрупани бидејќи жителите сами се возат на работа.

Возачите се приклучија на 24-часовниот штрајк на најголемиот синдикат на грчкиот приватен сектор, ГСЕЕ, кој вели дека платите на транспортните работници сè уште заостануваат зад оние на нивните европски колеги. Грција овој месец ја зголеми месечната минимална бруто плата за 6,4 отсто на 830 евра, што е четврто такво зголемување во последните пет години, додека земјата закрепнува од децениската финансиска криза.

Но, работниците велат дека тоа зголемување не е доволно за да бидат во чекор со зголемените трошоци за храна и домување.

„Пораката е јасна. Работниците не можат да врзат крај со крај додека земаат најниски плати, а цените вртоглаво растат“, се вели во соопштението на ГСЕЕ, синдикат кој претставува околу 2,5 милиони работници.

Конзервативната влада на премиерот Киријакос Мицотакис, која победи на реизборот минатиот јуни, вети дека ќе ја зголеми месечната минимална плата на 950 евра до 2027 година, кога завршува нејзиниот мандат, и дека ќе ја зголеми просечната плата за повеќе од 25 отсто, на 1.500 евра, до истиот рок.

The post Голем штрајк во Грција: Не сообраќаат автобусите, возовите, бродовите appeared first on Република.

Приватните специјализанти ќе продолжат со генералниот штрајк и во текот на утрешниот ден. Како што информираат оттаму, времетраењето на штрајкот е во зависност од утрешниот одоговор на Министерството за здравство во врска со барањето на специјализантите за покачување на нивните плати и регулирање на статусот.

Ја информираме јавноста дека штрајкот ќе продолжи и во текот на утрешниот ден, сѐ додека Министерството за здравство после утрешната седница на Влада не излезе со официјален став и соопштение. Врз основа на одговорот од Министерството за здравство, приватните специјализанти ќе одлучат за своите понатамошни чекори, стои во нивната објава на Фејсбук.

Нивни претставници попладнево имаа средба во Владата со министерот за здравство, Илир Демири, заменик министерката за здравство, Маја Манолева и професор д-р Ана Данева Маркова, советник на премиерот за здравствени прашања, на која им било кажано дека по утрешната владината седница ќе има информација во писмена форма за барањето за зголемување на надоместот.

Над 400 приватни специјализанти изутринава стапија во генерален штрајк и не ги извршуваат работните обврски на скопските клиники и останатите болници и амбуланти низ државава. Тие бараат зголемување на надоместот што им се исплаќа, во изнес од 26 илјади денари, на ниво на просечна плата на доктор во јавна здравствена установа, здравствено осигурување, како и решавање на статусот што сега им е со договор на дело.

The post Штрајкот на приватните специјализанти продолжува и утре appeared first on Република.

Приватните специјализанти вечер ќе соопштат дали ќе продолжат со генералниот штрајк што го почнаа изутрина. Нивни претставници попладнево имаа средба во Владата со министерот за здравство Илир Демири, заменик министерката за здравство Маја Манолева и проф. Ана Данева Маркова советник на премиерот за здравствени прашања, на која им било кажано дека утре по владината седница ќе има информација во писмена форма за барањето за зголемување на надоместот.

-Најглавното што беше кажано на средбата е дека утре на владина седница ќе има информација во однос на покачувањето, по што ќе добиеменекаква писмена форма за одговорот на Владата во однос на покачувањата на платите. Нивен главен аргумент е дека ова е предизборен период и во предизборен период не можеле да постапат, во смисла, да дадат покачување. Истиот одговор го добивме и за другите наши барања, дека е предизборен период. Сега ние ќе ги информираме колегите за средбата и ќе побараме мислење на групата. Вечер ќе соопштиме што е одлучено околу штрајкот, изјави д-р Александра Георгиева, претседателка на Здружението на лекари специјализанти.

Таа нагласи дека го негираат тврдењето дека штрајкот има некаков политички контекст.

Морам да потенцирам дека имаше разговор дека сето ова, поради предизборниот период, дава политички контекст. Ние тоа остро го негираме. Приватните специјализанти не се наклонети на која било политичка опција, туку едноставно бараат решавање на нивниот проблем, како што бараат и многу години наназад. Четиристотини колеги на приватна специјализација се од различни етнички групи и така натаму, навистина не сметаме дека сите тие би биле гласачи за една политичка опција, подвлече Георгиева.

Министерот за здравство претходно денеска на прес-конференција побара трпение од приватните специјализанти најави дека по изборите ќе се избори со ребаланс на Буџетот да се обезбеди изедначување на нивните примања со примањата на вработените специјализанти во јавните здравствени установи.

На новинарско прашање за генералниот штрајк на приватните специјализанти, Демири рече дека е промотор за реализација на нивните барања и ја истакна тенденцијата за задржување на лекарите во државава.

Ова е многу битно. Направивме компарација во претходниот заеднички разговор со нив, каква беше нивната позиција, на ваквите специјализанти, пред 2017 година и каква е сега. Има една голема разлика. Оти, до 2017 година, тие не примаа никакви примања. Не велам дека сегашните нивни примања се доволни. Јас сакам да бидат како и на специјализантите вработени во јавни здравствени институции. Но, за тоа треба буџетирање што не може сега да се оствари пред изборите, рече министерот Демири, на прес-конференцијата на која беше објавено дека ќе се воведат деветвалентни ХПВ вакцини.

The post Приватните специјализанти вечер ќе соопштат дали ќе продолжат со генералниот штрајк appeared first on Република.