Возилата од јавниот превоз денеска ќе сообраќаат по неделен возен ред, со исклучок на линиите 18А, 32, 47А, 51, 55, 55В, 56, 56А, 70, 74, 81, 118, 160, 164, кои ќе сообраќаат по саботен возен ред.

Од ЈСП „Скопје“ информираат дека во пресрет на христијанскиот празник Велигден, в сабота, недела и понеделник автобусите на сите линии ќе сообраќаат по неделен возен ред.

Билетарниците и центрите за персонализација ќе работат единствено в сабота, а другите денови - петок, недела и понеделник ќе бидат неработни за сите продажни места.

Жичарницата за време на велигденските празници ќе работи вообичаено, од 10 до 18 часот. Нема да работи во вторник, 18 април.

Автобуските линии 25 - Транспортен центар - Средно Водно, 25А - Автомакедонија - Средно Водно и 25Б - Дом на печат - Средно Водно ќе сообраќаат по неделен возен ред.

The post Автобусите ќе сообраќаат по неделен возен ред, жичарницата ќе работи вообичаено appeared first on Република.

Поранешната специјална обвинителка, Катица Јанева, искористила празничен викенд за Велигденските празници. Таа излегла од затворот Идризово каде издржува затворската казна, а слободното време го искористи за да пазарува во еден од скопските маркети.

Од Управата за извршување санкции, за „Телма“ велат дека Јанева ја добила оваа погодност на 23 април, а синоќа имала обврска да се врати во Идризово.

Оваа мерка и следува по закон кој дозволува отпус на затвореници по одлежана една третина од затворската казна, која за Јанева беше досудена на седум години.

Таа е осудена за случајот „Рекет“, заедно со Бојан Јовановски кој е осуден на девет години затвор и Зоран Милевски Кичеец кој призна вина и доби три години.

Првпат ваква мерка Јанева користеше за новогодишните празници, а до сега добила уште еден излез на седум часа во февруари годинава.

The post Катица Јанева на празничен викенд надвор од затворот Идризово си пазари во маркет appeared first on Република.

Поранешната специјална јавна обвинителка Катица Јанева празниците ги минува дома со своето семејство, објави „А1он“.

Адвокатката Ирена Фрчковска, како што пишува порталот, изјавила дека Јанева, користи привилегии поради тоа што одлежала 1/3 од казната затвор за случајот „Рекет“ во кој беше осудена на седум години затвор поради злоупотреба на службената положба и овластување.

Во „Рекет“ осудени беа и Бојан Јовановски-Боки13 на казна затвор од девет години и Зоран Милевски-Кичеец на казна затвор од три години.

The post Катица Јанева за празничниот викенд е пуштена дома appeared first on Република.