Ракометарите на Вардар 1961 го совладаа Еурофарм Пелистер со 24-20 во големото македонско дерби кое се одигра вечерва во Скопје во рамки на 8 коло од плеј-оф фазата во Супер лигата.

Вардар беше во минимално, но константно водство речиси 40-ина минута во СЦ „Јане Сандански“ кога актуелниот шампион прв пат дојде во водство (18-17), а при резултат 20-19 битолскиот состав пропушти и неколку шанси да ја зголеми предноста

Ракометарите на Вардар го искористи тоа и со серија од 5-0 дојдоа до важна победа со која ја пролонгираа разврската во битката за шампионската титула.

Еурофарм Пелистер останува лидер на табелата со 23 бодови, два повеќе од второпласираниот Вардар на шест кола до крајот на македонското првенство.

Јасухира со шест голови беше најефикасен во редовите на Вардар, а Томовски запиша 12 одбрани на голот.

The post Вардар го совлада Еурофарм Пелистер во ракометното дерби appeared first on Република.

Против две лица ќе бидат поднесени кривични пријави, а се истражува и за оштетени четири автобуси со кои навивачите од Битола пристигнале на мечот во Скопје, по инцидентите на вечното дерби меѓу Вардар и Пелистер.

Како што соопшти МВР,  во врска со инцидентите на навивачите за време и по ракометниот натпревар Скопје, помеѓу екипите на Вардар и Пелистер, кој се одржа во спортска сала на подрачјето на Аеродром, од страна на полициски службеници во полициска станица се приведени Д.А.(43) од Скопје и Т.Г.(37) од Битола и против нив ќе бидат поднесени соодветни поднесоци.

Во врска со настанот, пак, во СВР Битола било пријавено дека околу 18.45 часот на бул.„АСНОМ“ во Скопје од повеќе лица биле оштетени два автобуса, со прилепски регистарски ознаки, на превозно претпријатие од Прилеп и два автобуса, со битолски регистарски ознаки, на превозно претпријатие од Битола, кои превезувале навивачи на спортски натпревар.

Се преземаат дополнителни мерки за расчистување на случајот.

The post Кривични против еден Комита и еден Чкембар, оштетени четири автобуси по инцидентот на Вардар-Пелистер appeared first on Република.