Севернокорејскиот лидер Ким Јонг-ун повика на зајакнување на нуклеарните сили на земјата „без ограничувања“ и завршување на воените подготовки, објавија државните медиуми.

Ким ова го изјавил во петокот за време на 4-та Конференција на команданти и инструктори на Корејската народна армија (КПВ), објави севернокорејската новинска агенција.

Пораката на Ким доаѓа откако лидерите на Јужна Кореја, САД и Јапонија на самитот во Перу го осудија распоредувањето војници на Северна Кореја во Русија и нејзината поддршка за Москва во војната со Украина.

The post Подгответе се за војна: Ким ги крена трупите и нареди итна акција appeared first on Република.

Северна Кореја утринава истрела балистичка ракета со краток дострел кон Јапонското Море, соопшти јужнокорејската војска.

Пет дена пред денешното лансирање, Северна Кореја истрела интерконтинентална балистичка ракета.

Во очекување на нови лансирања, нашите вооружени сили го засилија надзорот, соопшти генералштабот на јужнокорејската војска, додавајќи дека споделува информации со Јапонија и САД.

Јапонскиот премиер Шигеру Ишиба пред новинарите во Токио потврди лансирање на „неколку балистички ракети“. 

The post Северна Кореја истрела ракета со краток дострел appeared first on Република.

Севернокорејско засилување доаѓа во Русија Севернокорејските војници кои одат во Русија се од единаесеттата армија на Северна Кореја, елитна единица позната како „Олуен корпус“.

Што е „олуен корпус“

Темелите на денешните севернокорејски специјални сили беа поставени во втората половина на 1960-тите, десет години по потпишувањето на примирјето меѓу Северна (КДПР) и Јужна Кореја (РОК), кое ги запре големите конфликти и се смета за неофицијален крај на Корејската војна, иако никогаш не беше официјално завршена.

Обучени да земаат заложници

Припадниците на 11-от корпус се обучени и за земање заложници, а нивната обука се состои од прикрадување зад непријателските линии и земање вредни заложници за подоцнежни преговори. Со оглед на тој аспект на нивната обука, ако се вклучат во борбени дејствија, а не само да ја чуваат руската граница, тие може да бидат испратени во мисии за киднапирање или елиминирање на високи украински команданти или политичари. Според јужнокорејските разузнавачи, во Русија треба да бидат распоредени вкупно 12.000 припадници на корпусот на бура.

The post Ова е најелитната севернокорејска едицица „Олуен корпус“ appeared first on Република.

Северна Кореја соопшти дека тестирала интерконтинентална балистичка ракета (ИЦБМ), „најмоќното стратешко оружје во светот“, додека Сеул предупреди дека Пјонгјанг може да добие ракетна технологија од Русија за да помогне во нејзината војна во Украина.

Севернокорејскиот лидер Ким Џонг-ун беше присутен на лансирањето на ракетата и рече дека тестот е предупредување за непријателите кои ја загрозуваат безбедноста на земјата, објави државната новинска агенција КЦНА.

„Пробното лансирање е соодветна воена акција која целосно ја исполнува целта за информирање на ривалите, кои неодамна намерно ја ескалираа регионалната ситуација и претставуваат закана за безбедноста на нашата земја, за нашата подготвеност да дејствуваме“, рече Ким, цитиран од КЦНА.

Покажувањето на мускули доаѓа во време на меѓународна осуда поради, како што вели Западот, распоредувањето на 11.000 севернокорејски војници во Русија – 3.000 од нив во близина на украинскиот фронт. Лансирањето наиде на осуда од Јужна Кореја, Јапонија и САД.

Еден ден претходно, Сеул објави индиции дека Северот би можел да тестира ICBM или да изврши седма нуклеарна проба околу претседателските избори во САД во вторник, сакајќи да го привлече вниманието на својата растечка воена моќ.

Шин Сеунг-ки, шеф на севернокорејското воено истражување во државниот Корејски институт за одбранбени анализи, рече дека лансирањето најверојатно ќе ги тестира подобрените перформанси на постоечкиот ICBM – веројатно со помош на Русија. „Северна Кореја ќе сака да продолжи да добива ваков вид на помош бидејќи заштедува време и трошоци, а истовремено ги подобрува перформансите и ја унапредува стабилноста на својот систем за оружје“, рече тој.

Откако се најде под притисок поради нејзиниот ангажман со Русија, „намерата на Северна Кореја можеби е да покаже дека нема да потклекне под притисок, дека ќе одговори на сила со сила, а исто така ќе бара одредено влијание врз претседателските избори во САД“, додаде Шин.

Лансирањето што се случи утрово е најдолгото тестирање на севернокорејската балистичка ракета со времетраење од 87 минути, според јужнокорејските експерти. КЦНА соопшти дека тестот поставил нови рекорди за ракетните способности на Северна Кореја.

Ракетата била лансирана од област во близина на главниот град Пјонгјанг и паднала во морето на околу 200 километри западно од јапонскиот остров Окушири кај Хокаидо. Прелетала растојание од 1.000 километри, објави јапонската влада.

The post Ким Џонг-ун: Го тестиравме најмоќното стратешко оружје во светот, тоа е предупредување appeared first on Република.

Украинската влада идентификуваше тројца севернокорејски генерали – Ким Јонг Бок, Ри Чанг Хо и Син Кум Чеол, за кои Киев тврди дека се наоѓаат во Русија со илјадници севернокорејски војници.

Во изјава пред Советот за безбедност на ОН, украинската делегација соопшти дека тројцата генерали се дел од најмалку 500 севернокорејски офицери испратени во Русија.

Според информациите, планот е севернокорејските трупи да бидат распоредени во најмалку пет формации од по 2.000 до 3.000 војници и да бидат интегрирани во руските единици за да се прикрие нивното присуство во борбите, се наведува во соопштението.

Украина го идентификуваше Ким Јонг Бок, генерал кој командува со специјалните сили, вклучително и корпусот КСИ, познат како Корпус Бура, за кој јужнокорејската разузнавачка служба објави дека е испратен во Русија.

Ким годинава се појавил на седум настани со севернокорејскиот лидер Ким Џонг-ун, вклучително и на вежби на специјалните сили.

Исто така, Украина ги идентификуваше Ри Чанг Хо, заменик-началник на Генералштабот, и Син Кум Чеол, началник на Главната оперативна управа.

Ри, кој е началник на Главната разузнавачка служба на Северна Кореја од 2022 година, беше санкциониран од Јужна Кореја, која тврди дека тој надгледувал хакерски активности со цел кражба на технологии и странски валути.

Како и Ким Јонг Бок, и Ри го придружувал лидерот Ким Џонг-ун на голем број настани оваа година, вклучувајќи и инспекција на морнаричка база на источниот брег.

Северна Кореја и Русија првично негираа присуство на севернокорејски трупи во Русија, но на состанокот на Советот за безбедност на ОН, рускиот претставник Василиј Небензја изјави дека воената соработка меѓу Русија и Северна Кореја не го прекршува меѓународното право и дека Москва има право да побара помош од своите партнери.

Се верува дека Северна Кореја испратила околу 10.000 војници во источна Русија на обука и дека тие веројатно ќе ги засилат руските сили „во близина на Украина во наредните неколку недели“, според податоците на Министерството за одбрана на САД.

The post Украина тврди: Севернокорејски генерали и илјадници војници во Русија appeared first on Република.

Украинскиот претседател Володимир Зеленски во видео обраќање до нацијата изјави дека Cеверна Кореја се приклучува во војната во Украина.

Меѓу главните работи денеска беше извештајот на разузнавачките агенции за намерите на Русите за есенскиот и зимскиот период. Сè е многу детално. Практично зборуваме за вмешаност на Cеверна Кореја во војната, рече Зеленски во видео пораката.

Претходно тој предупреди дека Москва и Пјонгјанг, односно рускиот претседател Владимир Путин и севернокорејскиот лидер Ким Џонг-ун, се договориле за „префрлање на луѓе“ од Северна Кореја во Русија и Украина за да се борат на страната на Русите.

Кремљ негираше, соопштувајќи дека станува збор за „лажна вест“.

The post Зеленски: Северна Кореја се приклучува во војната appeared first on Република.

Американската воена помош за Украина од осум милијарди долари претставува „неверојатна грешка и луд чин“, изјави денеска Ким Јо Џонг, сестрата на севернокорејскиот лидер Ким Џонг Ун и предупреди дека САД и Западот „си играат со оган“ во односите со нуклеарната суперсила Русија.

Таа истакна дека Вашингтон го влошува конфликтот меѓу Украина и Русија и ја води цела Европа на работ на нуклеарна војна.

„САД и Западот не треба да го отфрлат или потценуваат сериозното предупредување на Русија“, рече Ким Јо Џонг во изјавата објавена од државната новинска агенција.

Во денешната изјава Ким оцени дека давањето помош на Зеленски во воените дејствија против Русија е „опасна и неодговорна игра“.

Ким, која има висока позиција во севернокорејската владејачка Работничка партија, често дава изјави за ставот на Пјонгјанг за политичките и безбедносните прашања.

The post Северна Кореја: Американската помош за Украина е неверојатна грешка и луд чин appeared first on Република.

Руското надзорно тело за безбедност на земјоделството (Роселкознадзор) соопшти дека Русија испратила 447 кози во Северна Кореја. Козите се само дел од животни што Русија планира да и ги достави на Северна Кореја.

Подарокот од Москва уследи по неодамнешната средба помеѓу рускиот претседател Владимир Путин и севернокорејскиот лидер Ким Џонг-ун. Козите се од Ленинградската област, а доставени се во севернокорејскиот град Расон.

Козите ќе обезбедат млечни производи за локалните деца, со што треба да се намали недостигот на храна во Северна Кореја, кој во голема мера е предизвикан од владините политики. Ситуацијата со недостигот на храна дополнително се влоши за време на пандемијата со Ковид-19, наведе бриселскиот портал „Политико“.

Според „Хјуман рајтс воч“ (Human rights watch), 10,7 милиони од 25,9 милиони луѓе во Северна Кореја се ненахранети, а 18 отсто од децата имаат застој во растот поради хронична ненахранетост.

Северна Кореја отворено ја поддржува руската инвазија врз Украина и е обвинета за снабдување со оружје што им помага на руските сили на бојното поле. И Москва и Пјонгјанг негираат дека Пјонгјанг испраќа оружје и муниција за руските сили.

За време на неодамнешната посета на Путин во Северна Кореја, двајцата лидери потпишаа договор со кој се обврзаа на „заемна помош во случај некој да ги нападне“. Тоа е дел од сеопфатниот договор, што опфаќа од образование до земјоделство и туризам.

The post Русија и подари 447 кози на Северна Кореја appeared first on Република.

Руските сили веројатно користеле севернокорејска ракета во воздушниот напад во текот на ноќта врз Киев, во кој загинаа татко и неговото четиригодишно дете, изјави денеска украинскиот претседател Володимир Зеленски.

„Според прелиминарните информации, Русите користеле севернокорејска ракета во овој напад, уште еден намерен терористички напад врз Украина“, напиша Зеленски на социјалната мрежа „Х“.

Зеленски посочи дека експертите се уште работат на утврдување на точните податоци за ракетата употребена во нападот во кој биле повредени и три лица, меѓу кои и едно 12-годишно момче.

The post Зеленски: Русија веројатно користела севернокорејска ракета во нападот врз Киев appeared first on Република.

Севернокорејските гранични трупи добија 250 нови мобилни лансери за балистички ракети

Церемонијата се одржа во Пјонгјанг, а претседстелот Ким Џонг-ун ја нарече новата опрема „клучно офанзивно оружје“ на војската, пренесува новинаската агенција КЦНА.

Станува збор за оперативно-тактички ракетни системи „Hwasongpo-11Ra“, кои во западната класификација се нарекуваат „Hwasong-11D“.

Претходно, Министерството за надворешни работи на Cеверна Кореја најави зголемување на нуклеарните капацитети за зголемување на нивото на подготвеност за војна. Тие исто така истакнаа дека американската политика на Корејскиот полуостров и во светот води кон нуклеарна криза.

The post Севернокорејските сили добија 250 нови фрлачи за балистички ракети appeared first on Република.

Северна Кореја се обврза на „тотално уништување“ на своите непријатели во случај на војна кога лидерот на земјата Ким Џонг Ун ќе издаде таква наредба, јави денеска државната новинска агенција КЦНА.

Високи воени функционери, вклучително и полковникот Ри Ун-рионг и командантот на морнарицата Јо Кјонг-сон, ги дадоа изјавите поради, како што наведува државната агенција на Северна Кореја, „растечката омраза“ кон САД и Јужна Кореја на состанокот на кој присуствуваше и Ким по повод 71-годишнината од примирјето во корејската војна.

Северна Кореја и САД немаат дипломатски односи, а преговорите за намалување на тензиите и денуклеаризација на Северна Кореја се во застој од 2019 година.

Државните севернокорејски медиуми неодамна посочија дека тоа не се очекува да се промени без оглед на тоа кој ќе биде избран за шеф на Белата куќа.

Иако Пјонгјанг ги обвинува САД и Јужна Кореја дека се решени да предизвикаат нуклеарна војна по секоја цена, севернокорејските воени претставници ветија дека ќе ја зајакнат воената ефикасност за да извршат „сеопфатен напад врз непријателот во секое време и без одлагање“ за целосно да го уништат кога лидерот Ким Џонг Ун ќе издаде таква наредба.

Северна Кореја потпиша договор за примирје со САД и Кина на 27 јули 1953 година, со што заврши тригодишната војна.

The post Северна Кореја предупреди на целосно уништување на непријателот во случај на војна appeared first on Република.

Северна Кореја „најостро ја осудува“ усвоената Декларација на Самит на НАТО, соопшти Министерството за надворешни работи во Пјонгјанг.

– Декларацијата од Самитот во Вашингтон, подготвена и објавена на 10 јули, докажува дека САД и НАТО, се сведени на алатки за конфронтација, претставуваат најсериозна закана за глобалниот мир и безбедност, се наведува во соопштението на севернокорејското МНР.

Во соопштението објавено од севернокорејската новинска агенција КЦНА, се истакнува дека потезите на САД за проширување на воените блокови со земјите од НАТО и азиските партнери, вклучително и Јужна Кореја и Јапонија, „се злобната основна причина за сериозно загрозување на регионалниот мир, екстремно влошување на меѓународната безбедносна средина и предизвикување глобална трка во вооружување“.

Во Декларацијата од Самитот на НАТО се повикува Кина да стави крај на секаква материјална и политичка поддршка за руските воени напори. Исто така се обвинуваат Иран и Северна Кореја дека ја поттикнуваат руската војна во Украина со обезбедување директна воена поддршка на Москва.

На маргините на Самитот во Вашингтон, Јужна Кореја и САД потпишаа насоки за воспоставување интегриран проширен систем за одвраќање за Корејскиот Полуостров за да се спротивстави на нуклеарните и воените закани од Северна Кореја.

The post Северна Кореја ја осуди Декларацијата од Самитот на НАТО appeared first on Република.

Cеверна Кореја ги критикуваше заедничките воени вежби на Јужна Кореја, Јапонија и САД што се одржаа овој месец, велејќи дека таквите вежби покажуваат дека односот меѓу трите земји се развил во „азиска верзија на НАТО", објави државната агенција КЦНА.

Во четвртокот, трите земји почнаа големи заеднички воени вежби кои вклучуваат морски разурнувачи, борбени авиони и американски носач на авиони „Теодор Рузвелт“ на нуклеарен погон, со цел зајакнување на одбраната од проектили, подморници и воздушни напади.

Вежбата е осмислена на трилатерален самит во Камп Дејвид минатата година за да се зајакне воената соработка среде напнатоста на Корејскиот Полуостров која произлегува од тестирањата на оружје на Cеверна Кореја.

Официјален Пјонгјанг нема да го игнорира зајакнувањето на воениот блок предводен од САД и нивните сојузници и ќе го заштити регионалниот мир со агресивен и надмоќен одговор“, се наведува во соопштението на севернокорејското министерство за надворешни работи.

Министерството додава дека Вашингтон продолжува со своите напори да ги поврзе Јужна Кореја и Јапонија со НАТО, додавајќи дека обидите на Јужна Кореја да испорача оружје на Украина се еден од примерите за тие напори.

Cеверна Кореја долго време ги осудува заедничките вежби на САД и Јужна Кореја како проба за инвазија и доказ за непријателската политика на Вашингтон и Сеул.

The post Cеверна Кореја: Воените односи на САД, Јужна Кореја и Јапонија се како азиска верзија на НАТО appeared first on Република.

Северна Кореја во текот на ноќта лансираше околу 350 балони со ѓубре кон Јужна Кореја, соопшти денеска јужнокорејската армија.

Тоа е петто вакво лансирање од крајот на минатиот месец, пренесува Јонхап.

Во текот на ноќта Пјонгјанг лансираше балони полни со ѓубре, а околу 100 балони пристигнаа главно во северните делови на земјата, но и во главниот град Сеул.

Kесите прикачени на балоните содржеле „најчесто отпад од хартија“, соопшти војската, додавајќи дека балоните не претставуваат закана за јавната безбедност.

Јужнокорејскиот претседател Јун Сук-Јол ја осуди „провокацијата“ на Пјонгјанг.

Северна Кореја досега испрати повеќе од илјада балони со ѓубре на југот како одговор на пропагандните балони испратени на север од јужнокорејски активисти.

Околу 100 балони, главно со отпадна хартија и други отпадни материјали, слетале во Сеул и во северниот дел на провинцијата Кјонги, соопшти Генералштабот на корејската армија.

N. Korea resumes sending trash balloons: S. Korean military#trash_balloon #NorthKorea #parasite #오물_풍선 #북한 #기생충 #Arirang_News #아리랑뉴스 pic.twitter.com/MFshAiJOHK

— Arirang News (@arirangtvnews) June 25, 2024

The post Војната со ѓубре продолжува: Уште 350 балони со смет паднаа од небото во Јужна Кореја appeared first on Република.

Рускиот претседател Владимир Путин ќе ја посети Северна Кореја на 18 и 19 јуни, соопшти денеска Кремљ.

Северна Кореја е обвинета за снабдување на Москва со муниција за нејзината офанзива во Украина.

Путин ќе патува на покана на севернокорејскиот лидер Ким Џонг-ун, се вели во соопштението на Кремљ, опишувајќи ја посетата како пријателска.

По посетата на Северна Кореја, Путин на 19 и 20 јуни ќе го посети и Виетнам.

Посетата на Путин на Виетнам уследи по одлуката на таа земја да не испрати свој претставник на самитот во Украина во Швајцарија викендов, туку да испрати заменик-министер за надворешни работи на состанокот на групата БРИКС во Русија претходно оваа недела.

The post Путин во дводневна посета на Северна Кореја appeared first on Република.

Северна Кореја денеска лансираше неидентификувана ракета во правец на југозапад, соопштија армиите на Јужна Кореја и на Јапонија.

Јапонската влада претходно денеска издаде итно предупредување до жителите на јужната префектура Окинава да ја избегнат заканата од севернокорејската ракета.

Подоцна, предупредувањето беше укинато бидејќи властите утврдија дека проектилот нема да стигне до јапонска територија.

Претставник на јапонската Влада изјави дека имало проблем за време на лансирањето и се слушнал удар како експлозија, пренесе НХК.

Ракетата исчезна од радарот, рече официјалниот претставник, додавајќи дека лансирањето најверојатно било неуспешно.

Северна Кореја претходно ја информираше Јапонија дека планира да лансира сателит меѓу 27 мај и 4 јуни.

The post Северна Кореја лансираше неидентификувана ракета appeared first on Република.

Почина поранешниот севернокорејски пропагандист Ким Ки-нам, објавија утринава државните медиуми. Имаше 94 години.

Тој почина поради старост и оштетување на органите за кои се лекуваше од 2022 година, објави официјалната агенција КЦНА, а пренесе Би-би-си.

Ким Ки-нам беше водечки пропагандист во Северна Кореја со децении, долго време служеше на владејачкото семејство каде што придонесе за градење на култот на личноста на севернокорејските диктатори.

Севернокорејскиот лидер Ким Џонг-ун присуствуваше на неговиот погреб рано наутро и му оддаде почит на „ветеранот револуционер кој остана безгранично лојален“ на режимот, соопшти КЦНА.

Јужнокорејската новинска агенција Јонхап го спореди со шефот на пропагандата на нацистичка Германија Јозеф Гебелс.

Ким Ки-нам, кој немаше крвно сродство со владејачкото семејство, беше назначен за заменик директор на Одделот за пропаганда и агитација во Пјонгјанг во 1966 година, каде што тесно соработуваше со Ким Џонг-ил, претходникот и таткото на сегашниот лидер Ким Џонг-ун. Ким Ки-нам подоцна дојде на чело на одделот.

Ким Ки-нам наводно бил близок со Ким Џонг-ил, а во 1970-тите бил назначен за шеф на државниот весник Родонг Синмун.

The post Почина главниот шеф на пропагандата на Ким Џонг-ун appeared first on Република.

За првпат откако севернокорејскиот лидер Ким Џонг Ун ја презеде власта во 2011 година, годинава од севернокорејските граѓани беше побарано да се заколнат на лојалност на неговиот роденден, соопшти Институтот за развој на југот и северот (САНД) со седиште во Сеул.

Институтот објави фотографии од текстот на заклетвата во папка, за која се верува дека е направена на 40-тиот роденден на Ким, 8 јануари.

Северна Кореја никогаш официјално не го потврдила датумот на раѓање на Ким, а традиционално ваквите церемонии за заклетва се одржуваат на годишнините од родендените на неговиот татко и дедо, претходни севернокорејски лидери.

The post Во Северна Кореја годинава за првпат се положи заклетва за лојалност за роденденот на Ким Џонг Ун appeared first on Република.

Северна Кореја денеска соопшти дека тестирала „супер голема“ боева глава за крстосувачка ракета и нов противвоздушен проектил, пренесува ДПА.

Тестот на „супер-големата“ боева глава дизајнирана за стратешката крстосувачка ракета Хвасал-1 Ра-3 и пробното лансирање на противвоздушната ракета Пјољџи-1-2 се извршени во петокот, објавија државните медиуми.

– Преку пробното лансирање беше постигната зацртаната цел, објави агенцијата КЦНА.

Се наведува дека тестовите биле дел од редовните воени активности на Северна Кореја и дека немаат „никаква врска со ситуацијата во регионот“.

Резолуциите на ОН и забрануваат на Северна Кореја да тестира балистички ракети од кој било дострел, од кои некои се способни да носат нуклеарни боеви глави.

Како одговор на севернокорејската програма за нуклеарно оружје, Соединетите Држави и Јужна Кореја ја зајакнаа воената соработка, вклучително и одржување заеднички маневри.

The post Северна Кореја тестирала „супер голема“ боева глава и противвоздушна ракета appeared first on Република.

Севернокорејскиот лидер Ким Џонг-ун, за време на инспекцијата на голема воена база на западот на земјата, нареди воведување на највисоко ниво на борбена готовност на севернокорејските трупи и побара од армијата да биде подготвена за војна, објави државната новинска агенција КЦНА.

Обиколката на Ким во воената база, чија локација не е откриена, дојде веднаш по почетокот на редовните годишни заеднички воени вежби меѓу американските и јужнокорејските сили.

Во овогодинешните заеднички американско-јужнокорејски воени маневри беа вклучени двојно повеќе сили во споредба со минатогодишните вежби.

Ким порача дека севернокорејската војска мора „динамично да спроведе нови, засилени воени подготовки во согласност со барањата на сегашната ситуација“, пренесе КЦНА.

Нашата војска треба постојано да ги интензивира вежбите за симулирање војна и брзо да ги надградува своите борбени способности до совршена подготвеност за вистинска војна, истакна Ким.

The post Ким Џонг-ун нареди највисоко ниво на борбена готовност: Земјата мора да биде подготвена за војна appeared first on Република.