Од почетокот на годинава 12 лица во Србија направиле хируршка промена на полот на сметка на здравственото осигурување, а уште 10 чекаат операција, јави дописникот на МИА од Белград.

Во Србија во моментов не е можно административно да се изврши промена на полот само врз основа на декларација, како во Белгија, Шпанија, Ирска, Луксембург и Данска, и за тоа е неопходна операција, пишуваат „Новости“.

Мирослав Ѓорѓевиќ, професор на Медицинскиот факултет во Белград, кој е хирург во областа на промената на полот, за овој весник рече дека во Србија самиот процес на промена на полот трае од две до две и пол години.

Тој објасни дека евалуацијата на пациентите кај психијатри трае меѓу една и две години, а потоа пациентот го започнува „вистинскиот живот“ на полот кон кој цели со користење на хормонска терапија.

The post Од почетокот на годинава 12 лица го промениле полот во Србија appeared first on Република.

Поглаварот на Македонската Православна Црква - Охридска Архиепископија г.г. Стефан денеска во обраќањето по повод големиот христијански празник во манастирот „Успение на Пресвета Богородица“ на Матка рече дека сите оние кои се загрижени за третманот и правата на жената, се непознавачи на нејзиното вистинско место во христијанството.

До каде ќе стигне светот со истополовите бракови и со хуруршката промена на полови? Вистинско време е самопрогласените борци за правата на жените да се запрашаат како ќе се раѓаат и воспитуваат идните поколенија? Пресвета Богородица била и останува да биде идеал за мајка. И со покажаната љубов и со трпението и со подготвеноста за страдање и подготвеноста за саможртва, рече г.г. Стефан.

Големиот христијански празник Успение на Пресвета Богородица денеска се одбележува во сите православни храмови низ државата.

Во истоимениот манастир во Матка традиционално се одржува крводарителска акција.

The post Г.г Стефан: Вистинско време е самопрогласените борци за правата на жените да се запрашаат како ќе се раѓаат и воспитуваат идните поколенија appeared first on Република.

Државната дума на Русија денеска во второ читање го усвои законот за забрана на ЛГБТ пропаганда, како и за пропагирање педофилија и промена на пол во Русија.

Сличен закон е во сила од 2013 година, но тој се однесуваше само на малолетниците, а новиот закон важи за сите возрасти.

Документот предвидува забрана за пропаганда на нетрадиционални сексуални односи и педофилија во медиумите, на интернет, во реклами, литература и кино. Законот, исто така, забранува поттикнување на тинејџери да го променат својот пол, медиуми, книги, аудиовизуелни услуги, филмови и реклами. Забрането е издавање сертификат за изнајмување филм ако содржи материјал што промовира нетрадиционални сексуални односи и преференции.

Според документот, руското регулаторно тело за медиуми (Роскомнадзор) ќе воспостави процедура за следење на интернет и блокирање веб-страници што го прекршуваат законот за пропаганда.

The post Русија усвои Закон за забрана на пропагирање на ЛГБТ, педофилија и промена на пол appeared first on Република.

Владата го повлече законот за промена на полот со нотарска изјава. Информацијата утрово на Комисијата за политички систем ја соопштија пратениците од мнозинството откако претходно и официјално побараа да биде тргнат од дневен ред

Но опозицијата се сомнева дека доработки на ова законски решение се причината за негово повлекување. Според нив, станува збор во несогласувања внатре во владејчката коалиција

Законот предвидуваше можност сите полнолетни лица да можат да ја променат ознаката за пол во изводот од матичната книга на родените а за тоа да им биде потребна само изјава дадена пред нотар.

The post Повлечен владиниот предлог закон за промена на полот со нотарска изјава appeared first on Република.

Владата одлучила да го повлече законот за промена на полот кој веќе е во Собрание, потврдува за ТВ21 првиот вицепремиер Артан Груби.

Измените на законот за матична евиденција, меѓу другото, предвидуваше лице да може да го промени својот пол само со изјава на нотар и требаше утре да се најде пред пратениците на Комисијата за политички систем.

The post Владата го повлече законот за промена на полот appeared first on Република.

Сметам дека е несоодветно вака широка материја за која постојат меѓународни стандарди да се регулира само со изјава на нотар и со фотокопија од лична карта, без притоа да се даде одговор на сите оние прашања кои произлегуваат како одговор на вака дефинирано законско решение, вели Бојан Стојаноски, пратеник на ВМРО-ДПМНЕ за измените на Законот за матична евиденција.

Ако само со изјава на нотар и со фотокопија од лична карта може да се промени полот, тогаш што ќе се случи со одењето во пензија, учеството во спортски натпревари, кандидатурите во политиката каде е задолжителен родов баланс на листите, добивање на права од спротивен пол? Што ако маж се декларира за жена за порано да оствари право на пензија, а потоа пак, се декларира како маж? За ваков закон треба широка јавна дебата, да се слушнат различни ставови како и мислењата на експерти. Ова е обид за дефокус, Стојаноски.

The post Стојаноски: За пензија, маж ќе стане жена, па по две години пак ќе стане маж appeared first on Република.