Еден од најдобрите светски фудбалери во деведесетите, Бразилецот Ромарио, објави дека се враќа на фудбалските терени на 58 години.

Бразилските медиуми објавија дека легендарниот стрелец и официјално е регистриран како играч на Клуб Америка, второлигаш од Рио де Жанеиро, чиј претседател е сега.

Доколку оваа вест се оствари, тоа ќе биде негово враќање на терените точно деценија и пол откако и официјално се повлече од фудбалските терени.

Ромарио ги закачи копачките во 2008 година, за една година подоцна да излезе од пензија и да одигра 20 минути за истата Америка, омилениот тим на неговиот покоен татко, во мечот со кој беа крунисани за шампиони во втората лига на Рио де Жанеиро.

За Америка играше и синот на Ромарио, Ромарињо.

Во објава на својата страница на Инстаграм, Ромарио напиша: „Нема да се натпреварувам во првенството, но ќе одиграм неколку натпревари за тимот на моето срце и ќе исполнам уште еден сон, играјќи заедно со мојот син“.

Фудбалскиот сојуз на Рио де Жанеиро ја потврди регистрацијата на Ромарио како играч, додавајќи дека тој ќе добие минимална плата, која ќе му биде донирана на клубот.

Ромарио е легенда на бразилскиот и светскиот фудбал. За бразилската репрезентација играше од 1987 до 2005 година и постигна 56 голови. Најголемиот успех го постигна во 1994 година, кога го освои Светското првенство за Бразил и беше избран за најдобар фудбалер.

Играше за некои од најдобрите бразилски клубови (Фламенго, Васко де Гама, Флуминенсе...) додека во Европа беше член на ПСВ Ајндховен, Барселона и Валенсиј

The post Ромарио се враќа на фудбалот на 58 години, ќе игра со синот appeared first on Република.

Поранешниот напаѓач на бразилската репрезентација, Ромарио, во интервју за бразилски медиум изјави дека само двајца фудбалери во историјата се подобри од него.

Ромарио смета дека тоа се покојниот Аргентинец Диего Армандо Марадона и Бразилецот Пеле.

За Кристијано Роналдо и Лионел Меси, кои ги соборија сите можни фудбалски рекорди во последните 15 години, Ромарио вели дека се рамноправни со него.

Ромарио како рамноправни ги издвои и сонародниците Роналдо и Роналдињо, а смета дека е подобар од играчи како Нејмар, Адријано, Бебето, Луис Суарез, Ривалдо, Халанд, Мбапе и Зико.

Ромарио го освои Светското првенство, откако го предводеше Бразил во 1994 година до титулата на Мундијалот во Соединетите Американски Држави. Едно време беше прогласен за најдобар играч на светот. Две сезони помина во Барселона, а играше и за Васко де Гама, ПСВ, Фламенго, Валенсија, Флуминенсе, Ал Сауд, Мајами и Америка.

Тој постигна повеќе од 700 гола во својата кариера и е еден од ретките што постигнал најмалку 100 гола за три различни клубови (Васко, ПСВ и Фламенго).

По играчката кариера Ромарио влезе во политиката, а до овој февруари беше потпретседател на бразилскиот Сенат.

The post Ромарио: Само двајца играчи во историјата се подобри фудбалери од мене appeared first on Република.