Украинскиот тенисер Сергеј Стаховски, кој ѝ се приклучи на украинската војска и во моментов е на киевскиот фронт, ја објави содржината на пораките кои му ги испратил Новак Ѓоковиќ.

Најдобриот светски тенисер контактирал со Украинецот кога слушнал дека се пријавил во воените резерви, а Стаховски во интервју откри дека Рафаел Надал и Роџер Федерер решиле да молчат.

Неколку дена подоцна и Сергеј, кој за време на драмата во Австралија го бранеше Ѓоковиќ, откри што му рекол Србинот.

Стако, како си човече? Дали си на фронт? Размислувам за тебе и се надевам дека се ќе се смири наскоро. Те молам, кажи ми кој е најдобриот начин да се испрати помош... Финансиска или каква било друга помош - му рекол Ѓоковиќ на Стаховски.

Украинецот на почетокот на годината донесе одлука да ја заврши кариерата, а настаните во неговата земја го принудија да облече униформа и покрај тоа што поради тоа наиде на недоразбирање на сопругата.

Неодамна изјави дека неговите деца не ни знаат каде е.

The post „Те мислам, како ти да испратам помош“: Стаховски ги покажа пораките од Ноле appeared first on Република.

Украинскиот тенисер Сергеј Стаховски го привлече внимание во светската јавност кога ја донесе одлуката да се врати во својата татковина и да ѝ се приклучи на војската.

Тенисерот беше и меѓу погласните јавни личност кои застанаа на страната на Новак Ѓоковиќ во случувањата со Австралија опен годинава, а сега открива дека неговиот српски колега му ја возвратил поддршката.

Ѓоковиќ ми испрати порака за поддршка, малку зборувавме. Се обидов да ги контактирам Роџер Федерер и Рафаел Надал, но не ми одговорија. Жал ми е што избраа да молчат. Ги разбирам, ова не е нивна војна. Имам поддршка од прекрасни личности, важно е таа да продолжи. Во спротивно, кога ќе заврши со Украина, Путин ќе почне да ја бомбардира Европа, изјавил Украинецот во интервју за „Ла Стампа“.

Стаховски ги пофалил и своите руски колеги Данил Медведев и Андреј Рубљов.

Тие се добри момци, го разбираат ѕверството на оваа војна. Се трудат да направат нешто, другите тоа не го прават. Добив над 100 пораки од тенисерите во светот, сите се во шок, изјавил Стаховски.

The post Стаховски: Жал ми е што Федерер и Надал избраа да молчат, но ги разбирам ова не е нивна војна appeared first on Република.