Дождот што пред малку заврна во прилепско помогна во гаснењето на пожарот во мариовско и околината, соопштија денеска доцна попладне од Центарот за управување со кризи.

Преку целиот ден големиот пожар во Мариово не покажуваше знаци на намалување, а огнената стихија зафати околу 16.000 хектари, додека периметарот на огнената линија изнесуваше 110 километри.

Според прилепскиот кризен штаб, на теренот се преку 200 професионалци, а дејствува само еден „Ер трактор“, поради технички проблеми на вториот. Началникот на прилепскиот кризен штаб, Борче Јовчески, посочи дека будно се чуваат населените места, и силите главно се концентрирани на четири до пет критични локации.

Во моментов професионалците се лоцирани четири до пет места каде пожарот е најактивен: во близината на селата Крушевица, Бонче и кон Штавица, каде се 50 припадници на АРМ и други професионалци кои ја дополнуваат таа група. Потоа кај селата Вепрчани и Дуње, каде се уште 50 припадници на АРМ. Со механизирани возила помагаат и од блиските рудници. Други ризични места каде има професионалци се: пожарот се заканува преку Волково да слезе кон селото Селце каде и манастирот „Свети Димитрија“ и како приоритетно место можеби таму ќе дејствува и „Ер тракторот“, но на лице место има доволен број професионалци, изјави Јовчески.

Додаде дека од денеска е активен и пожарот на потегот на Дрен и Смолани.

Најмногу е опфатена нискостеблеста трева, растенија и деградирана шума и немаме во големи размери опфатено на квалитетен шумски појас.

Републичкиот кризен штаб за заштита и спасување донесе одлука командувањето и управувањето со оваа криза да ја врши Дирекцијата за заштита и спасување, но прилепскиот кризен штаб останува активен да ја следи и организира ситуацијата на теренот.

The post Дождот во прилепско го гаси пожарот во Мариово appeared first on Република.

На 12.08.2024 во 21.00 часот во с.Канатларци, прилепско, полициски службеници од ОВР Прилеп го лишиле од слобода Х.М.(29) од с.Канатларци поради сомнение дека сторил кривично дело „предизвикување шумски пожар“ по член 227 од Кривичниот законик.

Тој се сомничи дека околу 19.00 часот кај место викано „Корија“ во во атар на с.Канатларци предизвикал пожар во кој горела сува трева. Пожарот бил изгаснат од екипа на Територијалната противпожарна единица Прилеп, а повредени лица нема.

Лицето било задржано во полициска станица и за настанот бил известен јавен обвинител.

По целосно документирање на случајот против него ќе биде поднесена соодветна пријава.

The post Приведено лице во прилепско, предизвикал пожар во кој горела сува трева appeared first on Република.

Рeгионалниот ЦУК Прилеп, информира дека е локализиран опасниот пожар зад објектите на Територијалната противпожарна единица (ТППЕ) Прилеп и се спасени една фабрика и околни објекти во реон на пожарот.

Конкретно преку 112 во ЦУК е добиен повик за опасен пожар во Прилеп, по што освен што координирале за негово гаснење, вработени од регионалниот центар отишле и на лице мето.

Горела сува трева, но заради ветерот и близината на индустриски објекти постоела голема опасност пожарот да се прошири и да ја зафати фабриката „Орион инженеринг“, а и други околни објекти.

Пожарот е локализиран со брза интервенција пожарникарите од ТППЕ Прилеп, на коишто им се приклучиле и вработени од објектите во тој реон.

Практично, заради опаснаа ситуација при пожарот, противпожарната единица интервенирала со сите расположиви пожарникари и ПП возила, на кои им помагале и вработените од околните индустриски објекти. Пожарот прво е локализиран, а потоа почнало етапно да се дејствува на догасување на можните жаришта од коишто се уште чадело и жарело, за да не дојде до повторно активирање на пожарот, заради се уште присутниот ветер и жештина.

Инаку, заради променливиот правец, силината и брзината на пожарот било зафатено и едно ПП возило, поточно пожарот поминал низ, односно под и околу него, но не се знае дали и колку е оштетено

The post Изгаснат е опасниот пожар во прилепско appeared first on Република.

Вчерашното силно невреме со врнежи од град што го зафати Прилеп и околината предизвика голема штета на земјоделските површини и култури.

Како што известуваат од ЦУК, најмногу врнежи од град со големина на лешник имало во месноста „Заград“, с. Мажучиште како и во с. Мало Коњари.

Пријавените штети на насадите со тутун и пипер дополнително ќе се утврдуваат од Комисијата за процена на штети во Министерството за земјоделие – подрачното одделение во Прилеп, заедно со Комисијата за утврдување на штети во општина Прилеп.

The post Силното невреме направи пустош во прилепско appeared first on Република.

Во Прилепско била пронајдена артилериска граната од Првата светска војна, соопштија од Министерството за внатрешни работи.

Прилепчанецот Р.Ј., на возраст од 49 години, вчера во ОВР Прилеп пријавил дека на место викано „Плетвар“, прилепско, при ископ на темел за викенд куќа, пронашол артилериска граната калибар 75 мм. од Првата светска војна, појаснуваат од МВР.

Гранатата била безбедно подигната од пиротехничар од Дирекцијата за заштита и спасување за понатамошна постапка.

The post Во прилепско пронајдена артилериска граната од Првата светска војна appeared first on Република.