Министерката за финансии Гордана Димитриеска-Кочоска информира дека пензиите ќе се зголемат линеарно за 2.500 денари во март, а се уште е неизвесно какво ќе биде коригирањето во септември в година.

Димитриеска-Кочоска информираше дека пензиите во март ќе бидат линеарно покачени за 2.500 денари. Но, нејасно е за колку ќе бидат зголемени во септември 2025 година.

-Не сме одлучиле, јас стојам на ставот дека треба повторно да биде линеарно, колку и да излезе зголемувањето на вкупниот износ, ќе се распредели по пензионер. Но, ќе биде под 2.500 денари затоа што параметрите кои се преземаат во пресметката се многу ниски, додаде министерката.

The post Пензиите ќе се зголемат линеарно за 2.500 денари во март appeared first on Република.

Пензионерите во март ќе добијат покачување на пензиите за дополнителни 2.500 денари колку што беше и зголемувањето што почна со пензијата за септември, а во септември догодина ќе добијат и околу 4 проценти зголемување согласно методологијата за усогласување.

Линеарното зголемување на пензиите во септември 2024 во вкупен износ било 862 милиони денари (скоро 14 милиони евра) или 11,17 отсто во однос на вкупниот износ што за пензии бил исплатен во август 2024.

Директорот на Фондот за пензиско и инвалидско осигурување (ПИОСМ) Никола Мемов соопшти дека предлог-буџетот за Фондот за 2025 година е 135 милијарди денари наспроти 110,5 милијарди денари за тековната 2024 година.

На средба со новинарите на која информираше за состојбата на буџетот и за идните планови, новиот директор на Фондот рече дека средства за пензии ќе бидат обезбедени и дека буџетскиот дефицит во вкупниот буџет за 2025-та е 27 проценти. Придонесот за пензиското осигурување останува 18,8 отсто.

Граѓаните треба да бидат сигурни дека средства за пензии ќе бидат обезбедени. Буџетскиот дефицит е стабилизиран и ќе биде 27 проценти. Новиот менаџмент до Владата и до Министерството за социјална политика ќе предложи краткорочни и среднорочни мерки за стабилизирање на буџетот за исплата на пензиите. Очекуваме приходите по основ на плаќање на придонеси до крајот на годината да растат и дефицитот да се стабилизира - рече Мемов.

Нагласи дека буџетскиот дефицит не е создаден поради лошо менаџирање на Фондот за пензиско и инвалидско осигурување туку е резултат, рече, на економските политики на претходните влади во изминатите дваесетина години.

Главна цел на Владата, додаде директорот на ПИОСМ, е обезбедување подобар животен стандард на пензионерите, а линеарното зголемување на пензиите е со цел, рече, да се намалат социјалните разлики помеѓу корисниците на минимална пензија и оние што се со високи пензии.

За тоа дали ќе се подигне возрасната граница за пензионирање, која сега е 62 години за жени и 64 за мажи, Мемов одговори дека треба да одлучи Владата.

Од почетокот на годинава до средината на овој месец биле решени 19 700 предмети за пензионирање, од кои најголем број се за старосни, а потоа и за семејни и за инвалидски пензии. До 15 октомври имало околу 3000 нерешени предмети по барањата за остварување право за пензија во 2024, што се должи на дефицит на вработени во подрачните единици на ПИОСМ.

Како што информираше Мемов, им недостигаат речиси 50 отсто вработени согласно систематизацијата. Најголема пополнетост со вработени (од над 90 отсто) има во подрачните единици во Скопје, Тетово, Куманово, Гостивар и Кичево, додека во филијалите во другите градови работните места се пополнети под потребниот минимум за да може да функционираат. Затоа се прави план за оптимизација на бројот на вработени согласно предметите што ги имаат, а до Министерството за финансии Фондот поднел барање за согласност за враќање на работа на ангажираните со договор на дело. За да се реши дисбалансот, предметите ќе бидат трансферирани од една во друга филијала.

Во државава има помеѓу 340 000 и 350 000 пензионери, а планираната стапка на раст на нови корисници на пензија годишно се движи од 0,9 до 1 отсто.

Во однос на т.н. фантомски пензии во Косово, за што се шпекулира во јавноста, директорот посочи дека не може да се потврди дека такви постојат и дека се ќе биде појасно кога ќе профункционира планираниот централен регистар на социјални осигуреници по примерот на регистарот за фирми.

Не можеме да кажеме дека постојат фантомски пензии, тоа во овој момент не може да се потврди. Странски пензии во Косово што ги исплаќа Фондот има само за 1200 корисници, одговори Мемов на новинарско прашање.

Најави модернизирање на услугите и деловните процеси во Фондот и рече дека клучен приоритет е инвестирање во ИТ-системот, па во новиот буџет Мемов бара средства за нови софтверски решенија за пензискиот систем.

Ќе направиме ново софтверско решение и ИТ-системот ќе биде комплетно на „клауд“, како што е сега ФЗОМ. Фондот ќе се отвори кон граѓаните преку оваа дигитализација што ќе ја направиме, за секој граѓанин да може да види на апликација колку има стаж, придонеси итн, соопшти директорот на Фондот за пензиско и инвалидско осигурување.

The post Пензионерите во март ќе добијат плус 2.500 денари, а во септември догодина ќе добијат и околу 4 проценти зголемување на пензиите appeared first on Република.

Претседателот на Владата на Република Македонија, Христијан Мицкоски во интервју во Отворено студио „100 дена Влада“ на МРТ, рече дека средствата за покачување на пензиите се обезбедени, потенцирајќи дека нема никакви пореметувања на стабилноста во однос на Пензискиот фонд.

Средствата се обезбедени и за оваа со ребалансот, и следната година со Буџетот кој е во фаза на подготовка. Очекувам на владина седница на 16 октомври да биде Буџетот во прва верзија на дневен ред, и очекувам дека после тоа во рамките на Парламентот, преку една дебата ќе се затвори таа рамка, а потоа истиот ќе се врати за конечно да добие конечна форма и да оди на јавна седница и да се усвојува - рече Мицкоски.

Како ќе биде понатамошното нивелирање на пензиите од септември следната година, па 2026, 2027 година се зависи од тоа какви ќе бидат приходите и како ќе функционира македонската економија. Затоа и многу внимателно кажуваме и многу внимателно ветуваме. Не сакаме да кажеме нешто кое што понатаму нема да го исполните. Тоа што бевме уверени дека ќе го исполниме и ќе го испорачаме, тоа и го направивме, вели тој.

Средствата се обезбедени, нема да има никакви дисторзии, ниту пак било какви пореметувања на тој план -дециден е претседателот на Владата, Мицкоски.

The post Мицкоски: Средствата за повисоки пензии се обезбедени, нема да има никакви турбуленции во Пензискиот фонд appeared first on Република.

На четири месеци пред парламентарните избори во Косово, закажани за 9 февруари 2025 година, косовскиот премиер Албин Курти денеска објави дека од овој месец пензиите за одредени категории пензионери ќе се зголемат за 20 отсто, јави дописникот на МИА од Приштина.

На денешната конференција за медиуми, одржана заедно со министерот за финансии, Хекуран Мурати, Курти рече дека од овој месец ќе има зголемување на основната пензија за повеќе категории на корисници.

Денеска со задоволство можам да им дадам една добра вест на сите пензионери. Од овој месец ќе ги зголемиме за 20 отсто сите пензии и тоа: Основната старосна пензија, целосната и делумна придонесна пензија, инвалидската пензија за деца и возрасни, пензијата за слепи, за параплегични и тетраплегични, семејната, пензиите за работни инвалиди и предвремените пензии за работниците на (рудникот) Трепча - рече Курти.

Тој додаде дека од јануари ќе има зголемување од 20 отсто и за пензиите дефинирани во Законот за категориите произлезени од војната, „односно на семејствата на загинатите, инвалидите, бранителите, припадниците на Ослободителната војска на Косово, сексуалните жртви на војната, цивилните жртви и нивните семејства“.

Министерот за финансии, Мурати изјави дека со ова зголемување ќе бидат зафатени 304 илјади 16 корисници и дека влијанието врз буџетот од ова зголемување ќе биде дополнителни 100 милиони евра.

Благодарение на добро осмислените политики, успеавме да го преземеме ова дејство, рече Мурати.

The post Косовската влада во предизборие ги зголеми пензиите за 20 отсто appeared first on Република.

Пензионерите денеска ќе добијат пензија за септември со зголемен износ за 2.500 денари, а уште едно линеарно зголемување во износ од 2.500 денари треба да имаат со мартовската пензија. Линеарното покачување на пензиите, што е предизборно ветување на новата Влада, е првпат по неколку години. Досега пензиите се усогласуваа со растот на платите и трошоците на живот.

Собранието на 12 септември ги усвои измените на Законот за пензиското и инвалидското осигурување со кои се овозможи линеарно зголемување на пензиите. Законските измени беа донесени со 78 гласа „за“, по скратена постапка.

За исплата на пензиите до крајот на годинава со ребалансот на Буџетот се обезбедени дополнителни пет милијарди денари. Од тој износ, 2,5 милијарди денари се средства кои се трансферираат дополнително во Фондот за пензиско осигурување заради реализација на најавеното линеарно зголемување.

Според податоците на Фондот за пензиско и инвалидско осигурување, во август годинава е исплатена пензија на 340 709 лица. Просечната пензија изнесува 21.217 денари.

Од вкупниот број пензионери, 24 894 примаат пензија со износ до 13.192 денари. Примањата на 118 306 пензионери се движат од 13.192 до 16.909 денари, на 81 081 од 16.910 до 22.500 денари, на 40 056 од 36.615 до 57.481 денар, а 2,957 над 57. 481 денар

The post Пензиите зголемени за 2500 денари appeared first on Република.

Премиерот Христијан Мицкоски на социјалните мрежи објави видео порака во која се вели дека утре (1-ви октомври) ќе бидат исплатени повисоките пензии.

„Ја користам оваа прилика да ви честитам поголеми пензии кои што ќе започнат да се исплаќаат од утре. Тоа што го ветувавме во кампањата за повисоки пензии, за линеарно зголемување на пензиите станува реалност“, вели Мицкоски.

Тој изјави и дека утре на пладне ќе биде отчетот на Владата каде што ќе може да се види што е направено во овие 100 дена.

Идната година, пензионерите пак ќе треба да добијат покачување.

The post Мицкоски им честита на пензионерите: Од утре ќе земаат повисоки пензии appeared first on Република.

Утре ќе биде исплатена септемвриската пензија која ќе биде повисока за линеарен износ од 2.500 денари за сите пензионери. Пензионерите кои добиваа 20.000 денари месечно како пензија, ќе добијат 2.500 денари повеќе односно 22.500 денари. Исто така, они кои примале пензии во износ од 40.000 денари, сега ќе добиваат 42.500 денари месечно.

Директорот на фондот за ПИОМ, Никола Мемов, смета дека ако се задржел стариот модел со процентуална корекција на пензиите, зголемувањето би било незначително.

„Доколку сега се одеше со усогласување со таа иста методологија, согласно заводот за статистика, покачувањето ќе беше од само 4%. За минималната пензија, доколку имаше усогласување од 4%, зголемувањето на пензиите ќе беше за 528 денари, а за пензионерите што земаат 40 илјади денари, зголемувањето би било околу 1.600 денари“, вели Мемов.

The post Утре пензионерите ќе добијат пензии повисоки за 2.500 денари appeared first on Република.

Го изгласавме Законот за покачување на пензиите. Ветено, сторено❗️
Пратеничка група на ВМРО ДПМНЕ, објави на Фејсбук, Антонио Милошоски.

The post Ветено, сторено: Изгласан Законот за покачување на пензиите appeared first on Република.

Пратениците ја утврдија потребата по скратена постапка да се донесе Предлог законот за изменување и дополнување на Законот за пензиско и инвалидско осигурување, со кој, како што рече Дафина Стојановска од ВМРО-ДПМНЕ ќе се реализира предизборното ветување на владејачката партија за линеарно зголемување на пензиите.

Предлог законот со 71 глас „за“ стана дел од точките на дневниот ред на 14. седница кој пратениците и по два часа од почетокот со работа се уште го утврдуваат.

На барање на пратеникот од ВМРО-ДПМНЕ Бојан Стојановски дневниот ред е дополнет и со Предлог-законот за задолжување на Република Македонија од 500 милиони евра кај Унгарската експорт-импорт банка.

\

The post Зголемувањето на пензиите го помина првиот собраниски филтер appeared first on Република.

Денеска на дневен ред пред пратениците во Собранието на Република Македонија ќе се најде Предлог на закон за изменување и дополнување на Законот за пензиското и инвалидското осигурување. Ова е Закон кој ќе овозможи линеарно зголемување на пензиите на сите пензионери за 2.500 денари линеарно, почнувајќи од септемвриската пензија, изјави денеска Бојан Стојаноски, пратеник на Пратеничката група на ВМРО-ДПМНЕ .

Апелираме за соработка од сите пратенички групи кога се работи за доброто на нашите граѓани. Ги повикуваме сите пратеници за поддршка и веднаш уште денеска во согласност со Собранискиот деловник да се закаже Комисијата за социјална политика, демографија и млади.

Со овој закон ќе се оствари право на повисока пензија на 300.000 наши пензионери. 300.000 пензионери добиваат повисоки пензии, подобар животен стандард и подобри услови за живот.

Ова е само почеток на она што го ветивме.

Дополнително покрај ова покачување, во месец март ќе има зголемување од уште 2.500 денари линеарно за сите пензионери. Тоа значи реализација на едно од клучните ветувања во предизборниот период на ВМРО – ДПМНЕ и Коалицијата “Твоја Македонија” за линеарно зголемување на пензиите од 5.000 денари.

Како ВМРО – ДПМНЕ и Коалицијата ќе продолжиме да се бориме за нашите граѓани да имаат подобри услови за живот. Животниот стандард на нашите сограѓани е еден од врвните приоритети на ова парламентарно мнозинство.

Упатуваме апел до сите ппратеници и пратенички групи уште денеска да го изгласаме овој Закон и да се излезе во пресрет на 300.000 пензионери во Република Македонија, повика Стојаноски

The post Законот за линеарно покачување на пензиите во Собрание: Со овој закон ќе се оствари право на повисока пензија на 300.000 пензионери appeared first on Република.

Предлог-законот за изменување и дополнување на Законот за пензиското и инвалидското осигурување, со што ќе се овозможи  зголемување на пензиите на 1 септември 2024 година и 1 март 2025 година, ја помина владината процедура и наскоро ќе биде пред пратениците во Собранието.

-Поконкретно, на 1 септември 2024 година, сите видови на пензии остварени согласно овој закон заклучно со 31 август 2024 година, се зголемуваат за 2.500 денари и на 1 март 2025 година, сите видови на пензии остварени согласно со овој закон заклучно со 28 февруари 2025 година, се зголемуваат за 2.500 денари, соопшти Министерството за социјална политика, демографија и млади кое ги предложи законските измени.

Министерството посочува дека целта на предложените измени и дополнувања на Законот за пензиското и инвалидското осигурување е обезбедување пораст на животниот стандард и подобар и поквалитетен живот за пензионерите

The post Законските измени за покачување на пензиите поминаа на Влада, наскоро во собраниска процедура appeared first on Република.

Претседателот на Владата на Република Македонија, Христијан Мицкоски вели дека од септември почнува исплатата на 2500 денари линеарно покачување на пензиите на пензионерите, посочувајќи дека од март следната година ќе ги добијат уште 2500 денари, што значи дека ова ветување на Владата ќе биде исполнето.

Апсолутно, законот е во подготовка за линеарното покачување, а не како што беше до сега, и за овој септември и за во март, така што оние 5000 денари кои што беа ветени за пензионерите ќе легнат на сметката на пензионерите. Со ребалансот се предвидени овие средства за оваа година, но исто така со буџетот ќе ги предвидиме и за следната година. Па ќе видиме, во зависност од тоа во каква кондиција ќе биде буџетот ќе видиме какви одлуки ќе носиме за следното усогласување во септември дали ќе имаме повторно процентуално зголемување, или ќе имаме повторно линеарно зголемување, она што го бараа пензионерите, истакна премиерот Мицкоски.

The post Во септември на сметките на пензионерите ќе легне линеарното зголемување на пензиите appeared first on Република.

Со ребалансот на Буџетот за 2024 година се обезбедуваат пет милијарди денари за пензиите или 2 500 денари плус за 300 000 пензионери. Од септември, сите пензионери линеарно ќе добијат по 2 500 денари и тоа нема да биде еднократна помош, туку системско решение со кое, вклучувајќи го покачувањето од дополнителните 2 500 денари во март догодина, секој пензионер ќе добие 5 000 денари, рече пратеникот од ВМРО-ДПМНЕ Бојан Стојаноски.

Во текот на собраниската расправа, Стојаноски, кој подетално се осврна на проекциите, најави дека веќе се подготвува новиот буџет за 2025 година што ќе покаже однесување на сосема нова политичка елита чиј приоритет се граѓаните и стопанството.

Овој ребаланс е доказ за катаклимизмичкото однесување на претходната влада и за епското крадење од народот. Со него само се обидуваме да ги прераспределиме слабо или нереализираните средства, да го дочекаме крајот на годината во што понормална состојба. Се подготвува нов буџет за 2025 година во кој ќе бидат внесени сите владини приоритети, а во фокусот ќе бидат народот и стопанството. Ќе го покажеме зенитот на однесување на новата политичка елита на која граѓаните и развојот на стопанството и се на прво место. Притоа, средствата ќе бидат наменети, пред се, за капитални инвестиции, истакна Стојаноски.

Тој потсети дека со ребалансот се предвидени и 100 милиони евра за општините, една милијарда денари за исплата во зоните, 322 милиона за ДИК, односно за исплата на одборите и медиумите, 644 милиони за студентски оброк и стипендии, 5,1 милијарда денаари за кредитни обврски на неколку претрпијатија, 600 милиони за исплата по судски решенија, 1,7 милијарди за субвенции, 550 милиони за ваучери за спорт,...

Во Буџетот не биле вкалкулирани средства за плати на многу институции, ниту била до крај предвидена сумата за исплата на пензии, потенцира Стојаноски според кој новата Влада до крајот на годината планира да собере дополнителни 130 милиони по основа на приходи.

За збор се јави и Малиша Станковиќ кој укажа дека Буџетот и ребалансот треба да се разграничат. Тој воедно ги повика сите пратеници да гласаат за ребалансот.

Не може од ребалансот да очекуваме чуда. Ова е осми месец во кој 71 процент од Буџетот се веќе истрошени. Ние сега само се прилагодуваме на состојбата за до крајот на годината да испливаме од сегашното сценарио. Во овој ребаланс не постои ниту една ставка која значи расипничко трошење, рече Станковиќ кој, како што напомена, иако знаел дека Буџетот е лош, не очекувал „дупка“ од 40 милијарди денари.

Прв за збор во општата расправа се јави пратеникот Димитар Ковачевски од СДСМ кој кажа дека неговата партија и коалицијата нема да о поддржат ребалансот.

Претходно, експозе имаше министерката за финансии Гордана Димитриеска Кочоска.

Пратениците се моментно на пауза, а, како што рече претседателот на Собрабнието Африм Гаши, седницата ќе продолжи и по 18.00 часот.

The post Од септември линеарно зголемување на пензиите за 2.500 денари, во март за уште толку appeared first on Република.

Вкупно 4,1 милијарда денари за плати и пет милијарди денари за исплата на пензиите се предвидени со ребалансот на Буџетот, соопшти денеска министерката на финансии Гордана Димитриеска Кочоска.

На прес-конференција во Владата таа информира дека вкупните приходи во Буџетот се планирани на 318 милијарди 150 милиони денари што е за 8,22 милијарди зголемување. Планирнао е и зголемување на даночните приходи од сопствени сметки. Расходите се планирани на 362 милијарди 816 милиони денари што е зголемување од 19,178 милијарди денари.

Првично проекитраниот БДП, потенцира, е неостварлив. Инфлацијата е предвидена на ниво од 3,5 отсто, а растот на нето платата за 13 проценти.

Според министерката, со ребалансот се обезбедени 4,1 милијарда денари за плати од кои 1,1 милијарда за блок дотации кои не биле планирани во основниот буџет. Во дел од институциите, како што рече Димитриеска Кочоска, имало предвидени плати само до јуни.

-При подготовката на ребалансот се тргна од претпоставките колку средства може да се прераспределат од ставки кои бележат слаба реализација. Со прераспределбата се обезбедени 20 милијарди денари, а дополнителни 11 милијарди денари се планирани за покривање на доспеаните обврски и обврски кои биле законски, а не биле планирани. Тоа резултира буџетскиот дефицит да се зголеми за 11,156 милиони денари, истакна Димитриеска Кочоска.

Од 2024 до 2028 државата само по основа на камати треба да исплати 1,800 милијарди евра.

Димитриеска Кочоска ја почна прес-конференцијата со констатција дека опшатата состојба во Буџетот ги надминала очекувањата на Владата.

-Ветив дека ќе бидам секогаш искрена пред граѓаните. Затекнавме состојба која значи држава во хаос и долгови, список на желби наместо развој. Економијата е во клиничка смрт, нагласи Димитриеска Кочоска.

The post Пари се обезбедени: Со ребалансот 4,1 милијарда денари за плати и пет милијарди денари за исплата на пензиите appeared first on Република.

ВМРО-ДПМНЕ им честита на над 300.000 пензионери, тие конечно можат да бидат спокојни, премиерот Христијан Мицкоски и владата донесоа одлука за линеарно зголемување на пензиите за 5.000 денари, истакна на денешната прес-конференција пратеникот од редовите на ВМРО-ДПМНЕ Бојан Стојаноски.

Тој нагласи дека покачувањето на пензиите за 5000 денари било едно од главните ветувања на ВМРО-ДПМНЕ во изборната кампања, и тоа е остварено веќе во првата недела од мандатот на владата.

Покачувањето ќе се реализира во два наврати. Првото покачување од 2.500 денари пензионерите ќе го добијат во септември. Тоа ќе биде трајно и линеарно, додека второто ќе го добијат во март идната година, кое исто така е трајно и линеарно.

Пензионерите никогаш повеќе нема да бидат лажени со еднократна помош која се продаваше како покачување од страна на СДС и ДУИ, ниту пак со ситни покачувања.

Пензионерите се работната генерација од пред 60, 50 или 40 години, тоа се луѓето кои ја граделе државата каква што е денес и тие ја заслужуваат нашата почит и мора да имаат достоинствен живот.

ВМРО-ДПМНЕ вети и оствари.

За тебе. Почнуваме, рече Стојаноски.

The post Стојаноски: ВМРО-ДПМНЕ вети и оствари, 5000 денари покачување на пензиите – Почнуваме appeared first on Република.

„Ви благодарам на топлиот пречек, така беше на почетокот на октомври кога се сеќавам како многумина од вас кажуваа со какви се предизвици се соочувате. И тогаш главната идеа потекна од оваа средба да имаме комплетна промена на концептот во пензискиот систем, а тоа е да имаме линеарно покачување на пензиите на пензионерите. На тој начин практично сите пензионери ќе добијат подеднакво и нема да се создава преголема разлика помеѓу малкумина и повеќе од 80% од пензионерите.“, истакна претседателот на Владата, Христијан Мицкоски на денешната средба со здружението на велешките пензионери, после одлуката на Владата за зголемување на пензиите за пензионерите.

„И тогаш рековме и денес сакам тоа да го потврдам, дека наша главна цел ќе ни биде нашите повозрасни сограѓани да имаат подостоинствени пензионерски денови, односно во најубавите години од својот живот да може да се чувствуваат пристојно и достоинствено, а не како што беше минатата есен и зимата, кога за жал нашите родители, дедовци, баби, наместо да ги поминуваат пензионерските денови онака како што заслужуваат, тие чекореа по улиците и плоштадите ширум Македонија, барајќи поголеми права и повисоки пензии.“, истакна премиерот Мицкоски.

Премиерот Христијан Мицкоски посочи дека е направена детална анализа и врз основа на тоа беше дадено ветувањето дека во првата година од мандатот ќе се направи линеарно зголемување на пензиите за пет илјади денари.

Денес на седницата на Владата како точка за информирање донесовме заклучок дека пензиите кои што треба да бидат нивелирани, сега во месец септември, а потоа и во месец март следната година, ќе го вклучат тоа линеарно покачување, најпрвин од 2.500 денари сега во септември, и уште 2,500 денари и во месец март. Тоа значи дека најпрвин за три месеци, па за 9 месеци, порано од таа една година што ја ветувавме, тие 5.000 денари линеарно зголемување на пензиите за пензионерите ќе бидат веднаш исплатени- рече претседателот на владата.

Тој потенцираше дека се правеле напори и сега во септември да се исплатат во целост 5.000 денари покачување на пензиите, но во овој буџет ваков каков што е, недостасуваат 2,5 милијарди денари за редовното исплаќање на пензиите. Со оглед на тоа дека со ново покачување ќе бидат зафатени исто толку пари, со ребалансот на буџетот ќе бидат реструктуирани 5 милијарди денари или повеќе од 80 милиони евра.

„Она кое што го ветивме при нашата средба во октомври месец 2023 година, тоа и го реализираме во првите пет дена од формирањето на новата влада.“, посочи премиерот Мицкоски и дополни дека главен приоритет во периодот кој што следи ќе биде и здравствениот систем.

„Заедно работевме со министерот Арбен Таравари. Во подготовка е новиот закон во кој ќе направиме рационализација на функционерите во здравството, односно ќе дојде до бришење на делот во кој беа т.н. организациски или кај народот познати, економски директори. И тоа веќе министерот Таравари го направи, голем дел од нив кои што беа вршители на должност кои беа без мандат, заминуваат во историја, а со овој нов закон кој влезе во владина процедура, ќе бидат сите организациски директори укинати. На тој начин практично ќе имаме поефикасна и поевтина работа и повеќе пари кои ќе останат за здравствените осигуреници.“, рече претседателот на Владата Мицкоски на денешната средба со здруженијата на пензионерите во Велес.

https://www.facebook.com/share/p/7YfcwSvwfhxtQrik/?mibextid=qi2Omg

The post Премиерот Мицкоски од средбата со пензионерите во Велес: „Ветувањето за повисоки пензии го реализиравме во првите пет дена од формирањето на Владата“ appeared first on Република.

Владата денеска на првата седница ќе ја разгледува информацијата за повисоки пензии. Станува збор за проект, ветен од новата власт пред изборите, со кој повеќе од 300 илјади пензионери треба да добијат повисоки пензии од септември.

Конструкцијата на проектот за зголемување на пензиите е финализирана на вчерашната средба на премиерот Христијан Мицкоски со министерката за финансии Гордана Димитриевска Кочовска и со министерот за социјална политика, демографија и млади Фатмир Лимани.

Мицкоски на Фејсбук објави дека станува збор за реализација на изборно ветување кон пензионерите.

Дадениот збор е светост, обврска и одговорност. Државата мора да се грижи за највозрасните. Во соработка со министерката за финансии Гордана Димитриеска-Кочоска, министерот за социјална политика демографија и млади Фатмир Лимани, посветено работиме на итно изнаоѓање на решение кое ќе донесе повисоки пензии за над 300 илјади пензионери. Ова исклучително важно решение кое го ветивме на изборите ќе се дискутира на седница на Владата и со тоа ја покажуваме нашата посветеност да испорачуваме резултати и да работиме посветено и за сите, напиша Мицкоски на ФБ.

Тој во средата најави дека најверојатно ќе има две линеарни зголемувања на пензиите и тоа со нивелирањето во септември и уште едно во март. Зголемување на пензиите ќе биде вклучено во ребалансот на Буџетот, кој е најавен за средината на јули.

Од она што можам да видам дека и со оној првичен буџет којшто е поминат за оваа година недостасуваат околу 2,5 милијарди денари. Ќе имаме најверојатно две линеарни зголемувања, едно со нивелирањето сега во септември од 2.500 денари и другото ќе биде во март уште 2,500 денари. Најпрвин треба да обезбедиме со ребалансот 2,5 милијарди денари околу 40 милиони евра. Во буџетот што е поминат за оваа година недостасуваат средства за тековни пензии. Се трошеле за работи за кои мислам дека многу ќе се занимаваат истражните органи во периодот што следи. Уште дополнителни 2,5 милијарди денари се подготвени за ова првично зголемување кое ќе биде во септември, за овие три месеци септември, октомври, ноември, бидејќи пензиите ќе се исплаќаат тогаш. Останатите ќе бидат во март, рече Мицкоски, одговарајќи на новинарски прашања по поставувањето камен-темелник на ново училиште во скопската населба Драчево.

Со тоа, нагласи Мицкоски, практично ветувањето за линеарно зголемување на пензиите од 5 000 денари во првата година ќе биде и порано исполнето, не до јуни туку ќе биде до март идната година.

Со корекцијата што треба да се направи во септември, посочи вчеравечер министерката за финансии Гордана Димитриеска Кочоска, пензионерите ќе го добијат првото линеарно покачување од 2.500 денари, а следното линеарно покачување, исто така, од 2500 денари ќе биде во март следната година.

-Пензионер кој има пензија од 15.000 денари со покачувањето во септември ќе има пензија од 17.500 денари, а со покачувањето во март идната година од 20.000 денари. Таквата пензија ќе ја добива секој месец, а првото вообичаено усогласување на пензиите со трошоците на живот ќе го имаат во септември 2025 година, рече Димитриеска Кочоска во интервју за ТВ Сител.

Нагласи дека со ребалансот на Буџетот ќе треба да се обезбедат уште околу 80 милиони евра за да можат да се исплаќаат зголемените пензии. Од нив, како што кажа, околу 40 милиони евра се за линеарното зголемување, а останатите 40 милиони евра не биле предвидени од поранешната власт во Буџетот за годинава за непречена исплата на пензиите. Во фокусот на ребалансот, како што кажа, ќе бидат општините, пензиите, парите за плати, а се друго ќе се крати.

The post Прва седница на Владата, ќе се разгледува информацијата за повисоки пензии appeared first on Република.

Ден 4: Дадениот збор е светост, обврска и одговорност. Државата мора да се грижи за највозрасните. Во соработка со министерката за финансии, Гордана Димитриеска-Кочоска, министерот за социјална политика демографија и млади Фатмир Лимани, посветено работиме на итно изнаоѓање на решение кое ќе донесе повисоки пензии за над 300 илјади пензионери, напиша премиерот Христијан Мицкоски на својот профил на „Фејсбук“.

Утре, ова исклучително важно решение кое го ветивме на изборите ќе се дискутира на седница на Владата и со тоа ја покажуваме нашата посветеност да испорачуваме резултати и да работиме посветено и за сите.
За тебе! Почнуваме!, додава тој.

The post Мицкоски: Посветено работиме на итно изнаоѓање на решение кое ќе донесе повисоки пензии appeared first on Република.

Претседателот на Владата Христијан Мицкоски денеска потврди дека за зголемување на пензиите ќе треба да се чека ребалансот на Буџетот, за што тој и министерката за финансии, како што кажа, интензивно работат и кој е најавен за средината на јули. Најави две линеарни зголемувања и тоа со нивелирањето во септември и уште едно во март.

Апсолутно. И од она што можам да видам дека и со оној првичен буџет којшто е поминат за оваа година недостасуваат околу 2,5 милијарди денари. Ќе имаме најверојатно две линеарни зголемувања најверојатно. Ќе биде ова потврда во текот на утрешниот ден или денот потоа. Имаме две, едно со нивелирањето сега во септември линеарно зголемување од 2,500 денари и другото ќе биде во март уште 2,500 денари. Најпрвин треба да обезбедиме со ребалансот 2, 5 милијарди денари околу 40 милиони евра. Во овој буџет тие пари недостасуваат. Се трошеле за работи за кои мислам дека многу ќе се занимаваат истражните органи во периодот што следи. И уште дополнителни 2,5 милијарди денари се подготвени за ова првично зголемување сега што ќе биде во септември, за овие тре месеци септември октомври ноември бидејќи пензиите ќе се исплаќаат тогаш. Останатите ќе бидат во март и со тоа практично нашето ветување за линеарно зголемување на пензиите од 5.000 денари во првата година ќе биде и порано исполнета. Нема да биде до јуни туку ќе биде до март, рече Мицкоски, кој беше на ставање на камен темелник на училиште во Драчево.

The post Мицкоски: До март најверојатно ќе се реализираат две линеарни зголемувања на пензиите appeared first on Република.

Премиерот Христијан Мицкоски денеска информира дека првата владина седница ќе се одржи кон крајот на неделата. Донесени ќе бидат, како што рече, неколку одлуки, од кои повеќето формални. Тој воедно најави и дека ќе се почне со работа на новото законско решение за линеарно зголемување на пензиите.

Одговорајќи на новинарски прашања по посетата на Штип каде го почна првиот работен ден како премиер, Мицкоски истакна дека новата Влада ќе гради онаму каде што нејзините претхоници оставија неуспешни проекти.

Нема да има дуализми, ниту функционери кои ќе живеат од парите на граѓаните, ќе има намалување на институциите, ќе бидеме тоа што го ветивме. Тоа што граѓаните го направија е доволно, сега татковината треба да направи за нив. „Граѓаните пред се“, ќе бидете мотото на нашата Влада, порача Мицкоски.

Соопшти и дека утре или задутре ќе има состанок со министерот за социјална политика, демографија и млади, Фатмир Лимани и со министерката за финансии Гордана Димитриевска Кочовска во врска со законот за покачувањето на пензиите.

Кон крајот на неделата ќе се одржи првата седница на Владата. Донесени ќе бидат неколку одлуки, повеќето формални, но почнуваме да работиме и на новото законско решение за линеарно зголемување на пензиите. Тоа што го ветивме во предизборието - во првата година да имаме линеарно зголемување по 5 000 денари на пензиите. Почнуваме со министерот за социјална политика, демографија и млади, Фатмир Лимани и со министерката за финансии Гордана Димитриевска Кочовска. Утре или денот потоа ќе имаме работен состанок кај мене, почнуваме да го драфтираме овој закон кој набргу ќе се најде во Палрламентот. Новата Влада ќе гради онаму каде нејзините претхоници оставија неуспешни проекти и споменици на едно лошо, корумпирано време. Нема да се случува голобради момчиња да купуваат трговски центри во главниот град, нема да се случуваат ролс ројс возила, ниту фудбалчиња по канбиенти и неуспешни проекти во делот на производството на марихуана, туку ќе го правиме она што го ветивме пред граѓаните, подвлече Мицкоски.

Тој присуствуваше на поставување камен-темелник на новата спортска сала „Џексон", направи увид во градењето на новиот булевар „Илинденска“, а потоа, заедно со министерот за здравство Арбен Тараври, направи увид во состојбата на штипската болница.

The post Мицкоски: Кон крајот на неделата прва владина седница, почнува драфтирањето на законот за линеарно зголемување на пензиите appeared first on Република.