ДУИ манифестира елементарно непознавање на правото. Прв Вицепремиер не постои согласно закон. ДУИ треба да знае дека Деловник за работа на влада, не може да биде над закон - реагираат од ВМРО-ДПМНЕ.

Понатаму додаваат:
Законот познава термин Вицепремиер, не и прв Вицепремиер. Тоа што ДУИ смениле Деловник за Груби да си мисли дека е прв Вицепремиер има значење колку коцките нацртани со креда на улица означувајќи полиња за игра со топка.

ДУИ покрај тоа што многу краделе во минатото, многу и лажеле. Помина времето на лаги.

Согласно џентлменскиот договор во владината коалиција Изет Меџити ќе биде прв вицепремиер во Владата, потврди денеска премиерот Христијан Мицкоски.

- Според законот кој што е важечки Владата односно премиерот има заменици, а договорот којшто го имаме во рамките на коалицијата е да да има прв вицепремиер и тоа ќе биде господинот Изет Меџити. Но тоа е надвор од законот. Законот вели односно подразбира само заменици на претседателот на Владата. Тоа што досега е работено на диво и незаконски, тоа нема да биде пракса во работењето на оваа Влада. Но, да џентлменскиот договор во рамките на нашата коалиција и во рамките на нашето функционирање е таква, рече Мицкоски, кој денеска беше на ставање камен темелник на основно училиште во Драчево.

Прв вицепремиер во минатата Влада беше Артан Груби од ДУИ, а за првпат тој беше назначен како вицепремиер во Владата на 20 август 2020 година во Владата на Зоран Заев.

The post ВМРО-ДПМНЕ: ДУИ манифестира елементарно непознавање на правото – прв Вицепремиер не постои согласно закон appeared first on Република.

Фатмир Битиќи, потпретседател на СДСМ, во емисијата „24 анализа“ рече дека треба да размисли за укинување на позицијата прв вицепремиер на која сега се наоѓа Артан Груби.

Според него, оваа позиција е воведена како резултат на политички договор, но и дека СДСМ во договор со коалицициските партии размислува за намалување на министерски места.

Битиќи рече дека претседателските избори ќе бидат потврда на победата на парламентарните избори во корист на сегашната влада. Тој смета дека процесот на уставни измени не е мртов и смета дека ако постои деловничка можност по изборот на техничка влада на 28 јануари, веднаш на истата седница да се стават и амандманите за устави измени.

Ако постои можност, јас мислам дека најдобро е на 28 јануари откако ќе биде изгласана техничката влада,  во ист ден да се стават на гласање и уставните измени, изјави Битиќи.

The post Битиќи: Треба да се укине позицијата прв вицепремиер appeared first on Република.