Алексеј Зимин (52), познат руски ТВ готвач, е пронајден мртов во Србија во стан во Белград. Како што пишуваат српските медиуми, на неговото тело нема знаци на насилна смрт.

Сепак, Вишото обвинителство нареди обдукција со токсикологија. Според неофицијални информации, сопственикот на станот, седум дена не можел да го добие телефонски, па отишол да види што се случува и на подот затекнал грозоморна сцена.

За случајот бил информиран обвинителот на Вишото јавно обвинителство во Белград.

Тој беше сопственик на ресторанот Зима во елитниот дел на Лондон – Сохо.

Зимин наводно не се вратил во Русија откако беше прогонет по критикувањето на одлуката на рускиот претседател Владимир Путин да го нападне Крим.

The post Познат руски готвач пронајден мртов во Белград appeared first on Република.

На 88-годишна возраст почина Оливера Николова, македонска писателка за возрасни и за деца, една од најплодотворните, најнаградувани и најчитани македонски писателки.

Николова, која многумина ја нарекуваат „мајка на сите македонски писателки“, ја одбележа македонската книжевност во втората половина на 20 и почетокот на 21 век, затоа со право може да се смета за книжевен бард чии дела сe и ќе бидат сметани и во иднина за врв на македонската современа книжевност.

Дипломирала на Филозофски факултет при Универзитетот „Св. Кирил и Методиј“ во Скопје. Целиот работен век го поминала во Македонската радио-телевизија, работејќи како уредник и драматург. Таа e член на Друштвото на писателите на Македонија од 1963 година.

Оливера Николова е автор на неколку телевизиски игри: „Зоки Поки“ (тв-куклена серија); „Среќен пат, Зоки!“ (тв-куклена серија, со Глигор Поповски и Видое Подгорец); „Девојките на Марко“ (тв-серија во шест епизоди). Исто така, таа е автор и на неколку радио-игри: „Земја во која не се стигнува“, „Игра за мама“, „Од палец до сон“, „Како расте татковината“, „Големото зошто“ итн.

Вредностите на Оливера Николова во македонската книжевност за деца, од нејзината прва книга, континуирано, се мошне високо рангирани. Сите критичари кои се занимавале со нејзините книги за деца потенцирале дека со нејзиното творештво македонската книжевност за деца се збогатува со дотогаш неоткриени мотиви. Оливера Николова е писателка која сака секогаш да биде нова, која ја истражува и формата, но која пред сè, реагира на животот и на новините кои се случуваат во него менувајќи го сензибилитетот на современото дете.

И покрај богатиот книжевен опус, Оливера Николова е најпозната како автор на првиот градски лик во македонската книжевност – Зоки Поки. За своето творештво, Николова добила бројни награди. Така, за „Земја во која никогаш не се стигнува“ во 1966 година ја добила наградата на РТВ Скопје и СВП. Во 1975 година повторно ја добила истата награда, овојпат за делото „Пријателите Бон и Бона“. Во 1977 година по третпат ја добила таа награда, за делото „Мојот звук“, кое се закитило и со наградата „Младо покољење“ за 1978 година. Исто така, таа е добитник на „Змаевата награда“ за 1983 година за посебни постигнувања во современиот израз на литературата за деца.

Во октомври 2012 година, за романот „Куќичка“, таа била номинирана како македонски претставник за наградата „Балканика“. Во декември 2013 година, Оливера Николова го одбележала јубилејот 50 години од литературното творештво, исто колку и познатиот лик од нејзините раскази за деца, Зоки Поки. По тој повод, издавачката куќа „Детска радост“ објавила избор од творештвото на Николова во три тома, насловени како: „Ти чука ли срцето за мене?“, „Ми чука ли срцето за тебе?“ и „Ни чукаат ли срцата за нас?“. За своето книжевно дело, Николова ги освоила наградите „Стале Попов“, „Рациново признание“, два пати „Роман на годината“, „Рациновото признание“ и наградата „ПрозАРТ 2022“ на фестивалот „Про-за Балканот“ за авторски придонес за развојот на книжевноста на Балканот. Во февруари 2016 година, за романот „Кадифената покривка“ (издание на „Матица македонска), Николова ја добила наградата „Стале Попов“ за најдобра прозна книга во 2015 година. Истовремено, романот „Куќичка“ бил објавен на српски јазик, во издание на „Арка“ од Смедерево.

Македонскиот експретседател Стево Пендаровски годинава им додели Орден за заслуги на седуммина истакнати уметници, значајни личности, творци од литературата, театарот, филмот и музиката.

Меѓу нив беше и Оливера Николова, која оставави траен белег во македонската литература.

Издавачката куќа „Арс Ламина“, под својот импринт „Арс Либрис“, во 2022 година го реобјави целокупното творештво за возрасни од Николова. Книгите, кои се дел од едицијата „Македонски книжевни класици“, се во ново руво и со нови поговори од значајни македонски професори, книжевници и писатели.

https://republika.mk/vesti/kultura/olivera-nikolova-sakam-da-veruvam-deka-postoi-shansa-da-go-zasakate-toa-shto-sum-go-sozdala-i-vo-moite-iskustva-da-pronajdete-odgovori-i-za-sebe/

The post Почина македонската писателка Оливера Николова appeared first on Република.

Американскиот продуцент, композитор и текстописец Квинси Џонс почина на 91-годишна возраст.

Вечерва, со полни, но скршени срца, ја споделуваме веста за смртта на нашиот татко и брат, Квинси Џонс. Иако ова е непоправлива загуба за нашето семејство, го славиме неговиот извонреден живот и знаеме дека никогаш нема да има друг како него“, соопшти неговото семејство, пренесува АП.

Неговиот претставник Арнолд Робинсон изјави дека починал во својот дом во Бел Ер, опкружен со семејството.

The post Почина легендарниот музичар Квинси Џонс appeared first on Република.

43-годишна жена од скопско почина во болницата „8-ми Септември“.

На 18.10.2024 година, во 14.30 часот во СВР Скопје од Градската општа болница „8-ми Септември“ во Скопје било пријавено дека кај нив во Ургентниот центар, додека била во просторија за преглед, починала М.С.(43) од село Љуботен, скопско, соопштија од МВР.

Од лекар била констатирана смрт без траги на насилство, а по наредба на Јавен обвинител телото на починатата било предадено за обдукција.

The post Почина 43 годишна скопјанка во ГОБ „8-ми Септември“ appeared first on Република.

Од Лекарската комора попладнево соопштија дека со загриженост го следат случајот со починатото 14-месечно бебе во Клиниката за детски болести.

Во однос на активностите што ќе ги преземеме, засега може да кажеме дека откако ќе го добиеме извештајот од Министерството за здравство, ќе биде разгледан во Комората, а што ќе се преземе понатаму, зависи од неговата содржина, потенцираа од Лекарската комора.

На вчерашната прес-конференција, министерот за здравство Арбен Таравари информираше дека при извршениот стручен надзор во Клиниката за детски болести и во Клиниката за респираторни болести кај децата - „Козле“, биле констатирани одредени недостатоци и тоа системски, технички од аспект на опрема и стручни.

https://republika.mk/zivot/zdravje/taravari-lekarite-od-klinikata-za-detski-bolesti-i-od-kozle-napravile-previd-koga-ne-go-hospitalizirale-14-mesechnoto-zhensko-bebe-koe-pochina/

Зборувајќи за овие две клиники во Скопје, тој соопшти дека во делот на системски недостатоци, констатирано е непостоење на препораки или алгоритми за тријажа на пациентите при прием и понатамошен третман.

Исто така, констатирана е потреба од континуирана обука на докторите на Клиниката за детски болести за срцево-респираторна поддршка. Во однос на техничките недостатоци, во „Козле“ е констатирана потреба од соодветна апаратура за пружање респираторна поддршка - инвазивна и неинвазивна,појасни Таравари.

Министерот додаде дека, исто така, констатирана е потреба од обезбедување видео-ларингоскоп за Детската клиника, како и унапредување во делот на организирање на транспортот на пациентите од една до друга установа.

Од аспект на стручни забелешки, Комисијата за стручен надзор нотираше превид во проценката за потребата од хоспитализација при вториот преглед на бебето на Клиниката извршен на 03.10, додека во „Козле“ е констатирана неадекватна и ненавремена проценка за тежината на респираторните потешкотии и третманот, истакна министерот.

The post Лекарската комора ќе го разгледува извештајот за починатото 14-месечно девојче appeared first on Република.

Срцев удар е причината за смртта на поранешниот шкотски премиер Алекс Салмонд кој почина во саботата во хотелот „Инекс Олгица“ во Охрид каде учествуваше на второто издание на Форумот за културна дипломатија. За време на ручекот, Салмонд добил удар при што паднал наназад со столицата, а обидите за негова реанимација биле неуспешни, информираат од неговото семејство.

Во соопштението, тие рекоа дека на „застрашувачкиот политичар“ му се восхитувале ширум светот, но дека бил и „вљубен“ семеен човек чие присуство ги водело во нивните „најтемни моменти“.

Во салата на шкотскиот парламент е отворена книга на жалост.

Салмонд во петокот имаше излагање на второто издание на Форумот за културна дипломатија во коорганизација на кабинетот на поранешниот претседател Ѓорѓе Иванов, Меѓународниот центар „Алијанса на цивилизациите“ и Институтот за културна дипломатија од Берлин, а по неговата смрт остатокот од настанот бил откажан.

The post Поранешниот шкотски премиер Алекс Салмонд починал од срцев удар во Охрид appeared first on Република.

При направениот стручен надзор во Клиниката за детски болести и во Клиниката за респираторни болести кај децата - „Козле“, се констатирани одредени недостатоци и тоа системски, технички од аспект на опрема и стручни. Ова го подвлече денеска министерот за здравство Арбен Таравари. На прес-конференција, тој информираше за извршените стручни надзори, иницирани од Министерството, во врска со двата случаи што завршија со смртен исход - за починатата родилка во ОБ - Куманово и за 14-месечното бебе во Клиниката за детски болести.

Таравари информираше дека извештатите се подготвени од професионални компетентни специјалисти од соодветните области, со цел детално да се анализира севкупниот тек на лекувањето и третманот на пациентите во двата случаја.

Тој појасни дека при посетата на установите, комисиите вршат увид во целокупната медицинска документација, а истовремено се извршени разговори со сите членови на здравствените тимови, кои биле вклучени во лекувањето.

Зборувајќи за овие две клиники во Скопје, тој соопшти дека во делот на системски недостатоци, констатирано е непостоење на препораки или алгоритми за тријажа на пациентите при прием и понатамошен третман.

Исто така, констатирана е потреба од континуирана обука на докторите на Клиниката за детски болести за срцево-респираторна поддршка. Во однос на техничките недостатоци, во „Козле“ е констатирана потреба од соодветна апаратура за пружање респираторна поддршка - инвазивна и неинвазивна, појасни Таравари.

Министерот додаде дека, исто така, констатирана е потреба од обезбедување видео-ларингоскоп за Детската клиника, како и унапредување во делот на организирање на транспортот на пациентите од една до друга установа.

Од аспект на стручни забелешки, Комисијата за стручен надзор нотираше превид во проценката за потребата од хоспитализација при вториот преглед на бебето на Клиниката извршен на 03.10, додека во Козле е констатирана неадекватна и ненавремена проценка за тежината на респираторните потешкотии и третманот, истакна министерот.

Во врска со другиот случај, тој информираше дека бил извршен стручен надзор во ОБ - Куманово, каде се констатирани одредени административно-технички недостатоци.

Но ,заклучок од Комисијата е дека - недостатоците не може да бидат директна или индиректна причина за акутното влошување на општата здравствена состојба на пациентката, исходот по новороденчето и смртниот исход на родилката. Исто така, Комисијата не констатираше пропусти во ниту еден аспект на пренаталниот менаџмент на пациентката од одговорните доктори во приватната здравствена установа по гинекологија и акушерство, каде била следена бременоста, соопшти министерот.

Тој нагласи дека комисијата не констатирала никакви суштински пропусти и во амбулантското следење на пациентката, во рамки на пренаталните прегледи во ОБ - Куманово.

Не се утврдени суштински пропусти ниту кај гинеколошкиот тим во текот на перипарталниот третман на пациентката, односно констатирано е дека тимот постапувал согласно постојните упатства и перинатолошки стандарди, подвлече Таравари на прес-конференцијата.

The post Таравари: Лекарите од Клиниката за детски болести и од „Козле“ направиле превид кога не го хоспитализирале 14-месечното женско бебе кое почина appeared first on Република.

Бугарскиот музичар Кирил Маричков ненадејно почина на сцената во петокот вечерта, јави БНТ.  За време на настапот Кирил Маричков паднал од бина и удрил со глава, па се уште не е јасно дали имал срцев удар или само доживеал несреќа на сцената.

Инцидентот се случил околу 18 часот и 45 минути. Брзата помош пристигнала за 7 минути, а како што се наведува Маричков починал при реанимација.

Поради трагедијата концертот бил прекинат, а полицијата го блокирала теренот.

Бугарската рок легенда, инаку фронтмен, басист, пејач и композитор на бугарската рок група „Штурците“, на 30 октомври наполни 80 години.

Неговото семејство вели дека тој секогаш сакал да си замине вака, додека бил на сцена.

The post Бугарски пејач почина на сцената appeared first on Република.

Инспектори од Државниот здравствен и санитарен инспекторат (ДЗСИ) од утрово се на терен и вршат инспекциски надзор на Детската клиника во Скопје и на Клиниката за белодробни заболувања кај децата „Козле“, изјави денеска министерот за здравство Арбен Таравари коментирајќи го случајот со 14-месечното бебе што завчера почина на Детската клиника во Скопје, каде што било хоспитализирано со тешка респираторна инфекција.

Утрово имав состанок со директорот на Државниот здравствен и санитарен инспекторат. Нивните екипи веќе се на терен. Фирмирана е и комисија што ќе ги испита сите факти и аргументи за случајот“, рече тој во изјава за медиумите по повод Денот на органодарителството.

Министерот вчера потврди дека 14-месечното бебе претходно било одбиено да се хоспитализира, но посочи дека без разлика каков ќе биде исходот од истрагата на инспекцијата треба да има одговорност за случајот.

Бебето почина на 5 октомври на Детската клиника, а дел од медиумите пренесоа дека претходно неколкупати било одбивано да се хоспитализира иако неговите родители трипати го носеле на преглед на оваа клиника.

The post Таравари: Инспектори од ДЗСИ ги испитуваат причините за смртта на 14-месечното бебе appeared first on Република.

Трагедија ја потресе Македонија откако на малолетно дете почина на тренинг. Најпрво му се слошило па со екипа од Итна медицинска помош од стадионот бил пренесен во Општата болница Гостивар без знаци на живот.

„На 03.10.2024 во 20.22 часот во СВР Тетово, од Општа болница Гостивар било пријавено дека со екипа од Итна медицинска помош од стадионот во населба Дутлок бил донесен малолетник од Гостивар без знаци на живот.

Според пријавеното, на шестгодишното дете му се слошило и паднало за време на фудбалски тренинг, а по неколку обиди за реанимација лекар констатирал смрт без видливи траги на насилство, информира МВР.

The post Шестгодишно дете од Гостивар почина на фудбалски тренинг appeared first on Република.

Во Општата болница Куманово синоќа починала 31-годишна родилка, потврдија денеска од Министерството за внатрешни работи, Општа билница Куманово и Јавното обвинителство.

Од СВР Куманово информираат дека синоќа во 21.35 часот директорот на Општа болница Куманово пријавил дека на Одделението за гинекологија во болницата  починала 31 - годишна родилка од Куманово.

Увид извршиле екипа од СВР Куманово и јавен обвинител, по чија наредба телото на починатата било дадено на обдукција.

Се очекуваат  дополнителни информации во текот на денов и од останатите надлежни институции.

The post Почина родилка во Куманово appeared first on Република.

На 51-годишна возраст почина оперската првенка Ирена Кавкалевска, мецоспоран во Националната опера и балет (НОБ), соопшти Македонската опера.

Добитничка на многу награди, школувана во Македониіа, Софиjа, Грац, Загреб, Кавкалевска дебитира на сцената на МОБ во 1996 година со улогата на Мадалена во „Риголето". Настапувала на многу фестивали и оперски сцени, а незиниот репертоар зборува за успешни креации во „Кармен", „Аида", „Набуко", „Моќта на судбината", „Сестра Анџелика", „Лули Цезар во Египет" „Севилскиот берберин", „Лилјакот", „Иван Сусаньин", „Цар Самоил".

Уште во првата нејзина појава, Ирена Кавкалевска беше вистинско олицетворение на Кармен, бескрупулозната заводничка. Таа апсолутно пленеше со сценичноста, владееше со целото дејство, очигледно се чувствуваше удобно во улогата што а толкува. Комотна и самоуверена на сцената, мошне маркантно ja долови фаталната женска привлечност, зборува музичката критика за креацијата на нашата уметница во познатата опера на Жорж Бизе.

Нејзината појава беше особено ретка, како на сцената така и во приватниот живот. Зрачејќи со својата елеганција, нежност и племенитост, остави голема трага во срцата на публиката и колегите. Истовремено, беше и силен борец во сите животни премрежја.

Прераната смрт на почитуваната и драга Ирена Кавкалевска за МОБ и воопшто, за севкупниот културен живот, претставува огромна загуба. Таа имаше и можеше да подари уште многу сценски и концертни креации, велат од Македонската опера.

The post Почина оперската првенка Ирена Кавкалевска appeared first on Република.

Легендарниот радио водител и коментатор, Ал Мекој почина на 91-годишна возраст. Мекој дел од НБА беше 51 година и тоа цело време го следеше својот Феникс.

Првиот натпревар кој го работел бил во 1972 година, а поради старост мораше да се повлече минатата година.

Тажен ден за сите во Санс, изјави легендарниот кошаркар Чарлс Баркли.

Тој во 2009 година беше примен во Куќата на славните.

The post Почина Ал Мекој, човекот со најдолг стаж во НБА appeared first on Република.

Српската актерка Радмила Живковиќ почина на 72-годишна возраст во Белград, потврдија во Народниот театар во Белград.

Живковиќ е родена во Крушевац на 14 јануари 1953 година. Била филмска, театарска и телевизиска актерка.

Кариерата ја започна кон крајот на шеесетите, а оттогаш играше во десетици филмови. Меѓу нив најпознати се „Сабирни центар“, „Мртав ’ладан“, „Уште еднаш“…

Позната е и по улогите на Џилда во ТВ серијата „Среќни луѓе“, Јованка Љутиќ во „Доларите доаѓаат“, но и по „Улицата Линден“ каде што ја играше главната улога.

Живковиќ секако беше најпозната како тетка Дока во големиот кино хит Зона Замфирова. Ги добила наградите „Миливое Живановиќ“ и „Жанка Стокиќ“.

Како театарска актерка играла улоги на сцените на Ателје 212, Театарот на Теразие, во театарот Звездара, а 20 години е член на Народниот театар во Белград. Таа е сопственичка на наградата „Миливое Живановиќ“, а најголемиот успех во кариерата го забележа во 2005 година, кога и беше врачена наградата „Жанка Стокиќ“. Оваа престижна награда ја доби за улогата на Живка Поповиќ во претставата „Госпоѓа министерка“ во режија на Јагош Марковиќ, која со успех ја одигра на сцената на Народниот театар во Белград.

Во февруари 2023 година, таа беше наградена со Сретењски орден , втор степен.

The post Почина актерката Радмила Живковиќ appeared first on Република.

78-годишен жител од Чешиново–Облешево починал на 16 септември на Клиниката за инфективни болести поради компликации од вирусот на западнонилска треска, објавено е во последниот извештај на Инстититот за јавно здравје (ИЈЗ).

Според ИЈЗ, ова е четврти случај годинава на пациент кој се заразил со западнонилска треска, и прв годинава кој завршил трагично. Првиот случај бил импортиран, регистриран во април, кај жител на општина Василево. Вториот случај е исто така импортиран, забележан е јули 2024 година, кај жител на Кочани. Третиот случај е автохтон, во август, кај жител на Тетово.

Првичните симптоми кај четвртиот пациент започнале на 09.09.2024 со намален апетит, малаксаност и покачена температура до 39°C. Поради појава на вознемиреност, агресивност, афазија и губиток на свест, пациентот на 10.09.2024 година со возило од ИМП Кочани е пратен во Клиничката болница во Штип каде биле спроведени дијагностички невролошки процедури.

Поради тешката состојба на пациентот и дијагностициран енцефалитис, во текот на истиот ден е упатен за УК за инфективни болести и фебрилни состојби Скопје (КИБФС). Земени се примероци за микробиолошки анализи на повеќе причинители.

Со серолошко испитување е добиен податок за присуство на антитела кон причинителот – WNV од вирусолошката лабораторија при ИЈЗ во серум и ликвор, односно потврдено е заболувањето Западно-нилска треска.

Поради влошената состојба на пациентот и покрај поставување на кислородна маска и дадена терапија за стабилизирање на состојбата, пациентот егзитирал на 16.09.2024 за време на хоспитализација при КИБФС, пишува во извештајот на ИЈЗ.

Пациентот бил пензионер, кој се занимавал со земјоделство, татко на 2 деца, вдовец, кој живее во куќа во с. Облешево, Кочани. Според хетероанамнезата пациентот не патувал надвор од државата, како и надвор од местото на живеење (низ Македон ија) во периодот на инкубација. Нема други лица од семејството со слични симптоми.

Во регионот на Кочани е забележано присуство на комарци. Согласно информацијата од надлежниот епидемиолог, во регионот на општина Кочани се спроведени активности за ларвицидна и адултицидна терестичка дезинсекција, додека во општина Чешиново-Облешево планирана е тендерска постапка, но досега не се спроведени активности за дезинсекција, се вели во извештајот на ИЈЗ.

Од ИЈЗ велат дека оваа болест во Македонија се регистрира со спорадични случаи, најчесто кај тестирани пациенти со невроинвазивна форма на болеста.

Вектор преносливите заболувања стануваат се поактуелни и ја менуваат сликата на оптоварувањето со заразни болести. Климатските промени во голема мера влијаат на дистрибуцијата и активноста на векторите. Многу од овие болести се веќе присутни во  Македонија (лајмската болест, западно-нилска треска, некои хеморагични трески, туларемија и др.), а други како што се маларија, денга, чикунгуња и многу други потенцијално може да се внесат во државата.

Имајќи го во предвид претходно наведеното, постои веројатност за понатамошно пријавување на нови случаи на цела територија на  Македонија. Постои среден ризик за населението во пролетно-летниот период, но истиот може да се минимизира со држење до препораките за превенција од надлежните институции.

The post 78-годишен жител на селото Облешево почина на Клиниката за инфективни болести по компликации од западнонилска треска appeared first on Република.

Тетовското Трио Гавровски денеска соопшти дека почина еден од основачите, Милорад Гавровски.

Триото го негуваше гласоечкото пеење, двогласното машко пеење кое се најде на листата на заштитено нематеријално културно наследство на УНЕСКО во 2016 година.

Сè ме напушта пополека сине, но Господ уште ми го чува гласот. Тоа беа последните твои зборови. А денес кога те напушти и тој, го напушти и оној за кого цел живот се бореше да излезе на прав пат. Годините се бројка, а ти остануваш мојот ангел чувар во вечноста, напиша неговиот син Мирослав кој заедно со братот на Милорад го сочинуваа триото.

Милорад Миле Гавровски ќе биде погребан на тетовските градски гробишта денеска во 12 часот. Телото ќе биде изложено во капела од 11 часот.

The post Почина еден од основачите „Трио Гавровски“, Милорад Гавровски appeared first on Република.

На 72-годишна возраст почина Бора Ѓорѓевиќ, фронтменот на групата Рибља чорба. Неодамна беше примен во болница во Љубљана со тешка пневмонија. Се лекуваше со антибиотици и кислород, а по неколку дена поради влошување на состојбата беше ставен на вентилатор
За жал,  не успеа да ја добие битката. Роден во 1952 година во Чачак а во Словенија живеше околу десет години, каде што се ожени по трет пат.

The post Болеста беше посилна: Почина Бора Ѓорѓевиќ, фронтменот на групата Рибља чорба appeared first on Република.

Косовската полиција покрена истрага за смртта на двегодишно дете во Подуево.

Според полицијата, нејзиното семејство без знаци на живот ја однело во Ургентниот центар.

Со одлука на обвинителството телото е испратено на обдукција. Случајот е во истрага“, се наведува во соопштението.

Трагедијата се случила во селото Пенух.

Според семејството, таа се истркалала од лулката додека спиела.

The post Двегодишно дете од Подуево паднало од креветчето и починало appeared first on Република.

По долгата и тешка болест на 76-годишна возраст почина легендарниот фудбалски тренер Свен Горан Ериксон.

Веста за смртта ја потврди неговото семејство.

Свен Горан Ериксон почина по долга болест, тој почина во својот дом опкружен од најблиските. Од свен се простија ќерката, Лина, Синот Јохан, сопругата Амана и внукот Скај“, стои во соопштението.

Низ кариерата Ериксон беше тренер на: Бенфика, Фиорентина, Сампдорија, Лацио, Манчестер Сити, Лестер, Гвангжу, Шангај и Сенжен. Исто така работеше и во репрезентативниот фудбал како селектор на Англија, Мексико, Брегот на Слоновата Коска и Филипините.

The post Почина легендарниот фудбалски тренер Свен Горан Ериксон appeared first on Република.

Вера Ќосевска една од најзначајните архитекти во земјава почина на 95 години изминатиов викенд.

Таа е родена 1929 година во Осијек, Хрватска. Со архитектура и градежништво се запознава уште во детството.

Основно образование завршила во Осијек, а гимназија учела во Загреб и Белград, каде завршила 1948, а истата година се запишала на Архитектонски факултет при Универзитетот во Белград, каде дипломирала 1953 одличен успех, во класата на професор арх. Станко Клиска, со проектот Болница за костнозглобна туберкулоза во Калишта на Охридското Езеро.

Меѓу нејзините познајчајни дела во плодната карира е објектот на Театарот на народности во Скопје, денешен Албански театар и на Гинекологија Чаир.

Ќосевска е авторка на објектите Полициска станица Гази Баба, на Болниците во Струмица и во Куманово, на Противпожарен дом во Скопје, Фабриката „Мирка Гинова“ во Скопје.

The post Почина Вера Ќосевска, една од најзначајните архитектки во земјава appeared first on Република.