Во Германија неколку години по пандемијата со Ковид-19 и понатаму е висок процентот на лица кои работат од дома, соопшти Федералниот завод за статистика во Визбаден.

Во 2023 година 23,5 отсто од вработените во целост или делумно работеле од дома, што е минимален пад во споредба со минатите години. Пад е регистриран кај лицата што секојдневно работат од дома, се наведува во соопштението.

Најголем процент од оние кои работат од дома е забележан во ИТ секторот, при што речиси 75 проценти од вработените работат од дома целосно или делумно. Сличен висок процент е забележан и во секторите администрација, осигурување и бизнис консалтинг.

Најмал процент е регистриран во здравствениот сектор каде само 6,4 проценти од вработените повремено работеле од дома. Слично низок процент бележи малопродажбата и градежништвото.

Работата од дома најмногу ја користеле помладите вработени од возрасната група од 25 до 44 години.

Германија е на средината на рангирањето во споредба со другите членки на ЕУ. Во рамките на Европска Унија, работата од дома најмногу ја користат Холанѓаните, Швеѓаните и Финците, а најмалку Бугарите, Романците и Грците.

The post Во Германија една четвртина од вработените сè уште работат од дома appeared first on Република.

Американксата банка „Велс Фарго“ изврши серија отпуштања во последните недели по наводите дека некои од нејзините вработени лажирале работа на тастатурата за да ја измамат фирмата да мисли дека работат.

Третата по големина американска банка ги обелодени одлуките во брокерските поднесоци до Регулаторното тело за финансиска индустрија (Финра). Компанијата не одговори на прашањата за тоа како е откриен наводниот проблем, ниту дали е поврзан со работење од дома.

Во САД, овој месец стапија на сила новите правила кои бараат канцелариите што брокерите ги користат за да работат од дома да се проверуваат на секои три години.

„Велс Фарго“ ги држи своите вработени според највисоките стандарди и не толерира неетичко однесување“, вели портпаролката Лори Кајт во соопштението.

Некои големи компании користат сè пософистицирани алатки за следење на вработените бидејќи далечинското работење се прошири за време на пандемијата на Ковид. Таквите услуги можат да ги следат притискањата на копчињата и движењата на очите, да прават слики од екранот и да снимаат кои веб-локации се посетени.

Сепак, технологијата исто така еволуираше за да го избегне надзорот, вклучително и таканаречените „глувци“ дизајнирани да направат компјутерите да изгледаат како активно да се користат.

The post Американска банка ги отпуштила вработените затоа што лажирале дека работат нешто на компјутер appeared first on Република.

За да одредите точно колку електрична енергија користи вашиот компјутер, можете да се потпрете на разни онлајн алатки достапни на Интернет

За да пресметате колку ќе ве чини сметката за струја, треба да ја знаете цената на киловат-час (kWh)  На пример, ако цената на 1 kWh е 7 денари (оваа бројка се менува и треба да ја проверите моменталната цена), а вашиот компјутер троши 300 W на час, дневната потрошувачка би била 0,3 kWh x 24 часа = 7,2 kWh. Според тоа, дневниот трошок би бил 7,2 kWh x 7 RSD/kWh = 25 денари

Важно е да се напомене дека ова е само груба проценка, бидејќи вистинската потрошувачка може да варира во зависност од тоа како и колку често го користите вашиот компјутер.

Што се однесува до исклучувањето или оставањето на компјутерот во режим на подготвеност, тоа ќе зависи од специфичните околности. Ако го користите вашиот компјутер само повремено, исклучувањето кога не го користите може да ја намали потрошувачката на енергија. Меѓутоа, ако често го користите вашиот компјутер, а особено ако редовно преземате големи датотеки, режимот на подготвеност може да биде поудобен.

The post Eве колку струја трошите со работа од дома за осум часа appeared first on Република.

Поголемиот дел од германските компании, поточно 61 отсто, им дозволуваат на вработените да работат од дома, објави Институтот за економски истражувања ИФО од Минхен.

Како што е наведено на веб-страницата на Институтот, германските компании им дозволуваат на своите вработени да работат од дома во просек по 6,4 дена месечно, ова е заклучокот од истражувањето спроведено во соработка со компанијата Рандстад, пренесува Танјуг.

Помалку е веројатно трговските компании и малите фирми да им понудат на своите вработени да работат од дома“, вели експертот на МФО, Јохана Гарниц.

Во трговскиот сектор, 34 отсто од германските компании нудат работа од дома, што е значителен пад во споредба со минатогодишните 51 отсто.

The post Поголемиот дел од германските компании им дозволуваат на вработените да работат од дома appeared first on Република.

Приближно 12 отсто од канцелариските бироа во Германија остануваат неискористени во текот на работниот ден, бидејќи работа на далечина стана норма по пандемијата, соопшти германскиот истражувачки институт – Ифо.

Тој процент е околу трипати поголем во споредба со 2019 година.

Речиси празни канцеларии се најчести во секторите како што се информатичката технологија, рекламирањето и деловното советување.

Околу четвртина од вработените редовно работат од дома, изјави истражувачот на Ифо, Симон Краузе.

Некои работодавци одлучија да ги претворат своите празни канцеларии во заеднички работни простори кои ги делат со други, додека други ги намалуваат деловните простории за да заштедат на трошоци, вели тој.

Според Краузе, ваквиот тренд може да има последици врз пазарот на недвижности, кој веќе е под притисок на повисоките каматни стапки и трошоците за изградба.

Ифо е институт за економски истражувања на Универзитетот во Минхен и спроведува месечни анкети меѓу неколку илјади германски компании на различни теми.

The post Во Германија три пати повеќе луѓе работат од дома отколку пред пандемијата appeared first on Република.

Можноста за работа од дома мотивирала многу луѓе, особено од големите градови, да го сменат местото на живеење. Ова го покажуваат резултатите од истражувањето спроведено меѓу 12.000 луѓе во Германија од страна на економскиот институт „Ифо“ и сајтот за недвижнини immowelt, објави „Ифо“ во соопштение за медиумите.

Меѓу оние кои ги напуштиле големите градови, 38 отсто се преселиле во предградијата, 30 отсто избрале помали градови со меѓу 100.000 и 500.000 жители. Само девет отсто избрале мали градови и пет отсто рурални области“, објаснува Матијас Долс, заменик директор на Центарот за макроекономија и истражување во тој интитут.

Запрашани за нивните планови за следните 12 месеци, 10 отсто од анкетираните жители на градовите рекоа дека планираат голем потег. Меѓу нив, 40 отсто имаат намера да се преселат во помал град, а 22 отсто во предградијата. Малите градови и руралните области беа најмала веројатност да бидат наведени како дестинација за нов дом (од 8 и 12 проценти од испитаниците, соодветно).

Спротивно на некои очекувања, пандемијата Ковид-19 не предизвика масовна миграција кон селата. Резултатите од нашето истражување покажуваат дека тоа веројатно нема да се случи во иднина, нагласува Долс.

Финансиските анализи играат се поважна улога во одлуката за преселување. „Испитаниците ги посочуваат зголемените основни трошоци за изнајмување, со исклучок на греењето и енергијата како главни двигатели на цената за нивната одлука“, додава експертот.

Резултатите се засноваат на репрезентативно истражување на 12.000 луѓе спроведено во есента 2022 година.

Во мај 2021 година, 12 отсто од испитаниците тогаш ги сметаа трошоците за домување како голем финансиски товар. Тој процент минатата есен се искачи на 20 отсто меѓу испитаниците. Меѓу луѓето кои планираат да се преселат во следните 12 месеци, 12 отсто го навеле финансискиот товар како најважна причина за нивното преселување.

The post Германците се селат во предградијата поради можноста за работа од дома appeared first on Република.

Работењето од дома во Хрватска отсега ќе биде и законски регулирано. Работникот во Хрватска од почетокот на 2023 година може од работодавецот да бара измена на договорот поради работа на далечина, а и работењето во недела мора да се плати 50% повеќе.

Заради усогласување на работните, семејните и личните потреби работниците во Хрватска од почетокот на оваа година ќе можат да бараат таква измена во договорот со цел заштита на здравјето, инвалидитет, бременост или обврски кон децата се до наполнети 8 години возраст или за да помогна тна некој член од семејството кој е болен.

Новиот хрватски закон за работа фактички ја регулира работата од дома, на далечина и преку дгитални платформи и го дефинира новиот начин на вршење на сезонките работи, кои вклучуваат и работа на неопределено време.

Со новиот акт е реулирано во случај на епидемија, земјотрес или поплави работодавецот може да му одобри на некој вработен да работи од дома најдолго на период од 30 дена.

Со измените на законот нема да смее основната заработка да биде помала од минималната плата, па така, работнциите на пониско платено работно место ќе ги почувстуваат ефектите преку платата. Овој закон по прв пат јасно пропишува дека работењето во недела мора да се плати 50% повеќе.

The post Хрватска законски го регулираше работењето од дома appeared first on Република.

Министерката за труд и социјална политика Јованка Тренчевска изјави дека со нацрт-законите за работни односи и за системот на плати не се кратат работничките права.

Тренчевска во емисијата „Топ тема“ на телевизија Телма ги оцени како спинови и невистини реакциите за овие два нацрт-закона и рече дека не знае од каде стравот кај синдикатите за двата закона особено за законот за работни односи кој, како што рече, е работен во консултација со синдикатите.

Според Тренчевска, двата закона ги унапредуваат работничките права. Како позитивни ги оцени одредбите во законот за работни односи со кои се намалува времетраењето на договорите на определено време од сегашните пет на две години.

Работник кај ист работодавач не ќе може повеќе од три пати да склучува анекс на договорот во период од две години што значи дека нема да потпишува секој месец, појасни Тренчевска.

Се воведува работа од дома и работа од далечина, а новина е и тоа што е тргната горната граница во времетраењето на годишниот одмор што ќе ја утврдуваат заедно синдикатот и работодавачот преку колективно преговарање. Придобивка, според Тренчевска, е и тоа што се воведува обврска на работодавачот доколку му е прекинат договорот за работа на работникот, да му биде исплатен годишниот одмор.

Тренчевска ги отфрли и тврдењата дека со нацрт-законот за систем на плати за време на годишниот одмор на работникот ќе му биде исплатена само основната плата. Како што посочи, во основната плата ќе влегува и минатиот труд.

Ова е нацрт-текст на закон, ќе се организираат јавни дебати и секое оставање на можност за различна интерпретација ќе биде дел од јавни дебати, рече Тренчевска, додавајќи дека очекува до средината на февруари да се соберат сите забелешки по овие закони.

Тренчевска не се согласува со оценките на синдикатите дека се суспендира колективното договарање. Ингеренциите што му се даваат на министерот за финансии од кој треба да се добие позитивно мислење во однос на фискалните импликации од колективниот договор врз буџетот, според Тренчевска, се оправдани. Доколку не се добие позитивно мислење од министерот за финансии за склучен колективен договор, како што појасни Тренчевска, повторно синдикатот и работодавачот ќе седнат на преговарачка маса.

Ако министерот не даде позитивно мислење, ќе се седне повторно на преговори се додека не се добие позитивно мислење. Министерот дава мислење само за фискаланиот ефект врз буџетот и тоа е нормално, рече Тренчевска.

Во однос на новините во породилното отсуство, Тренчевска повтори дека не се крати ништо од сегашните права. Не се крати сегашното породилно отсуство од девет месеци, туку му се дава можност и на таткото да се вклучи во грижата на своето дете. Се предвидува мајчинско отсуство од пет месеци во првите месеци од раѓањето на детето, понатаму четири месеци родителско отсуство за мајката и четири месеци родителско отсуство за таткото кои можат да ги користат наизменично или заедно. Предвидени се и 15 дена татковство, односно од првиот ден на раѓање 15 дена доколку се роди едно дете, а за близнаци или повеќе деца татковство од 20 дена. Дополнително, имаат право и на неплатено отсуство за двајцата родители во траење од два месеци кои можат да го користат до осумгодишна возраст на детето.

На прашање за истополови бракови, ми нистерката Тренчевска кажа дека кај нас „истополовата заедница не е дефинирана и оти се што се однесува во ЗРО се однесува на мајката и на таткото.

The post Работник кај ист работодавач не ќе може повеќе од три пати да склучува анекс на договорот во период од две години appeared first on Република.

The post Eвростат: Зголемен бројот на Европејци кои работат од дома appeared first on Република.

Денешната четиричасовна седница на Економско-социјалниот совет беше прекината, откако Владата, синдикатите и работодавачите останаа на различни страни.

Претседателот на УПОЗ, Трпе Деаноски во вечерашната „Топ тема“ обелодени дел од мерките и препораките на владата за намалување на расходите на буџетските корисници. Освен мерката за намалување за 10 отсто на платата која што беше единствено соопштена во јавноста, документот содржи уште неколку точки меѓу кои и намалување на прекувремената работа за преку 20 отсто во МВР, во АНБ, во Агенцијата за разузнување, работа од дома на вработените со ротации, а за синдикалците спорни се и, според нив, намерите на владата за суспензија или укинување на колективните договори.

Синдикалците и од јавниот и од приватниот сектор предупредија дека сите заеднички ќе се спротивстават на било каков обид од страна на владата да ги укине или суспендиран колективните договори.

Денеска требаше да се донесе и пакетот на мерки за помош на стопанството. Но, владата одлучи тоа да се случи кон крајот на месецот. Државата донесе одлука финансиски да им се помогне само на одредена категорија на граѓани. Експертите сметаат дека тоа е во ред, но мора да има и мерки со кои би се забавила инфлацијата.

The post Принуден одмор или работа од дома за јавната администрација? appeared first on Република.

И по укинувањето на обврската на работодавците да им понудат на вработените можност да работат од дома, сепак една четвртина од вработените кај кои е можна оваа форма на работа ја користат оваа можност.

– Очигледно, многу компании трајно се адаптираа на пофлексибилни работни модели, изјави Жан-Виктор Алипур од Институтот Ифо во Минхен (Институт за економски истражувања).

Според истражувањето спроведено од Институтот во април, 24,9 отсто од вработените работеле од дома, што е нешто помалку отколку во март кога оваа можност ја искористиле 27,6 отсто.

Обврската на работодавците да им понудат работа од дома на вработените каде тоа е можно, што беше една од мерките против пандемијата со Ковид-19, истече на 20 март.

Ифо нагласуваат дека 56 отсто од работните места во Германија дозволуваат работа од дома

The post Се повеќе Германци сакаат да работат од дома appeared first on Република.

Британскиот премиер Борис Џонсон најави дека во Британија се укинуваат ковид-сертфикатите, обврската за носење маски и работа од дома.

Сите ограничувања предвидени со т.н. план Б, вклучително и носењето маски, престанува во Англија на 26 јануари, а задолжителната самоизолација за луѓето со Ковид-19 на 24 март.

Борис Џонсон најави крај на сите мерки за воведени за борба против сојот омикрон од следната недела, вклучително и задолжително носење маски во јавниот превоз и продавниците, работата од дома и вакциналните сертификати.

Од утре повеќе нема да бараме маски во училниците, а Министерството за образование наскоро ќе ги укине националните упатства за нивна употреба во заедничките простории.

Низ целата земја, ќе продолжиме да предлагаме употреба на маски за лице во затворени простории или во преполни простори, особено кога ќе стапите во контакт со луѓе што вообичаено не ги среќавате, но ќе ѝ веруваме на проценката на Британците и повеќе нема да го криминализираме секој што ќе избере да не ги носи, изјави Џонсон.

Брзата промена на стратегијата беше протолкувана како обид на Џонсон да ги смири конзервативните пратеници кои бараат одговорност за извештаите за партиите кои го прекршиле карантинот организирајќи забави, пренесува Гардијан.

Од друга страна, некои службеници од јавното здравство се загрижени дека укинувањето на сите ограничувања во овој момент би можело да биде прерано, особено на северот на Англија, каде се уште има многу заразени.

The post Од 26 јануари во Велика Британија се укинуваат ковид-сертификатите, носењето маски и работа од дома appeared first on Република.