Поранешниот холивудски детски актер Остин Мејџорс, најпознат по улогата во серијата „NYPD Blue“, почина на 27-годишна возраст.

Полицијата соопшти дека поранешниот актер починал во дом за бездомници откако најверојатно проголтал поголема количина фентанил, пренесува „ТМЗ“.

Денеска треба да биде завршена обдукцијата на неговото тело, а конечните резултати од токсикологијата се очекуваат за неколку месеци.

Тажната вест ја соопшти неговото семејство.

„Остин беше уметничко, брилијантно и љубезно човечко суштество. Беше многу горд и уживаше во својата актерска кариера. Дипломирал на УСЦ школата за филмска уметност, сакал режија и музичка продукција. Неговата цел во животот беше да ги направи луѓето среќни, се вели во соопштението.

Освен во улогата во горенаведената серија, тој глумеше и во многу други серии кога беше дете. Неговата последна улога беше во епизодата од серијата „Како ја запознав мајка ви“ во 2009 година.

The post На 27 години почина актерот Остин Мејџорс од „Како ја запознав мајка ви“ appeared first on Република.

Поранешната полициска инспекторка, Марија М., која беше пронајдена мртва во стан во Охрид, починала од предозирање со наркотични средства, покажуваат првичните сознанија за причините на смртта, објави „Охридскај“.

Пораншната инспекторка на криминалистичката полиција во СВР Охрид, беше пронајдена мртва во нејзиниот стан на улицата „Сирма војвода“.

По наредба на јавен обвинител телото на починатата е дадено на обдукција, по што детално ќе бидат познати причини за смртта и приближно времето кога настанала смртта.

Во текот на истрагата остануваат на разгледување и првичните информации дека на телото на починатата имало траги на насилство и дека можеби станува збор за насилна смрт.

https://republika.mk/vesti/crna-hronika/detali-za-pochinata-policiska-inspektorka-imalo-tragi-od-nasilstvo-nekolku-dena-ne-izleguvala-od-doma-nitu-se-javuvala-na-telefon/

The post Детали од истрагата: Полициската инспекторка во Охрид починала од предозирање со наркотици appeared first on Република.