Некои луѓе едноставно не можат да го пуштат минатото и честоразмислуваат за своите поранешни партнери, обидувајќи се повторно да ги доживеат моментите кои им биле важни. Интересно, според астролозите, постојат хороскопски знаци кои се повеќе склони да размислуваат за минатите љубови и тешко им е да се збогуваат со бившите.

Рак

Раковите се познати по нивната емоционална длабочина и склоност кон приврзувањето. Кога ќе се заљубат, нивната љубов е длабока и страсна, па доста тешко им е да ги преболат поранешните партнери. Ретко ќе ги заборават луѓето што ги сакале и во мислите се навраќаат на убавите моменти од минатото. Иако можеби тоа не го покажуваат отворено, нивните сеќавања за поранешните љубови остануваат трајно врежани во нивните срца.

Бик

Бикот ја цени стабилноста и безбедноста, а врските се многу важен дел од нивниот живот. Откако ќе ја прекинат врската, потребно е долго време за емотивно да се опорават. Биковите тешко ги пуштаат бившите бидејќи им е тешко да ја прифатат промената. Наместо да одат напред, тие често се враќаат назад во времето и се прашуваат дали можеле да направат нешто поинаку за да ја спасат врската.

Скорпија

Скорпиите се интензивни кога се во прашање чувствата, а кога сакаат, сакаат со целото свое срце. Поради оваа емотивна страст, често им е тешко целосно да се оддалечат од поранешните партнери. Иако изгледа дека продолжиле понатаму, длабоко во себе често размислуваат за она што поминало. Скорпиите ретко забораваат на луѓето кои им значеле многу и сакаат да поминуваат време во интроспекција, анализирајќи ги минатите врски.

The post Три хороскопски знаци кои постојано размислуваат за бившите appeared first on Република.

Според многумина, соништата за бившиот се лош знак, затоа што на овој начин интуицијата ви кажува дека нешто негативно се случува или допрва ќе се случи во вашиот живот.

Понекогаш сонот за бившиот воопшто не мора да биде поврзан со него како личност, ниту пак со емоциите дека ви недостига, туку многу повеќе укажуваат на вас како личност.

Ако сонувате за бившиот партнер со кого неодамна сте раскинале, тогаш тој сон може да укажува на тоа како се справувате со раскинувањето.

Па затоа потребно е да си ги поставите прашањата: „Дали сте среќни или тажни?“, „Дали конечно сте ставиле крај или сѐ уште не можете да се помирите со тоа дека сте ја прекинале врската?“

Во продолжение повеќе соништа поврзани со бившиот партнер и неколку толкувања:

Немате доволно самодоверба

Ако одненадеж го сонувате поранешниот партнер тоа може да значи дека се чувствувате несигурно и ви недостасува поголема самодоверба.

Ако поранешниот партнер сака да се смирите тоа укажува дека постои некој конфликт во вашиот живот и дека заради тоа што се чувствувате безнадежно за иднината, се навраќате на минатото и копнеете за убавите мигови.

Ако вашата несигурност е поврзана со сегашниот партнер, неразрешените чувства (за поранешниот партнер) може само да ве попречат во носењето рационални одлуки и ви ја црпат енергијата.

Тоа значи дека е редно време да заборавите на минатото и да се сконцентрирате на сегашноста.

Копнеж за нешто што го имал поранешниот партнер

Тука не станува збор само за материјалните работи. Ако често размислувате за некои карактерни особини на вашиот поранешен дечко што многу ви се допаѓале, многу е веројатно тој да ви се појави во соништата.

Можеби тој бил мошне амбициозен и самоуверен и сте чувствувале дека тој ви е најголема поддршка во животот, па така во миговите кога се чувствувате несигурно сосема нормално е да сонувате дека тој е тука со вас за да ве води.

Ви недостасува поголема поврзаност со сегашниот партнер

Соништата за бившиот се појавуваат во моментот кога потсвесно се сеќавате на тоа како сте се чувствувале во периодот кога сте биле заедно со него.

Дали постојат некои работи од минатата врска што ви недостасуваат со сегашниот партнер?

Можеби не се чувствувате целосно исполнето и копнеете за поголема поврзаност, каква што сте имале со поранешниот партнер.

Сепак, обидете се да бидете внимателни и да не го споредувате минатото со сегашноста. Инаку, никогаш нема да бидете задоволни.

Сфатете дека сте во врска со сосема различни луѓе и околности, па затоа станува збор за две сосема различни врски.

Бидете внимателни

Според многумина, соништата за бившиот се лош знак, затоа што на овој начин интуицијата ви кажува дека нешто негативно се случува или допрва ќе се случи во вашиот живот.

Ако сонувате дека бившиот дечко починал значи дека нешто лошо ќе се случи во вашата сегашна врска.

Следете ја интуицијата и тоа ќе ви помогне да избегнете некоја непријатна ситуација.

Ако не се чувствувате безбедно во новата врска, овој сон е знак дека треба да преземете сериозни чекори да се заштитите.

Не можете да се ослободите од минатото

Првиот одговор што би ви паднал на ум по ваков сон е дека најверојатно сѐ уште не сте расчистиле со минатото и дека ви е потребно време.

Потребно е да најдете начин да се ослободите од минатото за да не ве прогонуваат соништата за минатото и да не ви влијаат негативно врз сегашноста.

The post Ако го сонувате поранешниот партнер може да биде лош знак, ова се некои толкувања appeared first on Република.