Јавен обвинител од Основното јавно обвинителство Скопје, до надлежниот суд доставил предлог за определување мерка притвор за лице осомничено за кривично дело неовластено изработување, држење, посредување и тргување со оружје и експлозивни материи од член 396 став 3 од Кривичниот законик.

Како што соопштија од Јавното обвинителство, против 29-годишен скопјанец е донесена наредба за спроведување истражна постапка, бидејќи на 4 април, во својот автомобил држел оружје и муниција, два полуавтоматски пиштоли и 20 куршуми, без да поседува дозвола за нив.

https://republika.mk/vesti/crna-hronika/brkotnitsa-na-bit-pazar-udrile-vo-politsiskoto-vozilo-pa-frlile-jakna-so-pishtoli-i-kurshumi-zavrshile-so-lisitsi/

Кога полициски службеници на булеварот „Христијан Тодоровски Карпош“ во Скопје го запреле да го легитимираат, тој се дал во бегство и од прозорецот на возилото ги фрлил пиштолите и муницијата завиткани во јакна, се појаснува во соопштението.

Во соопштението од Јавното обвинителство се додава дека Јавниот обвинител ја предложил притворската мерка, оценувајќи дека постои опасност осомничениот да се даде во бегство или да го повтори делото.

The post Кога го сопрела полиција почнал да бега и од автомобилот фрлил пиштоли и муниција: Притвор за 29-годишен скопјанец appeared first on Република.

Во тек е вештачењето на двете парчиња огнено оружје, кои се најдени и се поврзуваат со двојното убиство на 14-годишната Вања Ѓорчевска и 74-годишниот Панче Жежовски. Кога ќе заврши нивното вештачење, анализите ќе бидат доставени до Основното јавно обвинителство, истакна министерот за внатрешни работи Оливер Спасовски кој одговараше на новинарски прашања по посетата на СВР-Куманово.

Сите тие информации, како и вештачењата ќе бидат доставени до јавното обвинителство, во моментот кога ќе бидат завршени, изјави Спасовски.

Прашан дали може попрецизно да се лоцира и да се дадат детали каде било возилото на убиениот Панче Жежовски, а потоа со него е и извршено грабнувањето на 14-годишната Вања Ѓорчевска, Спасовски со одговор дека со поднесувањето на кривичните пријави целосната истрага оди во ОЈО.

Сите овие детали се разгледуваат во Основното јавно обвинителство на основа на приберените податоци или на податоци, коишто ќе ги прибере јавното обвинителство. Така да не би можел да споделувам повеќе информации и тоа не е добро за истрагата, зошто не можеме да ја водиме во медиумите. Таа мора да се води во јавното обвинителство, вели Спасовски.

Што се однесува за информацијата дека инспектор кој е поврзан со истрагата за двојното убиство дал информации и фотографии, кои се шират низ Скопје, а истите можат и да и попречат на истрагата, Спасовски рече дека во овој период јавноста се изнаслуша на многу информации, шпекулации, политиканства.

Затоа уште повеќе го потврдувам дека тоа не е добро, за било каква активност којашто е нелегална и од било кого, дали е инспектор или било кој друг, секако дека ќе си сноси одговорност, доколку постои такво нешто. Меѓутоа не би сакал на ниво на шпекулации, посебно за еден ваков случај да зборувам, рече Спасовски.

Прашан за информациите за случајот со двојното убиство коишто можат да бидат во полза на првоосомничениот Љупчо Палевски да не се екстрадира од Турција, Спасовски вели дека токму и претходното го кажал во оваа насока и какошто вели, кога е во истрага сите шпекулации и се што ќе се изнесе во јавноста само може да штети на истрагата.

The post Спасовски: Се вештачи оружјето поврзано со двојното убиство appeared first on Република.

Пронајдени се два пиштола во текот на истрагата, сподели министерот за внатрешни работи Оливер Спасовски на прес-конференција, но додаде и дека сé уште не се проверени дали станува збор за оружјата со кои се извршени убиствата на 14-годишната Вања Ѓорчевска и 74-годишниот Панче Жежовски.

На прашањето дали се направени парафински ракавици на осомничените, рече дека сите истражни дејствија кои треба да се преземат ќе се направат и за сите има рок кога ќе се направат.

Исто така, објави и дека е пронајден мобилниот телефон на младата Вања.

Тој објави дека по распишаната меѓународна потерница во Турција уапсен е осомничениот за убиствата Љупчо Палевски Палчо.

https://republika.mk/vesti/makedonija/palcho-bil-faten-kako-odi-peshki-po-turski-avtopat-ova-e-negovata-traektorija-na-begstvo/

Додаде и дека со поднесувањето на кривичните пријави случајот целосно е предаден од МВР до Основното јавно обвинителство. На 100 страни, опсежно и со докази, како што сподели тој, напишани се пријавите против пет лица.

The post Пронајден е телефонот на Вања и два пиштола appeared first on Република.

Врховниот суд на САД синоќа ја подржа одложената регулатива на претседателот Џо Бајден за забрана за домашна конструкција на пиштоли што се прават од делови купени онлјан.

Oвие таканаречени „пиштоли привиденија“ (ghost guns) е многу тешко да се следат или откријат.

Гласањето беше со пет гласа „за“ наспроти четири „против“, со судиите Џон Џ. Робертс помладиот и Ејми Конеј Барет придружувајќи се на трите либерални членови на Врховиот суд – судиите Соња Сотомајор, Елена Каган и Кетанџи Браун Џексон.

Во одбрана на одлуката, што е клучен дел од поширокоте напори на Бајден за справување со оруженото насилство во земјата, официјални лица укажаа дека такво оружје станало многу популарно во изминатите години, посебно меѓу криминалците кои имаат забрана за купување обични пиштоли.

Сепак, одлуката на судот е привремена, а дали ќе стане постојана зависи од судските процеси што моментално се одвиваат во судовите против оваа регулатива, водени пред сѐ од активистите за заштита на Вториот амандан од Уставот на САД што дава право за слободно носење оружје.

Администрацијата на Бајден аплицираше регулативата да се донесе во итна постапка. Во апликацијата  е наведено дека „јавната безбедност и службите за безбедност се соочени со криза претставена од брзиот раст на оружје што не може да се открие

The post Врховниот суд го прифати барањето на Бајден за забрана за домашна конструкција на пиштоли што се прават од делови купени онлјан appeared first on Република.

Цеца Ражнатовиќ беше уапсена на 17 март 2003 година, пет дена по убиството на премиерот Ѓинѓиќ а во таа прилика во нејзината вила во Белград биле пронајдени поголемо количество оружје – дури 11 пиштоли.

Таа потоа помина четири месеци во притвор.

На 17.03.2003 година, вработени во СУП Белград, одделение УКП II, при претрес на семејна куќа на улица „Љутиче Богдана“ бр. 3, пријавен имот, го утврди следново:

– Еден пиштол марка ЦЗ 99 пар калибар 9 мм фабрички број 900374 со една рамка за кој барателот нема овластување за стекнување и поседување.

– Еден пиштол CZ 99, пар калибар 9 mm, фабрички број 91999, со рамка

– Еден пиштол CZ 99, калибар 10 mm, фабрички број 10725, со една рамка

– Еден револвер марка „Smith and Wesson“, модел 29-3, фабрички број AUU6956

– Еден револвер „трупер“, калибар 22 ЛР, фабрички број 21951

– Еден сигнален пиштол од брендот HH, фабрички број 98553

– Еден пиштол „лугер“ модел 08, пар калибар 9 мм, фабрички број 4483, со една рамка

– Еден пиштол „лугер“ модел 08, калибар, пар калибар 9 мм, без фабрички број

– Еден пиштол ВДЗ, пар калибар 9 мм, фабрички број 37744, со една рамка

– Еден револвер „Смит и Весон“, калибар 357, фабрички број 63968 и

– Еден пиштол „взор 50“, калибар 7,65, фабрички број Б18005.

The post Револверашот Цеца: Дома чувала 11 пиштоли appeared first on Република.

На 05.01.2022 во 22.00 часот во н.Илинден, скопско, полициски службеници од Полициското одделение Петровец ги лишиле од слобода А.Н.(24) од н.Илинден и А.М.(23) од с.Марино, скопско.

Тие се сомничат дека околу 10.00 часот на железничка станица во Илинден со закана одзеле пари и мобилен телефон од А.Х.(29), Н.К.(21), В.У.(19) и еден малолетник, сите од Авганистан. Кај нив биле пронајдени два пиштоли ЦЗ 99 калибар и две рамки со 10, односно 15 куршуми 9 мм.

Тие биле приведени во полициска станица и по целосно документирање на случајот против нив ќе биде поднесена соодветна пријава.

The post Илинденци нападнале Авганистанци, полицијата кај нив пронашла пиштоли и куршуми appeared first on Република.