Oпштина Сарај не доби финансиска подршка од повикот на владата, иако аплицираше регуларно и навремено во надлежните институции, реагираат од општината.

Односно, главен одговорен за тоа е Министерството за екологија и животна средина предводена од Изет Меџити, која и после 4 месеци и пуштени две ургенции од страна на општината, го блокираше и не даде согласност на проектот за патот во село Ласкарци. Поточно, ресорното министерството според предвидените рокови со закон, требаше да даде согласност најкасно до 19 Јули 2024 година, кое сеуште не го сторилa. Истотака, општината за овие обструкции го извести писмено и Министерството за локална самоуправа.

 

Истотака, владата не го подржи и вториот проект, односно, проектот за патот Долно Свиларе - Горно Свиларе, кое ги има сите потребни технички документи.

 

Затоа, не можете да ги измамите жителите на Сарај дека се грижите и сте подготвени како централна власт да помогнете и да издвоите средства за проекти кои доаѓаат од оваа општина.

 

Немојте повеќе со измислици и празни изјави, само дајте согласност за предметниот проект и не го чувајте во „фиока“ како што тоа го правите од јули оваа година.

Каде е закочена работата и кој го попречува предметниот проект, секој може лесно да увиди и докаже од следните документи, се наведува во реакцијата од општина Сарај.

The post Општина Сарај: Не добивме финансиска поддршка од Владата иако аплициравме регулрано и навремено appeared first on Република.

На 7.10 во 18.08 часот во Полициското одделение Сарај било пријавено дека во парк во с.Сарај, скопско, со повреди од остар предмет бил пронајден З.Ш.(20) од с.Крушопек, скопско.

Лицето било пренесено во Комплекс клиники „Мајка Тереза“ за укажување помош, а според неговата изјава, околу 16.30 часот во парк во Сарај едно лице го нападнало со остар предмет и му ги нанело повредите.

Се преземаат мерки за расчистување на случајот, велат од МВР.

The post Избодено момче пронајдено во паркот во Сарај appeared first on Република.

Вчера во 06.30 часот во СВР Скопје било пријавено дека И.М.(58) од с.Долно Свиларе, Скопско, додека извршувал работни задачи во фирма во с.Сарај, скопско, се здобил со тешки телесни повреди, по што бил пренесен во Комплексот клиники „Мајка Тереза“ за укажување лекарска помош.

Излезено било на местото на настанот од полициски службеници од СВР Скопје и известен бил трудов инспектор.

The post Работник тешко се повредил во фирма во Сарај appeared first on Република.

На предлог на Министерството за локална самоуправа, Владата на денешната 27. седница, ја разгледа и усвои Информацијата во врска со Одлуката за престанок на мандатот по сила на Закон за градоначалникот на општината Сарај и донесе Одлука за престанок на мандатот по сила на Закон за градоначалникот на општината Сарај, по верификацијата на неговиот мандат како пратеник.

Владата денеска ја одржа 27 седница, на која, како што информираат од владината прес-служба, на барање на Министерството за здравство, донесе препораки во врска со новиот топлотен бран што се очекува од утре да ја зафати целата држава.

Градоначалникот на Општина Сарај, Блерим Беџети се повлече од функцијата градоначалник откако му беше верификуван пратеничкиот мандат во Собранието, како пратеник од редовите на ДУИ.

The post Владата донесе одлука за престанок на мандатот на градоначалникот на општината Сарај appeared first on Република.

Арбен Таравари вечерва и официјално потврди дека е подготвен законот со кој се очекува до локалните избори во октомври следната година да нема нови избори во Гостивар, Аеродром и Сарај.

-Замислете кампања да направи некој кандидат за градоначалник само за десет месеци и да излезат да речеме 30, 50, 701 илјади граѓани да гласаат за да изберат градоначалник кој ќе биде за само десет месеци. Ако сакаме да ги редуцираме трошоците, истиот в.д. градоначалник практично би имал два пати по шест месеци мандат. Тоа е решението што го предлагаме како Алијанса за Албанците. Се надевам да биде поддржана и од другите партии, рече Таравари панел-дискусијата „Ни ‘ваши’, ни ‘наши’ – Реформа  за поддршка на стручните лекари“.

Коалицијата Вреди деновиве се очекува да поднесе предлог за да не се организираат избори ако до редовниот термин има помалку од две години, што е половина од мандатот. Законите се очекува да одат по скратена постапка и треба да се донесат до изборот на новата влада.

Во  Општина Сарај веќе е назначен Иљас Весели на местото на пратеникот Блерим Беџети.

Повеќе информации, како што објави ТВ Телма, ќе донесе утрешната координација кај спикерот Африм Гаши, каде ќе се договори динамиката за работа на Собранието и дали до крајот на оваа недела ќе има нова седница за избор на потпретседатели.

Според Телма, ако се изберат, обврските на Гаши нема да го попречат менувањето на законите и изборот на Влада, како што се планира, кон средината на наредната недела.

The post Аеродром, Гостивар и Сарај да добијат нови градоначалници без избори, Таравари откри детали за законот appeared first on Република.

Откако градоначалникот на Општина Сарај, Блерим Беџети, доби пратенички мандат, на неговото место до следните локални избори ќе биде Иљас Весели, советник во оваа општина.

Изразив честитки за мисијата што ја презеде г. Иљас Весели. Исто така, изразив подготвеност за безрезервна поддршка, со единствена цел Општина Сарај да ја одржи динамиката на реализација на проектите кои се од интерес за сите жители на нашата општина, информира Беџети со објава на својот Фејсбук профил.

Беџети во објавата посочува дека по повод почетокот на ангажманот на Иљас Весели за заменик градоначалник, имал чест заедно со претседателот на Советот Муса Алили да разговараат за настанатата состојба, како и за непреченото одвивање на работните процеси, врз основа на законските надлежности.

The post Иљас Весели ќе го замени Блерим Беџети на градоначалничкото место во Општина Сарај appeared first on Република.

Голем скандал се случи денес на натпревар од Детска лига и тоа на теренот во Сарај во Скопје.

Имено, на мечот меѓу Сарај и Фит Кид, генерација 2012 година, се случи тепачка меѓу родители.

На видеото кое го објави sportsport, се гледа како неколку возрасни лица, веројатно родители на дечињата се пресметуваат меѓу себе додека фудбалерчињата се чудат што се случува.

https://youtu.be/UBKd1Xk7QzM

The post Родители се тепаат на детски фудбалски натпревар, дечињата вознемирени appeared first on Република.

Градоначалникот на Општина Сарај и актуелен организациски секретар на ДУИ, Блерим Беџети, соопшти дека градоначалничката фотелја ќе ја замени за пратеничка во Собранието.

Од денеска започнува моето ново патување како пратеник во Собранието. Ветувам дека ќе бидам гласот на волјата на народот и ќе докажам дека легитимитетот на албанскиот глас му припаѓа на Европскиот фронт. Продолжуваме обединети за европска држава и подобар економски развој, напиша Беџети на Фејсбук.

Тој беше пратеник од 2006 до 2009, а и министер за правда во периодот 2011-2014 година.

The post Сарај ќе добие нов градоначалник зошто Блерим Беџети се одлучи да остане пратеник appeared first on Република.

Утре од 21 часот до пет часот в недела дел од Скопје ќе остане без вода. Од ЈП „Водовод и канализација“ информираат дека ќе се врши зафат за приклучување на селата во Сарај на градскиот водовод, како и менување цевки на Водно.

„Заради решавање на долгогодишниот проблем со водоснабдувањето во 12 населени места во Општина Сарај, ќе се врши зафат за приклучување на мрежата, кој ќе почне в сабота во 21 часот и се предвидува да заврши до пет часот наутро в недела. Заради реализацијата на оваа реконструкција се очекува намалување на притисокот на водоснабдувањето за граѓаните во Општина Сарај и дел од Општина Ѓорче Петров“, велат од „Водовод и канализација“.

Без вода ќе бидат и жителите од реоните Водно и Козле, Клиничкиот центар „Мајка Тереза“, ЈЗУ Универзитетска клиника за респираторни заболувања кај децата Козле-Скопје, Вила Водно и резиденцијални објекти во реонот Водно. Од „Водовод“ велат дека во овие делови од Скопје ќе се реконструира водоводната мрежа во Центар, и тоа реон Водно, за да немало загуби на вода. Од претпријатието не кажуваат зошто мора во ист ден да се вршат два зафата во различни делови на градот.

Најава за приклучување на Сарај на водоводот имаше пред три месеци, но тогаш од претпријатието пратија само куса информација во која беа наведени населбите кои ќе останат без вода, Откако медиумите ја објавија информацијата дека Скопје ќе биде без вода, интервенцијата беше откажана.

The post Утре од 21 часот до пет часот в недела дел од Скопје ќе остане без вода appeared first on Република.

Министерството за внатрешни работи информира дека на 1 мај околу 18.15 часот во Сарај е пронајдено 5-годишно дете

За детето денеска околу 16.20 часот во ПО Сарај од страна на М.Х. било пријавено дека се оддалечило во паркот Сарај.

Веднаш по добиената пријава, од страна на полициски службеници на СВР Скопје преземени се мерки и активности за пронаоѓање и околу 18.15 часот детето е пронајдено, информира МВР.

The post Брза реакција на полицијата: Пронајдено 5-годишно дете кое се оддалечило во паркот Сарај appeared first on Република.

По еден долг од убедливиот пораз СДСМ и Коалицијата за европска иднина денеска ќе бидат со граѓаните на Сарај и Чучер Сандево

Караванот го предводи претседателот на СДСМ и лидер на Коалицијата за европска иднина, Димитар Ковачевски, заедно со носителите, коносителите и останатите кандидати за пратениците.

Во 18:00 часот, претседателот на Социјалдемократскиот сојуз на Македонија, Ковачевски ќе биде дел од Европскиот караван на СДСМ и Коалицијата за европска иднина пред плоштадот во Сарај.

https://republika.mk/vesti/makedonija/pasok-na-bihaka-ni-vo-najdobrite-vremina-na-vmro-dpmne-sdsm-nikogash-ne-bil-pod-200-000-glasovi/

Потоа, во 19:30 часот, претседателот Ковачевски, ќе присуствува и ќе се обрати на граѓанскиот собир како дел од кампањата за парламентарните избори „Нема откажување од иднината “ во Чучер Сандево, на плоштадот во с. Кучевиште

The post СДСМ излезе од дупката: Шокот од поразот ќе го лечи во Сарај и Чучер Сандево appeared first on Република.

Во тек е народениот митинг на ВМРО ДПМНЕ во скопската општина Сарај. Преносот може да го следите на овој линк

https://www.youtube.com/live/E2z-0BHCAbk?si=-RDwymV8zrWBmLYn

The post ВО ЖИВО: Народен митинг на ВМРО ДПМНЕ во Сарај appeared first on Република.

На партијата на Изет Меџити Демократското движење, денеска ѝ се приклучија целокупни структури на Демократската унија за интеграција од Сарај, сподели тој преку својот Фејсбук профил.

Меѓу личностите кои му се придружуваат на Изет Меџити се голем број носители на политичкото делување на ДУИ во огранокот Сарај, додека меѓу нив се: Мухамед Рама, претседател на подогранокот Радуше, поранешен претседател на Советот на Општина Сарај, актуелен општински советник, Зухејр Реџепи, член на огранокот на Сарај од Горно Свиларе, Насер Мухареми, поранешен претседател на подогранокот на Долно Свиларе, основач на ДУИ и поранешен борец, додека сличен чекор има и поранешниот портпарол на Огранокот на ДУИ во Сарај, познатиот новинар Африм Таналари. И се приклучија на Демократското движење, кое е основано за да направи политички промени во земјата и Селајдин Белули, член на подогранокот Сарај од формирањето на ДУИ, Мухамед Елмази, претседател на подогранокот Сарај и член на Генералниот совет на ДУИ, а во моментов советник во Град Скопје, Арсим Рустеми, член на огранокот во Сарај од подогранокот од Арнаќија и Ајрула Мустафа, член на огранок Сарај од подогранок Семениште. Голем интерес искажа уште еден голем дел од структурата на ДУИ, од кои се очекува многу брзо да се приклучат на идејата за големата промена и борбата против корупцијата и индивидуалните интереси. Демократското движење под наслов: „Чесното патување продолжува“ соопштува дека за координатор на Демократското движење за огранокот во Сарај го назначува Мухамед Елмази, советник во Град Скопје, економист и докажан политички активист, додека Мухамед Рама е именуван за заменик координатор, Претседател на Советот на Општина Сарај, магистер по политички науки и истакнат политички активист, велат од партијата.

The post Огранок на ДУИ од Сарај се приклучува кон партијата на Изет Меџити appeared first on Република.

Поради уличен дефект на улицата „6“ број 17 во Сарај, прекинато водоснабдување имаат корисниците на дел од оваа улица, информираат од ЈП „Водовод и канализација“ - Скопје.

Водоснабдувањето ќе биде прекинато се до санирање на дефектот.

The post Без вода дел од Сарај поради уличен дефект appeared first on Република.

Поради технички зафати во електро дистрибутивната мрежа, утре без електрична енергија ќе останат дел од корисниците во општините Ѓорче Петров и Сарај.

- Од 05:00 до 07:00 часот, без струја ќе биде дел од село Волково во Општина Ѓорче Петров и селата Кондово, Горно и Долно Свиларе, Грачани, Радуша, Дворце, Копаница, Рашче, Бојане, Сарај, Глумово, Грчец, Шишево, Арнакија, Паничар и Раовиќ во Општина Сарај, информираат од Регионалниот центар за управување со кризи на Град Скопје.

Во понеделник, на 11 септември, без струја ќе бидат дел од општините Аеродром, Ѓорче Петров и Карпош.

-Од 08:30 до 12:00 часот, без струја ќе бидат корисниците од ул. „Ѓорѓи Андреевиќ Кун“ во Општина Аеродром, од 08:30 до 12:30 часот корисниците од дел од нас. Волково, поточно улиците бр. 22 и бр. 60. во Општина Ѓорче Петров, а од 08:30 до 13:30 часот, корисниците од дел од ул. Ванчо Мицков во Општина Карпош, соопштија од РЦУК на Град Скопје.

Во вторник, на 12 септември, без електрична енергија ќе останат дел од корисниците од општините Карпош и Илинден.

-Од 09:00 до 15:00 часот, без струја ќе бидат корисниците од делови од улиците „Московска“, „Лондонска“, „Бриселска“ и „Гаврил Лесновски“ во Општина Карпош, а од 10:00 до 13:00 часот, корисниците од дел од село Марино во Општина Илинден, се наведува во соопштението од РЦУК на Град Скопје.

The post Утре без струја дел од општините Ѓорче Петров и Сарај appeared first on Република.

Утре во текот на претпладневните часови ќе има посебен сообраќаен режим на автопатот А2, клучка за Сарај и на улицата „Љубин“ во Сарај.

Како што информираат од ЕВН Македонија АД, посебниот сообраќаен режим ќе биде воведен поради изведба на проект за демонтажа на енергетскатата мрежа.

The post Во Сарај утре посебен сообраќаен режим appeared first on Република.

Полициски службеници од Одделението за криминалистички работи Ѓорче Петров денеска го лишиле од слобода Р.М.(43) од скопско.

При претрес извршен со судска наредба во неговиот дом во општина Сарај, биле пронајдени автоматска пушка и пет куршуми. Лицето е приведено во Полициска станица и по документирање на случајот ќе биде поднесен соодветен поднесок, се наведува во соопштението од МВР.

The post Апсење во Сарај, пронајдено оружје appeared first on Република.

Синоќа се запалил електричниот столб на улица 20 во скопската населба Сарај, а како последица на тоа во пожарот биле зафатени и станбена куќа и кафуле.

Од Секторот за внатрешни работи Скопје велат дека нема повредени, но е евидентирана материјална штета.

„На 14.07.2023 година во 21,00 часот, пријавено е дека на патниот правец 20 во село Сарај во магацин од продавница, сопственост на С.О.(48) избувнал пожар. Повредени лица нема, а пожарот е изгаснат од Бригадата за противпожарна заштита“, соопшти СВР Скопје.

The post Пожар избувна синоќа во скопски Сарај, зафатени зграда и кафуле appeared first on Република.

Министерството за внатрешни работи информира дека Е.М. од Сарај денеска добил кривична пријава по брза постапка постапувајќи по пријава од вчера дека извршил обљуба врз свој малолетен роднина во Шуто Оризари.

- Денеска (07.07.2023) Одделението за крвни деликти - Единица за насилен криминал при СВР Скопје поднесе кривична пријава по брза постапка против Е.М.(27) од с.Сарај, скопско, постапувајќи по пријава од 06.07.2023, според која тој, на подрачјето на Шуто Оризари, извршил обљуба врз неговиот малолетен роднина. Е.М. е изведен пред судија на претходна постапка, велат од МВР.

The post Жител на Сарај си го обљубил роднината appeared first on Република.

Вчеравечер во 23.20 часот во СВР Скопје било пријавено дека на крстосница од ул.„20“ во с.Сарај, скопско, и локален пат за с.Глумово, скопско, се случила сообраќајна несреќа помеѓу патничко возило „фолксваген голф“, управувано од Р.П.(33) од с.Глумово и мопед „априлија“, управуван од А.А.(19) од с.Сарај, двете со скопски регистарски ознаки.

Во несреќата со тешки телесни повреди се здобил возачот на мопедот, констатирани во Градската општа болница „Св.Наум Охридски“.

Извршен бил увид од увидна екипа од СВР Скопје.

The post Тешко повреден 19-годишник на мопед appeared first on Република.