Францускиот претседател Емануел Макрон денеска испрати писмо до американскиот претседател Џозеф Бајден во кое му честита за храброста и одговорноста за неговата одлука да се повлече од изборната трка.

Без да го предвиди исходот од ноемвриските избори, Макрон изрази надеж за зачувување на историските односи меѓу двете земји.

Ја ценам храброста, духот на одговорност и чувството за должност што ве доведоа до оваа одлука, вели францускиот претседател во писмото, чии делови објави Елисејската палата.

Бајден (81) вчера се повлече од претседателската трка, под притисок од стравувањата во партијата дека по исклучително лошиот ТВ дуел со републиканскиот кандидат Доналд Трамп, нема да може да го победи на изборите.

The post Макрон ја поздрави одлуката на Бајден да се повлече од претседателската трка appeared first on Република.

Британскиот крал Чарлс Трети и кралицата Камила, придружувани од кралското семејство, денеска излегоа на балконот на Бакингемската палата за да ги поздрават десетиците илјади луѓе собрани по повод нивното крунисување.

Заедно со кралот и кралицата со круни и во церемонијална облека беа и престолонаследникот Вилијам со сопругата Кејт и нивните деца, и братот и сестрата на кралот, Ана и Едвард.

Од балконот го следеа свечениот прелет на воздухопловните сили, со помалку авиони поради дождот.

Потоа влегоа во палатата, но набрзо се вратија на балконот за повторно да ги поздрават граѓаните.

Најмладиот син на Чарлс, Хари и неговиот брат Ендрју не беа на балконот. Хари – војводата од Сасекс и Ендрју – војводата од Јорк, повеќе не се активни членови на кралското семејство.

Хари и Ендрју присуствуваа на денешното крунисување во Вестминстерската опатија, но беа во третиот ред меѓу гостите.

The post Кралот Чарлс Трети и Камила ги поздравија граѓаните од балконот на Бакингемската палата appeared first on Република.