Вчера во 12.05 часот во СВР Тетово било пријавено дека околу 11.50 часот во атар на с.Неготино, општина Врапчиште, додека бил во нива на неговиот брат кај место викано „Маврица“, од експлозија на рачна бомба со повреди се здобил Б.А.(51) од с.Неготино.

Тој бил пренесен во Ургентен центар во Гостивар за укажување на лекарска помош.

По овластување на јавен обвинител, увид извршила екипа од ОВР Гостивар во содејство со екипа од Единицата за откривање и демонтирање на експлозивни средства и направи при МВР. Се работи на расчистување на случајот, велат од СВР Тетово.

The post Екплодираше рачна бомба на нива во с.Неготино, еден повреден appeared first on Република.

Во СВР Велес на 26 јули во петокот во 12 часот било пријавено дека во куќа во Градско, градежни работници кои извршувале градежни работи пронашле рачна бомба, информира денеска портпаролот на СВР Велес, Билјана Ѓаковска.

Таа појаснува дека  пиротехничар од Дирекцијата за заштита и спасување безбедно ја подигнал бомбата.

The post Пронајдена рачна бомба во куќа во Градско appeared first on Република.

Вчера во 11:40 часот во СВР Охрид било пријавено дека во водите на Охридското езеро, кај селото Трпејца, била пронајдена рачна бомба.

Од МВР информираат дека од увидот, извршен во присуство на овластено лице од Дирекцијата за заштита и спасување, констатирано е дека се работи за бомба М-17 од Првата светска војна која е безбедно подигната и предадена за натамошна постапка.

The post Рачна бомба пронајдена во Охридското Езеро appeared first on Република.

Маж (56) синоќа во Бисаг, во општина Брезница кај Вараждин, со активирање на рачна бомба уби 48-годишна жена и себе си, соопшти денеска полициската истрага од Вараждин.

Во петокот, околу 23 часот и 40 минути, во стан во Бисаг, 56-годишен маж со активирање на рачна бомба убил 48-годишна жена и себеси. Истрагата на местото на настанот ја изврши заменик на жупанискиот државен обвинител во Вараждин со стручна помош на полициски службеници, соопштија од ЈП Вараждин.

Телата на починатите по наредба на заменикот на Жупаниското државно обвинителство се пренесени во Одделот за патологија на Општата болница во Вараждин, каде што ќе биде извршена обдукција, се додава во соопштението.

Во тек е кривична истрага за утврдување на сите околности на ова кривично дело, соопшти полицијата.

The post Хрват активирал рачна бомба и ја убил сопругата и себе appeared first on Република.

Триесетдневен притвор за 53-годишен жител од тетовско, кај кого била пронајдена рачна бомба.

Основното јавно обвинителство Тетово донело наредба за спроведување истражна постапка против 53-годишен жител на тетовското село Долно Палчиште, поради основано сомнение дека сторил кривично дело „Неовластено изработување, држење, посредување и тргување со огнено оружје и распрскувачки материи“ од член 396 став 2 од Кривичниот законик.

Во неговата семејна куќа тој држел боева рачна бомба Ф1 од кинеско производство, иако поседувањето на вакви експлозивни материи на граѓаните им е забрането. Бомбата била пронајдена при претрес во домот на осомничениот на 8 јануари, скриена во кутија под креветот во спалната соба, известуваат од Јавното обвинителство.

Јавниот обвинител до судијата на претходна постапка достави предлог за определување мерка притвор за осомничениот. Судијата го прифати предлогот и на осомничениот му определи притвор во траење од 30 дена.

The post Рачна бомба пронајдена под кревет во тетовско село, едно лице под истрага appeared first on Република.

Синоќа по полноќ двајца скопјани се заканувале дека ќе активираат рачна бомба во дискотека во центарот на градот, но за среќа бомбата била одземена навреме.

Полицијата го потврди случајот и како што информираат околу 1 часот и 25 минути во угостителски објект на бул. „Кузман Јосифовски – Питу“ полициски службеници лишиле од слобода двајца жители на Скопје на возраст од 44 и 45 години. Непосредно пред тоа по претходно недоразбирање со менаџерите на објектот тие сакале да фрлат рачна бомба кон нив во објектот. Лицата се приведени во полициска станица, а неексплодираната бомба е обезбедена и подигната од Единицата за антитероризам. Нема повредени лица или било какви оштетувања а по документирање на случајот ќе биде поднесен соодветен поднесок, информираат од МВР.

The post Скопјани се заканувале со рачна бомба во дискотека appeared first on Република.

МВР соопшти дека во селото Долна Чарлија, Општина Могила, била пронајдена рачна бомба од Првата светска војна.

Пронаоѓањето е пријавено вчера попладне во Полициското одделение Новаци по што бомбата е безбедно подигната од пиротехничар од Дирекцијата за заштита и спасување.

Увид извршила екипа од Полициското одделение Новаци.

The post Пронајдена рачна бомба од Првата светска војна appeared first on Република.