Непознат маж фрли неколку огнени бомби врз седиштето на јапонската владејачка партија и премиерот Шигеру Ишиба во Токио.

Засега не се знае дали има повредени.

Мажот, кој бил уапсен на лице место, со својот автомобил влетал во блиската ограда. Неговиот мотив за нападот не е познат бидејќи полицијата во Токио одби да го коментира инцидентот, велејќи дека предметот е под истрага, а партијата исто така одби да даде изјава.

Владејачката Либерално-демократска партија е сè понепопуларна во јавноста поради финансиските скандали и сомнежите за затајување данок.

Партијата неодамна избра нов лидер, премиерот Шигеру Ишиба, со надеж дека ќе промовира нов имиџ. Сепак, анкетите покажуваат дека неговата популарност се намалува, иако сè уште е нејасно дали тој ќе го загуби мнозинството во Долниот дом на претстојните избори на 27 октомври, со оглед на разбиената опозиција.

The post Фрлени огнени бомби врз премиерот на Јапонија appeared first on Република.

Францускиот претседател Емануел Макрон го назначи поранешниот еврокомесар и преговарач за Брегзит Мишел Барние (73) за нов премиер на Франција. Тој побарал од Барние да „формира влада на национално единство во служба на земјата“.

Барние е десничар, ветеран на Републиканска партија,. Тој имаше долга политичка кариера и имаше различни високи позиции, како во Франција, така и во ЕУ.

Сега ќе треба да формира влада која ќе треба да го „преживее“ Националното собрание поделено на три големи политички блока, од кои ниту еден не може да формира јасно мнозинство.

Политичарот и дипломат ги предводеше преговорите на Европската комисија за Брегзит со Лондон, откако Британија гласаше за напуштање на ЕУ во 2016 година. Тогаш тој го обезбеди договорот за Брегзит кој стапи на сила во 2019 година, по навидум бескрајните рунди преговори со неговите британски колеги.

Во 2021 година, Барние беше назначен за специјален советник на претседателката на Европската комисија, Урсула фон дер Лајен.

Пред да се пресели во Брисел, Барние, меѓу другото, беше и министер за надворешни работи на Франција.

Пред три години Барние посочи дека сака да го предизвика претседателот Макрон на изборите, велејќи дека сака да ја ограничи и преземе контролата врз имиграцијата. На крајот не успеа да биде избран за кандидат од неговата партија.

Барние ќе биде најстариот премиер на Франција од формирањето на Петтата република во 1958 година.

Тој треба да го наследи Габриел Атале, најмладиот француски премиер досега, кој првпат беше назначен за премиер од претседателот Макрон на почетокот на 2024 година и кој ја извршуваше таа функција од јули.

The post Макрон го назначи новиот француски премиер appeared first on Република.

Јапонскиот премиер Фумио Кишида го откажа планираното четиридневно патување во Казахстан, Узбекистан и Монголија бидејќи е зголемен ризикот од потенцијално силен земјотрес во голема област на Тихиот Океан во близина на централна Јапонија.

Јапонската метеоролошка агенција го издаде првото такво советување за областите околу коритото Нанкај, неколку часа по земјотресот со јачина од 7,1 степени според Рихтеровата скала што вчера го погоди југозападниот дел на земјата.

Откако присуствуваше на мировната церемонија во Нагасаки по повод 79-годишнината од американското атомско бомбардирање, Кишида на прес-конференција во градот рече дека го откажал патувањето во странство за да „се фокусира на одговорот на владата и ширењето на информациите“ за потенцијалниот голем земјотрес.

Како висок функционер задолжен за управување со кризи во земјата, како дополнителна претпазливост морам да останам во Јапонија најмалку околу една недела, рече Кишида. Метеоролошката агенција ја повикува јавноста да се подготви за „такво сценарио“.

Вечерва се очекуваше тој да присуствува на првиот самит на Јапонија со централноазиските држави Казахстан, Киргистан, Таџикистан, Туркменистан и Узбекистан во Астана, главниот град на Казахстан, и да издаде заедничка декларација.

The post Јапонскиот премиер го откажа планираното патување поради зголемен ризик од потенцијално силен земјотрес appeared first on Република.

Платата на претседателот на Владата, Христијан Мицкоски, изнесува 140 450 денари, односно 2 280 евра, а сите останати министри, меѓу кои и вицепремиерите, земаат 115 540 денари или 1 870 евра плата. Информацијата денеска беше објавена на веб-страницата на Владата во делот – отчетност.

Според табелата прикажана на веб-страницата, единствено во платите се издвојува министерот за внатрешни работи Панче Тошковски, кому му следува 20 отсто зголемување поради извршувањето на функцијата. Па неговата плата изнесува приближно колку таа на премиерот, односно 140 405 денари.

Како дел од заложбите на Владата за поголема дигитална транспарентност, на оваа страница можете да ги проверите висините на платите на претседателот на Владата, замениците на претседателот на Владата и на министрите во Владата. Висината на платата на министрите е јавен податок“, се наведува во објавата на Владата.

The post Владата ги објави платите на премиерот Мицкоски и министрите appeared first on Република.

Велшкиот премиер Вон Гетинг денеска поднесе оставка по неколкумесечни тензии во Сенедот, националното собрание на Велс.

„Гардијан“ објави дека неговата оставка доаѓа откако четворица велшки министри се повлекоа од своите позиции во пресметан потег за да го принудат Гетинг да го стори истото.

Гетинг одби да поднесе оставка во јуни и покрај гласањето за недоверба во Сенедот.

The post Премиерот на Велс поднесе оставка appeared first on Република.

Претседателот на Владата Христијан Мицкоски вечерва ќе биде гостин на ТВ24.

Следете го моето гостување во „Анализа” на Телевизија 24, во 20:45 часот!, пишува Мицкоски на Фејсбук.

The post Премиерот Мицкоски вечерва гостин во „Анализа“ на ТВ 24 appeared first on Република.

Новоизбраниот претседател на Владата, Христијан Мицкоски ја презеде премиерската функција од досегашниот претседател на техничката Влада, Талат Џафери.

На примопредавањето во Владата, Мицкоски и Џафери имаа кратка средба, без изјава за медиумите.

Мицкоски, денеска попладне, како што е најавено, ќе биде во работна посета на општина Штип.

Собранието по дводневна расправа синоќа со 77 гласа „за“ и 22 гласа „против“ ја избра новата Влада. Во владиниот кабинет ќе има 20 министерства, четири повеќе од досега. 15 членови се од коалицијата предводена од ВМРО-ДПМНЕ, шест од коалицијата Вреди и двајца од ЗНАМ.

Мицкоски е 13-тиот премиер, кој ќе ја предводи 20. влада од осамостојувањето на државата.

The post Мицкоски ја презеде премиерската функција appeared first on Република.

Претседателот на Владата на Република Македонија, Талат Џафери, кој е избран и за пратеник во Собранието на Република Македонија, на Конститутивната седница на новиот парламентарен состав, најави дека ќе ја извршува функцијата премиер до изборот на новата Влада, и до тогаш нема да учествува во работата и одлуките на Собранието. Премиерот Џафери, се повика на Уставот, законите и досегашните пракси.

Ја известувам јавноста да ги извести соодветните институции официјално дека како Премиер и како владин состав, врз основа на заклучокот на овој владин состав, ќе продолжам да ги вршам должностите и обврските што извираат од функцијата Премиер на земјата до изборот на идната Влада од овој владин состав, и нема да учествувам во работата на Собранието и со тоа, врз основа на Законот за спречување или превенција на корупција и заради спречување на корупција и конфликт на интереси, затоа што не може во исто време да носам две должности, две функции, и поради оваа причина, до изборот на идната Влада, нема да учествувам во работата на Собранието и во одлучувањето во Собранието, за да ги исполнам законските одредби на Законот за спречување на корупција и конфликт на интерес. Ова е за да се информираат сите, за да се надминат сите дилеми во однос на прашањето на понатамошното функционирање на институциите“.

The post Џафери останува да ја извршува функцијата до избор на новата Влада appeared first on Република.

Бугарскиот премиер Николај Денков вчера соопшти дека поднел оставка од премиерската функција, како и дека таа веќе е доставена до Народното собрание.

Се очекува пратениците да расправаат за предлог-одлука за прифаќање на оставката на премиерот.

Со тоа, согласно договорот од минатогодишните избори, Денков ќе го наследи неговиот коалиционен партнер од централно десничарската партија ГЕРБ ќе ја води Владата.

„Ова не е политичка игра, ова е почитување на даден збор, тоа е израз на доследност, политички фер-плеј и почит кон граѓаните. Денеска ја исполнувам обврската што ја презедовме со заедничката декларација на 6 јуни 2023 година“, изјавил Денков.

The post Бугарскиот премиер Денков поднесе оставка appeared first on Република.

Премиерот на Грузија, Иракли Гарибашвили на прес-конференција соопшти дека ќе поднесе оставка пред парламентарните избори во октомври.

Претходно грузиските медиуми објавија дека Иракли Кобахиџе, претседател на владејачката партија Грузиски сон, ќе го замени Гарибашвили, кој е премиер на Грузија од 2021 година.

The post Грузискиот премиер си заминува од функцијата appeared first on Република.

Францускиот претседател Емануел Макрон го именувал Габриел Атал (34), досегашниот министер за национално образование и младина, за нов премиер на таа земја.

Ројтерс наведува дека Атал станал до сега најмлад претседател на владата на Франција.

Се наведува дека исто така е и прв премиер на таа земја кој се изјаснува отворено дека е геј.

The post Макрон именуваше нов претседател на француската Влада: Габриел Атал (34) е првиот геј премиер на таа земја и најмлад до сега appeared first on Република.

Кога за првпат функција премиер има еден Албанец, тоа позитивно одекнува кај Албанците. Албанците чувствуваат дека полека и сигурно ги остваруваат правата за кои мислеле дека треба да ги имаат за да се рамноправни. Тоа се остварува со демократски средства, па секако им значи на Албанците, а верувам дека и Македонците тоа го сфаќаат како нешто нормално. Секако има и такви кои мислат дека Албанец не може да врши такви функции, но со текот на годините бројот на таквите сè повеќе се намалува и табуата се надминуваат.

Ова беше една од поентите на политичкиот аналитичар Исмет Рамадани во неговото гостување во емисијата „Студио 10“ на ТВ 24. Тој додаде дека европскиот фронт може да биде ветер во грбот оти мнозинството од граѓаните се за влегување во ЕУ.

Мора да одиме напред и да отвориме нови поглавја во политиката кон ЕУ, а не да ја враќаме државата во минатото – апострофираше Рамадани.

Според него, кај албанскиот блок е проблем што сега има осум партии кои е тешко ќе се изменаџираат во таков европски фронт, особено во ситуација кога и опозицијата е европски сојуз и е бесмислено да се става во кошот на антиевропска коалиција. Сепак, тој укажува на заедничкиот именител што би требало да го имаат сите што се проевропски ориентирани.

Ако на маса не се стават уставните измени, тогаш нема што би можело друго да се понуди оти уставните измени водат кон европскиот прогрес на државата – нагласи Рамадани.

Тој смета дека ако ВМРО-ДПМНЕ ја бојкотира техничката влада, предводена од премиер Албанец, ќе се појасни нивната вистинска слика за албанофобија.

Тоа нема да им донесе никакви позитивни промени туку, напротив, ќе ја потврдат својата стигма за националистичка и албанофобна – истакна аналитичарот.
Доколку ВМРО-ДПМНЕ продолжи да ја напаѓа ДУИ како партија, тоа само ќе оди во корист на ДУИ и само ќе придонесе оваа владејачка партија да има поголем број на гласачи, заклучи Рамадани.

The post Исмет Рамадани: Со текот на времето и за Македонците ќе стане нормално премиер да биде Албанец appeared first on Република.

Демократскиот сојуз предупредува на кршење на Охридскиот рамковен договор и на Амандман 6 од Уставот на Македонија, со тоа што ќе се формира техничка влада која, како што велат, дополнително ги суспендира и крши одредбите и начелата на соодветна и правична застапеност на сите етнички заедници.

-Со доминацијата на ДУИ, која има само 13 пратеници од вкупно 120 пратеници, се покажува и потврдува определбата на СДСМ по секоја цена да биде на власт, не водејќи сметка за националните и државни интереси, како и за интересите на мнозинскиот македонски народ.

Сакаме да предупредиме дека ваквата политика нема поддршка од мнозинството граѓани и не поминуваат манипулациите дека тоа е Европски фронт, итн, посочуваат од партијата на Павле Трајанов.

Според ДС, овој преседан, како што порачуваат, кој го наметна Ковачевски има силни рефлексии на меѓуетничките односи, како и на натамошна дуизација и криминализација на државата, неодговорноста и неказнивоста на политичката мафија која владее со Македонија.

-Инаку, Демократскиот сојуз е за граѓански концепт и функции да добиваат најспособните, без разлика на етничка, верска или партиска припадност. Тоа треба да важи за сите етнички заедници, без Бадентер и Балансер. Не може овие правила да се злоупотребуваат само во интерес на ДУИ.

Демократскиот сојуз не поддржува формирање на техничка Влада,а уште помалку со премиер од редовите на ДУИ, стои во партиското соопштение.

The post Се рушат начелата за правичност: ДС не поддржува техничка влада со премиер од ДУИ appeared first on Република.

Лидерот на ДУИ, Али Ахмети изјави дека на 28 јануари Македонија за првпат ќе добие премиер Албанец. Тоа е договор со коалицискиот партнер СДСМ, со која партија успешно ја предводиме државата, рече Ахмети во градот Бајрам Цури во Албанија каде Општина Тропоја му ја додели титулата „Почесен граѓанин“. Признанието на Ахмети му е доделено за неговата блескава кариера, како борец за Апбанците, особено во Македонија и Косово.

Ахмети многу придонесе за политичката и воена борба на Албанците во Косово, Прешевската Долина и во Македонија.

„Во Македонија тој повеќе од 20 години има блескава политичка кариера и постојано реди победи“; беше речено на свеченоста.

Во своето обраќање Ахмети рече дека кога ја започнал својата национална активност, заедно со пријателите по ум и срце, само една мисла го водела: „Да ги видиме Албанците слободни, да живееме достоинствено во нашите земји и заедно да го зацртаме патот на напредокот со тие свети национални вредности и со јазикот“.

„Денес нема поголема награда за мене од бетонизацијата на овој идеал каде и да дише Албанец, причина за која извонредниот придонес го дадоа и тропојаните. Нашите национални мисии не се завршени, пред нас е одговорноста да го зачуваме она што го заработивме со крв и политика. Заедно ќе успееме исто како што успеавме во битките за слобода“, рече Ахмети.

The post Ахмети: На 28 јануари ќе имаме премиер Албанец appeared first on Република.

Не се гледам себеси како иден премиер, не верувам дека јас сум следниот премиер и всушност знам дека јас не сум следниот премиер на Владата на Македонија, изјави првиот вицепремиер и министер за политички систем, Артан Груби на денешната изјава за медиумите.

На прашањето кој ќе биде всушност следниот премиер, Груби рече дека согласно коалцискиот договор следниот премиер треба да биде предложен од страна на лидерот на ДУИ, Али Ахмети, а и смета, како што рече, дека сите пратеници ќе го поддржат следниот кандидат или ќе ја поддржат следната кандидатка.

The post Груби: Нема да бидам следниот премиер на Македонија appeared first on Република.

Не се гледам себеси како иден премиер, не верувам дека јас сум следниот премиер и всушност знам дека јас не сум следниот премиер на Владата на Република Македонија, изјави првиот вицепремиер и министер за политички систем, Артан Груби на денешната изјава за медиумите.

На прашањето кој ќе биде всушност следниот премиер, Груби рече дека согласно коалцискиот договор следниот премиер треба да биде предложен од страна на лидерот на ДУИ, Али Ахмети, а и смета, како што рече, дека сите пратеници ќе го поддржат следниот кандидат или ќе ја поддржат следната кандидатка.

The post Груби не се гледа себеси како Премиер appeared first on Република.

Претседателот на Собранието на Македонија, Талат Џафери потсетува дека идната година во земјава ќе се одржат двојни избори и дека за првпат ќе биде именуван Албанец за премиер.

„Во 2024 година ќе имаме двојни избори, за претседател на државата и парламентарните избори. Со тоа ќе се овозможи Владата на оваа земја за првпат да биде предводена од албански премиер“, изјави Џафери во гостување на Теве1.

Тој потсетува дека тоа го налага политичкиот договор меѓу четирите главни партии во времето кога договорот е постигнат.

„Прашањето за албанскиот премиер е дефинирано со овој парламентарен состав и беше предмет на политички дискусии во составот на актуелното мнозинство, тоа е политички договор за совладеење во овој мандат, дека последните 100 дена од оваа Парламентарниот состав со техничката влада ќе го води премиер Албанец“, рече Џафери.

Запрашан дали постои можност по новите избори да има албански премиер, тој рече дека тоа зависи од консензусот на мнозинството по изборите.

The post Џафери потсетува: Идната година ќе имаме Албанец премиер appeared first on Република.

Летонскиот премиер Крисјанис Каринс, лидер на централнодесничарската партија Ново единство, денеска изјави дека ќе се повлече оваа недела откако другите двајца членови на неговата владејачка коалиција ја отфрлија реконструкцијата.

Каринс на Икс, претходно на Твитер, рече дека другите две партии – конзервативната Национална алијанса и центристичката Обединета листа – ја „блокираат работата насочена кон благосостојба и економски раст“.

Каринс (56) планираше да остане премиер откако најави нова рунда коалициски преговори, но двајца коалициски партнери рекоа дека тоа е против уставот на Латвија, објави Baltic News Service.

Летонската телевизија објави дека Каринс, родена во Вилмингтон, Делавер, побарала од Њу Единство да предложи нов кандидат за премиер и дека тој нема да биде лидер на идната влада, пренесува Бета-АП.

Каринс рече дека во четврток ќе поднесе оставка до претседателот Едгарс Ринкевич.

По општите избори одржани во октомври минатата година, трите партии потпишаа договор за формирање коалициска влада во декември.

Заедно тие имаат 54 места во Сеима, латвискиот парламент со 100 места.

Каринс во петокот ја објави својата намера да стави крај на сегашната владејачка коалиција и да формира нова, откако двете партии ги отфрлија неговите предлози за реконструкција и ревидираните приоритети.

Летонија и нејзините балтички соседи Естонија и Литванија се тешко погодени од енергетската криза поради нивната зависност од рускиот гас.

Трите земји го прекинаа увозот на природен гас од Русија по нејзината инвазија во февруари 2022 година, а Латвија сега најмногу се потпира на сопствените резерви на гас и увозот од Литванија.

The post Латвискиот премиер се повлече од функцијата appeared first on Република.

ВМРО-ДПМНЕ одговори на понудата на премиерот Ковачевски, лидерот на опозицијата Мицкоски да биде премиер само ако се изгласаат уставните измени, како и на тоа дека Османи се откажува од премиер Албанец.

https://republika.mk/vesti/makedonija/kovachevski-mu-nudi-na-mitskoski-da-bide-prmier/

ВМРО-ДПМНЕ нема намера да учествува во лицитациите на Ковачевски, Османи и Груби, имавме јасни позиции, од тоа нема поместување.ВМРО-ДПМНЕ има премногу јасни позиции и од тоа нема поместување. Несериозно е продолжувањето со лицитации, кое само покажува дека СДС ниту биле искрени, ниту пак имаат намера да ги заштитат националните интереси, ниту пак вистинска интеграција.За нив ова е борба за функции и за преживување и одбегнување на кривично гонење.Ковачевски треба да знае дека функциите ниту му се во џеб, ниту тој е тој која дава или зема, тоа го прави само народот на избори.

https://republika.mk/vesti/makedonija/osmani-se-zakani-so-drugi-alternativi-ako-vmro-dpmne-ne-prifati-ustavni-izmeni/

The post ВМРО-ДПМНЕ одговори на понудата на Ковачевски, Мицкоски да биде премиер: Немаме намера да учествуваме во владините лицитации appeared first on Република.

Премиерот Димитар Ковачевски му нуди на лидерот на опозициската ВМРО-ДПМНЕ, Христијан Мицкоски во интерес на спроведување на уставните измени да ја преземе премиерската позиција во преодната Влада.

Ковачевски смета дека треба да остане на премиерската функција и до крај да го спроведе процесот на уставни измени, но во интерес на евроинтеграциите, освен пет ресори е подготвен на Мицкоски да му ја отстапи и премиерската позиција во преодната Влада, која потоа би го спровела процесот докрај, велат владини извори.

The post Koвачевски му нуди на Мицкоски да биде прeмиер appeared first on Република.