Резултатите од неодамнешно истражување пронашле врска измеѓу пржените компири и зголемениот ризик од смртта.

Студијата покажала дека луѓето кои јадат пржени компири барем два пати во неделата имаат двојно поголем ризик по својот живот за разлика од оние кои ја немаат оваа навика во исхраната.

Иако резултатите не докажале дека компирите директно ги „убуваат“ луѓето, тие едноставно покажуваат врска измеѓу луѓето кои преминале и нивните прехрамбени навики.

Имено, истражувачите ги испитувале навиките на 4.440 луѓе на возраст од 45 до 79 години и тоа во период од осум години. Вкупно 236 учесници починале по завршување на истражувањето, а тоа всушност биле оние кои јаделе пржени компири минимум два пати неделно.

Нутриционистот Џесика Кординг изјавила дека не е изненадена со овие резултати.

Пржените компири се храна која обезбедува многу калории, соли, трансмасни киселини, а минимално допринесува со хранливите состојки кои ги поседува. На телото повеќе му прават штета отколку корист – рекла Кординг.

Таа истакнува дека е важно што уште се јаде со компирот. Пример, неколку компирчиња со салата ќе доведат до поинакви ефекти врз здравјето за разлика од 200 грама помфрит во хамбургер.

The post Луѓето кои јадат помфрит двапати во неделата имаат двојно поголем ризик за прерана смрт appeared first on Република.

Се зголемува ризикот од појава и проширување на епидемија од мали сипаници во државата бидејќи опфатот со МРП вакцината е многу мал, апелираат здравствените работинци.

Најзагрижувачки се бројките во Битола, Струга, Гевгелија и особено Куманово каде што опфатот на вакцинирани е само 40,3 отсто.

Најмалку 95 отсто е потребно да бидат вакцинирано населението за да се постигне колективен имунитет. Во моментов, со прва доза од МРП вакцината се имнизирани 83 отсто, а со втора доза 74 проценти, што е далеку под минимумот кој е неопходен за постигнување на колективен имунитет, истакна епидемиологот д-р Кристина Ставридис од Инстутот за јавно здравје (ИЈЗ).

Таа заедно со примариус д-р Љиљана Којиќ, специјалист педијатар од Клиниката за детски болести, д-р Злате Мехмедовиќ, портарол на Комисијата за заразни болести и Патиција ДиЏовани, претставничка на УНИЦЕФ за Македонија говореа на брифингот за новинари за важноста од имунизацијата на населението.

Годинава е регистриран само еден случај на мали сипаници кај 13 месечно невакцинирано бебе од Свети Николе, каде опфатот со вакцина бил над 98 отсто, што придонело да не се појави епидемија.

Најдобро е вакцините да се примаат навремено, според календарот за имунизација, но и ако се одложи некоја вакцина, може да се стави подоцна. Но, важно е децата да бидат имунизирани, за да не се соочуваме со епидемии од болести кои треба да се сметаат за изчезнати или болести кои се јавувале и земале жртви пред да ги имаме вакцините како одлично средство во борбата со многу болести, рече д-р Ставридис.

Согласно календарот за вакцинација во Македонија, првата доза се дава кога детето ќе наполни 12 месеци, а втората на возраст од 6 години. Ако МРП вакцината не се прими со навршени 12 месеци и се одложи за понатаму, д-р Ставридис појаснува дека таа може да биде аплицирана подоцна. На пример, ако детето ја прими на две години, ревакцината се врши според календарот, на шест години. Доколку првата доза се прими по навршени шест години, ревакцинацијата се врши по еден месец.

Како што потсетуваат од Одделението за имунизација и вакцино - превентабилни заболувања при ИЈЗ, последната епидемија на мали сипаници беше во 2019 година со вкупно 1.901 заболено лице.

Над 80,5 отсто од заболените лица во епидемијата беа невакцинирани, некомплетно вакцинирани или со непознат вакцинален статус. Епидемијата заврши како резултат на интензивната вакцинална кампања со МРП вакцинација, со која беа опфатени над 44.000 деца до 14 годишна возраст, како најефикасна противепидемиска мерка. Таа година, опфатот со МРП вакцина надмина 93 проценти и за прва, и за втора доза. Но, веќе следната година со почеток на Ковид-19 пандемијата, вакциналниот опфат се намалува на 63,0 отсто за прва доза и 68.5 проценти за втора доза. Следните две години се бележи скромно зголемување на кое достигна 70.7 отсто за прва доза и 89.2 проценти за втора доза, во 2022 година. Нискиот опфат последните две години доведува до зголемување на бројот на невакцинирано, осетливо население на мали сипаници“, информираат од ова Одделение.

Примариус д-р Којиќ, говореше за компликациите што можат да настанат по прележување на морбили. Таа кажа дека во нејзиното претходно работно искуство, имало случаи на 11 деца со аутистичен спектар што не биле вакцинирани, па нагласи дека кај нив во никој случај не може да има поврзаност со вакцинирање. На родителите што сакаат да ги вакцинираат децата кои се алергични, им советува да се обратат за консултација на Одделот за имунологија, на Клиниката за детски болести.

Свое обраќање пред новинарите имаше и претставничката на УНИЦЕФ, Патриција ДиЏовани.

На настанот беше кажано дека МРП вакцината е безбедна и ефикасна, најдобар начин на превенција, комбинирана вакцина што обезбедува истовремена заштита против три сериозни болести, мали сипаници, рубеола и заразни заушки.

Причина за овие болести е вирусна инфекција. Најчесто се јавуваат во детската возраст иако може да заболат и возрасни лица. Беше нагласено дека не постои специфичен третман за овие болести, но, успешно може да се превенираат со навремена и редовна вакцинација.

Беше потсетено дека мали сипаници се високо контагиозно, респираторно заболување предизвикано од вирус што може да доведе до тешки компликации и смрт.

Рубеолата е вирусна респираторна инфекција која вообичаено предизвикува благи симптоми кај децата, како зголемена температура, осип и отечени лимфни жлезди. Кај децата може да помине и без симптоми, но кај бремените жени и нивниот плод може да предизвика сериозни здравствени компликации.

Заразните заушки - паротит, се вирусна респираторна инфекција која се манифестира со зголемена температура, главоболка и оток на плунковите жлезди. Вообичаено болеста поминува со блага клиничка слика, но кај одредени случаи може да предизвика сериозни компликации како воспаление на мозочните обвивки - менингитис, или воспаление на мозокот - енцефалитис. Ретка, но карактеристична компликација е губење на слухот. Секој четврти адолесцент или возрасен маж развива оток и воспаление на тестисите, што ретко може да доведе до неплодност.

https://republika.mk/zivot/zdravje/se-somnevaat-vo-vaktsinite-a-nikoj-ne-prashuva-kakov-e-kvalitetot-na-vaktsina-za-zholta-treska-bidejki-treba-na-maldivi-da-se-patuva-veli-prof-d-r-grozdanova/

https://republika.mk/zivot/zdravje/od-slednata-godina-i-momchinata-da-vaktsiniraat-protiv-hpv-virusot-predlaga-komisijata-za-imunizatsija-koja-odobri-i-19-godishni-devojki-da-se-vaktsiniraat/

The post Се зголемува ризикот од појава на епидемија на мали сипаници, бидејќи опфатот со МРП вакцината е мал, апелираат докторите appeared first on Република.

Русија прво беше закана затоа што беше силна, а сега претставува ризик затоа што и се заканува нестабилност, изјави денеска во Луксембург високиот претставник на ЕУ за надворешни работи и безбедност Жозеп Борел.

Минатиот викенд имаше „прекинат вооружен бунт“ во Русија, рече Борел по состанокот на министрите за надворешни работи на ЕУ.

Овие настани покажаа дека руската држава и личниот кредибилитет на (претседателот Владимир) Путин се ослабени, во најмала рака идека политичкиот систем покажува пукнатини. Русија прво беше закана затоа што беше силна, а сега е ризик бидејќи може да стане нестабилна“, изјави шефот на дипломатијата на ЕУ.

Борел додаде дека заклучокот од министерската дискусија е многу јасен, а тоа е да продолжи да ја поддржува Украина повеќе од кога било досега. Тој рече дека европската мисија за обука на украинската армија оди многу добро, досега се обучени 24 илјади војници и дека првично поставената цел од 30 илјади обучени војници до крајот на оваа година ќе биде исполнета многу порано.

The post Борел: Русија претходно беше закана, сега е ризик appeared first on Република.