Бројот на загинатите во експлозијата во магацинот за пиротехника во близина на бугарскиот град Елин Пелин, недалеку од Софија, се зголеми на двајца, покрај 49-годишниот синоќа на повредите им подлегна и 20-годишното девојче.

Од тешки изгореници во четвртокот починал 49-годишен маж, а неговата 20-годишна ќерка синоќа им подлегнала на повредите, јавуваат бугарските медиуми.

Како што информираат од болницата Пирогов, и покрај укажаната лекарска помош, девојчето кое имало изгореници на 85 отсто од телото, им подлегнало на повредите, пишува порталот Новините.

The post Се зголемува бројот на жртви во експлозијата во Бугарија: Почина и 20-годишното девојче appeared first on Република.

Во неколку акции на полицијата се запленети речиси 6.200 парчиња пиротехника.

Вчера во 14:50 часот на пазарот во Драчево – Скопје, полициски службеници од Полициската станица Драчево го лишиле од слобода С.Е.(51) од Скопје. При контрола на неговата тезга биле пронајдени и одземени 1.150 парчиња разновидни пиротехнички средства. Лицето било задржано во полициска станица и по целосно документирање на случајот, против него ќе биде поднесена соодветна пријава.

 

На 28.12.2022 во периодот од 17 до 21 часот, при преземање службени задачи, полициски службеници од СВР Тетово на плоштадот во Тетово, на влез на трговски центар, пронашле околу 4.100 парчиња разновидни пиротехнички средства. Се преземаат мерки за целосно расчистување на случајот.

 

На 28.12.2022 во 22:20 часот кај место викано „Дупки“, при преземање службени дејствија, полициски службеници од Полициската станица за граничен надзор Блаце при Регионалниот центар за гранични работи Север пронашле 940 парчиња разновидни пиротехнички средства. Се преземаат мерки за расчистување на случајот, информираат од МВР.

The post Пиротехника на секој чекор: Во серија полициски акции запленети преку 6.000 парчиња appeared first on Република.

Дванаесет лица, меѓу кои има и деца, се повредени во експлозија на нелегални пиротехнички средства на приватна новогодишна забава во Источен Берлин.

Според соопштение на пожарникарите, сите повредени, од кои најмладиот има 11 години, морале да бидат пренесени во болница за да се опорават од повредите.

Полицијата по истрагата соопшти дека нелегалната пиротехника очигледно била активирана на забава во областа Фридрихшаген бидејќи бројот на повредени и тежината на нивните повреди не може да се објасни поинаку.

Пожарникарите добиле дојава за инцидентот нешто по полноќ и испратиле 40 лица на местото на настанот.

The post Пиротехника на забава во Берлин прати 12 луѓе во болница appeared first on Република.