Претседателот на Социјалдемократскиот сојуз на Македонија, Венко Филипче, на денешната прес-конференција во одговор на новинарско прашање, изјави дека на 24 ноември СДСМ ќе го избере новиот Централен и Извршен Одбор, како и целокупното партиско раководство. На Конгресот ќе се дискутира за идните политики и делување на партијата.

Имаме комуникации со граѓаните постојано, и јас лично и претставниците на пратеничката група во рамки на изборните единици каде што се избрани. За 24 ноември е закажан Конгресот на СДСМ на кој што ќе се избре новиот Централен одбор од кој ќе произлезе новиот Извршен одбор и целокупното партиско раководство, по што сите активности ќе се засилат - рече Филипче.

При тоа, Филипче потенцираше дека во моментов во СДСМ се случува значајна консолидација и активно се работи на враќање на довербата во партијата.

Тоа што го работиме интензивно изминатите месеци е враќање на довербата на нашите членови и симпатизери. Можам да кажам дека имаме позитивен фидбек. Има значително подобрување на атмосферата внатре во општинските организации и тука во централата во Скопје. Вратен е ентузијазмот, ни пристапуваат многу наши членови коишто не гласале или пак гласале за друг политички субјект. Така што , иако тој процес не е лесен, тежок е и одзема време, сметам дека патот на консолидација е дефинитивно почнат - рече претседателот на СДСМ Венко Филипче.

The post СДСМ ќе избира ново раководство appeared first on Република.

Лидерите на земјите членки на ЕУ на синоќешниот неформален самит во Брисел не успеаја да постигнат договор околу нашироко очекуваниот пакет за распределба на највисоките раководни места во Унијата, туку, како што информира претседателот на Европскиот совет, Шарл Мишел по средбата, само имале „добра дискусија“.

- Средбата претставуваше добра можност да се разменат мислења околу изборните резултати и за подготовка на формалната средба на Европскиот совет што ќе се одржи овде во Брисел следната недела. Мислам дека дискусијата се одвиваше во вистина насока, но во оваа фаза вечерва нема договор, изјави Мишел ноќеска нешто по полноќ по завршувањето на неформалниот состанок на европските лидери.

Тој истакна дека политичките партии на средбата ги изнеле своите предлози за кандидатите за водечките позиции во ЕУ и врз основа на нив ќе се работи на постигнување договор.

Пакетот за кој се расправало на неформалниот самит ги опфаќа претседателката на Европската комисија Урсула фон дер Лајен како кандидатка за реизбор на функцијата, поранешниот португалски премиер Антонио Кошта како кандидат за претседател на Европскиот совет, естонската премиерка Каја Калас за висока претставничка на ЕУ за надворешна политика и безбедност и плус реизбор на претседателката на Европарламентот, Роберта Мецола.

Мишел нагласи и дека целта на вчерашната средба и не била да се донесе одлука околу носителите на врвните функции, туку само да се разменат мислења и да се изнесат очекувањата, надежите и приоритетите, за секој да може да го слушне секого, изразувајќи надеж дека до крајот на јуни лидерите на земјите членки на ЕУ сепак ќе постигнат договор.

Според дипломатски извори, проблемот поради кои не е постигнат договор не биле имињата, туку пакетот политики и програма за работа за следните пет години.

Но, сепак се појавија и информации дека дел од лидерите, главно од редовите на Европската народна партија (ЕПП), изразиле резерви кон номинацијата на Кошта, кој е предлог на Прогресивната алијанса на социјалистите и демократите (СД).

Резервите се однесувале околу тврдењата за негова поврзаност со корупциски скандал во Португалија, иако по истрагата тој беше ослободен од обвинувањата за вмешаност во случајот. Дополнително, некои го посочиле и „слабото познавање на англискиот јазик“ од страна на Кошта, на што добиле реплика дека тоа било случај и со актуелниот полски премиер Доналд Туск кога је презеде функцијата претседател на Европскиот совет во 2014 година, па тоа не го спречи добро да ја извршува должноста.

Дека во ЕПП има резерви кон Кошта, уште синоќа потврди италијанскиот министер за надворешни работи Антонио Тајани.

- Некои стравуваат дека тој не е доволно цврст околу Украина. Но, дебатата е отворена, па ќе видиме, додаде Тајани, кој е и лидер на партијата Форца Италија (ФИ), која е дел од ЕПП.

Тој во понеделникот во интервју за италијанскиот весник „Кориере деа Сера“ дури изјави дека поранешниот италијански премиер Енрико Лета „може да биде добар претседател на Европскиот совет“. Лета доаѓа од редовите на италијанската Демократска партија (ПД), која како и Социјалистичката партија (ПШ) на Кошта е дел од СД.

Резерви некои од лидерите изразиле и кон Калас, која доаѓа од редовите на либералната група „Да ја обновиме Европа“, посочувајќи дека од неа сакаат да слушнат повеќе во врска со нејзините ставови за надворешната политика, освен само за односите со Русија и војната во Украина.

Дипломатски извори посочуваат дека на вчерашната средба на лидерите на партиите членки на ЕПП, одржана пред неформалниот Европски совет, усогласиле „минимални отстапки“ што би можеле да ги направат, базирајќи го ваквиот став на оценката дека партијата победи на Евроизборите и дека е единствената проевропска сила што освои повеќе европратеници отколку што имаше досега.

Дополнително, ЕПП им предложила на социјалдемократите да го „делат“ местото претседател на Европскиот совет со по еден мандат од по 2,5 години.

Согласно Договорот на ЕУ, мандатот на претседател на Европскиот совет трае 2,5 години со право на реизбор. Актуелниот претседател на Советот, Шарл Мишел беше избран во 2019 година, а по истекот на 2,5 годишниот мандат беше реизбран на таа функција.

ЕПП предлага СД да го даде кандидатот во првиот 2,5-годишен мандат, а во вториот за претседател на Советот на ЕУ да биде избран нејзин претставник. За возврат, во првите 2,5 години од мандатот на Европскиот парламент со него би раководела досегашната претседателка Роберта Мецола, која е од редовите на ЕПП, а потоа функцијата би ја презел кандидат на СД. Договорот предвидува и поддршка на социјалдемократите за реизбор на Урсула фон дер Лајен на местото претседателка на Европската комисија.

Од друга страна, италијанската премиерка Џорџа Мелони „била тивка“ за време на првиот дел од вечерашниот неформален состанок, што според дипломатски извори, може да биде показател дека таа „не е задоволна“ од пакетот за распределба на врвните позиции во ЕУ или можеби со тоа само се обидува да добие некоја отстапка за возврат на поддршката за предложените кандидати имајќи предвид дека меѓу нив нема ниту еден член на нејзината група Европски конзервативци и реформисти (ЕЦР).

Незадоволство од предложениот пакет изрази и унгарскиот премиер Виктор Орбан, кој оцени дека на синоќешната средба била „игнорирана волјата на европскиот народ“.

Унгарскиот министер за ЕУ, Јанош Бока вчера интервју за „Полтико“ посочи дека за Унгарија се прифатливи сите кандидати за врвните позиции во ЕУ, освен Фон дер Лајен и затоа Букурешт нема да го поддржи нејзиниот реизбор за претседателка на Европската комисија.

- Односот меѓу претседателката на Комисијата и Унгарија како земја членка беше помалку од идеален. Поради овие причини, ќе ни биде многу тешко да ја поддржиме за втор мандат, изјави Бока.

Продолжението на дискусијата околу изборот на носителите на врвните функции во ЕУ е предвидено за заседанието на Европскиот совет предвидено за 27 и 28 јуни во Брисел, на кое се очекува и конечен договор за предложениот пакет на кандидати.

The post Засега без договор околу носителите на врвните функции во ЕУ во следниот мандат appeared first on Република.

Националниот оператор за воздухопловна навигација М-НАВ и официјално доби ново раководство по инцидентот на 4 јануари годинава со упад во објектот и напад на вработени. Нов претседател на Управниот одбор и извршен директор во Секторот за воздухопловна техника е Милан Кораќ, а Хекуран Асани нов член на управен одбор и извршен директор во Секторот за воздухопловна навигација. Нивните имиња се веќе впишани и на веб страницата на М-НАВ, од каде потврдуваат дека вчера се заокружени сите процедури.

По инцидентот, постапувајќи по насоки на Владата Надзорниот одбор на М-НАВ ги разреши претседателот на Управниот одбор Фахрудин Хамиди и секторскиот извршен директор. Владата тогаш даде насоки нов претседател на УО да биде Хекуран Асани, а Милан Кораќ секторски директор.

По владината одлука за промени во раководството на М-НАВ, Струковиот синдикат на контролори на летање (ССКЛ), кој во изминатиот период реагираше за работењето на актуелното раководство на М-НАВ и спроведувањето на огласите за вработување, ја стави во мирување одлуката за генерален штрајк.

За упадот во М-НАВ, Основното јавно обвинителство Скопје отвори истражна постапка против осум лица за кои постои основано сомнение дека како соизвршители сториле кривично дело – Загрозување на безбедноста на воздушниот сообраќај според член 303 став 2 во врска со член 22 од Кривичниот законик.

Агенцијата за цивилно воздухопловство веќе го подготви прелиминалниот извештај од вонредниот надзор по инцидентот во националниот оператор за воздухопловна навигација во делот на обезбедувањето. Изготвен е конечен записник, врз основа на кој од 14 утврдени наоди изготвено е решение со наредба за преземање 11 задолжителни мерки и активности со различен рок на реализација, што ќе биде дефиниран во корективен план што заедно ќе го изготват овластените инспектори во АЦВ со одговорните во М-НАВ. Има и прекршочни платни налози заради утврдена конкретна одговорност, со санкции кон фирма и лица.

Надзор во М-НАВ врши и Државниот инспекторат за труд (ДИТ), исто така по препорака на Владата. Првичниот надзор е проширен по претставки на кандидати кои се јавиле на последните огласи за вработување и имаат и анонимна претставка за синдикатот.

The post М-НАВ со ново раководство, Милан Кораќ претседател на Управниот одбор appeared first on Република.