Сликата со наслов „Портрет на селанка со бела шапка“ на холандскиот уметник Винсент ван Гог е продадена на Годишниот саем за уметност и антиквитети ТЕФАФ во Мастрихт, Холандија, за повеќе од 4,5 милиони евра.

Платното со димензии 63 x 48 цм е насликано околу 1884 година, додека уметникот престојувал во куќата на неговото семејство во селото Нуенен. Овој период се смета за пресвртница во делото на Ван Гог. Автентичноста на сликата е потврдена од музејот „Ван Гог“ во Амстердам.

Овој период се смета за пресвртница во делото на Ван Гог. Автентичноста на сликата е потврдена од музејот „Ван Гог“ во Амстердам.

Сликата беше ставена на продажба од американската галерија „МС Рау“ од Њу Орлеанс.

Новиот сопственик платил 4,57 милиони евра. Тој всушност, поседува приватен музеј надвор од Европа, објави холандскиот ТВ-канал „НОС“.

The post Слика на Ван Гог продадена за над 4,5 милиони евра appeared first on Република.

Топланата Скопје Север вчера е продадена за 350.000 евра. На берзанската аукција организирана на иницијатива на Комерцијална банка се продадени 77.414 обични акции што сочинуваат 99,98% од основната главнина на топланата.

Постигнатата цена по акција изнесува 278 денари за акција или во вкупен износ од 21.521.092 денари.

Продавачот Топлификација АД Скопје во стечај, а парите од реализираната јавна берзанска аукција, ќе станат дел од стечајната маса, која ќе се распореди меѓу доверителите.

Купувачот на оваа топлификација ќе се знае деновиве, откако официјално ќе заврши трансакцијата со уплата на 350.000 евра.

Ова е трет обид на продажба на топланата. Лани во септември беа понудени нејзините акции за вкупна цена од 605.000 евра или 482 денари за акција. Топланата се продаваше и во 2022 година кога акциите чинеа 780 денари за една акција, а вкупниот износ беше 980.000 евра.

The post Топланата Скопје Север продадена за 350 илјади евра appeared first on Република.

Гитарата на фронтменот на Нирвана, Курт Кобејн, продадена e на аукција во петокот во САД за повеќе од 1,5 милиони долари.

Сината електрична гитара Skystang I Fender Mustang на која Кобејн свиреше за време на неговата последна турнеја е продадена за повеќе од 1,58 милиони долари (1,45 милиони евра) во Нешвил.

За повеќе од 400.000 долари беа продадени искинатите фармерки кои Кобејн ги носеше во спотот за песната Heart-Saped Box, за кој му беше доделена наградата MTV Video Music Awards. Панталоните беа проценети меѓу 10.000 до 20.000 долари.

Аукцијата беше дел од тридневната аукција „Играни, носени и искинати: рокенрол иконски гитари и сувенири“ на која беа претставени повеќе од илјада предмети од музичките великани како Кобејн, Ерик Клептон, Елвис Присли.

The post Гитарата на Курт Кобејн продадена за 1,5 милиони долари appeared first on Република.