Во сообраќајна несреќа што се случи на магистралниот пат Радовиш-Штип загинаа двајца возачи, а сопатничка од едното возило е пренесена во штипската Болница.

Веста за МИА ја потврдува портпаролката на СВР Струмица, Александра Трајанова, која информира дека во несреќата учествувале автомобили „пасат“ и „опел“.

На местото на несреќата починале возачите на двете возила, а сопатничка од патничкото возило „опел" е пренесена во Медицински центар Штип, изјави Трајанова.

Увид на местото на несреќата врши јавен обвинител, а сообраќајот се пренасочува по стариот пат.

Од полицијата повеќе детали за несреќата најавуваат за утре.

The post Двајца загинати во сообраќајна несреќа на патот Радовиш-Штип appeared first on Република.