Селекторот на репрезентацијата на Холандија, Роналд Куман, по поразот од Англија (1:2) во полуфиналниот натпревар од ЕП 2024, истакна дека неговата репрезентација има голем потенцијал.

- Уверен сум во иднината. Овој тим е способен за повеќе, а ние имаме повеќе играчи кои можат да го засилат тимот. Работевме добро заедно, се собравме и бевме блиску до финалето. Горд сум на овој тим, изјави Куман за сајтот на УЕФА.

Англија во финалето на ЕП 2024 ќе игра против Шпанија. Натпреварот ќе се одигра на 14 јули на Олимпискиот стадион во Берлин

The post Куман не се помирува со поразот од Англичаните appeared first on Република.

Селекторот Роналд Куман потврди дека сака да биде на чело на репрезентацијата на Холандија на Светското првенство во 2026 година.

-Во моментов немам други намери. Мислам дека нема да можат да се ослободат од мене во моментов, изјави селекторот со шеговит тон за весникот „Де Телеграф“.

Шеесет и едно годишниот Куман информираше и за здравјето на својата сопруга која се бори со ракот на дојката.

-Нејзиното здравје е добро. Навистина е на лекување, но тоа не е причина да престанам да работам, додаде поранешниот играч на Барселона.

Светското првенство во 2026 година ќе се одржи во САД, Канада и Мексико. На Евро 2024, Холандија се пласираше во полуфиналето, каде во среда во Дортмунд ќе се сретне со Англија

The post По добрите игри на ЕП: Куман сака да остане на клупата на Холандија appeared first on Република.