Најмалку шест лица загинаа, а 11 се повредени во руски ракетен напад врз јужниот украински град Криви Рих, изјави украинскиот претседател Володимир Зеленски. Криви Рих е родниот град на украинскиот претседател.

-Секој ден и секој час рускиот терор докажува дека Украина заедно со своите партнери треба да ја зајакне својата воздушна одбрана, објави Зеленски на социјалните мрежи.

Тој објави видео на кое се гледа како пожарникарите се борат со огнот, а спасувачите креваат бетонски блок од урнатините. Еден човек бил изнесен на носилки.

Оштетени се административна зграда и станбен блок, соопшти Украинската јужна воена команда

The post Руски ракетен напад врз Криви Рих, најмалку шест мртви appeared first on Република.

Во рускиот ракетен напад во Одеса загинаа 14 лица, меѓу кои локални жители, лекар и спасувач, а 46 лица се повредени, меѓу кои седуммина вработени во Државната служба за итни случаи“, објави на „Телеграм“, претседателот на регионалната воена управа на Одеса, Олег Кипер.

Тој посочува дека на повредените им е пружена неопходна помош, а сите надлежни служби ги отстрануваат последиците од непријателскиот напад.

„Службите за спроведување на законот регистрираа уште едно злосторство извршено од Русите. Утре ќе биде прогласена жалост во Одеса и во регионот. Изразувам искрено сочувство до роднините на загинатите“, изјави регионалниот гувернер.

Оштетена е цивилната инфраструктура: станбени објекти, стопански објекти, автомобили.

The post Во рускиот ракетен напад во Одеса загинаа 14 лица, а 46 се повредени appeared first on Република.

Британскиот весник „Економист“, пишува дека при масовниот руски ракетен напад во Украина биле уништени фабрики за производство на гранати и беспилотни летала за украинските воени сили.

Како што пишува изданието, повикувајќи се на извор од украинската одбранбена индустрија, вооружените сили на Руската Федерација биле насочени кон одбранбени објекти, и, очигледно, тоа го извеле доста успешно. Руските проектили уништија инфраструктура на украинската војска во неколку региони на Украина.

Нападите имаа стратешко значење за непријателот да ја намали нашата способност за удар. Ова е битка за тоа кој може да уништи повеќе од непријателските оружја со долг дострел“, изјавил соговорникот во разговорот со новинарите на „Економист“.

Во исто време, извор од украинскиот Генералштаб уверува дека украинските вооружени сили зимава почесто ќе го напаѓаат Крим.

The post „Економист“: Руските проектили уништиле фабрики за производство на гранати и беспилотни летала за украинската војска appeared first on Република.