Волфсбург брзо најде замена за отпуштениот тренер на тимот Нико Ковач. „Волците“ официјално објавија дека нов тренер на тимот е Австриецот Ралф Хасенхутл.

Педесет и шест годишниот стручњак потпиша долгорочен договор со Волфсбург и во вторник ќе го одржи првиот тренинг на тимот. Хасенхутл последен пат беше на чело на Саутемптон помеѓу декември 2018 и ноември 2022 година. Тој исто така има искуство во Бундеслигата како тренер во РБ Лајпциг и Инголштад.

Со Лајпциг, Хасенхутл заврши на второто место во дебито на тимот во Бундеслигата и се квалификуваше за Лигата на шампионите во сезоната 2016/2017. Следната година успева да го задржи местото на тимот во елитата, но заминува.

Како што е познато, Волфсбург е во криза, откако има 11 првенствени натпревари во низа без победа и запиша трет последователен пораз вчера против Аугсбург. „Волците“ се 14-ти на табелата и шест бода над местата за пласман во баражот.

Официјалното претставување на новиот тренер на тимот ќе биде утре.

The post Хасенхутл го менува Ковач на чело на Волфсбург appeared first on Република.