Во време кога пазарите тежат од црвени пиперки за подготвување на ајвар, искористете ги и за оваа вкусна кремаста салата која ќе ви ја размрда трпезата и понудата за гости.

Состојки:

6 или 7 црвени пиперки
100 гр мајонез
200 гр кисела павлака
1 чешне лук
малку сечкани листови магдонос
2-3 лажици јаболков оцет (може да користите и лимон или алкохолен оцет - користете помалку)
сол (1 лажичка или по вкус)
бибер
малку шеќер (1 лажичка или по вкус)

Подготовка:

https://youtu.be/u5hibnNGUXs?si=FyG2sJCOK_8rrqJ4

The post Мезе за лижење на прсти: Кремаста салата од пиперки – ајварки appeared first on Република.

Рецепт за супер салата од пченка.

СОСТОЈКИ:

500 гр пченка

200 гр павлака

100 гр мајонзе

1 лажичка сол

копар

1/2 лимон

1 главица кромид

Пченката згответе ја, процедете и измијте со ладна вода. Измешајте павлака, мајонзез, исечкан кромид и копар, цеден лимон или половина лажица оцет. Додајте пченка, измешајте и салатата е готова.

https://www.youtube.com/watch?v=ZNDZB8zNABo

The post Супер салата од пченка appeared first on Република.

Лепа Брена никогаш не изгледала подобро, велат сите што ги виделе нејзините најнови фотографии од одморот. Популарната пејачка крстосува со својата јахта по јадранското крајбрежје уживајќи во убавините на морскиот живот. Слободните моменти Брена, покрај за пливање и сончање, ги користи и за лесни вежби. Сепак, тајната на нејзината беспрекорна фигура на 62-годишна возраст лежи, пред сѐ, во здравата исхрана. Вода со лимон, овошје, смути, риба, ова се ѕвездите на нејзиното мени.

Мојот прв дневен ритуал е чаша млака вода со неколку капки лимон, по што следи оброк, кој најчесто се состои од лесно смути. Во текот на денот, јадам многу освежително овошје и секогаш имам при рака вода со лимон. Избегнувам млеко и млечни производи, сѐ освен кефир, леб речиси и не јадам. Најмногу сакам салати со сардини и зеленчук, со додавање на брусница, мелени ореви, морска сол, квалитетно маслиново масло и многу сок од лимон. Сакам риба на сите начини – откри фолк-пејачката.

Љубителите на кулинарството ја препорачуваат сардината како додаток на јадењата, не само поради нејзиниот специфичен вкус, туку и поради тоа што овој вид ситна риба е полна со протеини и омега-3 масни киселини, кои благотворно дејствуваат на здравјето.

The post Салатата на Лепа Брена е идеална за оние што сакаат да ослабат appeared first on Република.

Оброкот со салата е одлична идеја кога надвор е пеколно топло, затоа пробајте го овој рецепт за салата од зелка.

Зелка салата најчесто се јаде со печено месо, но ако додадете чери домати, тврдо сирење по желба, како и грчки јогурт, ќе направите салата од зелка на која никој нема да може да и одолее. Лесна, освежувачка и ќе ве засити.

Состојки:

350 гр зелка
1 млад кромид
малку свеж власец
180 гр домати
40 гр тврдо сирење
3 супени лажици грчки јогурт

Подготовка:

Изрендајте ја зелката, па додајте сечкан млад кромид.
Потоа додајте ги сечканите чери домати, ренданото сирење и сечканиот власец.
Зачинете со сол и бибер, па добро измешајте, па додадете го грчкиот јогурт и повторно измешајте.

The post Лесен оброк за топлите летни денови: Еве како да направите освежителна салата од зелка appeared first on Република.

Новиот летен хит - салата од лубеница, краставица, кромид и „фета“ сирење е идеален за освежување во текот на топлите месеци.

За овој рецепт потребни се:

50 милилитри маслиново масло, две лажички вински оцет, половина кафена лажичка сол, 400 грама лубеница, 150 гр. свежа краставица, половина глава црвен кромид, грст нане и 150 гр. од исечкано „фета“ сирење.

Подготовка:

Лубеницата се чисти од семките и се сече на помали парчиња. Кромидот, исто така, се чисти, лупи и се ситни. И краставицата - излупена, се сечка на коцки. Некои тоа го претпочитаат во издлабената кора од лубеницата.

Во друг сад, се мешаат маслиново масло, оцет и сол. Се мешаат сите состојки освен нането во претходниот сад. Салатата се чува во фрижидер, а пред сервирање се посипува со нането.

 

View this post on Instagram

 

A post shared by Tasty (@buzzfeedtasty)

The post Лубеница со кромид звучи чудно, ама оваа летна салата е вистински хит appeared first on Република.

Џулија Робертс (55) изгледа феноменално, пред се затоа што редовно вежба. За да го поддржи својот тренинг на најдобар можен начин, актерката се потпира на здрава исхрана.

Нејзиниот омилен летен рецепт е оваа фитнес салата, која е здрава и многу вкусна.

Состојки:

За салата:

1 конзерва наут
1 китка измиен и сушен спанаќ
2-3 моркови, исечени на тенки стапчиња
1 шака ореви
80 гр фета сирење, распарчено
бибер

За преливот:

3 супени лажици оцет
1 лажица сенф
80 мл маслиново масло
сол
бибер

Подготовка:

Наутот процедете го, а потоа добро исплакнете под ладна вода додека не се исчисти пената. Ставете во сад.

Во помал сад измешајте ги оцетот, сенфот, солта и биберот за преливот. Потоа полека измешајте во маслиновото масло додека сè не се соедини. Готовиот прелив оставете го на страна.

На наутот додадете го останатиот зеленчук. Измешајте фета и ореви и зачинете ја салатата со сол и бибер. Послужете веднаш.

The post Фитнес салатата на Џулија Робертс е идеална за летните денови appeared first on Република.

Ова турска салата се подготвува брзо и иако ја викаат кафанска, доволно е вклусна за да се послужи како главно јадење во лето, кога организмот бара полесна храна.

Потребно:

• 3 модри патлиџани
• 5 печени црвени пиперки
• 2 главици црвен кромид
• 500 грама сос од домати
• 700 гр. кисела павлака
• Масло, магдонос, бибер, сол, црвена пипер

Подготовка:

Модриот патлиџан исчистете го и исечкајте го, посолете и пржете го на масло. Нека се исцеди од маснотиите. Во друго масло пропржете ја пиперката. Потоа во друга тава пропржете ги кромидот и сосот од домати. Потоа во сад наредете ја салатата: прво ставете павлака, одозгора додадете ја пиперката, па сосот од домати, па модриот патлиџан. Зачинете сè и одозгора ставете свеж магдонос. Уживајте!

https://youtu.be/HL5kxLyGMA0

The post Сте пробале ли Турска кафанска салата? appeared first on Република.

Рецепт за кремаста и вкусна салата од моркови. Ја нареков “Велигденска салата” бидејќи се ближи Велигден, а морковот ме инспирираше така да ја наречам. Инаку толку е вкусна, а многу едноставно се приготвува, што можете кога сакате да ја правите.

Ова е брза и ефектна салата со убав изглед и вкус. За да ја приготвите ќе ви бидат потребни следните состојки: 4 варени моркови, 50-80 г фета сирење, 2 чешниња лук, 1 филџан шолја кикирики, сол по вкус, 5-6 полни лажици кисела павлака и магдонос за декорација.

Постапка: морковите сварете ги, изладете ги па изрендајте ги на крупно ренде. Потоа додајте 50-80 г фета сирење или некое друго по ваш вкус. Потоа додајте ситно сечкано или изгмечано лукче (2 чешниња се доволни, но по вкус може да додадете и повеќе).

Посолете по вкус, а потоа додајте крупно мелени кикирики, околу една мала шолја. Во смесата додајте 5-6 полни супени лажици кисела павлака. Мерките се одокативни, па мора да пробате и според вкус да додадете уште малку од некоја од состојките.

Кикириките даваат одлична текстура и вкус, морковите слаткаст вкус, а сето тоа се надополнува со вкусот на лукот. Добро промешајте додека да се изедначи смесата. Доколку сакате, смесата можете да префрлите во чинија за сервирање и да ја обликувате како сакате.

https://www.youtube.com/watch?v=sJMQt-gToyY

извор: нмд.мк

The post Велигденска салата со моркови, сирење, павлака и кикирики appeared first on Република.