Големите брендови како Лидл, Кока-Кола и Лореал мора да престанат да се рекламираат на проруските медиуми на Балканот, им порачаа членовите на Европскиот парламент на компаниите во писмото што го виделе новинарите од „Политико“.

Петнаесет брендови треба „ригорозно да ги преиспитаат своите рекламни политики за да се осигураат дека нема да ги финансираат, дури и ненамерно, медиумските куќи познати по ширење дезинформации“, се вели во писмото испратено во четвртокот од бугарскиот конзервативец Андреј Ковачев и 15 други пратеници од десниот центар, социјалисти и Зелените.

Целни компании се „Lidl“, „Delhaize Group“, „Procter & Gambler“, „Coca-Cola“, „A1“, „Yettel“, „Ferrero“, „Heineken“, „Mars“, „Mondelez“, „L’Oreal“, „GlaxoSmithKlein“ (GSK), „Bosch“, „Samsung“ и „Amazon“.

Ковачев за „Политико“ вели дека „антидемократските наративи претставуваат сериозна закана за демократијата“, особено „во оваа клучна изборна година“, мислејќи на изборите во ЕУ.

Претставниците на ЕУ и експертите за дезинформации предупредуваат на зголемен бран лажни вести на интернет и обиди на странски земји да влијаат врз гласањето пред изборите за Европскиот парламент во јуни.

Многу медиумски организации кои промовираат проруски дезинформации често користат реклами купени од реномирани компании за да го зајакнат својот кредибилитет“, вели Ковачев, додавајќи дека овие брендови не секогаш биле свесни дека на крајот може да „поддржуваат проруски пропагандни канали“.

Балканската иницијатива за слободни медиуми - невладина организација со седиште во Брисел која стои зад овој потег - во 2023 година објави дека светските брендови, преку агенции и фирми за ад-технологија, трошат стотици милиони евра на српски и бугарски медиуми кои шират владина пропаганда и поврзани приказни што ги поддржува Кремљ од почетокот на војната во Украина.

Огласувачите самите не ставаат реклами на интернет, технолошките компании го прават тоа наместо нив. За жал, ова води до искривување на информациите. Во овој момент, огласувачите треба редовно да ги проверуваат своите реклами за ова прашање. И бидејќи финансирањето на пропагандата и говорот на омраза е лошо за сите нас, сите ние треба да бараме потранспарентен систем за рекламирање“, објаснува Клер Аиткен, извршен директор на „Check My Ads“, непрофитна организација со седиште во САД која помогна во изготвувањето на извештајот.

Во писмото на пратеникот се наведува дека не се работи само за пари. Угледот и моќта на овие брендови „ненамерно им дава легитимитет на тие медиуми, што го влошува ширењето и влијанието на дезинформациите“.

Европратениците бараат од компаниите да застанат на страната на „вистината и интегритетот со внимателно прераспределување на буџетите за рекламирање подалеку од платформи кои ги компромитираат овие основни вредности“.

Портпаролот на „GlaxoSmithKlein“ (GSK) за „Политико“ вели дека компанијата не се рекламира на Балканот.

Портпаролот на Лидл вели дека тие веќе презеле акција „неколку месеци пред ова писмо“ и дека „значително го намалиле“ трошењето за реклами на проруски медиуми.

Лидл нема договорни односи со ниту еден „проруски медиум во Бугарија“, велат од компанијата.

Ниту една од другите целни компании не одговориле на барањето на „Политико“ за коментар до објавувањето на текстот.

The post „Не се рекламирајте на проруски медиуми на Балканот“: Европратеници им пишаа на Лидл, Кока-Кола и други големи компании appeared first on Република.

Сви су ту као некада, пишува Богдан Илиевски, споделувајќи ја фејсбук-сметката од која се финансираат повеќето функционери на СДСМ, како и медиумите, кои тука и црно на бело е докажано дека се на нивниот платен лист.

fb ads пазар | 29 јули 2023
И Џабир и Јорго и Таче и Заев и Биф и Бујар и Сречко гадниот и Скафандра, сви су ту као некада!, пишува Илиевски.

The post Само некни потрошени по 100 евра за секој: Од иста сметка се плаќаат рекламите за Таче, Заев, медиумите на Дерала… appeared first on Република.