Регулаторната комисија за енергетика и водни услуги на Република Македонија донесе Одлука со која се врши зголемување на малопродажните цени на нафтените деривати во просек за 0,80% во однос на одлуката од 3.7.2023 година.

Референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 0,783%, кај дизелот зголемувањето е во просек за 2,207%, кај екстра лесното масло зголемувањето е во просек за 2,401% и кај мазутот зголемување во просек за околу 2,296%, поради што во структурата на цените на нафтените деривати е извршено соодветно прилагодување.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,076 %.

Малопродажната цена на ЕУРОДИЗЕЛ (Д-Е V) се зголемува за 0,50 ден/лит.

Малопродажната цена на Екстра лесното масло за домаќинство на (ЕЛ-1) се зголемува за 1,00 ден/лит.

Малопродажната цена на Мазутот М-1 НС, се зголемува за 0,755 ден/кг.

Малопродажните цени на бензините ЕУРОСУПЕР БС-95 и ЕУРОСУПЕР БС-98 не се менуваат.

Од 11.7.2023 година од 00:01 часот максималните цени на  нафтените деривати ќе изнесуваат:

Напоменуваме дека ова се максималните цени на нафтените деривати од 00:01 часот на 11.7.2023 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

The post Поскапува дизелот: Ова се новите цени на горивата appeared first on Република.

Укинувањето на евтината дневна тарифа беше неизбежно, затоа што на долг рок беше неодржливо. Во време на енергетска криза, државата дневно, тие 2 часа евтина тарифа ја чинеа 100 илјади евра, вели првиот човек на Регулаторната Комисија Бислимовски.

Купуваме за 15 денари, плус маржа 2 денари, значи 17 денари, а ја продаваме на крајните потрошувачи за 3,5 денари, тоа е разлика од 13,5 денари или 100 илјади евра дневно, изјави Марко Бислимовски, престедател на Регулаторната Комисја за енергетика.

Веќе се прават измени, кои ќе стартуваат од 1 јули – побогатите да плаќаат повисоки сметки за струја.  Моделот на скалество плаќање се подготвува. Бислимовски смета дека граѓаните кои се греат на струја, се богати, затоа е фер е да плаќаат повеќе.

Иако поскапо, неизвесно е и снабдувањето со парно во главниот град. Бислимовски вели – само во случај да не работи ТЕТО, ќе има гас, ако работи, ќе си го користи за сопствени потреби. Повика на солидарност,  односно половина од сумата за набавка да ја покрие градот Скопје, а половина општината. Во спротивно, може да се случи колапс и на енергетскиот систем.

Ако се префрлат на струја овие домаќинства, се доведува во прашање дистрибутивната мрежа дали ќе може да издржи. Затоа да се помогне, повика Бислимовски.

Проблемот за компаниите кои изминатиов период се соочија, покрај со зголемени цени, и  со откажувања на договорите од страна на снабдувачите со струја, Бислимовски очекува да се надмине со измените во Правилникот. Таму ќе се заострат критериумите за издавање лиценци, но ќе има и клаузули за да не можат да ги раскинат без основ договорите.

The post Зошто е укината евтината дневна тарифа на струјата? appeared first on Република.