Познатата модна дизајнерка Росица Мршиќ повторно соработува со Еснаф, платформа за промоција, поддршка и поттикнување на македонските занаетчиски техники, претежно со вклучување на лица од најранливи категории. Во рамките на оваа соработка создадена e ‘Heritage’ колекцијата со цел да се зачува и да се негува традицијата на домашните занаети и рачна изработка.

Колекцијата е дизајнирана од познатата дизајнерка Росица Мршиќ и содржи современо дизајнирани рачно изработени модни додатоци инспирирани од богатото македонско културно наследство. Во колекцијата се вклучени: плетени, везени и чанти изработени со таписерија техника, ткаени појаси и обетки изработени од материјали остатоци од домашната кожарска индустрија, сите создадени по принципот на бавна мода и одржливи. Во секое парче од колекцијата е вклучена голема љубов и посветеност од локални занаетчии и изведувачи.

Оваа колекција ќе биде достапна за продажба во Pop Up продавница ‘Ready, Steady, Shop’ организирана од Еснаф во партнерство со Моден викенд и East Gate Mall, како и на онлајн продавницата на Еснаф. Продавницата се наоѓа на први кат и ќе работи од 15 до 31 март 2024.

The post Нова модна соработка помеѓу дизајнерката Росица Мршиќ и платформата Еснаф appeared first on Република.

Модната дизајнерка Росица Мршиќ ја лансира новата лимитирана капсуларна „Блум“ колекција со која го продолжува својот моден израз на употреба авторски дизајнерски решенија и принтови во своите колекции. Изработена со голема посветеност и внимание и „нула” отпад во производствениот процес, оваа колекција на женски блузи е со препознатливи рачно изработени детаљи, карактеристични за дизајнерката, и безвременски дизајн.

Блузите се изведени во прилагодлив крој за да одговараат на сите величини, изработени од памук во бела и црна боја. „Блум“ колекцијата е создадена да ја мотивира женската индивидуалност и креативност.

Блузите можат да се комбинираат со различни парчиња облека за постигнување софистициран изглед за различни прилики во текот на целиот ден.

Колекцијата, освен што е направена според принципите на општествено одговорна изработка има и хуманитарен карактер, 10% од секоја продадена блуза од оваа колекција, е наменета за помош на децата во СОС детско село Македонија.

Росица Мршиќ е интернационално наградувана македонска дизајнерка, активна со својот бренд уште од 2008 година на домашниот и странскиот пазар.Таа применува соработка со домашната модна индустрија, со уметници, артизани, лица од ранливи категории во изработка на своите колекции и модни додатоци и создава колекции во соработка со други брендови.

The post 10 отсто од секоја продадена блуза од новата колекција на Росица Мршиќ е наменета за помош на децата во СОС детско село appeared first on Република.