Градот Скопје заедно со јавните градски претпријатија и во координација со Општина Ѓорче Петров ја почнаа големата пролетна работна акција на подрачјето на оваа општина. Екипите координирано до крајот на неделава на терен ќе спроведуваат активности за рачно и машинско метење и миење на улиците и булеварите, чистење и дезинфекција на контејнерите, собирање кабаст отпад, санирање на оштетувања на коловозите, обновување и поставување на сообраќајната сигнализација, уредување на зеленилото и садење нови садници, санации на пријавени дефекти и проблеми од граѓаните, заловување на бездомни кучиња и можности за нивно вдомување по нивен хуман третман, целосно чистење на атмосферските и на фекалните линии, како и прочистување на дождовните сливници на булеварите и на градските улици.

Во големата пролетна работна акција во Ѓорче Петров на терен координирано ќе работат екипи на градските јавни претпријатија: Комунална хигиена, Улици и патишта, Паркови и зеленило, Водовод и канализација, Дрисла и Лајка.

Во рамките на пролетната акција, екипите на ЈП Комунална хигиена ќе извршат рачно и машинско метење и миење на булеварите и на улиците, автобуските постојки, како и миење и дезинфекција на контејнерите и на микролокациите каде што се поставени.

ЈП Комунална хигиена и во оваа општина на неколку локации постави и специјални садови за кабаст отпад, во кои граѓаните ќе можат да го остават, по што тој бесплатно ќе биде подигнат и транспортиран на соодветна локација од ова градско претпријатие.

Жителите на општината Ѓорче Петров во различни периоди до завршувањето на акцијата (22.05.2022 година), ќе можат да го одложат својот кабаст отпад на:

1. Ѓорче Петров 2, автобуска постојка на последна 5-ка;
2. Хром, автобуска постојка на последна 4-ка;
3. Кај старата полициска станица;
4. Кај урбаната заедница Даме Груев;
5. Улица Никола Пушкаров, кај општината;
6. Улица Ѓорче Петров (од понеделник 16.05.2022 до среда 18.05.2022 година), кај Очната болница;
7. Улица 100, кај КАМ маркет (од четврток 19.05.2022 до недела
22.05.2022 година).

Според утврдените активности екипите на ЈП Паркови и зеленило во Ѓорче Петров ќе работат на средување и расчистување на теренот, собирање на отпадоци и смет, косење на тревните површини, собирање на откосот, како и кроење грмушки. Вработените од Секторот дрвореди ќе извршат обликување и кастрење на крошните на дрвјата, врз основа на издадени Решенија од Секторот за комунални работи на Град Скопје.

Екипите на ЈП Паркови и зеленило денеска извршија косење на зеленилото на булеварот „Ѓорче Петров“ на потегот кон Сарај, како и косење на зеленилото кај местото Јурија во соработка со екипи од општината. Се изврши и кастрење на 40 дрвја од видот платани на улица Васил Чакаларов на потег од споменикот на Ѓорче Петров до железничкиот мост во Хром. Интервенциите се извршија по издадени Решенија од Град Скопје. Екипите во наредните денови активностите ќе ги продолжуваат на булеварот Македонска војска и улицата Лука Геров.

Екипите на ЈП Улици и патишта одговорни за одржување на градските сообраќајници ќе работат на санација на ударните дупки на улица Ѓорче Петров, улица Волковска, улица Црногорска, улица Лепенец и улица Шарпланинска. Како и во преостанатите општини ќе се врши обележување на такси станиците на улиците на подрачјето на општина Ѓорче Петров и санација на недостатоците на светлосната сигнализација.

ЈП Улици и патишта денеска работеа и на улица Ѓорче Петров и ги санираа ударните дупки со површина од 18 квадратни метри. Тимовите што ја одржуваат светлосната сигнализација извршија обиколка и контрола на семафоризираните крстосници во Ѓорче Петров и ги утврдија недостатоците на семафорите кои ќе бидат санирани до крајот на неделава. Бидејќи од денеска почнува ноќното бележење на сообраќајниците во градот, во текот на вечерните часови ќе се бележат и такси станиците во општина Ѓорче Петров.

Јавното претпријатие Водовод и канализација во општината Ѓорче Петров за време на акцијата ќе работат на улиците Борис Сарафов, Ѓорче Петров и Лука Геров, како и на булеварот Македонска војска. Екипите денеска на улицата Ѓорче Петров извршија контрола на 52 шахти, рачно исчистија 23 шахти и 160 сливници, а извршија и миење на 430 метри канализациона линија со цистерна со вакуум и прочистување на 430 метри со цистерна под притисок.

Заловувачките тимови на ЈП Лајка ќе постапуваат на четири клучни локации во општина Ѓорче Петров, односно на улицата Лука Геров, околу општинската зграда, на територијата на населеното место Волково и на гробиштата.

Јавното претпријатие Дрисла во рамките на пролетната акција ќе го прима, складира и депонира комуналниот отпад, градежниот шут и другите видови отпад што ќе се собира на територијата на општина Ѓорче Петров.

Пролетната акција во општина Ѓорче Петров почна денеска, 16 мај, и ќе трае се до 20 мај, а потоа екипите на јавните претпријатија ќе продолжат со работа во наредната општина што е планирана, каде што на терен ќе ги продолжат активностите на точно утврдени локации по примерот на општина Кисела Вода, Карпош, Аеродром, Гази Баба, Чаир, Бутел, Шуто Оризари, Центар и општина Ѓорче Петров.

The post Пролетната акција на Град Скопје и јавните претпријатија од денеска се реализира во општина Ѓорче Петров appeared first on Република.

Градот Скопје заедно со градските јавни претпријатија и во координација со Општина Центар вчера ја почнаа големата пролетна работна акција на подрачјето на општина Центар. Екипите координирано до крајот на неделава  на терен ќе спроведуваат активности за машинско и рачно  метење и миење на булеварите и на улиците, дезинфекција на контејнерите, собирање кабаст отпад, санирање на оштетувања на коловозите, обновување  и поставување на сообраќајната сигнализација, садење нови садници и уредување на зеленилото, санации на пријавени дефекти и проблеми од граѓаните, заловување на бездомни кучиња и можности за нивно вдомување по нивен хуман третман, целосно чистење на атмосферските и на фекалните линии,  како и прочистување на дождовните сливници на булеварите и  на градските улици.

Во големата пролетна работна акција во Центар на терен координирано ќе работат екипи на градските јавни претпријатија: Комунална хигиена, Паркови и зеленило, Улици и патишта, Водовод и канализација, Лајка и Дрисла. 

Во рамките на пролетната акција, екипите на ЈП Комунална хигиена  ќе извршат рачно и машинско метење и миење на булеварите и на улиците, автобуските постојки,  како и миење и дезинфекција на контејнерите и на нивните микролокации.

ЈП Комунална хигиена и во оваа општина на неколку локации постави и специјални садови за кабаст отпад, каде што граѓаните ќе можат да го остават, по што тој бесплатно ќе биде подигнат и транспортиран на соодветна локација од ова градско претпријатие.
Специјалните садови во општината Центар се поставени на следниве локации:
1. Паркинг на ЈП ПОЦ, зад Веро-Џамбо;
2. ул. Питу Гули, кај Тинекс маркет (населба Водно);
3. Влез на ООУ „ Ј.Х.Песталоци“;
4. Дебар Маало, кај кружниот тек;
5. Кај Билната аптека.

Во текот на акцијата за чистење на општината Шуто Оризари што се спроведуваше во текот на минатата седмица, во специјалните садови беа одложени вкупно 132 кубни метри кабаст отпад, додека екипите на ЈП Комунална хигиена-Скопје отстранија 272 кубни метри отпад од диви депонии лоцирани во оваа скопска општина.

ЈП Паркови и зеленило во рамките на акцијата во Центар  ќе се спроведуваат активностите на улиците Пролет, 11 Октомври, Св.Кирил и Методиј, Васил Ѓоргов, Самоилова, како и на  булеварите Никола Карев, Гоце Делчев, Св.Климент Охридски и Кочо Рацин.

Теренските екипи на  ЈП„Паркови и зеленило“ вчера работеа на улиците Пролет и Никола Карев каде што се изврши косење на тревните површини, како и расчистување на јавните површини од отпадоци и од смет. Со соодветна механизација екипите од Секторот дрвореди извршија кастрење на седум дрвја на улицата Пролет врз основа на издадени Решенија од Град Скопје. 

Екипите на ЈП Улици и патишта одговорни за одржување на градските сообраќајници ќе работат на санација на ударните дупки на булеварот Гоце Делчев и на улиците Димитрие Чуповски, Франклин Рузвелт и Даме Груев, обновување на вертикалната сигнализација и обележување на такси станиците на улиците на подрачјето на општина Центар.

На булевар Гоце Делчев  вчера екипите санираа 15 квадратни метри  оштетен асфалт, ги обележаа такси станици на улиците Мирче Ацев, Димитрие Чуповски кај Триумфалната порта и на излезот од ГТЦ. Екипите што ја одржуваат светлосната сигнализација ги санираа недостатоците на семафорите и тоа на крстосниците на  ул.11 Октомври со бул.Климент Охридски, бул.Гоце Делчев со ул.Стив Наумов,бул. Крсте Петков Мисирков со бул.Гоце Делчев и крстосницата  Кочо Рацин со Кеј 13 Ноември. На семафорите се монтирани нови сенила за пешачка лантерна, заменети  се оштетени модули на пешачки и монтирани се  нови капаци на семафори.

Екипите на претпријатието Водовод и канализација  во општина  Центар за време на акцијата на терен  ќе  вршат  рачно чистење на сливници, на шахти (атмосферски и фекални) и миење со цистерна со вакуум и цистерна под притисок на атмосферските и на фекалните сливници и шахти. На булеварот Илинден вчера е извршена контрола  на 7 шахти, рачно се исчистени 7  шахти, 23 сливници, миење на канализациона линија од 440 метри  со цистерна со  вакуум  и прочистување на 160 метри  со цистерна под  притисок.

Заловувачките тимови на ЈП Лајка ќе постапуваат на четири клучни локации во општина Центар, односно кај  ГТЦ, на улица Македонија,  Плоштад Македонија и околу градскиот стадион Тоше Проевски. 

Јавното претпријатие Дрисла во рамките на пролетната акција ќе го прима,  складира и депонира комуналниот отпад, градежниот шут и другите видови отпад што ќе се собира на територијата на општина Центар.

Пролетната акција во општина Центар почна вчера, 9 мај, и ќе трае се до 13 мај, а потоа екипите на јавните претпријатија ќе продолжат со работа во наредната општина што е планирана, каде што на терен ќе ги продолжат активностите на точно утврдени локации по примерот на општина Кисела Вода, Карпош, Аеродром, Гази Баба, Чаир,  Бутел  и Шуто Оризари  и општина Центар.

The post Пролетната акција на Град Скопје и јавните претпријатија продолжува во општина Центар appeared first on Република.

Големата пролетна работна акција на Градот Скопје и јавните градски претпријатија од денеска се спроведува на подрачјето на општината Бутел. Во координација со Oпштина Бутел, до крајот на оваа недела екипите ќе спроведуваат активности за рачно и машинско метење и миење на булеварите и улиците, дезинфекција на контејнерите, собирање кабаст отпад, санирање на оштетувањата на коловозите, обновување и поставување сообраќајна сигнализација, садење нови садници и уредување на зеленилото, санации на пријавените дефекти и проблеми од граѓаните, целосно чистење на атмосферските и фекалните линии, како и прочистување на дождовните сливници на булеварите и на градските улици.

Во големата пролетна работна акција во Бутел на терен координирано работат екипи на јавните градски претпријатија „Комунална хигиена“, „Паркови и зеленило“, „Водовод и канализација“, „Лајка“, „Улици и патишта“ и „Дрисла“. Екипите на ЈП „Комунална хигиена“ на целата територија спроведуваат активности за рачно и машинско метење и миење на булеварите и на улиците, како и миење и дезинфекција на контејнерите и на микролокациите на кои што тие се поставени.

Во рамките на оваа голема акција, ЈП „Комунална хигиена“ постави и специјални садови за кабаст отпад на неколку локации, каде што граѓаните ќе можат да го остават овој отпад, по што тој бесплатно ќе биде подигнат и транспортиран на соодветна локација. Жителите на општина Бутел својот кабаст отпад ќе можат да го одложат на следниве локации:
1. Скопје Север, кај „Стокомак“;
2. Бутел 2, на платото кај џамијата;
3. Населба Радишани, меѓу првиот и вториот влез;
4. Бутел 1, наспроти црквата „Свети Јован“ (кај трансформаторот).

Со пролетната акција на ЈП „Паркови и зеленило“ во општина Бутел ќе биде опфатено зеленилото по должината на булеварите Словенија и Босна и Херцеговина, како и на улиците Бутелска и Александар Урдаревски. На овие локации се врши расчистување на теренот, собирање лисја, косење на тревните површини, собирање на искосот, како и кроење грмушки.

Покрај овие активности, екипите од Секторот дрвореди постапуваат по Решенијa издадени од Секторот за комунални работи на Град Скопје за кастрење дрвја. Клучни локации на кои заловувачките тимови на ЈП „Лајка“ ќе постапуваат во општината Бутел се: кај црквата „Свети Јован“, пазарчето во Бутел, околу ООУ „Климент Охридски“, првиот и вториот влез на населбата Радишани, регионот кај последната автобуска станица број 57 и Бел Камен во Радишани. Екипите на ЈП „Водовод и канализација“ во општината Бутел ќе вршат рачно чистење на сливниците, рачно чистење на шахтите (атмосферски и фекални) и миење со цистерна со вакуум и цистерна под притисок на атмосферските и фекалните сливници и шахти.

Денеска на улицата Александар Урдаревски извршена е контрола на 24 шахти, рачно се исчистени четири шахти, 63 сливници, миење на канализациска линија од 380 метри со цистерна со вакуум и прочистување на 550 метри со цистерна под притисок.

ЈП „Улици и патишта“ во текот на акцијата во Бутел ќе работат на булеварот Словенија и на улиците Александар Урдаревски, Боца Иванова и Ферид Бајрам. Нивните екипи денеска ги санираа оштетувањата во асфалтот на булеварот Словенија, со површина од 23 квадратни метри. На сите сообраќајници во општината е извршена контрола и обнова на вертикалната сигнализација. Јавното претпријатие „Дрисла“ во рамките на пролетната акција во Бутел ќе го прима, складира и депонира комуналниот отпад, градежниот шут и другите видови отпад што ќе се собира на територијата на општината. Пролетната акција во општина Бутел почна денеска, 26 април и ќе трае до 29 април, а потоа екипите на јавните претпријатија ќе продолжат со работа во друга општина.

The post Голема пролетна акција на Град Скопје од денеска во Бутел appeared first on Република.

The post Големата работна акција од денеска продолжува во општина Аеродром appeared first on Република.