На 02.11.2024 во 15.10 часот во Скопје, на подрачјето на општина Аеродром, полициски службеници од Единицата за интервентна полиција при СВР Скопје го лишиле од слобода Б.Н.(43) од Скопје, поради тоа што физички нападнал полициски службеник додека извршувал службени дејствија.

По целосно документирање на случајот ќе следува соодветен поднесок.

The post Полицаец на должност во Аеродром нападнат од 43-годишен скопјанец appeared first on Република.

На 25.10.2024 околу 21:30 часот било пријавено дека во стражарска просторија лоцирана во кругот на ОВР Пробиштип, полициски службеник при чистење на службениот пиштол испукал еден куршум при што се повредил во пределот на левата дланка.

Тој бил пренесен во Клиничката болница Штип за укажување на лекарска помош.

Известен е јавен обвинител и извршен бил увид од увидна екипа од ОВР Пробиштип.

The post Полицаец си пукал во рака додека го чистел службениот пиштол appeared first on Република.

Камиони со струмички таблички преполни со шверц на брендирана роба и скапи делови за коли секоја среда и петок се истоваарат на пазарот во Шутка, пред камерата на Алфа открива поранешниот полицаец Никола Бучков.

Тој е еден од групата полицајци што во ноември 2020 стопираа сомнителен камион со струмички таблички за којшто не постоле документи од царина, но како што вели, под притисок на претпоставените, шоферот не бил задржан во станица и пуштен да си тера со камионот.

Бучков тврди дека во моментот кога го проверувале камионот ги провериле и регистерските таблички и тие се воделе на фирма регистрирана на кумот на Вице Заев.

Оваа изјава е дадена пред неколку месеци, но поради активна истрага на МВР, дури сега ја објавуваме. МВР веќе спроведе акција во која според последните информации уапсени се 35 цариници од Струмица и Гевгелија. Пред четири години во Шуто Оризари, Бучков заедно со полициската група по забележување на камионот инсистирале да го проверат шоферот и документацијата од царина. Веднаш по нивното пријавување, следувале притисоци од претпоставените, сведочи Бучков, пренесе Алфа.

Бучков бил даден на дисциплинска постапка бидејќи, според претпоставените, од полициска станица Шутка незаконски го проверувал струмичкиот камион. Исто така тој сведочи дека поради одмазда, МВР му мести ситуација дека не дозволил постапување на полициски службеници на улица, а лично министерот Спасовски му потпишал отказ. Добил клоци и тупаници од колегите од крим техника кои според него не може случајно да се нашле на лице место на улица во Струмица.

Бучков е убеден дека тогашната власт го штитела криминалот на кумот на братот на поранешниот премиер Зоран Заев, а тој случајно го затекнал камионот, па поминал пекол и агонија што му ја направиле, како што тврди, неговите шефови.

Инаку, БЈБ на МВР, Министерство за финансии, УЈП и Јавното обвинителство пред еден месец влегоа во фирмите на струмичкиот бизнисмен Ристо Крмзов. Тој се сомничи за перење пари, двојни плаќања, незаконско постапување и даночни затајувања.

https://www.youtube.com/watch?v=Zs6PH7O8y2I

The post Сведоштво на полицаец избркан од работа откако го фатил во криминал кумот на Заеви appeared first on Република.

Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство Дебар поднесе кривична пријава против Љ.З. вработен во Отсек за оружје, експлозивни и опасни материи- Охрид, Сектор за оружје, експлозивни и опасни материи при Оддел за граѓански работи, поради постоење на основи на сомнение дека сторил кривично дело „злоупотреба на службената положба“ по член 353 од Кривичниот законик во врска со член 9 став 5 од Законот за оружје и член 6 и член 7 од Законот за административни такси во МВР.

Пријавениот Љ.З., во својство на одговорно лице, во периодот од 01.01.2022 до 05.08.2024 од барателите, на рака ги земал парите што требало да ги платат на жиро сметката на Министерството за внатрешни работи за административни такси, со цел да им врши услуга, односно во нивно име тој да изврши уплата за административни такси.

Но, наместо тоа, парите тој противправно ги присвоил и со тоа за себе прибавил имотна корист и нанел штета на Буџетот на Министерството за внатрешни работи во износ од 60.950 денари.

Во наведениот период, за вкупно 179 примени барања нема потврда за платени административни такси. Поради потешко кршење на работниот ред и дисциплина, Одделот за внатрешна контрола против Љ.З. ќе поднесе и предлог за поведување на постапка за утврдување на дисциплинска одговорност и ќе изрече задолжителни мерки за отстранување од работното место до донесување на решение во дисциплинската постапка

The post Полицаец земал мито од 1000 евра appeared first on Република.

Полициски службеници во петокот околу 17 часот влегоа во домот на 25-годишен скопјанец со наредба за претрес. Момчето кај кое извршуваа службени дејствија живее во Карпош и како што дознава порталот МКД.мк, им е колега вработен во МВР, односно е полицаец од полициската станица во Ѓорче Петров. При претресот најдена и одземена е марихуана.

Тој бил задржан во полициска станица и по целосно документирање на случајот, против него ќе биде поднесена соодветна пријава, велат од МВР.

The post Полицаец од МВР фатен со дрога, ја чувал дома во скопски Карпош appeared first on Република.

Основното јавно обвинителство за гонење на организиран криминал и корупција повело истражна постапка против полициски службеник од полициската станица Бит Пазар осомничен за обљуба со злоупотреба на положбата.

Надлежен јавен обвинител од Специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција, во текот на вчерашниот ден, постапувајќи по кривичната пријава поднесена од страна на Одделот за внатрешна контрола, криминалистички истраги и професионални стандарди при Министерството за внатрешни работи донесе Наредба за спроведување на истражна постапка против еден полициски службеник. На осомничениот му се става на товар дека сторил кривично дело „Обљуба со злоупотреба на положбата“ по член 189 став 1 од Кривичниот законик, стои во соопштението од Јавното обвинителство на РСМ.

Постои основано сомнение дека, како што се посочува, осомничениот – униформиран полициски службеник од ПС Бит Пазар, на 31.07.2024 година во 22:30 часот на бул.Крсте Мисирков во Скопје, пред хотел „Дајмонд“, со злоупотреба на својата положба ја навел оштетената која во моментот била во однос на подреденост да изврши друго полово дејство на тој начин го понижил нејзиното човеково достоинство и човековата личност.

Осомничениот, постапувајќи по наредба за вршење на дејност на сообраќајни прекршоци од Законот за безбеност на сообраќајот на патиштата, со светлосен знак ја запрел оштетената која управувала ПМВ марка „Митсибуши Колт“ и при проверката на документацијата утврдил дека оштетената го управува возилото без возачка дозвола. Наместо да изготви и да ѝ врачи прекршочен платен налог, тој преку отворена возачка врата на возилото каде седела оштетената и ги фатил рацете и со главата и горниот дел од телото влегол внатре во возилото и ѝ ја повлекол маицата па почнал да ја бакнува по градите, вратот и лицето. Потоа напуштајќи го возилото ѝ рекол „Сега ќе те пуштам. Јас морам да пипнам, морам да видам“ и со трескање ја затворил вратата од возилото на оштетената ѝ одобрил да си замине. Оштетената го ставила возилото во движење и го пријавила настанот, по што во координација со јавен обвинител беа преземени предистражни дејствија за расветлување на случајот. Врз основа на земени примероци за ДНК и извршено препознавање беше утврден идентитетот на полицискиот службеник и против него е поднесена кривичната пријава, се наведува во соопштението.

Ценејќи дека постојат околности што го оправдуваат стравот oд опасност од бегство, дека ќе ги сокрие, фалсификува или уништи трагите на кривичното дело и дека со влијание врз сведоци ќе ја попречи истрагата, предметниот обвинител до судијата на претходна постапка при Основниот кривичен суд – Скопје предложил на осомничениот да му се определи мерката притвор.

Судијата на претходна постапка не го прифати предлогот на обвинителството и на осомничениот му определи мерка куќен притвор и мерка на претпазливост – привремено одземање на патна исправа за преминување на државна граница и забрана за издавање нова, за што обвинителството како незадоволно од ваквата одлука ќе поднесе жалба, особено имајќи предвид дека запретената казна за кривичното дело за кое се товари осомничениот е најмалку пет години затвор, се наведува во соопштението од ЈОРМ.

The post Судијата одби притвор за полицаецот кој застана девојка без возачка и почна сексуално да ја вознемирува appeared first on Република.

Полицаец во Скопје е осомничен за „обљуба со злоупотреба на положбата“, информираат попладнево од Министерството за внатрешни работи.

На 31 јули, околу 22.30 часот на булеварот „Крсте Мисирков“ во Скопје, пријавениот вршел сообраќајна контрола и ја злоупотребил својата положба на тој начин, што откако оштетената го запрела возилото на негов знак, ја отворил вратата од возилото и ја допирал оштетената по телото, се појаснува во соопштението.

Одделот за внатрешна контрола, криминалистички истраги и професионални стандарди при МВР до Основно јавно обвинителство за гонење на организиран криминал и корупција - Специјализирано одделение за гонење на кривични дела сторени од лица со полициски овластувања и припадници на затворска полиција, поднел кривична пријава против К.С. - полициски службеник во Полициската станица - Бит Пазар, поради постоење на основи на сомнение, дека сторил кривично дело „обљуба со злоупотреба на положбата“ по член 189 став 1 од Кривичниот законик.

Одделот за внатрешна контрола, криминалистички истраги и професионални стандарди, против полицискиот службеник К.С. ќе поднесе предлог за поведување на постапка за утврдување на дисциплинска одговорност и ќе изрече задолжителни мерки за отстранување од работно место, сѐ до завршување на дисциплинската постапка, се додава во соопштението

The post Полицаец запрел девојка на рутинска контрола, ја отворил вратата од возилото и почнал да ја допира по телото appeared first on Република.

На косовската територија, вчера е приведено лицето Ш.Д., на 34-годишна возраст од Ресен, вработено во Одделот за сузбивање на организиран и сериозен криминал при Министерството за внатрешни работи, а поради постоење основано сомнение за сторено кривично дело - „фалсификување пари“, соопштија вечерва од МВР.

Исто така беа извршени претреси на три локации, при што се пронајдени и одземени две машини со компресори за потиснување, шест метални печати за изработка на монети од две евра, шест вреќи со полупроизвод на монети и една вреќа со готов производ на фалсификувани монети. Одземенети предмети ќе бидат предадени на понатамошно вештачење, се наведува во соопштението.

Од Обвинителството информираат дека поради регистрирани неколку случаи на пуштање во оптек на фалсификувани пари во Косово, Специјалното јавно обвинителство на Република Косово (СПРК) заедно со Секторот за истражување економски криминал и корупција во косовската полиција, со поддршка на други истражни и разузнавачки органи во таа држава, од 2023 година „започнаа повеќе активности насочени кон спречување на дистрибуцијата на фалсификувани пари, особено евра на косовскиот пазар со што се нарушуваше пазарот и јавниот интерес“.

Како резултат на овие активности, започна голема меѓународна истрага во рамките на која беше формиран заеднички истражен тим меѓу Косовското специјално обвинителство од една страна и Основното јавно обвинителство - Скопје од друга. Во спроведување на активностите на истражниот тим, беа вклучени претставници на Истражниот центар на ОЈО - Скопје, на Одделот за борба против организиран и сериозен криминал, Единица за финансиски криминал при Министерството за внатрешни работи на Република Македонија и на Директоратот за економски криминал при Косовската полиција, соопшти Обвинителството.

Работејќи заедно, тие реализирале операција во која вчера во Косово бил уапсен државјанин на Македонија, „за кого постои сомнение дека произведувал и пуштал во оптек во Косово стотици илјади фалсификувани метални евромонети во номинална вредност од по две евра“.

Во исто време, во Скопје беа извршени претреси на три локации при што беа пронајдени и запленети машини за фалсификување на евромонети, готови и полуготови фалсификувани монети, калапи и материјали потребни за изработка на монетите. Сите тие ќе бидат предмет на натамошно вештачење. По наредба на специјалниот јавен обвинител на Косово, македонскиот државјанин беше привремено задржан 48 часа, по што до надлежниот суд е доставен предлог за негово обезбедување во текот на постапката, се додава во соопштението.

https://youtu.be/EVfl1CV9NL0?si=JKP3a_yTieDw71Mr

Оваа операција, како што се појаснува, во целост е поддржана од Европол и од Проектот на Европравда за кривична правда на Западен Балкан, „кои овозможија оперативна координација, критична разузнавачка анализа и техничка помош за успешна реализација“.

Истражните органи од Република Косово и Република Македонија остануваат посветени на заедничките напори за сузбивање на криминалот кој ги нарушува финансиските текови и соодветно ќе ја информираат јавноста за текот на постапките, се истакнува во соопштението на Обвинителството.

The post Полицаец од Ресен сам исковал илјадници монети од по 2 евра, ги растурал низ Косово appeared first on Република.

Полицискиот службеник, В.И., вработен во Полициското одделение Петровец при СВР Скопје, е лишен од слобода и против него ќе биде поднесена кривична пријава за сторено кривично дело „предизвикување општа опасност" по член 288 од КЗ.

МВР соопшти дека по претходно добиени информации дека полициски службеник, вработен во Полициското одделение Петровец при СВР Скопје, извршил кривично дело „предизвикување општа опасност", предвидено и казниво по член 288 од КЗ, пукајќи на веселба во дворот од својот дом, од страна на полициски службеници од Одделот за криминалистичка полиција - Сектор за недозволена трговија со дроги, оружје и опасни материи во координација со Одделот за внатрешна контрола, криминалистички истраги и професионални стандарди и СВР Скопје - Единица за насилен криминал и Единица за интервентна полиција, по претходно издадена наредба за претрес на дом од страна на судија на претходна постапка при Основен кривичен суд, извршен е претрес во домот на полицискиот службеник В. И. во с. Синѓелиќ, скопско.

При претресот е пронајдена пушката „хуглу“ модел ХР 7 (користена при кривичното дело) и пиштол за светлосно звучна сигнализација „екол“, кои ги поседува со дозвола и потврда за поседување на овој вид оружје. Известен е јавен обвинител од ОЈО Скопје, а В.И. е лишен од слобода. По насоки од јавен обвинител, против В.И. ќе биде поднесена кривична пријава за сторено кривично дело „предизвикување општа опасност“ по член 288 од КЗ, се вели во соопштението од МВР.

https://youtu.be/FQBjQ7xWNig?si=WjDQewnwUeG5GZ8Y

The post Видео од пукањето на свадбата во Сингелиќ appeared first on Република.

Шест лица од Куманово биле приведени по групна тепачка во центарот на градот, при што малолетничка избодела полициски службеник.

– На 29.07.2024 во 21.00 часот, полициски службеници од СВР Куманово ги лишиле од слобода А.Б.(30), Р.И.(41), Д.М.(23), Ф.А.(30), И.Б.(38) и Џ.С.(40), сите од Куманово, затоа што по претходна расправија, го нарушиле јавниот ред и мир со меѓусебна физичка пресметка, информираат од Секторот за внатрешни работи.

Како што додаваат од полицијата, во пресметката се вклучила и една малолетничката која употребила остар предмет со кој повредила полициски службеник при обид да интервенира.

The post Малолетничка избодела полицаец во Куманово appeared first on Република.

СВР Тетово поднесе кривична пријава против Н.В.(85) од с.Калиште, тетовско, поради постоење основи на сомнение за сторено кривично дело „напад врз службено лице при вршење на работи безбедноста“.

На 03.06.2024, пријавениот агресивно се однесувал кон вработен во Ургентен центар Тетово и физички нападнал полициски службеник кој извршувал службени дејствија.

The post Старец од 85 години нападнал вработен во Ургентен и полицаец appeared first on Република.

Косовскиот премиер, Албин Курти се огласи во врска со пријавениот случај за убиство на полицаец и ранување на друг во Лозница, Србија.

Српскиот министер за внатрешни работи Ивица Дачиќ изјави дека на местото на настанот е пронајден косовски пасош со името Артан Хајризи. Курти на прес-конференцијата рече дека нема причина да се политизира случајот.

„И ние добивме информации, исто како и вие, бидејќи ова убиство се случило во Србија, што значи дека изворот на информацијата била Србија. Сега нашите надлежни органи МВР, Надворешни работи, нашата полиција ќе го известат мислењето и вие и јас за моменталната состојба.

И јас чекам и ќе почекам да дадат професионални изјави, бидејќи и ние сметаме дека оваа работа не треба да се политизира, туку да се третира како таква од безбедносен, но и од професионален и правен агол“, рече Курти.

The post Курти за убиството на полицаецот во Лозница: Нема причина да се политизира случајот appeared first on Република.

На 13.07.2024 во 12:20 часот во Свети Николе, полициски службеници од ОВР Свети Николе го лишиле од слобода Д.З.(41) од Свети Николе, поради тоа што физички нападнал полициски службеник кој извршувал службени дејствија.

Полицаецот стигнал на местото по претходна пријава од 69-годишната мајка на Д.З. дека во семејниот дом Д.З. агресивно се однесувал кон неа и и упатувал закани.

По целосно расчистување на случајот ќе следува соодветен поднесок.

The post Светиниколец приведен – агресивно се однесувал кон мајка си, нападнал и полицаец appeared first on Република.

На 12.07.2024 во 20:15 часот во Скопје, на подрачјето на Гази Баба, полициски службеници од СВР Скопје го лишиле од слобода Н.П.(34) од Скопје, поради тоа што физички нападнал полициски службеник кој извршувал службени дејствија.

По целосно документирање на случајот ќе следува соодветен поднесок.

The post Приведен скопјанец по напад на полицаец appeared first on Република.

Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција, поднесе кривична пријава против Т.А., полициски службеник во Полициска станица за безбедност на патниот сообраќај Струмица, поради постоење основи на сомнение дека сторил кривично дело „предизвикување на општа опасност“, по член 288 став 1 од Кривичниот законик.

Пријавениот на 29.06.2024 околу 06.20 часот, во својство на полициски службеник, напуштајќи го работното место, заминал на ул.„Бетовенова“ каде се сретнал со едно лице, по претходен договор за средба, и во еден момент пријавениот Т.А. со службениот пиштол испукал неколку пати, со што предизвикал општа опасност за граѓаните во околината. Именуваниот полициски службеник не го пријавил настанот во СВР Струмица, повторно се вратил на работното место и по завршување на смената во СВР Струмица се раздолжил со опремата и си заминал, велат од МВР.

Исто така, пријавениот преку неговите колеги, полициските службеници П.П. и С.Д., кои биле испратени од страна на СВР Струмица по поднесена пријава од страна на граѓанин за истиот настан, се обидел да делува за прикривање на настанот, што не било пријавено од нивна страна.

Одделот за внатрешна контрола, криминалистички истраги и професионални стандарди, согласно своите надлежности и овластувања, ќе поднесе Предлог за поведување на постапка за утврдување на дисциплинска одговорност против полицискиот службеник Т.А. и ќе изрече задолжителни мерки за отстранување од работното место до завршување на дисциплинската постапка, а против полициските службеници П.П. и С.Д. ќе поднесе предлог за поведување на постапка за кршење на работниот ред и дисциплина, велат од МВР.

The post Пукал сред Струмица: Полицаец ќе се гони за предизвикување општа опасност appeared first on Република.

На 30.06.2024 во 21:00 часот во СВР Скопје било пријавено дека на подрачјето на Гази Баба, при преземање на службени дејства во врска со пријава за сторено кривично дело тешка кражба во обид во деловен субјект на подрачјето на Гази Баба, полициски службеник бил физички нападнат од Г.Е.(25) од Скопје.

Известен е јавен обвинител и се преземаат мерки за целосно расчистување на случајот.

The post Нападнал полицаец кој сакал да го приведе: Крадец фатен на дело appeared first on Република.

Денеска (19.05.2024) во 02.50 часот, полициски службеници од ОВР Гостивар го лишиле од слобода О.Д.(28) од Република Турција затоа што со патничко возило „хонда“ со скопски регистарски ознаки, кое го управувал, удрил во полициски службеник кој извршувал службени дејствија.

Тој е задржан во Полициската станица Гостивар и по целосно документирање на случајот против него биде поднесена соодветна пријава.

The post Лице од Турција со автомобил удрило во полицаец во Гостивар appeared first on Република.

Јавен обвинител од Основното јавно обвинителство Скопје донесе Наредба за спроведување истражна постапка против две лица кои како соизвршители се осомничени за кривични дела – Разбојништво од член 237 став 1 и Противправно лишување од слобода согласно член 140 став 5 од Кривичниот законик.

Двајцата се осомничени дека на 23 април противправно лишиле од слобода едно лице, така што го повикале да излезе со изговор дека им е потребна помош, а потоа присилно го внеле во автомобил и се упатиле кон мостот на улицата “Беласица”.

Со возилото управувало трето лице – полициски службеник против кого постапката е издвоена и ќе ја води Одделението за гонење кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција.

Додека полицискиот службеник возел, двајцата други осомничени му се заканувале на оштетениот и му нанеле убодни рани со нож во ногата и во рамото. Кога стигнале под мостот, насилно го извадиле од автомобилот и сите тројца физички го нападнале со удари со клоци и тупаници по целото тело, нанесувајќи му тешки повреди.

Тие му одзеле околу 8.000 денари колку што имал оштетениот со себе во моментот, а потоа го пуштиле да си оди со закана дека доколку до 1 мај не им исплати 10.000 евра ќе го убијат и него и неговиот татко.

Основното јавно обвинителство Скопје до Основниот кривичен суд Скопје достави предлог за определување мерка притвор за двајцата осомничени против кои постапува. Едниот од нив е во бегство и притворската мерка ќе започне да се применува од неговото пронаоѓање и лишување од слобода.

The post Полицаец со двајца другари киднапирале скопјанец – му се заканиле дека ќе го убијат него и неговиот татко appeared first on Република.

Три лица, меѓу кои и полицаец, се осомничени за разбојништво и противправно лишување од слобода.

Јавното обвинителство денеска соопшти дека јавен обвинител од Основното јавно обвинителство Скопје донел наредба за спроведување истражна постапка против две лица кои како соизвршители се осомничени за кривични дела „разбојништво“ и „противправно лишување од слобода“.

Двајцата се осомничени дека на 23 април противправно лишиле од слобода едно лице, така што го повикале да излезе со изговор дека им е потребна помош, а потоа присилно го внеле во автомобил и се упатиле кон мостот на улицата „Беласица”.

Со возилото управувало трето лице – полициски службеник против кого постапката е издвоена и ќе ја води Одделението за гонење кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција.

Додека полицискиот службеник возел, двајцата други осомничени му се заканувале на оштетениот и му нанеле убодни рани со нож во ногата и во рамото. Кога стигнале под мостот, насилно го извадиле од автомобилот и сите тројца физички го нападнале со удари со клоци и тупаници по целото тело, нанесувајќи му тешки повреди.

Му одзеле околу 8.000 денари колку што имал оштетениот со себе во моментот, а потоа го пуштиле да си оди со закана дека доколку до 1 мај не им исплати 10.000 евра ќе го убијат и него и неговиот татко.

- Основното јавно обвинителство Скопје до Основниот кривичен суд Скопје достави предлог за определување мерка притвор за двајцата осомничени против кои постапува. Едниот од нив е во бегство и притворската мерка ќе започне да се применува од неговото пронаоѓање и лишување од слобода, информираат од Обвинителството.

The post Три лица, меѓу кои и полицаец, осомничени за киднапирање и разбојништво appeared first on Република.

На 01.05.2024 во 23.50 часот на ул. “8 Септември“ во Битола, полициски службеници од СВР Битола лишиле од слобода 44 годишник од Битола затоа што тој и неговата сопруга физички нападнале еден полициски службеник и агресивно се однесувале кон други полициски службеници кои извршувале службени дејствија. По документирање на настанот против него ќе следува соодветна пријава.

На 01.05.2024 во 22.00 часот пред угостителски објект во село Кравари, битолско, полициски службеници од СВР Битола лишиле од слобода 47 годишник од село Кравари затоа што го нарушил јавниот ред и мир и агресивно се однесувал кон полициски службеници кои вршеле службени дејствија. По документирање на случајот ќе следува соодветен поднесок.

На 01.05.2024 во СВР Битола било пријавено дека во атар на село Цапари, битолско, 47 годишник од Битола паднал од трактор во овоштарник во атар на село Цапари и се здобил со повреди констатирани во Клиничка болница Битола.

На 01.05.2024 во 14.30 часот на ул. „Драгорска“ во Битола, полициски службеници од криминалистичката полиција при СВР Битола лишиле од слобода 52 годишник од Битола, кој бил баран по централна потерница врз основа на наредба од Казнено – поправната установа Затвор Прилеп поради бегство од установата. Лицето било спроведено во установата за доиздржување на осумгодишната затворска казна.

The post Во Битола приведени сопружници кои нападнале полицаец appeared first on Република.