Во населба во грчкиот град Патра денеска избувна пожар, а превентивно беа евакуирани жителите на неколку населби, како и детска болница што се наоѓа во близина, бидејќи огнените јазици стигнале до дворот на објектот, јави дописничката на МИА од Атина.

Од бројот 112 за итни случаи беа испратени три пораки до жителите на населбите зафатени од пожарот да се евакуираат, додека пак децата хоспитализирани во детската болница биле пренесени во останатите болници во градот.

Портпаролот на противпожарната служба на Грција Василис Ватракојанис за грчката телевизија ЕРТ рече дека интервенираат 78 пожарникари со три пешадиски тима, 26 возила, четири авиони и шест хеликоптери, од кои еден за координација.

Истакна дека „станува збор за пожар што многу брзо зазеде големи размери“, особено опасен и токму затоа од жителите било побарано да се евакуираат.

The post Голем пожар во Патра, евакуирани детска болница и жителите на неколку населби appeared first on Република.

Мумифицирано тело денеска е пронајдено во Патра, Грција, а тамошната полиција соопшти дека ги истражува сите можности.

Според грчките медиуми, наводно му припаѓа на 67-годишен маж и неговата смрт се припишува на „патолошки причини“.

На локалното стрелиште бил забележан од граѓанин кој ги известил надлежните.

Грчките полициски и воени власти се на терен, јавува ЕРТ.

На местото на настанот е повикано и вештачење од судската медицина, кое ќе утврди дали смртта е предизвикана од кривично дело или од некоја друга причина.

The post Пронајдено мумифицирано тело на маж во грчка Патра appeared first on Република.

Во тек е спасувачка акција на противпожарната служба на Грција во близина на грчкиот град Патра, откако од засега непознати причини, се урнал мост под изградба, а неофицијално под мостот имало луѓе, јави дописничката на МИА од Атина.

Според грчките медиуми, станува збор за надвозник кој од 2021 година е затворен поради поправки. Засега има информација за двајца мртви, но има и заглавени граѓани.

🇬🇷 ALERTE - Plusieurs victimes dans l'effondrement d'un pont en construction à #Patras, dans l'ouest de la #Grèce. Des personnes sont coincées sous les décombres, annoncent les pompiers. pic.twitter.com/Qsj43vJYbL

— Infos Françaises (@InfosFrancaises) July 23, 2023

The post Се сруши дел од мост во Грција: Најмалку двајца мртви appeared first on Република.