Вложувањето во инфраструктурата на граничните премини, зајакнувањето на надзорот преку воведување интелигентен систем за видео надзор и препознавање на регистарските таблички, како и проектот за автоматизација на терминалите што треба да се имплементира во наредниот период, очекуваме значително да придонесе во подобрување на резултатите и од аспект на прибирање приходи и од аспект на сузбивање на криминалот, истакна директорот Бобан Николовски при работната посета на граничниот премин Ќафасан.

Николовски уште еднаш пред царинските службеници потенцира дека е многу важно да се работи на менување на свеста во насока на поголема професионализација на службата, бидејќи нивното секојдневно вложување значи вложување во подобрување на условите за живот на сите граѓани.

Во моментов на Ќафасан во тек се градежни активности за реконструкција и надградба на преминот, а како дел од Проектот за олеснување на трговијата и транспортот во Западен Балкан на Светска банка.

The post На границите се воведува систем за препознавање на регистарските таблички appeared first on Република.

Ние неодамна на една од владините седници поднесовме барање да се формира работна група со претставници од СОЗР, кабинет на претседател на Влада, кабинет на министер за добро владеење, министерство за финансии, министерство за внатрешни работи, за енергетика и рударство и генерален секретар. Практично сакаме да воведеме еден регистар на возила и истите да добијат соодветни таблици, односно таблици во боја што ни е и едно предизборно ветување кон граѓаните кое сега почнуваме да го исполнуваме, рече Ивица Томовски, директор на Службата за општи и заеднички работи во Владата на денешното гостување на телевизија 21.

Томовски информираше дека истото ќе се спроведе преку измени во два закона, Законот за возила и Законот за ствари во државна и во општинска сопственост.

Со тоа сметам дека ќе се исфрли, односно намали целосната злоупотреба на службените возила. Првите информации и детали ќе ги имаме кога ќе се формира работната група. Мислам тоа ќе биде во среда, а првиот состанок во петок и потоа ќе се знае првично во каква боја ќе се таблиците, дали ќе се разликуваат од институција до институција и слично, информираше Томовски.

The post Со обоените регистарски таблици ќе се намали злоупотребата на службените возила, очекува Томовски appeared first on Република.

Ознаките МК на регистарските таблички на возилата до 12-ти овој месец треба да бидат сменети со налепница на која пишува НМК, согласно дел од одредбите на Преспанскиот договор. Граѓаните се прашуваат дали повторно ќе се случи да треба да чекаат ред, сега за налепници. Од МВР велат дека тие ќе се подигаат во станицата за техничкиот преглед и ќе бидат бесплатни, а постапката ќе биде едноставна со тоа што сопственикот на возилото ќе ја подигне на шалтер и самиот ќе ја залепи на регистарската табличка.

https://republika.mk/vesti/makedonija/nalepnitsite-nmk-za-tablitsite-ke-se-prodavaat-vo-stanitsite-za-tehnichki-pregled/

Но, што ќе се случи со оние кои нема да успеат да си набават налепница по 12 февруари. Претходно министерот Спасовски рече дека за оние кои немаат НМК ознака не се предвидени казни, но сепак, како што е случај со пасошите, тие возила нема да можат да излегуваат надвор од државата.

Со цел да не мора да се менуваат табличките, иако е тоа обврска од Преспанскиот договор, Министерството за внатрешни работи најде решение тоа да се надмине со лепење врз онаму каде што пишува МК да се залепи фактички налепница НМК и фактички тоа ќе биде решението да не се изложуваат граѓаните на дополнителни трошоци и овие налепници зависно од обемот на табличката ќе чинат од 30 до 50 денари, вели портпаролот Тони Ангеловски за ТВ21.

The post Нема да има казни, но ќе нема излез од државата за возилата без НМК appeared first on Република.

Сопствениците на возила, заклучно со 12 февруари годинава мора да извршат промена на ознаката „МК“ на регистарските таблички со новата ознака „NMK“. Налепниците со новата ознака „НМК“ ќе чинат најмногу 50 денари, а ќе можат да се набават во станиците за технички преглед.

Од Министерството за внатрешни работи појаснуваат дека согласно Рамковната спогодба за набавка на регистарски таблици, склучен бил договор за нарачка со избраниот економски оператор, за што течат законските рокови за испорака на налепниците.

Согласно решението за изменување и дополнување на решението за цените на обрасците што ги издава Министерството за внатрешни работи, објавено во Службен весник на Република Македонија број 2 од 03.01.2024, цените на налепниците ќе се движат од 30 до 50 денари, наведуваат од МВР.

Според претходните најави од МВР, тие ќе бидат доставени до станиците за техничките прегледи, каде што граѓаните ќе може да си ги купат.

Обврската за користење на кодот „NMK“ на регистарските таблички е од Преспанскиот договор.

The post Налепниците „NMK“ за таблиците ќе се продаваат во станиците за технички преглед appeared first on Република.

Министерството за внатрешни работи (МВР) склучи договор за набавка на нови регистарски таблици, но и на налепници за регистрациите на кои ознаката МК ќе се замени со НМК.

Според официјалните податоци кои се достапни и објавени на сајтот на Бирото за јавни набавки достапни на следниот линк https://e-nabavki.gov.mk/PublicAccess/home.aspx#/dossie-acpp/6db99bb2-f46a-4cb2-82d8-51a31ae8f924 во спецификацијата за тендерот има и четири типа налепници за регистарските таблички кои се разликуваат според димензиите.

Според димензиите, МВР по различна цена ќе ги набавува налепниците. Па така за налепница со димензија 99×42 МВР ќе плаќа 35 денари, за налепниците со димензии 85х40 милиметри цената ќе биде 41 денар, налепниците со димензии 63х37 милиметри ќе чинат 35 денари и налепниците со најмала димензија знесува 29,5 денари за две налепници.

Засега од МВР нема информација која ќе биде продажната цена на налепниците.

Освен налепниците со новото уставно име, МВР набави и регистерски таблички. Според понудата која е дадена од носителот на јавната набавка „Квантум дооел Скопје“ пар регистарски таблици за возило (образец бр.1) чинат 637 денари со вклучен ДДВ.

Граѓаните најдоцна до 12 февруари 2024 треба да ги променат регистарските таблички и на нив да има ознака „НМК“ наместо досегашната „МК“, што е обврска која произлегува од Преспанскиот договор.

The post МВР нарача налепници, не менуваме регистарски таблички! appeared first on Република.

Грчката полиција сè уште има практика да ги вади и привремено да ги одзема регистарските таблички на туристите кои непрописно паркираат, а тоа е легитимно според грчките закони. По одземањето и вадењето на регистарските таблички често следува и суспендирање на сообраќајната дозвола на 20 дена.

Сегашната казна за непрописно паркирање во Грција е од 40 до 80 евра и може да се плати во секоја пошта - Хеленик Пошта (ЕЛТА). Oд „Грчка инфо“ советуваат да го понесете со себе листот што полицаецот го оставил на шофершајбната и со доказ дека сте ја платиле казната да одите во надлежната Полициска станица (на билетот ќе пишува за која станица станува збор).

Според грчкиот закон за патен сообраќај, во случај на непрописно паркирање, покрај отстранување на регистарски таблички и парична казна, може да се примени и казната - одземање на возачка дозвола за 10 дена и сообраќајна дозвола за 20 дена.

Некогаш полициските командири се спремни да ги вратат регистарските таблички и сите документи на возачот веднаш по плаќањето на казната или следниот ден, а понекогаш го задржуваат правото да не ги вратат (како што дозволува законот) во следните 20 дена.

По истекот на 20 дена, полицијата ги испраќа табличките до конзулатот, а конзулатот ги испраќа на вашата адресa.

Ова е најголемиот проблем за возачите, бидејќи тие мора да бараат друг начин да се вратат во својата земја, а трошоците се натрупуваат...

Совети како да ги вратите табличките и документите што е можно поскоро

Ако не зборувате добро англиски, откако ќе ја платите казната, не одете сами во полициска станица - подобро е некој од грчките граѓани да оди со вас, советуваат од „Грчка инфо“.

Тоа може да биде сопственикот на сместувањето каде што престојувате или некое друго лице од Грција што ќе му објасни на началникот на полицијата на неговиот мајчин јазик дека немате можност да останете подолго во Грција да ги чекате табличките (со неколку споменати изговори, мали деца, немање пари и сл.).

Кога ќе дојдете во полиција, ќе треба да поднесете барање кое таа може да го одобри и да ви ги врати документите или да одбие во рок од ден или два.

Локалното лице кое ќе биде со вас и полицајците во станица често се познаваат, особено кога станува збор за помали одморалишта, а поверојатно е дека со помош на грчки државјанин ќе ви излезе во пресрет полицијата и ќе ги вратите одземените предмети и документи.

The post Што да правите ако во Грција ви ги одземат табличките и сообраќајната дозвола appeared first on Република.

Министерот за внатрешни работи Оливер Спасовски во врска со најавеното можно решение за употреба на налепници на регистарските таблици, наместо да се издаваат нови како обврска од Преспанскиот договор, истакна дека тоа решение е во напредна фаза, но на крајот ќе се разговара на седница на Влада за конечното решение.

Како МВР сметаме дека едно од решенијата е да се стават налепници. Со налепници практично без некаков трошок или многу мал трошок, да се задоволи тој законски момент, рече министерот Спасовски во утринската програма на MТВ..

Тој посочи дека има три категории на возила, на граѓани кои поседуваат такви возила.

Имаме регистарски таблици со три бројки кои се многу стари, кои не се променети воопшто, имаме околу 220-230.000 кои практично се со МК и нови таблици со четири бројки кои треба да се променат и уште толку кои веќе се променети, значи преку 220-230 илјади кои се променети, истакна Спасовски.

Министерот Спасовски нагласи дека најважно за МВР е да се донесе најдоброто решение.

За нас е важно да го донесе најдоброто решение за граѓаните и да се остави опционална можност, ако сака граѓанинот да ја смени табличката, ако сака да стави налепница. Тоа би било едно од можните решенија. Јас очекувам дека наскоро ќе го дефинираме и ќе излеземе пред јавноста. Ние стоиме на располагање преку измени во упатства да имаме поповолно решение за секој од нас, рече министерот Спасовски.

The post Спасовски: Граѓаните најверојатно би одбирале дали да ги сменат табличките или да стават налепница appeared first on Република.

Не е само промената на регистарските таблички со кратенката МК во НМК, до февруари 2024 година, според Преспанскиот договор, на сите македонски документи ќе треба да стои Ребпублика Ceверна Македонија - лични карти, патни исправи, возачки дозволи, сообраќајни дозволи...

Граѓаните, ни криви ни должни, од свој џеб ќе треба речиси 4.000 денари за да го променат докуметите за на нив да пишува Cеверна, анализира „Алфа“.

Цена за менување на лични документи:

Лична карта – 190 денари

Пасош – 1700 денари

Возачка дозвола – 390 денари

Регистарски таблици – 1250 денари

Сообраќајна дозвола -250 денари

Вкупно – 3780 денари

Што значи дека едно просечно македонско семејство од својот буџет ќе треба да издвои дури 7.560 денари за промена на документите, а доколку двајцата сопружници поседуваат автомобил цената ќе биде повисока за 1.500 денари, односно ќе треба да плата вкупно 9.060 денари, доколку досега не ги смениле дел од документите. Ако се земе предвид дека минималната плата е 18.000 денари, тоа значи дека половина од платата на еден член од семејството ќе треба да ја дадат оти владата на Заев потпиша договор за промена на името.

Доколку возачите не ги исполнат обврските од Преспанскиот договор до 12 февруари 2024 година, сообраќајната полиција ќе може да ги казни до 100 евра тие кои што не ги замениле регистерските таблички.

The post Колку ќе чини менувањето на сите македонски во „северни“ документи, кое мора да е готово до следниот февруари appeared first on Република.

Замената на регистарските таблички со ознака МК со нова НМК (NMK) граѓаните треба да ја направат во овластени станици за технички преглед, а тоа ќе ги чини од 1400 до 1500 денари. Министерството за внатрешни работи деновиве информираше дека граѓаните и правните субјекти, односно сопствениците на возила дека заклучно со 12.02.2024 мора да извршат промена на регистарските таблички со ознаката МК со ознаката НМК (NMK).

Сопствениците на возилата треба да поднесат барање за промена на регистарски таблици во овластени станици за технички преглед каде врз основа на барањето на шалтерот на МВР се поднесува барањето за промена на регистарски таблици и од страна на референтот на МВР се издава нова сообраќајна довола и нови регистарски таблици на трошок на сопственикот на возилото. Цената на сообраќајната дозвола е 200 денари, а цената на регистарските таблици е 1200 до 1300 денари во зависност од обликот на регистарската таблица, информираат од МВР.

Сопственикот на возилото треба да приложи сообраќајна дозвола и регистарски таблици и важечка лична карта или ако сопственикот е правно лице тековна состојба издадена од Централен регистар на Република Македонија. Плаќањето се врши на пост терминал или на уплатница пп50.

Согласно Законот за возила, доколку возилото е во сообраќај со поинакви регистарски таблици од пропишаните предвидена е глоба во износ од 100 евра во денарска противвредност.

The post Замената на регистарските таблички со ознаката НМК ќе ги чини граѓаните од 1400 до 1500 денари appeared first on Република.

Министерството за внатрешни работи ги информира граѓаните и правните субјекти, односно сопствениците на возила, на обврската дека заклучно со 12.02.2024 мора да извршат промена на регистарските таблички со ознаката “МК“ со ознаката “NMK“.

Имено, согласно член 27 став (1) алинеја 5 од Законот за возила („Службен весник на Република Македонија” бр. 140/08; 53/11; 123/12; 70/13; 164/13; 138/14; 154/15; 192/15; 39/16 и 161/19) и согласно член 28 од Правилникот за форма и содржина на образецот на барањето за издавање на пробните таблици, формата и содржината на регистарските таблици и на пробните таблици, како и начинот и постапката на нивно издавање („Службен весник на Република  Македонија” бр. 293/2020), сите сопственици на регистрирани возила се должни да ги заменат регистарските таблици кои ја содржат буквената ознака ,,МК”, издадени до денот на отпочнување со примена на овој правилник (15.01.2021 година), односно таквите таблички можат да се употребуваат најдоцна до 12.02.2024 година.

The post Важно за возачите: Сите кои имаат таблички со ознаката МК, мора да ги променат со НМК во овој рок appeared first on Република.

Портпаролот на американскиот Стејт департмент, Нед Прајс изјави дека САД го поздравуваат постигнатиот договор меѓу Белград и Приштина за регистарските таблички, што се „мерки за да се избегне понатамошна ескалација на тензиите“.

Го поздравуваме договорот меѓу двете земји, кој целосно и итно ќе ги нормализира односите под покровителство на дијалогот на ЕУ. Го поддржуваме дијалогот со ЕУ како најдобар начин Србија и Косово да имаат европска иднина, посочи Прајс.

Тој додаде дека САД ја поздравуваат одлуката на двете страни да ги стават интересите на луѓето на прво место и да го подобрат квалитетот на секојдневниот живот.

Претставниците на Белград и на Приштина, Петар Петковиќ и Бесник Бисљими во Брисел постигнаа договор за регистарските таблички

The post Курти нема да казнува, а Србија нема да издава нови таблички: САД го поздрави договорот appeared first on Република.

Договорот за регистарски таблички меѓу Белград и Приштина не е постигнат, а информациите за постигнатиот договор од приштинските медиуми се лажни.

Не беше постигнат договор за табличките или враќањето на Србите во институциите, бидејќи медиумите во Приштина се обидуваат да ја шират таа пропаганда, пренесоа некои белградски медиуми.

Станува збор за најобична дезинформација и дистрибуција на лажни вести со цел Приштина да се обиде да ја отстрани одговорноста за прекршување на сите договори, велат од Канцеларијата за Косово и Метохија.

Уште во октомври, Владата на Косово донесе одлука дека од 1 до 21 ноември Србите кои не ги пререгистрирале возилата со таблички „РКС“ ќе добијат опомена, додека мерката парична казна ќе важи до 21 јануари, кога дефинитивно ќе се поништат „старите“ регистрации.

The post Белград и Приштина не постигнаа договор за регистарските таблички appeared first on Република.

decki 👇 pic.twitter.com/nLg0hNI2Yj

— Манче (@Mukomanche) August 31, 2022

The post Кој загубил табличка по вчерашното неверме еве каде да ја најде appeared first on Република.

Користење службени возила за приватни цели, одење по одмори, теретани и кафулиња. Дали функционерите ги злоупотребуваат автомобилите кои им се дадени на располагање за работа? До вакви и слични заклучоци дојде Антикорупциската комисија до каде се стасани повеќе претставки од ваков карактер.

https://republika.mk/vesti/makedonija/drzavni-institucii-kupile-150-luksuzni-koli-za-vreme-na-pandemijata/

Претседателката на ДКСК, Билјана Ивановска во интервју за ТВ 24 открива индиции за тешки манипулации со службените возила во Владата, но уште повеќе на директорите на институциите.

Затоа веднаш до Владата испратиле препорака, сите државни возила во земјава, без исклучок, да имаат обоени црвени таблички, така ќе се обесхрабрат функционерите бесрамно да трошат народни ресурси.

Од Владата не ја прифаќаат, но не ја ни одбиваат идејата на антикорупционерите, велат дека став ќе имаат откако за овие препораки ќе се дебатира на седница.

Сите предлози, било да доаѓаат од граѓански организации, поединци или други чинители, Владата ги почитува и зема предвид. Во однос на предлогот за кој прашувате, штом за него се разговара на седница на Владата и се донесат заклучоци, јавноста ќе биде информирана, велат од Владата.

Оваа мерка на антикорупционерите доаѓа откако ДЗР откри дека во време на пандемијата, на големо се набавувале возила по државните институии, без реална потреба. Сто четириесет и две возила вредни 3.600.000 евра биле набавени за време на ковид пандемијата.

Антикорпционерите велат дека е лицемерно во време кога се бара од граѓаните да штедат пари функционерите да се луксузираат со нови возила – а во исто време да ги користат и за приватни цели. На ова мора да се стави крај потенцираат тие.

The post Службените возила да имаат црвени таблички за да се избегне возење по одмори, теретани, кафичи… appeared first on Република.