Српските медиуми се преплавени со веста дека актерот Милан Калиниќ се разведува од својата сопруга Сандра, според блиски извори.

Наводно, тие дознаваат дека тој се иселил од семејниот дом кој неодамна го реновирале.

Засега актерот се нема огласено на темата и за причините за разводот, а на молбата од новинарите да даде коментар за гласините, тој ниту потврдил, ниту демантирал и накратко кажал: Немам коментар, немам никаков коментар на таа тема.

Инаку, Милан и Сандра беа во брак 18 години, од 2006 година, а имаат две деца, ќерката Теа и синот Вук.

Тие важеа за еден од најскладните парови на јавната сцена, иако во еден момент нивната љубов беше ставена на тест кога се раширија информации дека Сандра го изневерила.

Додека таа ги полнеше насловните страници, а многумина веруваа дека нема да ја надминат оваа криза, тие излегоа посилни од сè.

Глупаво ми е да мислам на тоа и да коментирам. Тоа се будалаштини. Луѓето се љубоморни на нашиот брак и пишуваат глупости. Поголема глупост во животот не сум прочитал – изјавил тој своевремено за медиумите и ја потврдил верноста во саканата.

Актерот има кажано дека во речиси две децении љубов поминале низ многу тешки животни ситуации и бракот им бил ставен на тест повеќепати, а сега изгледа не успеале да го поминат тестот.

The post Готово е, заврши: По 18 години брак, се разведува Милан Калиниќ appeared first on Република.

Јелена Карлеуша и Душко Тошиќ официјално се разведоа по 16 години брак, а оваа вест пејачката ја сподели преку својот Инстаграм профил. Разводот доаѓа по долгогодишни медиумски шпекулации, скандали и турбуленции околу нивната врска.

Со разводот и официјално заврши приказната за еден од најпознатите парови на српската јавна сцена, а Јелена во својата порака истакна дека и покрај се‘, сепак го почитува Душко и нивното заедничко минато.

Иако нивните проблеми беа тема на многу медиумски наслови, Карлеуша секогаш нагласуваше дека Душко ќе остане дел од нејзиниот живот поради нивните деца и долгогодишната врска.

Оваа објава предизвика голем одзив кај нејзините следбеници, кои искажаа поддршка и разбирање во овие тешки моменти за пејачката.

„Потпишав спогодбен развод после 16 години. Сама. Наспроти мене на сликата се мојот адвокат Милан Атељевиќ и овластениот адвокат на мојот поранешен сопруг кој не дојде. Не прашав зошто. Поради различни медиуми и социјални шпекулации, ќе додадам дека сиот заеднички имот (стекнат во брак) е за нашите деца. Старател на нашите деца Атина и Ника сум јас.

„Другата страна“ немаше поинаков предлог. Иако некои многу мудри велат дека за доброто на децата бившите сопружници треба да бидат во коректни односи, јас веќе не сакам никаква врска или контакт со претходниот период од животот освен ако се работи за живот или смрт. Во тој случај веројатно ќе умрам. Бидејќи, секој може данаправи деца, тоа е лесно, секој може да се ожени, но не може секој да биде сопруг. Мажот е тој што стои до сопругата како што се вели при потпишувањето на брачниот договор - во добро и во лошо... а мене за или за среќа, животот ме „награди“ со сила да ги надминам сите проблеми, подеми и падови, низ морето зло, солзи и лоши работи сите изминати години... Одам сама“ - напиша Јелена и продолжи:

Знам. Тешко е да застанеш до мене, тешко е да одиш до мене и уште потешко е да застанеш пред мене. Претпоставувам затоа што сум многу страшна. Често велат дека сум ЛУДА, веројатно се во право. Отсега до мене може да застане само ЛУД како мене, како што знам јас, лудо да сака, дури и кога цел свет ме мрази. Немам што повеќе да додадам драги судија – заклучи таа во објавата

The post Одиме понатаму: По 16 години брак Карлеуша потпиша развод, Душко не дојде appeared first on Република.

Американската пејачка и глумица Џенифер Лопез поднесе барање за развод од глумецот Бен Афлек, по две години брак. Барањето е поднесено вчера во Врховниот суд на Округот Лос Анџелес, според судските документи до коишто дојде „Би-би-си“.

Во документот се наведува дека двете страни се обврзани да споделуваат финансиски информации, како што се тековни приходи, расходи, долгови.

Лопез и Афлек се запознаа на снимање филм во 2003 година и планираа да се венчаат, но ја раскинаа свршувачката следната година, а се венчаа скоро 20 години подоцна. Афлек во меѓувреме беше в брак со глумицата Џенифер Гарнер со која има три деца, а за Лопез ова беше четврти брак. Од бракот со пејачот Марк Антони, латиноамериканската пејачка има две деца.

The post Џенифер Лопез поднесе барање за развод од Бен Афлек appeared first on Република.

Шенен Доерти официјално се согласила да го затвори процесот за развод со поранешниот сопруг, фотографот Курт Исвариенко, еден ден пред нејзината смрт.

Според судските документи на коишто се повикува таблоидот „Пипл“ (People), глумицата потпишала барање за откажување од брачната издршка на 12 јули, само еден ден пред да почине. Таа, исто така, се согласила на „стандардно или неоспорно раскинување“ на нивниот брак, што укажува дека двајцата меѓусебно ја финализирале постапката за развод надвор од судот.

Тоа значи, двете страни склучиле писмен договор во однос на нивниот имот и нивните брачни или домашни партнерски права. Оригиналот е доставен до судот, се вели во записите.

Исвариенко го потпишал документот следниот ден на 13 јули, истиот ден кога Доерти почина.

Инаку, Шенен Доерти почина по девет години живот со рак на дојките. Таа имаше 53 години.

The post Шенен Доерти се развела ден пред да почине appeared first on Република.

Помладиот брат на покојната принцеза Дајана, Чарлс Спенсер (60) се разведува од сопругата Карен по 13 години брак.

Тоа е исклучително тажно. Само сакам да им се посветам на моите деца и внуци, а на Карен и посакувам многу среќа во иднина, изјави тој за Дејли Мејл.

Мемоарите владееле со бракот?

Според тие британски медиуми, на бракот му пресудиле мемоарите во кои Чарлс открил секакви работи, вклучително и дека доживеал физичко и сексуално злоставување во интернат. Неодамна изјави дека работата на мемоарите толку многу го погодила што морал да побара стручна помош.

Чарлс и Карен се во брак од 2011 година. Тие се венчаа во куќата Алторп во Грејт Барингтон, Англија, два месеци по кралската венчавка на принцот Вилијам и Кејт Мидлтон. Тие имаат 12-годишна ќерка Шарлот Дијана.

Карен има уште две ќерки од претходниот брак со холивудскиот продуцент Марк Гордон, додека Чарлс има, шест деца од првите два брака со Викторија Локвуд и Керолин Фројд.

The post Пo 13 години: Се разведува братот на прицезата Дајана, неговите мемоари му пресудија на бракот appeared first on Република.

Мала компјутерска грешка во адвокатска фирма специјализирана за семејно право довела до ненамерен развод на погрешна двојка.

Адвокатот на „Вардагс“ отворил досие за две лица со презиме Вилијамс кои биле во брак 21 година кога поднеле барање за развод.

Меѓутоа, при внесувањето на деталите, случајно избрал погрешна двојка Вилијамс.

Сер Ендрју Мекфарлејн, дел од одборот на компанијата, објаснува дека имале намера да поднесат барање за развод за друг клиент, но случајно отвориле погрешно електронско досие.

Минатата недела судот одлучи дека конечното барање мора да биде спроведено и покрај грешката.

Младиот адвокат кој ја направи грешката е еден од најдобрите на новата генерација. Тој не е невнимателен или површен. Тој е целосно посветен на својата работа и исклучително способен“, изјавил за „Love Society Gazette“, основачот и директор на адвокатската канцеларија.

The post Адвокат по грешка развел погрешна двојка appeared first on Република.

Принцот Николаос Глуксбург, некогаш наречен Плејбој принц, и принцезата Татјана се разведуваат по 14 години брак.

Веста за разводот ја објавија на официјалната веб-страница на поранешното кралско семејство (во Грција монархијата беше укината во 1973 година, но членовите на семејството ги задржаа титулите).

Би сакале да ве информираме за важната одлука донесена од принцот Николаос и принцезата Татјана. По четиринаесет години брак, тие одлучија да го распуштат својот сојуз со заедничка согласност. Оваа одлука беше донесена многу промислено и со взаемно почитување. Тие се засекогаш благодарни еден на друг за моментите што ги споделија.

Принцот Николаос е трето дете на последниот грчки крал Константин II, кој бил близок пријател на кралот Чарлс. Последниот грчки монарх починал во јануари 2023 година на 82-годишна возраст, откако претрпел мозочен удар. Татјана Блатник, родена во Венецуела, се омажила за Николаос во 2010 година.

Не се чувствувам како принцеза. Не се чувствувам како да сум се омажила за принц, со титула. Па, всушност, да, тој е мојот принц, но ништо повеќе", рекла таа еднаш по венчавката.

Нејзиниот татко Ладислав Блатник се преселил во Венецуела од Кралството Југославија, а извесно време бил во врска со актерката Натали Вуд.

The post Грчкиот принц и принцезата се разведуваат по 14 години брак appeared first on Република.

Во Скопје денеска се одржа мирен протест со барање за измени на законот по разводот старателство да имаат подеднакво двајцата родители.

Граѓанските организации реагираат дека иако родителите се договорат за заедничко старателство, нашиот закон не го предвидува тоа, па така, постои поделба на родителите – на старател, кој има целосни родителски права и родител во отсуство, кој практично нема право врз развојот на детето.

Поборниците за еднакви родителски права велат дека група професори веќе имаат подготвено нов предлог закон, но тој се уште бил далеку од собраниска процедура.

Закон за семејство е донесен во 1992 година и до денес нема претрпено измени во однос на вршењето на родителското право, за разлика од останатите држави во регионот.

The post Во Скопје се одржа протест за измени на законот за заедничко старателство по развод appeared first on Република.

Драгана Мирковиќ по 24 години хармоничен брак се разведува од сопругот Тони Бијелиќ.

Пејачката во соопштението до медиумите наведува дека поднела барање за развод, а открива и дека веќе неколку години таа и Тони не живееле под ист покрив.

Мојот однос со Тони веќе подолг период не е како што беше, а последните три години практично водевме одвоени животи и не живееме под ист покрив. И покрај сите непомирливи разлики, за доброто на моето семејство и затоа што така сум воспитана, направив се за да ја спасам заедницата што некогаш ја имавме. Меѓутоа, со текот на времето, тој јаз стана поголем и сфатив дека повеќе им нанесуваме штета на нашите сакани со тоа што насилно остануваме во нешто што долго време не функционира, отколку со ставање крај на нашиот брак, открива пејачката.

Таа додава дека останува доследна на своите принципи и дека секогаш ќе има почит кон Тони како татко на нејзините деца и некој со кој поминала многу убави години.

The post Веста одекна како бомба: По 23 години брак, се разведува пејачката Драгана Мирковиќ appeared first on Република.

Денеска (10.03.2024) во 02:20 часот на подрачјето на општина Аеродром во Скопје, полициски службеници го лишиле од слобода Б.Т.(41) од Неготино.

Приведен е поради постоење основи на сомнение дека околу 01:45 часот опожарил врата од стан каде престојувала неговата 35-годишна сопруга со која биле во бракоразводна постапка.

Претходно му упатувал закани на нејзиниот партнер.

По целосно документирање на случајот ќе следува соодветен поднесок.

The post Приведен маж кој се обидел да го запали станот на сопругата со која се разведува appeared first on Република.

Старателство врз тригодишно дете му е доделено на таткото, иако против него има пресуда за насилство врз неговата поранешна сопруга. Низ ваква сага поминува скопјанка, за која семејното насилство и тортурата наместо да завршат со разводот, продолжуваат низ апсурдните лавиринти на македонското правосудство. Првостепениот суд носи пресуда со која и покрај пресудата со која таткото е осуден за насилство врз мајката, детето му го доделува нему. Молбите и надежите на мајката сега упатени кон Апелација, од каде се надеваат, како што вели семејството, да се исправи оваа нелогична пресуда со кое дете се дава на насилник.

Адвокатот на мајката, Владимир Туфегџиќ вели дека поради начинот на кој се водела постапката во надлежниот суд, побарал претставник на Хелсиншкиот комитет за човекови права да го следи судењето, Тој поднел и барање за утврдување одговорност на судијата поради, како што наведува, сторени повеќе намерни и крупни професионални грешки на штета на мајката на детето.

По однос на судскиот предмет за кој пројавувате интерес а кој се води пред Основниот суд Охрид, надлежниот суд во постапка за развод на брак на ден 06.02.2024 година донесе пресуда со која малолетното дете на возраст од 3 години го додели на таткото. Имајќи го предвид Вашиот интерес и специфичноста на судската постапка можам да кажам дека е поднесена навремена жалба на ваквата пресуда, а жалбената постапка ќе се води пред надлежниот Апелационен суд Битола.
Поради начинот на постапување на надлежниот суд, по мое барање постапката ја следеше претставник на Хелсиншкиот комитет за човековите права.
Во жалбената постапка очекуваме Апелациониот суд Битола да ги уважи жалбените наводи пред сѐ поради сторените суштетствени повреди на постапката, а воедно против надлежниот судија до Судскиот совет на РСМ на ден 19.02.2024 година е поднесено образложено барање за утврдување одговорност на судија поради сторени повеќе намерни и крупни професионални грешки на штета на мајката на детето како странка во постапката, во која постапка очекувам Судскиот совет на РСМ да постапи со особена итност и веднаш да формира Комисија на известители заради утврдување на факти за кое нешто е доставена ургенција за постапување на ден 23.02.2024 година, вели адвокатот Туфегџиќ.

The post Маж со пресуда за насилство врз сопругата добива старателство над тригодишното дете, Туфегџиќ бара одговорност за судијата appeared first on Република.

Една од најпознатите естрадни двојки, Харис и Мелина Џиновиќ решиле да стават точка на деценискиот брак.

Иако емотивната врска ја започнаа во 2002 година и имаат две деца, синот Кан и ќерката Џина, тие се венчаа 12 години подоцна.

Мелина и Харис се одлучија за спогодбен развод, бидејќи нивната врска веќе некое време не оди добро. Тие ја донесоа најдобрата можна одлука за нив и нивните деца во моментов. Харис веќе се иселил од нивната вила, а Мелина останала таму со децата. Процесот на развод е во тек, а подоцна ќе се утврди како ќе се распредели имотот меѓу нив, вели добро упатен извор близок до семејството Џиновиќ.

The post Сите мислеа дека има идеален брак: Се разведува Харис Џиновиќ appeared first on Република.

Калиопи искрено раскажа делови од својот живот, откривајќи дека и двата развода, и со продуцентот Ромео Грил, и со актерот Васил Зафирчев за неа биле болни. Ова го изјави во емисијата „Еден на еден“ која ќе се емитува в недела од 18.30 на телевизија „Канал 5“.

Да се разбереме, јас не сум се развела со песна, тра-ла-ла ние се разведуваме. Мојот развод беше болен, и едниот и другиот. Но, она што е најважно од мој аспект гледано е дека човек, којшто се вљубил, решил да живее со некого заедно, да дели со некого нешто, верува во нешто, ако исчезне таа првобитрна форма на љубов, нека ја транформира во едно пријателство. Тоа не мора да значи дека треба да се гледаме секој ден. Особено кога имаме и дете. Првата идеја треба да се врати и да се сочува и да се каже: „Овој човек бил мој избор во животот. Ако го згазам него, се газам себеси, бидејќи е тоа мој избор“, откри Калиопи, а овој дел од разговорот можете да го погледнете во следното видео:

https://youtu.be/fYFT8Inr9f4?si=FGJXigcbuwK_foor

The post Калиопи: Не се разведував со песна, двата развода ми беа болни appeared first on Република.

Мачниот, горок и, според многумина, „малициозен“ развод на Кевин Костнер и Кристин Баумгартнер, се чини, е блиску до мирна завршница. Според гласноговорникот на глумецот, двајцата се смириле и успеале да најдат решение.

Кевин и Кристин Костнер дојдоа до пријателски и заеднички договор за решавање на сите прашања поврзани со нивната разводна постапка, изјави неговиот претставник за магазинот „Пипл“ (People).

Во истовреме, пак, извори блиски до Кристин велат дека таа морала да се согласи со условите на Костнер.

Кристин немаше друг избор освен да се согласи со она што го бара Кевин, бидејќи тој ја имаше целата моќ и ги држи конците во свои раце. Ако продолжи со борбата, на крајот таа ќе загуби сѐ... Исто така, таа вели и дека ова е победа за децата, бидејќи ниту едно дете не сака да мине низ вакво нешто, особено пред очите на јавноста“, открива пријател на Кристин за „Дејли мејл“.

Според неименуваниот извор, таа всушност никогаш не сакала да биде дел од „целиот тој циркус“ и претпочитала работите да ги решат вон Судот.

Инаку, сѐ почна кога Кристин побарала од познатиот глумец да ѝ плаќа 175.057 долари месечно за нивните три деца да живеат на ист начин со секој родител. Баумгартнер притоа, наводно, во документите тврдела дека децата, на пример, кога се со својот татко, престојуваат во куќа на плажа во вредност меѓу 65 и 95 милиони долари и патуваат со приватни авиони додека се на луксузен одмор со него.

Глумецот, од своја страна, тврдеше дека поранешната сопруга, инаку дизајнерка за чанти, се грижи само за подобрување и одржување на својот животен стил.

The post Кевин Костнер блиску до спогодба по разводот: Според него мирно, а сопругата вели морала да ги прифати неговите услови appeared first on Република.

Актерката Хали Бери (57) официјално се разведе од сопругот, францускиот актер Оливие Мартинез (57), откако последните осум години се бореа на суд.

Поранешните сопружници одлучија да се разделат во 2015 година, но разводот се одолговлекуваше со години бидејќи не можеа да се договорат за старателството. Како што пренесува „Пејџ сикс“, според нивната спогодба, Хали ќе мора да плаќа голем износ на пари за алиментација. Таа ќе треба да дава 8.000 долари месечно за да го издржува синот Мејс (9).

Исто така, славната актерка мора да му дава на својот поранешен сопруг 4,3 отсто од заработката, во случај да добие повеќе од 2 милиони долари, што ќе се смета за дополнителни трошоци за издржување на нивниот син. Хали ќе плаќа и за приватно образование на нивниот син, за училишна униформа и за училишен прибор. Тие, исто така, се договорија и да ги плаќаат сите воннаставни активности на Мејс, неговото здравствено осигурување, како и сите медицински трошоци кои не се покриени со осигурувањето.

Пред Оливие, Хали беше во брак двапати. Нејзиниот прв брак беше со Дејвид Џастис од 1993 до 1997 година, а вториот со пејачот Ерик Бенет од 2001 до 2005 година. Актерката има дете и со поранешното момче, манекенот Габриел Обри.

The post По осум години се разведе Хали Бери appeared first on Република.

Бритни Спирс и Сем Асгари се разведуваат по 14 месеци брак.

Асгари поднел барање за развод во средата навечер, неколку часа по објавувањето на веста за нивната разделба.

Манекенот, кој се ожени со поп-ѕвездата во јуни 2022 година, во своето барање за развод наведува непомирливи разлики.

Ова ќе биде трет развод на Спирс, доколку документите официјално бидат поднесени. Во 2004 се венча со Џејсон Александар, нејзин пријател од детството, и беа во брак само 55 часа. 10 месеци подоцна Спирс се омажи со Кевин Федерлајн.

The post Бритни Спирс се разведува по 14 месеци брак appeared first on Република.

Џастин Трудо и Софи Грегоар се разведуваат. Бракот на канадскиот премиер и поранешната водителка завршува по 18 години заеднички живот.

Веста за разделбата ја соопшти Трудо преку официјално соопштение.

Здраво на сите, Софи и јас би сакале да го споделиме фактот дека по многу значајни и тешки разговори одлучивме да се разделиме. Како и секогаш, ќе останеме блиско семејство со длабока љубов и почит еден кон друг за сè што имаме изградено и што продолжуваме да градиме. За доброто на нашите деца, ве замолуваме да ја почитувате нашата и нивната приватност. Ви благодарам, стои во соопштението.

Џастин и Софи се познаваат уште од детството, а нивната врска ја започнаа во 2003 година. Тие се верија во 2004 година, а стапија во брак во една година подоцна.

Тие заедно имаат три деца. Нивниот син Хавиер Џејмс е роден во 2007 година, ќерка им Ела-Грејс Маргарет дојде на овој свет во 2009 година, а го добија синот Хадриен во 2014 година.

Џастин е на функцијата премиер на Канада од 2015 година

The post Канадскиот премиер Џастин Трудо се разведува од сопругата Софи по 18 години брак appeared first on Република.

Колумбиската глумица Софија Вергара и нејзиниот пет години помлад избраник од САД - Џо Манганело, се разделуваат по седум години брак. Во заедничка изјава вчера, холивудските ѕвезди побараа обожавателите и медиумите да ја почитуваат нивната приватност.

Ние ја донесовме таа тешка одлука да се разведеме. Како двајца луѓе кои многу се сакаат и се грижат еден за друг, ние во овој миг учтиво бараме почитување на нашата приватност додека се движиме низ оваа нова фаза од нашиот живот, се вели во известувањето.

Тие двајцата се венчаа во Палм Бич, Флорида, САД, на 22 ноември 2015 година.

The post Се разведуваат Софија Вергара и Џо Манганело appeared first on Република.

Украинскиот психолог Павел Домрачев открил кои се трите најважни знаци што сугерираат неминовен развод.

„Сакам да споделам со вас, не толку очигледни, но недвосмислени знаци дека бракот постепено се распаѓа и дека работите во семејството стануваат сè полоши и полоши. И жената и мажот може да се преправаат дека сè е во ред, но во еден момент ќе дојде до сериозен и емотивен конфликт, кој ќе резултира со развод“, вели психологот.

Еве за што станува збор…

1. Чувство на непријатност при помислата да направиш нешто убаво за сопружникот
Еден од критериумите по кои се утврдува подготвеноста на мажот да ги подобри односите во бракот е желбата да направи нешто убаво за својата жена. Да купи вкусна храна, карти за во кино или театар, некаков накит, ситница…

Тука спаѓаат и исполнувањето на нејзините барања: да купи нешто во продавница, да оди некаде со неа, да поправи нешто дома, да го причува детето и слично… Ако мажот не може да си замисли да направи нешто вакво, тоа е сериозен сигнал дека не сака да ги подобри односите во семејството и дека бракот е во криза.

2. Караниците се забошотуваат со денови, недели, месеци…
„Тато, зошто не доаѓаш со нас на прошетка?“
„Остави ме на мира.“

Вистината е дека таткото е навреден или се скарал со мајката и сега меѓу нив се случува „студена војна“. Ако сопружниците со денови не комуницираат, а потоа одеднаш почнуваат да разговараат, без да го решат проблемот околу кој се скарале, доаѓа до уште поголем проблем.

Крајот на расправиите значи и крај на важната комуникација. На неважни теми можете да зборувате и со соседите, а само на саканите луѓе можете да им доверите важни работи.

3. Мажот или жената постојано им се жалат на пријателите поради својот сопружник
Ако мажот постојано им зборува негативно на своите пријатели за сопругата, во стилот „мојата е таква…“, „постојано нешто критикува“, „никогаш не ѝ е доста“…, тоа покажува дека е нестабилен и неспособен проблемите да ги реши самиот. Ако се жалите поради жената, истата личност што сами сте ја запознале и сте ја одбрале за себе, што кажува тоа за вас?

Ова исто така е сигнал дека се ближи развод
Ова се знаците дека разводот се наближува. Особено важна е точката број 2, другите само се надоврзуваат едни на други. Дури и ако не се распадне бракот (на пример, затоа што тоа би било штета за децата или затоа што е страшно да се остане сам), сепак ќе дојде до распад на семејството. Брачните двојки можат да живеат како соседи, цимери, бесконфликтно и површно. Тогаш, и децата ќе бараат ист таков однос во бракот.

The post Три знака кои покажуваат дека вашиот брак ќе заврши со развод appeared first on Република.

„Многу долго бев во тој некоj кафез, живеев во некоја агонија и сето тоа постојано се вртеше во некој круг и така од некој бес излегоа тие зборови од мене и додека пишував сè ми се враќаше....“

Вaка во емисијата „Гранд Магазин“ одговори Тамара за инспирирацијата за текстот на најновата песна „Нијагара“.

По сè што ми се случуваше во претходниот период и одлучив да го направам првиот чекор – да излезам од тој кафез и да им кажам на сите дека тоа е многу лесно да се направи, ако навистина сакаш да излезеш од тој кафез. За сите кои имале проблем со говорот на омраза, за сите кои некогаш биле разочарани, за сите кои некогаш биле погрешно етикетирани, за сите кои имале некоја ситуација во животот, која им изгледала безизлезна. Имаше и депресија и сè. Не сум веќе во брак, односно официјално сум, но не живеам заедно со сопругот од минатата година. Ние сме и понатаму во супер однос, имаме две деца и се согласуваме подобро отколку кога бевме во брак, така што тоа е супер работа која ја направивме еден за друг. Но, сите ние ги имаме тие подеми и падови, особено ние жените, постојано имаме разни работи кои ни се вртат во главата и можат да нè доведат во тој безизлезен кафез. Но, реалноста е дека за сè има излез, само треба навистина да го сакате тоа и да верувате во тоа. Од тоа не излегов сама, се разбира, тука се пријателите, родителите, психолозите, луѓето кои се стручни за тоа. Мислам, јас не се срамам од тоа. Најважно од сè е што јас излегов од тој кафез, порача таа.

https://youtu.be/qqiraMRlARk

The post Тамара: Долго време живеев во кафез и агонија appeared first on Република.