Надзорник на Федералната агенција за управување со вонредни состојби (ФЕМА) е отпуштен затоа што им кажал на вработените кои им помагаат на жртви да ги заобиколат домовите со натписи за поддршка на Доналд Трамп.

Шефицата на агенцијата Дин Крисвел рече дека постапките на надзорникот се за осуда, нагласувајќи дека ФЕМА сериозно ја сфаќа својата мисија да им помогне на сите пред, за време и по катастрофи. Крисвел не прецизираше кога и каде се случил инцидентот.

Гувернерот на Флорида Рон ДеСантис изјави дека Одделот за управување со вонредни состојби ќе почне истрага. ДеСантис ја нарече ситуацијата насочена дискриминација на поддржувачите на Трамп во Флорида. Персоналот на ФЕМА беше во Флорида и им помагаше на жителите по ураганот Милтон минатиот месец.

Персоналот мораше да ја испита штетата на домовите за да процени кој има право да аплицира за федерална помош. Дејли Вајр во петокот соопшти дека персоналот на ФЕМА ги проверувал домовите во Лејк Плесид кога им било наредено да ги прескокнат имотите што во дворовите имале табли со името или слоганот на Трамп.

Крисвел нагласи дека ќе продолжи да прави се што може за да се погрижи тоа никогаш да не се повтори. Конгресменот Џејмс Комер најави дека ќе ја повика Крисвел на сослушување пред Комисијата за надзор на Претставничкиот дом.

Флорида во изминатите неколку месеци беше погодена од два големи урагани. Најмалку 24 луѓе загинаа за време на Милтон, што остави милиони домови и бизниси без струја. Две недели пред Милтон, ураганот Хелена стана најсмртоносната бура што стигнала на копно во САД од Катрина. Повеќе од 200 луѓе загинаа, главно во Северна Каролина, каде беа уништени цели заедници.

The post „Демократски“: Службеник им наредил на работниците да не им помагаат на гласачите на Трамп по ураганот appeared first on Република.

Градоначалникот на Куманово, Максим Димитриевски, иницирал вонредна седница на Совет на Општина Куманово со предлог да се донесе одлука за финансиска помош на збратимениот град Нови Сад по несреќата на железничката станица.

Градоначалникот на Куманово најави и финансиска помош на семејството на загинатиот македонски граѓанин.

https://republika.mk/vesti/makedonija/vasko-sazdovski-inovativniot-um-koj-makedonija-ne-go-prepozna/

Градоначалникот на Општина Куманово во име на граѓаните на Куманово упатува сочувство до семејствата на жртвите, граѓаните на Нови Сад и Република Србија, соопшти Општина Куманово.

The post Димитриевски иницирал вонредна седница на Советот на Куманово за помош на збратимениот град Нови Сад appeared first on Република.

Фудбалскиот стадион „Местаља“ во Валенсија е претворен во центар за собирање храна и помош за настраданите во оваа шпанска провинција на југоистокот на земјата која беше погодена од разорни поплави.

Откако најмалку 72 лица загинаа во излевање на локалните реки и лизгање на земјиштето, шпанскиот фудбалски прволигаш го стави на располагање својот дом со 49.430 седишта.

„Волонтери ќе собираат донации за настраданите“, соопшти клубот.

Локалните медиуми јавија дека од попладнево на стадионот почнало собирањето храна, облека и други потреби.

Шпанската провинција Валенсија е погодена од најсмртоносната природна катастрофа во последните четири децении.

Сè уште се трага по десетици луѓе, а на многумина им се уништени куќите.Настапите на локалните фудбалски и кошаркарски клубови закажани за денеска се откажани.
Шпанија прогласи тридневна жалост, а премиерот Педро Санчез ќе утре ќе ја посети провинцијата.

The post Стадионот „Местаља“ на Валенсија е претворен во центар за собирање помош appeared first on Република.

Четиригодишниот Хадис е изгубен во скопската населба Ченто, а родителите на социјалните мрежи бараат помош од граѓаните момчето да биде пронајдено.

Според објавите на мрежите, детето е последен пат видено во близина на слаткарницата „Делиција“ во населбата Ченто.

Родителите ги повикуваат сите кои го виделе Хадис или имаат каква било информација, да се јават на телефонскиот број 078 912 545.

The post Изгубен е четиригодишниот Хадис, родителите бараат помош appeared first on Република.

Советот на ЕУ денеска донесе одлука за одобрување на помош во рамки на Европскиот мировен фонд (ЕПФ) во износ од 13 милиони евра наменети за зајакнување на капацитетите и способностите на Армијата на Република Македонија (АРМ).

Мерката за помош ќе ги зајакне капацитетите на Македонија за нејзино учество во операциите и мисиите во рамки на заедничката безбедносна и одбранбена политика на ЕУ и другите меѓународни мисии, соопшти Советот на ЕУ.

Како што јави дописникот на МИА од Брисел, во соопштението се нагласува дека оваа одлука дополнително ја илустрира зголемената поврзаноста на ЕУ со земјава во областа на безбедноста и одбраната.

Таа ја одразува доследната посветеност на партнерите за унапредување на нивната соработка во оваа политичка област, имајќи ја предвид целосната усогласеност на Македонија со заедничката надворешна и безбедносна политика на ЕУ, се додава во соопштението.

Согласно одлуката, ЕПФ за АРМ ќе обезбеди технологии наменети за разузнавање, надзор, извидување, електронско војување и сигнално разузнавање, потоа логистичка и инженерска опрема, како и комуникациски и информациски системи, а ќе обезбеди и техничка обука за користење на опремата.

Европскиот мировен фонд е основан во март 2021 година за финансирање на активности во рамките на заедничката надворешна и безбедносна политика на ЕУ насочени кон спречување конфликти, зачувување на мирот и зајакнување на меѓународната безбедност и стабилност.

Преку ЕПФ, ЕУ финансира активности наменети за зајакнување на капацитетите на трети држави и регионални и меѓународни организации поврзани со воени и одбранбени прашања.

The post ЕУ одобри 13 милиони евра помош за Армијата appeared first on Република.

За Марко фалат уште 5.000 евра...

The post Да му помогнеме на Марко appeared first on Република.

Од Македонија си заминавме со позитивни чувства, имавме одлична соработка, драго ни е што помогнавме и бевме корисни за луѓето, истакна Андреас Антониу, шеф и координатор на кипарската мисија која учествуваше во гаснењето на пожарите кај нас, а паралелно изрази надеж дека создадената позитивна атмосфера ќе придонесе за подобрување на односите меѓу двете земји, јави дописничката на МИА од Атина.

Во периодот од 7 до 14 август два авиони од типот „Air Tractor“ со четворица членови на екипажот и пет лица за копнена поддршка од Кипар, во рамките на помошта од ЕУ механизмот за цивилна заштита, учествуваа во справувањето со огнената стихија во Македонија.

Говорејќи за кипарската новинска агенција КИПЕ и пренесувајќи ги впечатоците од искуството на пожарникарите од Кипар на различните локации во нашата земја, Антониу оцени дека „климатските промени ја најдоа Македонија неподготвена да се справи со избувнувањето на пожари“, но и дека помошта од Кипар била позитивно примена.

Почувствувавме дека го ценат нашиот труд. Драго ни е што помогнавме, драго ни е што бевме корисни за луѓето, потенцираше Антониу, изразувајќи надеж дека мисијата и создадената позитивна атмосфера ќе придонесат за подобрување на односите меѓу Кипар и Македонија.

Истакна дека фактот што „сретнавме луѓе кои незамисливо го ценат нашиот придонес“ предизвика задоволство и ја охрабри кипарската мисија, а како пример за добриот прием кај нас, ја спомена случката со таксист кој ги превезувал членови на кипарскиот тим и кога тие му кажале дека во Македонија се за да ги изгаснат пожарите, тој одбил да им земе пари.

На посочувањето од кипарската новинска агенција дека „придонесот на Република Кипар во гаснењето на пожарите беше опширно презентиран од медиумите“, Антониу спомена и дека на половина од операцијата на кипарската мисија, членовите ги посети министерот за внатрешни работи, додека по завршувањето и пред заминувањето, директорот на ЦУК Стојанче Ангелов, се сретна со делегацијата и им додели почесни дипломи на членовите за нивниот придонес во напорите за справување со пожарите.

Шефот на делегацијата говорејќи за КИПЕ се осврнува и на долгиот пат од Кипар до Скопје, објасни дека откако ја добиле пораката од Механизмот за цивилна заштита на ЕУ на 6 август, веднаш започнале подготовките за мисијата, членовите уште следниот ден тргнале за Македонија, а во Скопје биле на 8 август во еден часот по полноќ, но „и покрај напорното патување биле подготвена да интервенираат со првите зраци на сонцето“.

Антониу појасни дека мисијата тргнала во две фази, бидејќи првично заминале двата авиони, едниот, поради недостиг на простор, ја носел опремата за поддршка, а другиот заминал со пилотот и еден кабински екипаж, додека во втората фаза заминале преостанатите шест членови, кои патувале со комерцијални летови преку Атина и Загреб и потоа пристигнале во Скопје.

Интервениравме во огромни недопрени површини

Осврнувајќи се на пожарите, рече дека биле од големи размери „видовме имотот како стануваат пепел“ и дека интервенирале во подрачја каде што огнената стихија била директна закана за имотите и човечките животи.

Првиот ден не информираа дека има 38 пожари, во земја која е два и пол пати поголема од Кипар, истакна Антониу и додаде дека пожарите предизвикаа огромна еколошка катастрофа, но и директно влијание врз животот на луѓето.

Рече дека првиот ден интервенирале во областа каде што има манастир и го заштитиле, претпоследниот ден во парк што горел 23 дена, а последниот ден интервенциите биле на две нови жаришта, источно од Скопје во близина на границата со Бугарија, а второто во близина на границата со Албанија, а и двата фронта, според Антониу биле во близина на населени места и постоела зголемена опасност пожарот да се прошири и да ги загрози луѓето.

Напомена дека кипарските пожарникари интервенираа во сосема поинаква средина од онаа на Кипар.

Тоа беа огромни површини, недопрени области во кои е многу тешко да оперираат копнените сили и затоа единственото решение што можеше да се понуди беше од воздух, додаде.

Паралелно истакна дека „жално е да ги гледаме шумите како се губат и природата да се уништува, поради нашата сопствена небрежност, невнимателност и/или намера“, додавајќи дека „мора сите да сфатиме дека со заштитата на животната средина во која живееме, ги штитиме и нашите животи“.

Во однос на оперативното искуство стекнато кај нас, Антониу посочи дека во Македонија противпожарните сили ја немаат стручноста што кипарскиот Сектор за шумарство ја има развиено во текот на децениите, како во однос на гаснењето шумски пожари од копно, така и од воздух, истакнувајќи дека тие функционираат со голема брзина и дека кипарската мисија помогнала да се подобри времето и на другите групи, вклучително и авионите од Германија, како во времетраењето на гаснењето, така и во времето на полнење гориво на воздушните противпожарни средства.

Паралелно потенцираше дека кипарските пожарникари се обиделе да пронајдат противпожарна пена и материјал за забавување или запирање на ширењето што ќе ја зголемеше оперативната ефикасност и ефективноста на гаснењето пожар, но напорите биле неуспешни.

За Секторот за шумарство при Министерство за земјоделство, рурален развој и животна средина на Република Кипар, Антониу објасни дека има повеќе од еден век искуство и знаење во гаснењето пожари, а во однос на воздушното гаснење пожари, воздухопловната единица на секторот може да е меѓу „најдобрите воздушни противпожарни единици во светот“, објаснувајќи дека ова се заснова на искуството на пилоти од целиот свет кои склучуваат договор со секторот и управуваат со авионите.

Двајцата пилоти што беа вклучени во мисијата во Македонија се од Австралија и инженерот од Нов Зеланд.

The post Таксист одбил да им земе пари кога му кажале дека се тука за пожарите: Кипарскиот тим си замина со позитивни чувства appeared first on Република.

Претседателката Гордана Сиљановска Давкова, согласно Законот за управување со кризи, донесе одлука за учество на дел од Армијата во справувањето со пожарите, по донесената Одлука на Владата од 13 август 2024 година за постоење на кризна состојба заради зголемена појава на пожари на територијата на државата.

Начинот и интензитетот на кој припадниците на Армијата ќе помагаат на другите институции при гаснење на пожарите ќе го одредува Генералштабот на армијата во согласност со побарувањата од Центарот за управување со кризи и состојбата на теренот.

The post Сиљановска Давкова донесе одлука за ангажирање на Армијата во справувањето со кризната состојба поради пожарите appeared first on Република.

Министерот Владо Мисајловски се сретна со амбасадорката на Романија, Н.Е. Моника Аксинте и со одбранбеното аташе, полковникот Каталин-Петре Арчип, во Министерството за одбрана, на која беше потврдена успешната соработка помеѓу двете сојузнички земји.

Министерот Мисајловски упати благодарност за помошта која Романија ни ја пружи во справувањето со пожарите со упатување на два специјални авиони и тимови за гаснење пожар.

За време на средбата се разговараше за регионалната соработка која е од особено значење за стабилноста на регионот како и за можностите и унапредување на билатералната одбранбена соработка преку размена на експерти на полето на односи со јавност, кризни состојби, одбранбеното право како и стручното оспособување.

The post Мисајловски: Благодарност за помошта што Романија ни ја даде во справувањето со пожарите appeared first on Република.

Два авиони од типот „Air Tractor“ и вкупно девет лица членови на екипаж од Република Кипар попладнево ќе пристигнат во Скопје, во рамките на помошта за Македонија од ЕУ механизмот за цивилна заштита, а од утре ќе учествуваат во гаснењето на пожарите во Свети Николе и Чашка, јави дописничката на МИА од Атина.

Од Секторот за шумарство при Министерство за земјоделство, рурален развој и животна средина на Република Кипар соопштија дека „по наредба на директорот на конкретниот сектор Савва Иезекил и по консултација со надлежната министерка Мариа Панајоту, преку Механизмот за цивилна заштита на Европската Унија се испраќа помош за справување со шумските пожари во областите Чашка и Свети Николе“, а соодветно бил информиран и министерот за надворешни работи на Кипар Константинос Комбос.

Двата авиона, со четворица членови на екипажот и пет лица за копнена поддршка, во 10:15 часот утрово полетале од аеродромот во Пафос кон меѓународниот аеродром во Скопје, планирана е попатна станица на аеродромот на грчкиот остров Родос за полнење гориво и според процените се очекува кај нас да слетаат околу 17 часот.

По пристигнувањето ќе биде информирани со детали за акцијата, а се очекува утро наутро да учествуваат во гаснењето на пожарите.

Планирано е кипарските авиони да останат пет дена.

Конкретните авиони од типот „Air Tractor“, како што соопштија од Секторот за шуми во надлежното кипарско Министерство, се опремени со соодветна опрема за гаснење и употреба на пена, опремени се и со соодветна телекомуникациска опрема, како за комуникација со Единицата за воздушни средства во Ларнака, така и за пренос на информации и фотографски материјал.

Од средината на јуни 2024 година двата авиони се дел од механизмот rescEU и оваа е нивната прва мисија.

The post Кипар испраќа два авиона за справување со пожарите во Свети Николе и Чашка appeared first on Република.

Хеликоптерот на Министерството за внатрешни работи на Србија „Ербас Х215 Супер Пума“, со капацитет од три тони вода, со шест припадници на хеликоптерската единица и еден припадник на секторот за вонредни ситуации, е испратен врз основа на договор со претседателот на Србија, Александар Вучиќ и претседателката на Македонија, Гордана Силјановски Давкова, се наведува во соопштението, пренесе Телеграф.

Инаку, Министерството за внатрешни работи на Република Србија, во текот на изминатата недела, поради ширењето на пожарите во источниот дел на Македонија, врз основа на официјалното барање на Центарот за управување со кризи на Владата на Македонија, пружила помош со испраќање хеликоптер „Агуста Бел 212“ со пет припадници на хеликоптерската единица и припадник на Секторот за вонредни ситуации.

Во изминатите три дена хеликоптерот на МУП оперираше во атарот на село Јамница, на територијата на општина Пробиштип и успешно учествуваше во локализирање на пожарот во атарот на населбата Долно Ѓуѓанци, кај градот Свети Николе, како и во атарот на селото Рамно на територијата на општина Старо Нагоричане, се додава во соопштението.

The post Српските херои повторно пристигнуваат на помош: Уште еден хеликоптер упатен во Македонија appeared first on Република.

По еден хеликоптер од Србија и Чешка се пристигнати во Македонија како дел од меѓународната помош обезбедена со ЕУ механизмот на цивилна заштита.

Во текот на денот ќе пристигнат и еден хеликоптер од Словенија, Шведска и Германија ќе испратат по два Ер трактори, а се очекува пристигнување и на тим од Унгарија од 46 лица со 13 возила меѓу кои и специјални теренски противпожарни возила.

Седумчлениот тим на Словенија објави дека е подготвен да и помогне на Македонија во справувањето со шумските пожари.

-Во овие тешки моменти, солидарноста е клучна, објави Министерството за одбрана на Словенија.

Македонија по втор пат летово бара меѓународна помош во справување со големите пожари. Минатиот месец помош пристигна од Србија, Турција, Црна Гора, Хрватска, Словенија и Романија.

МВР продолжува да ја спроведува акцијата „Пожар 2024“, а досега се приведени неколку лица осомничени за подметнување на пожарите и предизвикување општа опасност.

The post Солидарноста е клучна во овие тешки моменти: Пристигнува меѓународна помош за гаснење на пожарите во Македонија appeared first on Република.

Српскиот вицепремиер и министер за внатрешни работи Ивица Дачиќ денеска присуствуваше на испраќањето на припадниците на Хеликоптерската единица и Секторот за вонредни ситуации на МВР кои полетаа за Македонија со противпожарен хеликоптер Камов Ка-32 за да помогнат во гаснењето на шумски пожар, јави дописникот на МИА од Белград.

-Подготвени сме да помогнеме секаде каде што е потребно, се разбира имајќи ги предвид процедурите и барањата испратени од други земји, рече Дачиќ.

Тој додаде дека властите на Македонија се запознаени со способностите и капацитетите на Србија кога станува збор за пожари и дека го барале токму противпожарниот хеликоптер Камов Ка-32 бидејќи може да носи пет тони вода.

-Се разбира дека нашите единици на Секторот за вонредни состојби заминуваат заедно со Хеликоптерската единица, бидејќи во овој случај дејствуваат заедно, рече Дачиќ.

Тој нагласи дека во вакви ситуации се реагира само доколку има барање за помош.

-Не станува збор само за хеликоптер, овој хеликоптер ќе биде распореден во Македонија со седум членови на екипажот, рече Дачиќ.

Министерот потсети дека Србија е дел од Европскиот механизам за цивилна заштита, кој е формиран за поддршка на напорите за спречување катастрофи и зајакнување на подготвеноста на единиците за цивилна заштита да дејствуваат на национално, регионално и локално ниво.

Тој додаде дека припадниците на Секторот за вонредни ситуации, како и на Хеликоптерската единица, во минатото им помагале на други земји во операциите за гаснење пожари, како и во некои други вонредни ситуации.

Командантот на Хеликоптерската единица на МВР, Ненад Недиќ нагласи дека противпожарниот хеликоптер Камов Ка-32 од руско производство за прв пат се испраќа надвор од границите на Србија.

Хеликоптерската единица на МВР поседува два хеликоптери Ка-32, кои се препознатливи по коаксијалниот ротор. Во Србија пристигнаа лани во две варијанти.

Моделот што е испратен во Македонија носи противпожарно ведро, а другата варијанта го има системот SP 32, кој се состои од суспендиран резервоар со капацитет од четири тони и воден топ што се користи за хоризонтално гаснење пожар.

Началникот на Одделението за вонредни состојби, Лука Чаушиќ изјави дека припадници на МВР на Србија ќе бидат ангажирани во гаснењето на пожарите на планината Серта во загрозената област во општините Неготино, Конче и Штип.

Владата на Македонија претходно прогласи кризна состојба поради големиот број пожари, а беше одлучено кризната состојба да трае 30 дена поради топлотниот бран

The post Ќе пристигнат српските пожарникари со хеликоптерот за гаснење пожар appeared first on Република.

Денес српскиот вицепремиер и министер за внатрешни работи Ивица Дачиќ изјави дека телефонски е пристигнато барање за помош од  Македонија поради големиот број пожари што избувнаа на територијата на таа земја.

Сè уште не сме го добиле официјално, но разговаравме на телефон. Побараа од Македонија да им помогнеме да го изгаснат пожарот. Слични барања има и од Република Српска. Мислам дека имаме доволно капацитет за помош во двете држави истовремено, во хуманата акција за гасење пожари - рече Дачиќ.

Дачиќ нагласи дека Србија ќе испрати хеликоптери за гаснење на пожарот и додаде дека не сака тоа да биде оценето како испраќање хеликоптери заради остварување на воена доминација.

Владата на Македонија вчера прогласи кризна состојба поради големиот број пожари, а одлучено е кризната состојба да трае 30 дена поради топлотниот бран. Најголеми пожари има во околината на Неготино и на планината Серта.

Во текот на изминатото деноноќие изгаснати се 17 пожари, а девет се се уште активни и од утрово се гаснат со авиони и хеликоптери.
Премиерот Христијан Мицкоски, најави дека земјата наскоро ќе добие помош во борбата против пожарите од Србија, Словенија, Црна Гора и Турција.

Се бориме со пожари предизвикан од топлотен бран. Во интензивна комуникација сме со неколку пријателски земји од кои очекуваме помош за гаснење на пожарите во рамките на нивните можности, објави Мицкоски на Фејсбук.

The post Дачиќ: Телефонски е пристигнато барање за помош од Македонија поради големиот број пожари appeared first on Република.

Се бориме против огнените стихии поради топлотниот бран. Интензивно сме во комуникација со повеќе пријателски држави од кои побаравме помош во рамките на нивните можности за гасење на пожарите, истакнува премиерот Христијан Мицкоски.

За скоро пристигнува помош од Словенија, Турција, Србија и Црна Гора. Министрите за одбрана, МВР, надворешни работи и трговија Мисајловски, Тошковски, Муцунски како и директорот на ЦУК, Стојанче Ангелов е во интензивна комуникација со нивните колеги од овие држави. За само неколку дена после повеќегодишно запоставување и негрижа и затекната состојба на приземјени летала без пилоти, оспособивме летала кои се приклучија во гасење на пожарите и соодветен кадар. Се приклучи армијата и полицијата, истакна Мицкоски.

Премиерот посочи дека сега е обезбедена и поддршка од пријателите.

Нема да седиме со скрстени раце и ќе направиме се што е во наша моќ и надлежност да се справиме со состојбите, истакна тој.

The post Мицкоски: Се бориме против огнените стихии, пристигнува помош од пријателски држави – ќе направиме сè што е во наша моќ! appeared first on Република.

Владата предводена од ВМРО-ДПМНЕ од денеска започнува со исплата на неисплатената финансиска поддршка за учениците од основните и средните училишта во износ од 1200 и 1800 денари месечно, за преостанатите 4 месеци во кои граѓаните не ги видоа ветените пари од претходната Влада, истакна Марија Митева, портпарол, пратеник и член на ИК на ВМРО-ДПМНЕ.

Станува збор за паричен надоместок кој како и се друго, остана не реализиран иако за регулирањето на оваа мерка беше донесено и законско решение. Закон кој самите не го испочитуваа.

Информирам дека уште на првиот работен ден од мандатот, министерката за образование и наука, Весна Јаневска ги задолжи надлежните сектори да направат детален преглед на нереализираните финансиски обврски за секој еден ученик чие семејство ги исполнува условите и има поднесено апликација за остварување на ова право. Врз основа на доставениот извештај, се направи план со динамика на исплата којa започнува од денес.

Согласно анализата, се работи за над 100 илјади ученици, од кои 70 илјади основци и 30 илјади средношколци. Најголем дел од нив, имаат добиено паричен надоместок за еден, односно два месеци, поточно за декември 2023 година и за јануари годинава.

Преостаната е исплата за четири месеци и како што посочивме, започнуваме етапно од денес. Општина по општина, се подготвуваат налози за плаќање и ги замолуваме граѓаните за трпение, додека целиот износ биде надоместен. Најпрво ќе ги исплатиме надоместоците за февруари и март, а потоа за април и мај, со што целосно ќе го завршиме тоа што им следува на граѓаните, но за жал, останува само една од низата на манипулации заради кои и катастрофално власта замина и беа поразени.

Наместо краткорочни неквалитетни решенија, сакам да најавам дека новата Влада предводена од ВМРО – ДПМНЕ ќе обезбеди континуирана и системска поддршка за олеснување на воспитно – образовниот процес и на учениците и на родителите и старателите. А квалитетот на образованието ќе биде меѓу врвните приоритети на кои силно ќе се посветиме.

Почнуваме! Исполнуваме! За тебе!, додава Митева.

The post Митева: МОН на над 100.000 основци и средношколци ќе им исплати парична помош за 4 месеци appeared first on Република.

Украина доби 1,9 милијарди евра безусловна финансиска помош од ЕУ, што придонесува за одржување на макроекономската стабилност и финансирање на приоритетните буџетски потреби, соопшти украинското Министерство за финансии.

Државниот буџет на Украина доби транша од безусловно финансирање во износ од 1,9 милијарди евра од Европската унија. Средствата беа обезбедени од финансиски инструменти на ЕУ од фондот за Украина, се наведува во извештајот, пренесен од украинскиот медиум УНН.

Исто така е соопштено дека Украина ќе ги добива следните транши на квартална основа, под услов да се исполнат индикаторите дефинирани во планот за Украина.

The post Украина доби 1,9 милијарди евра од ЕУ appeared first on Република.

Потпретседателката на САД, Камала Харис денеска најави нова помош за Украина во висина од 1,5 милијарди долари.

Харис, која е меѓу учесниците на дводневната мировна конференција во швајцарското одморалиште Бургеншток, истакна дека 500 милиони долари се наменети за енергетскиот сектор на Украина.

Помошта е наменета и за хуманитарни цели.

The post Потпретседателката на САД најави нова помош за Украина од 1,5 милијарди долари appeared first on Република.

По два и пол месеци, германските вооружени сили ја завршија мисијата за помош од воздух над Појасот Газа.

Германски транспортен авион А400М денеска последен пат полета од Јордан, соопшти војската, пренесе ДПА.

Од средината на март, воздухопловните сили фрлија околу 315 тони храна, вода, средства за хигиена и други средства за помош за да му помогнат на настраданото население.

Во иднина, меѓународната заедница ќе се обидува да донесе што повеќе залихи до палестинската крајбрежна територија преку копнени и поморски патишта.

- Со здружување на силите, можевме да го дадеме нашиот придонес за ублажување на маките на луѓето во Појасот Газа, изјави началникот на германското воздухопловство Инго Герхарц.

Германија учествуваше во иницијативата заедно со Јордан, САД, Франција и други земји.

The post Германија ја заврши воената операција за испраќање помош од воздух во Газа appeared first on Република.

Мисијата на Светската здравствена организација стигна до северот на Газа за првпат по повеќе од две недели, изјави во денеска шефот на СЗО, Тедрос Аданом Гебрејесус.

Мисијата испорача гориво, болнички кревети, лекови и други медицински материјали во болницата Ал-Ахли, објави Тедрос на „X“.

Тој рече дека залихите се доволни за потребите на 1.500 луѓе, но инсистираше на тоа дека е потребно многу повеќе.

-Болницата Ал-Ахли опслужува двојно повеќе од бројот на луѓе за кои е наменета, без основни хируршки материјали и плати за персоналот. Ниту една операција за спасување не може да се врши во вечерните часови поради недостиг на специјализиран кадар, рече Тедрос.

Тој додаде дека СЗО се обидува да распореди „тим за итна медицинска помош“ таму.

The post СЗО испорачува помош на север од Газа за прв пат по две недели appeared first on Република.