Тринаесетгодишно девојче од кумановското село Пчиња вчеравечер било пријавено за исчезнато.
– На 21.11.2024 во 18.30 часот во СВР Куманово З.С.(39) од село Пчиња, кумановско, пријавил дека од домот се оддалечила неговата малолетна внука Л.Ј.(13), информираат од Секторот за внатрешни работи.

Оттаму додаваат дека се преземаат мерки за пронаоѓање на лицето.

The post 13-годишно девојче од Пчиња пријавено за исчезнато appeared first on Република.

Лондонскиот аеродром Гетвик, наводно, е евакуиран, а на патниците им било кажано да „излезат веднаш и да се држат настрана“ додека полицајците го истражуваат безбедносниот инцидент.

Голем дел од јужниот терминал на аеродромот е евакуиран, а на патниците им е забранет влезот, објави британскиот весник „Сан“.

Аеродромот соопшти дека евакуацијата била „мерка на претпазливост“ додека полицајците истражуваат „безбедносен инцидент“.

The post Евакуиран аеродромот Гетвик, лондонската полиција истражува безбедносeн инцидент appeared first on Република.

На 13.11.2024 во 22:00 часот во СВР Скопје, Б.О.(18) од с.Никиштани, скопско, пријавил дека околу 18:20 часот во автобус на ЈСП на подрачјето на Карпош, бил физички нападнат од неколку малолетници, а еден од нив му нанел повреди со остар предмет.

Се преземаат мерки за расчистување на случајот, по што ќе следува соодветна пријава.

The post Тинејџер претепан и ранет со нож во автобус на ЈСП appeared first on Република.

Денеска (14.11.2024) од страна на СВР Струмица – ОВР Гевгелија до ОЈО Гевгелија поднесена е кривична пријава против Р.П., поранешен директор на ЈП “Комунална чистота”- Богданци.

Пријавата е поднесена затоа што во временскиот период од 01.01.2019 до 31.12.2022 во својство на службено лице, односно вработен како директор во јавното претпријатие, со неизвршување на своите службени обврски, сторил повреда на повеќе одредби од подзаконски акти и договори, односно пропуштил да бидат наплатени долгови по основ на извршени услуги од ЈП “Комунална чистота“ Богданци, направени од страна на физички и правни лица од општина Богданци, не водел сметка сите побарувања од корисниците да бидат соодветно обезбедени преку судска или друга соодветна постапка пред истите да застарат, поради што било пропуштено да биде наплатен долгот од корисниците на услугите, при што била причинета вкупна материјална штета во висина од околу 360.000 денари на ЈП “Комунална чистота“ Богданци.

Со тоа, пријавениот сторил кривично дело “Злоупотреба на службената положба и овластување“ предвидено и казниво според член 353 став 3 во врска со став 1 од КЗ.

The post Кривична пријава за поранешен директор на Комунална чистота appeared first on Република.

30-годишна жена била убиена во Дортмунд, Германија, а насилникот бил македонски државјанин. Како што соопшти Билд ја избодел со месарски нож пред трите малолетни деца. После настанот мажот побегнал и ја оставил жената да крвари во ходникот. Малите деца го пријавиле случајот кај соседите. Децата биле на возраст од 3, 4 и 6 години.

Жената сакала да се раздели од насилниот сопруг и да почне нов живот. Долго време трпела семејно насислтво, а на крајот на октомври се преселила со нејзините три деца во нов стан во Дортмунд.

Сторителот потоа бил фатен на автопат во Вирцбург, а се претпоставува дека тргнал да бега на пат кон Македонија. Моментално е во притвор во Нирнберг, од каде ќе биде префрлен во Дортмунд, соопштуваат германските медиуми.

The post Германија: Македонски државјанин со нож ја убил сопругата пред очите на малолетните деца appeared first on Република.

СВР Охрид поднесе кривична пријава против Ш.К.(39) од Охрид поради постоење основи на сомнение за сторени кривични дела „измама“.

Тој, во повеќе наврати, во својот автосервис во Охрид, примал патнички моторни возила од граѓани од Охрид, на кои им барал и добивал одредена сума пари, ветувајќи им дека ќе ги отстрани дефектите и ќе изврши комплетен ремонт на нивните возила.

Пријавениот, не ги иззвршувал поправките во договорениот период, а дополнително ги вадел исправните делови од автомобилите и ги продавал на трети лица, со што се стекнал со значителна противправна имотна корист.

The post Автомеханичар од Охрид заработи кривична: Вадел исправни делови од автомобили и ги продавал appeared first on Република.

Одделот за сузбивање на организиран и сериозен криминал при МВР, под раководство на предметен јавен обвинител од Специјализираното одделение за гонење на кривични дела сторени од лица со полициски овластувања и припадници на затворската полиција, вчера во попладневните и вечерните часови спроведоа голема полициска акција под кодно име „Премин“.

Акцијата е резултат на повеќемесечна предистражна постапка што обвинителството во соработка со Одделот за сузбивање на организиран и сериозен криминал при МВР ја спроведуваше по доставена пријава од граѓанин против три лица.
Во текот на акцијата беа извршени претреси на 26 локации во Струмичко-гевгелискиот регион и притоа се лишени од слобода 14 царински службеници од Царинската управа на РСМ, еден пензиониран царински службеник и еден полициски службеник. При претресите се пронајдени парични средства што биле примени како поткуп, во вкупен износ од 50.000 евра.

Според диспозитивот од кривичната пријава против 15 лица што Одделот за сузбивање на организиран и сериозен криминал при МВР ја достави до ОЈО ГОКК, произлегува дека 13 од осомничените лица како вработени во Царинската управа на РСМ, а распоредени во Царинските испостави Ново Село и Дојран сториле кривично дело Примање поткуп по член 357 став 1 од КЗ, додека две лица се пријавени за кривично дело Злоупотреба на службена положба и овластување по член 353 од КЗ.

Осомничените во временскиот период започнувајќи од 21.03.2023 година, па сѐ до вчера - 15.10.2024 година, со умисла извршиле повеќе временски поврзани дејствија што претставуваат повеќекратно остварување на исто дело. Тие искористувајќи ист траен однос, исти прилики и слични околности, при вршење на царински прегледи на стоката што се увезувала во државата преку граничните премини, од превозниците на стоката директно барале и примале парични средства за себе во износи од по 20, 50, 70, 100 и 150 евра, за да не извршат службено дејствие што би морало да го извршат. Откако ќе го примеле поткупот, што потоа го делеле меѓу себе, осомничените не ја вршеле својата службена должност и не правеле пресметка и наплата на увозните давачки, согласно Законот за царинската управа, Уредбата за спроведување на царинскиот закон и Законот за царинската тарифа. Така, увезената стока ја пуштале во слободен промет, со намера за себе и превозниците да прибават имотна корист, а на штета на средствата на Буџетот на РСМ во висина од ненаплатените царински увозни давачки. Согласно КЗ за кривичното дело Примање поткуп запретената казна е од четири до десет години затвор, додека за кривичното дело Злоупотреба на службена положба и овластување е предвидена казна затвор од шест месеци до три години.

The post Лишени од слобода 15 царински службеници и полициски службеник appeared first on Република.

Надворешната канцеларија за криминалистички работи Гостивар поднесе кривична пријава против Л.А.(57) од Гостивар поради постоење основи на сомнение за сторено кривично дело „загрозување на сигурноста“.

На 02.10.2024, пријавениот упатувал закани на неговата ќерка.

The post Татко се заканувал на ќерка си, заработи кривична пријава appeared first on Република.

Вчера околу 17:30 часот во СВР Скопје, 22-годишник од Скопје пријавил дека пред четири дена околу 13:30 часот во неговиот дом на подрачјето на Центар бил физички нападнат од неговата 26-годишна партнерка од Скопје. Таа, според пријавата оштетила и дел од покуќнината.

Денеска, пак во 05.00 часот, и неговата партнерка пријавила дека на 09.10.2024 на подрачјето на Центар тој физички ја нападнал неа, а со нејзиниот поранешен партнер двајцата имале физичка пресметка.

Се преземаат мерки за расчистување на случајот.

The post Момче и девојка од Скопје се тепале и се пријавувале во полиција appeared first on Република.

Еден 15-годишен тинејџер бил „прободен 50 пати со нож“ и „жив запален“ во средата во Марсеј, јужна Франција, изјави денеска градскиот обвинител Николас Бесон, цитиран од француските медиуми.

Обвинителот на специјално свикана прес-конференција го опиша делото како „невидено сурово“ и исто така ја потенцира возраста на жртвата и сторителите на насилството.

The post Момче во Марсеј прободено 50 пати со нож и живo запаленo appeared first on Република.

На 04.10.2024 во 17:40 часот, на булеварот „Македонски просветители“ во Охрид, приведен е М.А.(74) од Охрид.

Според полицијата, тој е приведен бидејќи омаловажувал и навредувал полициски службеник.

Против него ќе биде поднесена соодветна пријава.

The post 74-годишен охриѓанец омаловажувал и навредувал полицаец appeared first on Република.

Регионалниот центар за гранични работи Југ до ОЈО за гонење на организиран криминал и корупција Скопје поднесе кривична пријава против Д.П.(25) од с.Вранештица, кичевско, поради постоење основи на сомнение за сторено кривично дело „криумчарење мигранти“.

Имено, на 04.10.2024 околу 08 часот од страна на полициски службеници од Полициската станица за граничен надзор и граничен премин „Богородица” Д.П. бил затекнат, на место во близина на граничен камен 61/3, додека во својство на водич, пренесувал илегални мигранти од Кина, од грчка на македонска страна.

Две женски лица од Кина се предадени во прифатно-транзитен центар за понатамошна постапка.

The post Носел мигранти од Кина преку Грција – кривична пријава за криумчарење appeared first on Република.

Министерот за внатрешни работи Панче Тошковски најави дека ќе се отвори ново средно полициско училиште, кое беше укинато во 2000 година. На денешната прес-конференција за 100 дена Влада, Тошковски кажа дека интензивно се работи на реконструкција на Центарот за обука во Идризово, каде ќе биде училиштето, и во моментов се инвестираат повеќе од 3 милиони евра.

„Ќе најавам ново средно полициско училиште. После прва и втора година средно образование, идните полицајци ќе може да ги поминат трета и четврта година во средното полициско училиште. Нашето искуство покажува дека професионалниот капацитет на полициските служебници кои биле едуицрани во рамки на средно училиште е далеку повисок и далеку поголем во споредба со останатите“, рече Тошковски.

Во изминатите години додека постоеше средното полициско школо, средношколците не смееја да се префрлуваат од други школи во тоа, туку во средното полициско мораше да се поминат сите 4 години средно образование.

The post По 24 години ќе се отвори ново средно полициско училиште appeared first on Република.

На 04.10.2024 во 19:40 часот во с.Порој, тетовско, полициски службеници од СВР Тетово го лишиле од слобода Е.М.(27) од Р.Косово, поради тоа што противправно одзел патничко возило „голф“ со тетовски регистерски таблици, сопственост на лице од с. Џепчиште, тетовско.

Е.М. е задржан во Полициската станица Тетово за понатамошна постапка и против него ќе биде поднесена соодветна пријава.

Oдземеното возило му било вратено на сопственикот.

The post Приведен маж од Косово, украл „Голф“ во тетовско appeared first on Република.

Околу 04.50 часот на Детската клиника во Клинички центар „Мајка Тереза“, (В.С.) 29-годишен маж од село Гошинце и неговиот брат оштетиле инвентар во болницата откако починала едногодишната ќерка на В.С., информира МВР.

Бебето било донесено со Итна медицинска помош во болницата околу 03.45 часот.

The post Бебе починало на Детска клиника, таткото кршел низ болничките ходници appeared first on Република.

На 04.10.2024 во 10:30 часот во Полициската станица Струмица било пријавено дека Ж.Ј.(63) од село Муртино, струмичко, додека извршувал земјоделски работи со трактор во нива во место викано „Врловарник“, атар на село Муртино, со тракторот зафатил железна шипка од оранжеријата, која паднала и го повредила.

Од здобиените повреди Ж.Ј. починал, а смрт констатирал лекар од Медицински центар Струмица.

Увид на местото извршиле јавен обвинител од Основното јавно обвинителство Струмица и екипа на СВР Струмица.

The post Почина маж од Муртино: Со тракторот зафатил железна шипка, ударот бил кобен appeared first on Република.

Два трговски центри во Белград денеска добиле дојава за бомба, пишува Euronews Србија.

Дојавата за подметнати бомби пристигнала во 13 часот во трговскиот центар „Биг“ во Карабурба и во трговскиот центар „Милениум“. Непознати лица нешто по 13 часот пријавиле дека во трговските центри била поставена експлозивна направа.

Во моментов во тек е евакуација на посетителите во тие трговски центри.

The post Дојава за бомба во два трговски центри во Белград appeared first on Република.

Инцидент во Тетово. 28 годишен маж нападнал со остар предмет малолетник (17) бидејќи одбил да има сексуален однос со него. Случајот се случил во работилница во Голема Речица. Врз основа на сликите 17 годишниот малолетник се здобил со тешки повреди во пределот на вратот и десното уво. По пријавата во полиција, 28 годишникот е приведен и му е одредена мерка 30 дневен притвор.

„На 28 септември 2024 припадници на СВР Тетово го лишиле од слобода лицето Л. Ј. 28 годишен од Тетово кој претходно бил пријавен од еден малолетник дека во работилница во Тетово му нанел тешки телесни повреди со остар предмет. Врз основа на сомнежите станува збор за обид за убиство и истиот е лишен од слобода и по претходна постапка е испратен пред судија за овој предмет каде му е изречена мерка притвор од 30 дена“, вели Фатмир Реџепи.

Од обвинителството во соопштение велат дека осомничениот по извршување на делото избегал со мотоцикл, кој подоцна е пронајден. Поради ризикот од повторување на делото побаран е притвор.

„ОЈО во Тетово издало наредба за поведување истражна постапка против едно лице за кривично дело “убиство од член 123 параграф 1 во врска со член 19 (во обид) од КЗ , 28 годишниот осомничен за 26 септември во една фабрика во село Голема Речица, намерно се обидел да му го одземе животот на 17 годишник нанесувајќи му посекотини со нож на вратот и десното уво. Жртвата успеала да избега а осомничениот избегал од местото на настанот со скутер“, велат од Обвинителство.

ТВ21 објави разговор од социјалните мрежи каде осомничениот од малолетникот бара средби за сексуални односи, но малолетникот постојано го одбивал.

The post 28-годишник од Тетово ставен во притвор – нападнал малолетник бидејќи одбил сексуални односи appeared first on Република.

ОВР Прилеп поднесе кривична пријава против П.Н. (82) од прилепско село, поради постоење сомневање за сторено кривично дело „полово вознемирување“.

На 26 август во селото, пријавениот, полово вознемирувал три малолетници.

The post 82-годишник полово вознемирувал малолетници appeared first on Република.

25-годишна жена пријавила насилство во Драчево од нејзиниот поранешен партнер А.Ф.(34) од Скопје. Имено таа пријавила дека на 27.09.2024 околу 13.30 часот во семејниот дом на подрачјето на Драчево, таа и нејзината малолетна сестра биле физички нападнати од пријавеното лице.

Тој освен што ги нападнал двете, го кршел и мебелот во куќата каде што тие престојувале.

Од МВР велат дека по целосно документирање на случајот ќе следува соодветен поднесок.

The post Дивеел во домот на поранешната партнерка, го кршел мебелот и ги нападнал неа и сестра ѝ appeared first on Република.