Архиепископот Охридски и Македонски г.г. Стефан упати честитка по повод Рамазан Бајрам до поглаварот на ИВЗ Реис-ул Улема Хаџи Шаќир Ефенди Фетахи.

- Од Своe, како и од името на архијереите, свештенослужителите, монаштвото и верниот народ на Македонската Православна Црква – Охридска Архиепископија, Ви го честитаме празникот Рамазан Бајрам, посакувајќи Ви Вам и на верниците од исламска вероисповед изобилни добрини од Господа.

Периодот на воздржување и пост нека ни бидe од полза, а сите денови да ни поминуваат во мир и почитување, меѓусебно разбирање и соработка, како би можеле богоугодно и човекољубиво да ја оствариме целта зададена од Севишниот! Честит празник!, се наведува во честитката од поглаварот на МПЦ-ОА г.г. Стефан.

The post Архиепископот Охридски и Македонски г.г. Стефан упати честитка по повод Рамазан Бајрам до поглаварот на ИВЗ appeared first on Република.

По завршувањето на вчерашниот митинг во Куманово, претседателот на ВМРО-ДПМНЕ, Христијан Мицкоски им посака на сите муслимански верници среќен Рамазан Бајрам и им посака здравје, среќа и бериќет.

Штотуку завршивме со последниот настан денеска, а тоа беше еден спектакуларен, фантастичен, полн со емоции митинг во Куманово. Град во кој што има различни етнички заедници, но сите тие без разлика на својата различност се обединети околу една цел, а тоа е желбата за промени, истакна Мицкоски.

Во своеото обраќање Мицкоски порача:

Ја користам оваа прилика на муслиманските верници да им го честитам големиот празник, Рамазан Бајрам. Да им посакам здравје, среќа и бериќет ним и на нивните семејства. Истото тоа го посакувам и на сите граѓани во Македонија“.

Претседателот на ВМРО-ДПМНЕ посака да е вечна, бериќетна и просперитетна Македонија.

The post Мицкоски: Честит Рамазан Бајрам до муслиманските верници со желби за среќа, бериќет и промени во Македонија appeared first on Република.

Претседателот Стево Пендаровски, по повод големиот муслимански празник Рамазан Бајрам, упати честитка до граѓаните од исламска вероисповед во Македонија и до поглаварот на Исламската верска заедница Реис-ул-улема х. хфз. Шаќир еф. Фетаху.

Големиот празник го означи крајот на триесетдневниот пост од утро до мрак во кој секој муслиман покрај од храната и пијалакот се откажува и од лоши мисли и дела, посветувајќи се на молитва и на духовност. Како еден од  столбовите на исламот, Рамазан е месец на добрина, милост, љубов и простување. Токму во духот на празникот, не само во претстојните три празнични дена, туку и во текот на целата година да живееме во мир и во хармонија, да бидеме солидарни и љубезни, исполнети со среќа и со радост. Сите сплотени да споделуваме со нашите ближни, со нашите поблиски и подалечни соседи, визија за благосостојба, просперитет и развој на нашата заедничка татковина, истакнува претседателот Пендаровски во честитката.

The post Пендаровски за Рамазан Бајрам: Сплотени да споделуваме визија за благосостојба, просперитет и развој на нашата заедничка татковина appeared first on Република.

Претседтаелот на Социјалдемократскиот сојуз на Македонија, Димитар Ковачевски, упати честитка до граѓаните од исламска вероисповед по повод големиот верски празник Рамазан Бајрам.

На сите припадници на исламската вероисповед во нашата земја, им го честитам големиот празник Рамазан Бајрам.

Во овие празнични денови, ви посакувам искрени желби за радост, спокој, благосостојба и духовна сила.

Рамазан Бајрам е празник на меѓусебна почит, солидарност и разбирање. Токму врз овие вредности, ние заедно го градиме нашето општество кое е еднакво за сите и токму со оваа наша посебност ја интегрираме државата во големото европско семејство на народи и држави, стои во честитката на претседателот на СДСМ, Димитар Ковачевски.

The post Ковачевски: Врз вредностите на Рамазан Бајрам заедно го градиме нашето општество еднакво за сите appeared first on Република.

Техничкиот премиер Талат Џафери упати честитка за празникот Рамазан Бајрам до поглаварот на Исламската верска заедница, Реисул Улема Х. Хфз. Шаќир еф. Фетаи, како и до членовите на Ријасетот, муфтиите и до верниците од исламска вероисповед.

Посакувам Рамазан Бајрам да донесе здравје, мир, благосостојба и хармонија во душата, во семејството, во државата. Тоа е празник што ги обединува семејствата, блиските, пријателите, соседите низ векови, пренесувајќи ја вредносната порака дека само заедничката среќа носи вистинска среќа, истакнува Џафери во честитката.

Тоа е празник, како што посочува Џафери, кој поттикнува солидарност и духовна сила кај луѓето за меѓусебна почит, за трпение и разбирање, како единствен пат кон посакуваниот мир. Затоа, истакнува тој, да правиме добри дела, да бидеме секогаш еден до друг и со подадена рака еден кон друг да напредуваме сите заедно.

Ви посакувам добро здравје и сила за вршење на благородната мисија што ја имате, да ги упатите на прав и чесен пат припадниците на исламската вера. А ние, како политичари, уште посилно ќе го поддржиме градењето на нашата заедничка држава, исполнувајќи ги правата и обврските на секоја заедница, за продолжување на успешната приказна на мултиетничка држава во регионот, којашто во ова време на глобалните предизвици се покажа како исклучително неопходна за семејството на европски држави. И верувам дека ќе продолжиме така кон вистинскиот пат. Честит Рамазан Бајрам!, напиша  Џафери во честитката до поглаварот на ИВЗ, Фетаи.

The post Џафери во чест на Рамазан Бајрам: Да продолжиме по вистинскиот пат и да напредуваме заедно! appeared first on Република.

Верниците од исламска веросиповед во земјава, како и во целиот свет, денеска го слават празникот Рамазан Бајрам, кој се смета за еден од петте столбови на исламот и празник за духовно и за телесно прочистување.

Рамазан Бајрам доаѓа по едномесечниот строг пост, во кој верниците се воздржуваа од храна и пијалоци од зора до зајдисонце. Во сите џамии, денеска се служи утрински Бајрам-намаз.  По утринската молитва, верниците ги посетуваат гробиштата на своите роднини.

Рамазан, деветиот месец во исламскиот календар, е месец кога првите стихови од Куранот му биле откриени на пророкот Мухамед пред повеќе од 1.400 години.

Во текот на Рамазанскиот пост, муслиманските верници се обврзани да даваат садакатул-фитр, милостина на сиромашните. Фитерот треба да се даде пред утринскиот Бајрам-намаз, а ако некој тоа не го направи се обврзува фитерот да го даде во текот на годината.

Рамазан-Бајрам е ден кога се сретнува моќта на богатите со слабоста на сиромашните во љубов, милост и правдина. Ден кога сиромашните се радуваат во удобностите на животот, ден кога роднините се сретнуваат во благодет и внимание еден за друг, ден кога муслиманите се соединуваат во молитви и меѓусебни посети, ден кога пријателите ги оживуваат мостовите на љубовта и елементите на блискост, ден кога благородниот дух ги простува грешките на другите и се соединува по разделбата.

По повод празникот, честитка до верниците од исламска вероисповед упати поглаварот на ИВЗ Реисул Улема, Шаќир Фетаи, со желби и „молејќи го Семоќниот Алах со Својата милост да ни ги прифати сите наши молитви, нашиот пост и сите наши дела направени за време на светиот месец“.

Во овие празнични денови на Бајрам, ќе му се заблагодариме на Возвишениот Алах за тоа што ни овозможи да го постиме Рамазан и за благодатите што ни ги подарил. Но, да не заборавиме: во нашето славење и радост да ги вклучиме и сите луѓе кои имаат наша потреба: сиромашните, бездомниците, сирачињата, но и нашите исламски институции. Затоа, на крајот на Рамазан, сме задолжени со давање на садакатулфитр, за што Мухамед алејхи селам рекол дека со давање на садакатулфитр го прочистуваме нашиот пост. Исто така, со давањето на Фитр ги зајакнуваме институциите кои се одговорни за исламските учења и кои помагаат на луѓето кои имаат потреба од помош, вели во честитката Фетаи.

На овој радосен и среќен ден на Фитр Бајрам, посочува поглаварот Фетаи, со чисти срца се обраќаме кон Семоќниот Алах за да ни даде сила на иманот, да ни даде храброст за опростување и помирување, да ни даде насмевка со другите, да ги отвориме патиштата на надежта за иднината, да бидеме цврсти во нашето патување да негуваме уште посветла сегашност и иднина, со која ќе ги правиме среќни и сиромашните, сираците, луѓето кои имаат проблеми, така да, денес и секогаш во животот да бидеме среќни и радосни, а пред сè - благодарение на Возвишениот Алах.

Го молиме Возвишениот Алах да ни ги прифати сите добри дела и молитви што сме ги направиле за време на месецот Рамазан. Го молиме Возвишениот Алах да престанат сите вооружени конфликти во светот, да владее мир насекаде, бидејќи само во мир човештвото може да оди напред кон нови случувања, за доброто на сите луѓе, без разлика на раса, пол, вероисповед или етничка припадност. Браќа и сестри! Каде и да сте, дозволете ми, во име на Исламската верска заедница, нејзините органи, нејзините образовни институции и во мое лично име, да упатам искрени честитки, молејќи го Семоќниот Алах со Својата милост да ни ги прифати сите наши молитви, нашиот пост и сите наши дела направени за време на месецот Рамазан. Нека вие е честит Фитр Бајрам, се истакнува во честитката на поглаварот на ИВЗ Фетаи.

Првиот ден од Рамазан Бајрам е неработен за сите граѓани на Република Македонија.

The post Муслиманите го слават Рамазан Бајрам appeared first on Република.

Утре на верскиот празник Рамазан Бајрам, јавниот превоз во Скопје ќе сообраќа по неделен возен ред, соопшти ЈСП Скопје.

Дежурни од 7 до 14 часот ќе бидат билетарниците на Транспортен центар и во Ѓорче Петров.

Жичницата ќе функционира вообичаено, од 10 до 18 часот, при што од 17.00 до 17.30 часот е последно возење од долу кон врвот, односно во 17.45 часот е последно возење од врвот надолу.

The post ЈСП утре за Рамазан Бајрам ќе сообраќа по неделен возен ред appeared first on Република.

Дино Мерлин го следи рецитирањето на Куранот во џамијата Чекрекчија во Сараево овој Рамазан. Пејачот важи за голем верник и во еден момент на најголема слава заминал во Саудиска Арабија и се предал на Бога.

 Застанете малку, пратете луѓе, слушајте го Куранот. Наводнете ја душата. Побарајте од Него прошка. Нека нашите џамии се полни со нас, а нашите души полни со Куран-стои во коментрарите.

The post Дино Мерлин на молитва за Рамазан appeared first on Република.

Претседателот на Собранието, Тала Џафери на граѓаните од муслиманска вероисповед им го честита Рамазан-Бајрам.

„После деновите на пост по повод светиот месец Рамазан, дојде и денот на Бајрам, како круна и награда за физичките и духовните искушенија низ кои поминаа сите посветени верници. Некој ги помина полесно, некој потешко, некој во богатство а некој со помалку меѓутоа, тоа не ги минимизира вредноста и значењето на празникот на Бајрам. Свеченото чувство и топлото зрачење продира до срцата и домовите на сите. Се надевам дека во периодот што го оставаме зад нас успеавме да го извлечеме од себе најдоброто. Дека успеавме да споделиме со блиските, со познатите и тие во потреба зборови на надеж, дела на солидарност, почит и разбирање, но над сѐ, да ја споделиме трпезата и сето тоа што го имаме.

Ви посакувам добро здравје, духовен и ментален мир. Економската благосостојба и семејната топлина нека завладее во секој дом на овој голем ден на Рамазан Бајрам. За многу години!“ напиша Џафери.

The post Џафери упати честитка за Рамазан Бајрам appeared first on Република.

Претседателот Стево Пендаровски, по повод големиот муслимански празник Рамазан Бајрам, упати честитка до граѓаните од исламска вероисповед во Република Македонија и до поглаварот на Исламската верска заедница Реис-ул-улема х. хфз. Шаќир еф. Фетаху:

Дозволете ми, Вам лично, на членовите на Ријасетот, муфтиите, имамите и на сите граѓани од исламска вероисповед во Република Македонија да Ви упатам најсрдечни честитки по повод празникот Рамазан Бајрам.

Посакувам празничните денови да ги поминете во мир и хармонија исполнети со среќа и радост и споделувајќи љубов со ближните. Во духот на Рамазан да даруваме, помагаме и шириме добра волја. Без разлика на верската, етничката и политичката припадност да имаме разбирање и почит кон сите наши сограѓани. Заедно, сплотени и солидарни да работиме на напредокот и благосостојбата на нашата заедничка татковина, Република Македонија.

The post Честитка од претседателот Пендаровски по повод Рамазан Бајрам appeared first on Република.

Претседателот на ВМРО-ДПМНЕ Христијан Мицкоски на сите муслимани им го честита Рамазан Бајрам.

Живееме во времиња на големи предизвици и проблеми кои ги делиме заедно, исто како што сме ги делеле низ вековите наназад. Токму ваквите празници се можност да ги истакнеме нашите заеднички традиционални вредности кои не врзувале низ годините, а тоа се разбирањето, солидарноста, толеранцијата истрајноста. Верата во Бога го прави секој човек духовно побогат и подготвен да се справи со сите пречки кои се испречуваат пред него. Луѓето, без разлика на религијата, кога се обединети и кога имаат силна верба можат заедно да направат подобро утре за себе и за своите блиски, за своите комшии и за своите сограѓани.

Правењето добри дела може да ги сплотува луѓето. Јас , но и ВМРО-ДПМНЕ веруваме дека со добра волја и силна пожртвуваност можеме заедно да направиме добри дела и да си ја подобриме својата иднина и иднината на нашите деца и внуци. Како што доброто е универзално, така и лошите појави се зло за секој од нас. На тие појави, како корупцијата, криминалот, кои пак носат сиромаштија, очај и безнадежност, мораме заедно да им се спротивставиме.

Да го кренеме гласот против изворот на овие извитоперени вредности во нашето општество, да им покажеме на оние кои се носители на ова безумие дека не можат да не поделат, не можат да не скршат, туку дека не обединуваат посилно  да им застанеме на патот.

Нека празникот ви донесе мир и радост во вашите срца, бериќет, здравје и успеси во вашите домови, вели Мицкоски во честитката.

The post Мицкоски: Да им покажеме на оние кои носат зло дека не можат да нè поделат appeared first on Република.

Верниците од исламската вероисповед денеска го слават верскиот празник Рамазан Бајрам со кој завршува светиот месец Рамазан и се означува крајот на едномесечниот пост. Рамазанските пости претставуваат една од основните обврски на муслиманските верници. Прославата за рамазанскиот - Бајрам трае три дена. На првиот ден се извршува утринска молитва - Бајрам Намаз, а во состав на прославата се разменуваат подароци и се посетуваат роднините и пријателите. Исламското учење вели дека во светиот месец Рамазан е објавена светата книга Куран.

The post Денеска е Рамазан Бајрам appeared first on Република.

Претседателот на Владата на Република Македонија, Димитар Ковачевски, упати телеграма со честитки до поглаварот на Исламската Верска Заедница, Реис ул Улема хаџи хфз. Шаќир ефенди Фетаи, до членовите на Ријасетот и на Муфтиствата, како и до сите верници од исламска вероисповед, кои празнуваат.

„Упатувам искрени желби за мир, радост и благосостојба до секого и во сечиј дом.

Празниците се денови кога членовите на семејствата, соседите, пријателите се заедно и споделуваат меѓусебна почит, разбирање, солидарност.

Токму на овие вредности, ние заедно го градиме и нашето еднакво општество за сите граѓани, промовирајќи ја мултикултурата како функционална придобивка и со оваа посебност ја интегрираме државата во европското семејство на народи и држави.

Во време на безбедносни и економски предизвици на европскиот континент, Република Македонија е корисен, уникатен пример, за негувањето и развојот на различните традиции, вери, заедници.

Преку заедничките определби, со искрените пријателства, да продолжиме да поставуваме нови темели во меѓусебните односи.

Честит Рамазан Бајрам!“, порача во телеграмата за празникот, до поглаварот хаџи Шаќир ефенди Фетаи, премиерот Ковачевски.

The post Ковачевски за Рамазан Бајрам: Преку меѓусебна почит и разбирање градиме еднакво општество за сите appeared first on Република.

Владата упати честитка до исламските верници по повод големиот муслимански празник Рамазан Бајрам.

Рамазан Бајрам е празник на обновата на духовната сила што ја зајакнува вербата на луѓето во доброто, вистината, правдата и поттикнува желба за меѓусебна почит, разбирање, солидарност. Во овие услови, Рамазан Бајрам повикува да се соочиме со предизвиците и врз начелата на почитување и солидарност да продолжиме заедно по патот што го избравме, здружено и единствени. Нека биде благословен и честит празникот Рамазан Бајрам, се наведува во честитката од Владата.

The post Влада: Рамазан Бајрам повикува да се соочиме со предизвиците и врз начелата на почитување и солидарност да продолжиме заедно appeared first on Република.

Министерот за внатрешни работи им го честита Рамазан Бајрам на исламските верници.

Почитувани граѓани од исламска вероисповед, во мое и во име на МВР ви го честитам големиот празник Рамазан Бајрам – Бајрам Шериф Мубарек Олсун. Нека крајот на постот и благодетите стекнати за време на Светиот месец на ибадетите и рахметот, на одрекувањето и воздржувањето, ви донесат обнова на духовната сила и ве вдахнат со хуманост, толеранција, меѓусебни почит и разбирање, како вредности кои не обединуваат, а сечиј дом нека биде исполнет со дарови на милост, добрина и бериќет. Со овие мисли, нека биде благословен и честит Рамазан Бајрам, наведува Спасовски во честитката објавена на неговиот фејсбук профил.

The post Спасовски: Бајрам Шериф Мубарек Олсун appeared first on Република.

Министерот за надворешни работи Бујар Османи преку својот официјален фејсбук профил им го честита Рамазан Бајрам на сите исламски верници.

Посакувам среќен и убав ден на сите муслимански верници, празник кој доаѓа по цел месец на постови, воздржаност и пожртвуваност; период кога ги прочистуваме нашите мисли и нашите срца, внесувајќи добрина и солидарност во нашите домови, меѓу нашите блиски и во нас самите. Честит Бајрам, напиша Османи.

The post Честитка од министерот Османи до исламските верници по повод Рамазан Бајрам appeared first on Република.

Министерството за труд и социјална политика соопштува дека согласно со Законот за празниците на РМ („Службен весник на РМ“ бр.21/98 и 18/07), 2 Мај 2022 година (понеделник), Рамазан Бајрам, првиот ден на Рамазан Бајрам, е неработен ден за сите граѓани на Република Македонија.

Министерството за труд и социјална политика, на граѓаните од муслиманска вероисповед во Република Македонија, им го честита Рамазан Бајрам.

The post МТСП: Првиот ден на Рамазан Бајрам е неработен ден за сите граѓани на Република Македонија appeared first on Република.