Италијанскиот кошаркарски тренер, Серџо Скариоло, е главниот претендент од идната сезона да биде нов тренер на Реал Мадрид. Според новинарот на „СДНА“, Георге Закас, претставници на двете страни активно преговараат.

Шеесет и двегодишниот Италијанец моментално го предводи Виртус од Болоња, со кој не успеа да избори место во плејофот во Евролигата. Виртус е 14. во поредокот со скор 13-20.

Скариоло е и селектор на шпанската репрезентација и го предводеше тимот до победата на Европското првенство во 2022 година.

Претседателот на Кошаркарската федерација на Шпанија, Хорхе Гарбахоса веќе изјави дека не му пречи ако Скариоло го води Реал Мадрид. Според него, работата во мадридскиот клуб ќе му овозможи на тренерот повнимателно да го следи развојот на шпанската кошарка.

The post Скариоло во сериозни разговори за да биде иден тренер на на Реал Мадрид appeared first on Република.

Тренерот на Виртус Болоња и селектро на шпанската копаркарска репрезентација, Серџо Скариоло, зборуваше за тешкотиите со кои се соочуваат европските кошаркарски стручњаци во НБА-лигата.

Никогаш не верував дека ќе станам главен тренер во НБА. Дури и кога конкурирав за оваа позиција, го немав тоа чувство. Тие не се подготвени на тој чекор во моментов. Никогаш не се знае што ќе се случи во иднина, но сега не гледам можност европски специјалист да дојде од Европа и да стане главен тренер во НБА без да работи како асистент неколку години. Прашањето е колку години мислат дека ти требаат. Сепак, тоа е многу чудно. Ова е нивниот свет. Тие со задоволство прифаќаат таленти, играчи, тренери, па дури и агенти кога можат да и помогнат на организацијата да се подобри. Но, давањето на клучевите на странците и доверувањето на највисоката лидерска позиција е далеку уште неколку години - изјави Скариоло.

Италијанскиот стручњак работеше како помошен тренер во Торонто од 2018 до 2021 година, тим со кого стана шампион во НБА (2019 година) со овој тим.

Досега единствениот Европеец, кој бил прв тренер на еден НБА клуб е српскиот стручњак Игор Кокошков, кој во сезоната 2018/2019 го предводеше Феникс санс. Сепак, Кокошков, пред тоа беше асистент во неколку екипи, како и на универзитетот Мисури, од 1999 година.

Кокошков беше на клупата на Феникс само една сезона, по што повторно во два наврата имаше позиција на асистент, во Сакраменто и во Далас во моментов.

The post Скариоло: Во НБА не се подготвени да дозволат европски тренер да предводи некој од тимовите appeared first on Република.