Украинските земјоделци посеале околу 400.000 хектари различни пролетни култури, што е за 10 отсто повеќе отколку на истиот датум минатата година, и покрај руската инвазија, изјави украинскиот заменик министер за земјоделство Тарас Висоцки. Недостигот на гориво не влијаеше на сеидбата, нагласи украински функционер.

Преговараме со добавувачите за да не престане сеидбата - рече Висоцки.

Поранешниот украински министер за земјоделство Роман Лешченко, кој поднесе оставка минатата недела поради здравствени причини, изјави дека пролетните култури оваа година може да се посеат на само околу седум милиони хектари, што е за половина помала површината од минатата 2021 година.

Според него, Министерството ги повикало земјоделците да сеат повеќе пролетна пченица, хељда, овес, просо и пролетен јачмен. Површината под сончоглед и пченка може да се намали, процени тој. Тој одби да ја предвиди жетвата на житото во 2022 година бидејќи „ситуацијата не е целосно стабилизирана“.

Областите погодени од воените дејствија постојано се менуваат и се надеваме дека ситуацијата ќе се промени, дека ќе се постигне мир и дека ќе можеме да сееме барем доцни посеви во областите кои сега се во воена зона - изјави украинскиот министер.

The post Украинските земјоделци досега посеале околу 400.000 хектари различни пролетни култури appeared first on Република.