Кандидатот за лидер на СДСМ Јован Деспотовски по прогласувањето на изборните резултати изјави дека се радува за Венко Филипче како другар, но не и за партијата.

СДСМ е голема и слободарска партија. Не можеме да збориме за избран претседател на партија кога 10.000 членови не гласаа, а имаме избран претседател со 9 илјади гласови. Им благодарам на сите кои гласаа, но им благодарам и на оние кои излегоа, а не им беше дозволено да гласаат, а такви има многу. Додека не одговориме на две прашања во оваа партија, не мислам дека треба да зборуваме за завршени избори. Зошто на тие 10.000 членови не им беше дозволено да гласаат и зошто оние кои излегле, биле вратени. За резултатот немам коментар. Како другар се радувам за Венко, затоа што ми е стварно другар, ама не и за СДСМ. И вечерва зградата е празна и тоа треба да нѐ загрижува – рече Деспотовски.

Тој истакна дека има стотици, илјадници луѓе кои веруваат во промената која ја започнале, а тоа го добил од средбите со граѓаните пред изборите.

Таа промена нема да заврши денеска, бидејќи е почната и нема да запре – изјави Деспотовски.

Деспотовски најави дека утре ќе поднесе приговори поради забележани изборни нерегуларности.

Околу 20 часот Деспотовски постави две клучни прашања и за кои побара итен одговор од Централната изборна комисија.

Како ни се случи над 10.000 наши членови кои се регистрирале за гласање односно изразиле инцијатива да учествуваат во изборниот процесот не можеа односно не го остварија своето право на глас денеска?

Како ни се случи на голем број на наши членови кои беа уредно регистрирани и дојдоа на избирачките места да не им е овозможено правото на глас?

На овие две клучни прашања, но и на останатите забелешки кои дојдоа од мрежата контролори низ цела држава, нашиот тим веќе утре ќе поднесе приговори. СДСМ мора многу сериозно да се позанимава и да одговори на овие прашања пред воопшто да се дефинира став во врска со овие избори. Ова, без разлика на исходот од денешното гласање и резултатите кои ги очекуваме во следните два часа“, вели Деспотовски.

https://republika.mk/vesti/makedonija/despotovski-za-zabeleshkite-od-kontrolorite-niz-tsela-drzhava-nashiot-tim-utre-ke-podnese-prigovori/

The post Деспотовски: Се радувам за Венко како другар, но не и за партијата appeared first on Република.

Извршниот одбор на СДСМ на денешната седница донесе Одлука за распишување вонредни внатрепартиски избори за претседател на СДСМ на 30 јуни 2024 година (недела), по повлекувањето на Димитар Ковачевски од функцијата.

Согласно роковите во Статутот на партијата ќе има доволен период за подготовка на кандидатурите и програмите, претставување на кандидатите пред членството и активна регистрација, стои во соопштението од партијата.

Воедно, се наведува дека на седница којашто ќе се одржи в четврток, 30 мај 2024 година, Централниот одбор на СДСМ треба да го усвои Правилникот за критериумите, начинот и роковникот за спроведување на постапката на највисоко демократско ниво од страна на Централната изборна комисија.

Пред одржување на седницата прашан дали ќе се кандидира за нов мандат за претседател на партијата, Ковачевски отсечно одговори дека нема да се кандидира.

Фатмир Битиќи кој исто така поднесе оставка од потпретседателската функција во СДСМ, прашан дали планира да поднесе кандидатура за челната позција, вели, дека е се уште рано за тоа.

Се уште е рано, сметам дека секој еден социјалдемократ денеска е фокусиран во иднината на социјалдемократијата. Тоа е најбитно, а за функциите, секако, членството одлучува кој е најдобриот избор, вели Битиќи.

И Петре Шилегов, смета дека е се уште рано да се разговара за кандидатура и оти приоритет е како да се запрат, како што вели, ретроградните процеси кои се веќе започнати во општетството.

Мислам дека е се уште прерано воопшто да се разговара за тие процеси. Моето лично размислување е дека СДСМ во периодот кој следи треба да се врати кон корените на сопствените политики, повторно да стане привлечно тело за прогресивниот дел од македонската јавност затоа што некои процеси кои се веќе започнати во нашто општество се и тоа како ретроградни и т, и тоа како можат да ја вратат државата назад. СДСМ како и секогаш мора да биде исправен пред тие предизвици со цел да го спречиме ретрпградниот процес во македонското општетство, вели Шилегов.

На новинарско прашање и спикерот на Собранието и член на СДСМ Јован Митрески, пред седницата изјави дека нема намера да се кандидира за претседател на партијата.

Славјанка Петровска и Јован Деспотовски веќе потврдија дека планираат да поднесат кандидатура, а во медиумите како можни кандидати за претседател на СДСМ се спомнуваат и Венко Филипче и Стефан Богоев.

На седницата на 22 мај Димитар Ковачевски и формално поднесе оставка од лидерската позиција. Извршниот одбор на СДСМ ја задолжи Централната изборна комисија врз основа на Статутот на партијата да предложи правилник со предлог роковник за спроведување на директните внатрепартиски избори во текот на јуни во транспарентна и демократска постапка.

The post СДСМ на 30 јуни ќе добие нов претседател на партијата appeared first on Република.

Социјалдемократската партија (СПД) на германскиот канцелар Олаф Шолц е поразена на регионалните избори во Хесен и Баварија, пишува „Шпигел“.

„СПД претрпе фијаско на изборите за Ландтаг во Хесен. Партијата никогаш не добила толку низок дел од гласовите во Хесен – дури и слабиот резултат од 2018 година повторно беше значително победен (минус 4,7 процентни поени)“, се истакнува во публикацијата.

Според прелиминарните податоци, тука победи Христијанско-демократската унија (ЦДУ) со 34,6 отсто од гласовите, втора е десничарската партија Алтернатива за Германија со 18,4 отсто, СПД со 15,1 отсто, а на третото место се Зелените, членови на федералната коалициска влада, со 14,8 отсто.

Изборите во Баварија и Хесен завршија во неделата.

The post Партијата на Шолц претрпе историски пораз во Баварија и Хесен appeared first on Република.

Вечерва во хотелот „Холидеј ин“ во Скопје ќе се одржи промоција на нова политичка партија во Македонија – движењето ЗНАМ – За наша Македонија. Основач на оваа партија е Максим Димитриевски, градоначалник на Куманово и поранешен истакнат член на СДСМ.

Актуелниот кумановски градоначалник и идеен творец на граѓанското движење, ги покани поддржувачите, пријателите и граѓаните да се придружат на граѓанската иницијатива и да присуствуваат на промоцијата на партијата.

Димитриевски информираше дека сите заинтересирани граѓани можат да присуствуваат на настанот и да дадат свој придонес во креирање на еден нов субјект кој што има за цел да ги смени работите во државата, да ги промени процесите, од граѓаните за граѓаните.

„Да се ставиме целосно во служба на Македонија и на нашиот народ”, повика Димитриевски.

На настанот се предвидени обраќања на говорници, како и потпишување на иницијативата од страна на претставници на сите 10 граѓански здруженија од Македонија.

The post ЗНАМ – нова политичка партија во Македонија appeared first on Република.

Пратеникот Скендер Реџепи ја формира партијата „Народно движење“.

На основачкото собрание, одржано вчера во Скопје избрани се органи на партијата, а за претседател на „Народното движење“ е избран Скендер Реџепи.

„Движењето на народот“ Добар почеток на политичкото патување, патување кое ќе ни овозможи да ја зачуваме насоката која започна многу порано, но сега со новиот политички концепт под капата на народно движење. Нека ни е со среќа и Господ нека биде со нас, објави Реџепи на својот Фејсбук профил.

Реџепи, недамна ја напушти партијата Алтернатива со која беше избран, и дејствуваше како независен пратеник во Собранието, по што и најави формирање на нова политичка партија. аа/

The post Скендер Реџепи ја формира партијата „Народно движење“ appeared first on Република.

Поранешниот потпретседател на Движењето Беса, Аријанит Хоџа, објави на Фејсбук дека ги собрал потписите за регистрација на неговата нова партија Европската демократска партија.

-Успешно заврши собирањето потписи за регистрација на Европската демократска партија. Бескрајна благодарност до сите основачи за нивната посветеност и волја да отворат нова страница на политичко дејствување. Со среќа! напиша Хоџа на Фејсбук.

Хоџа неодамна ја најави промоцијата на новата партија за в сабота, ден пред одбележувањето на годишнината од Рамковниот договор.

Партијата на Изет Меџити од „огнените“, за која исто така тој ги собра потребните потписи, се вика Демократско движење и ќе биде промовирана на годишнината на Рамковниот договор, в недела на 13 август.

The post Аријанит Хоџа собра потписи за регистрација на нова партија appeared first on Република.

Поранешниот потпретседател на Движењето Беса, Аријанит Хоџа, објави на Фејсбук дека ги собрал потписите за регистрација на неговата нова партија Европската демократска партија.

Успешно заврши собирањето потписи за регистрација на Европската демократска партија. Бескрајна благодарност до сите основачи за нивната посветеност и волја да отворат нова страница на политичко дејствување. Со среќа! напиша Хоџа на Фејсбук.

Хоџа неодамна ја најави промоцијата на новата партија за в сабота, ден пред одбележувањето на годишнината од Рамковниот договор.

Партијата на Изет Меџити, за која исто така тој ги собра потребните потписи, се вика Демократско движење и ќе биде промовирана на годишнината на Рамковниот договор, в недела на 13 август.

The post Се ситни албанскиот блок: Аријанит Хоџа ги собрал потписите за регистрација на Европска демократска партија appeared first on Република.

Демократското движење на Изет Меџити соопшти дека во рекордно време ги собрале потребните потписи за регистрација на политичкиот субјект.

„Стотици истомисленици на Изет Меџити денеска се собраа во нотарски канцеларии да го дадат својот потпис за формирање на Движењето кое ветува позитивни промени за Албанците во Република Македонија. Организацискиот совет при Демократското движење предвиде потписите да се собираат во текот на целиот ден, но се се заврши за неполни три часа, при што беше објавено дека собирањето потписи е успешно затворено“, се во со наведува во сопштението од Демократското движење.

Со собирањето на потребните потписи, Демократското движење продолжува со регистрација на партијата, а на 13 август е најавена и нејзина промоција.

Изет Меџити, доскорешен потпретседател и пратеник од ДУИ на 17 јули најави дека заедно со пратениците Мерита Коџаџику и Кастриот Рерџепи ќе формираат ново политичко движење, кое официјално ќе биде промовирано на 13 август.

Меџити тогаш објасни дека новиот политички субјект во принцип ќе функционира како партија. На прашањето дали ќе бидат подготвени за евентуални предвремени избори, Меџити рече дека токму затоа брзаат со формирање на ова движење за да бидат подготвени за секаков вид на предизвици коишто можат да се појават во меѓувреме.

The post Меџити ги собра потписите за регистрација на партија, промоцијата е на 13 август appeared first on Република.

Премиерот Димитар Ковачевски денеска изјави дека во моментов нема разговори за влез на друга партија во владејачката коалиција.

Такви разговори нема во моментов, меѓутоа јас и во моето експозе при изборот на новите министри и заменици, кажав дека оваа Влада останува отворена за сите политички партии и поединци и организации кои сакаат да се приклучат на „Европскиот сојуз“, а кои сакаат да учествуваат во носење одлуки кои значат побрзо зачленување во ЕУ и носење побрзо и поефикасно на реформските закони за сите значајни области во Собранието, рече Ковачевски.

Доколку која било партија оцени врз основа на своите определби и визија и одлуки дека сака да биде дел од оваа Влада, тогаш вратата и е отворена.

Премиерот Ковачевски, одговарајќи на новинарско прашање, посочи дека има партии кои декларативно се „за“ влез во Европската Унија или НАТО, но не поддржале ниту една одлука поврзана со нашето зачленување во нив.

The post Ковачевски: Нема преговори за влез на уште една партија во Владата appeared first on Република.

Ако СДС пронајде струја која ја произведува Мицкоски тогаш слободно нека ја одземе, во спротивно што правиме со 26-те милиони евра тешката афера „Броило“. Дезертерот Ковачевски заедно со неговиот кум создал соларен картел преку кој се свртеле над 26 милиони евра, преку тендери од државни институции, како и државна помош, реагираат од ВМРО-ДПМНЕ.

Граѓаните за овие пет години откако СДС е на власт чувствуваат единствено кризи.

За овие пет години откако СДС е на власт единствено има криминал, корупција и заробено судство.

За овие пет години СДС единствено успеа да изгради картели, криминогени мрежи за лично богатење и за осиромашување на народот.

Во овие пет години по нарко марихуанскиот картел, сега владее соларен картел којшто ја осиромашува Македонија.

Граѓаните со СДС на власт немаат ниту парно, ниту гас. Со СДС на власт единствено се затвораат фабрики, порачуваат од партијата.

 

The post ВМРО-ДПМНЕ: Ако СДС пронајде струја која ја произведува Мицкоски тогаш слободно нека ја земе appeared first on Република.

Осум бугарски пратеници од партијата Има таков народ (ИТН) го напуштаат лидерот Слави Трифонов, кој минатата недела реши да излезе од владината коалиција, објави „24часа.бг“.

Тие ќе излезат од пратеничката група на ИТН, но се уште немаат постигнато договор за сорабока со движењето Продолжуваме со промените на премиерот Кирил Петков. Дополнително ќе очекуваат понуди за партнерство, пишува „24часа.бг“.

Осуммината пратеници се организирани од министерот за спорт од ИТН, Радостин Василев кој, според бугарскиот медиум, бил против напуштање на владата.

Во групата осум пратеници се досегашната организациска секретарка на ИТН, Викторија Василева, како и Николај Радумов, Светлин Стојанов, Иво Атанасов, Ивајло Христојв, Дејат Петков, Христинка Иванова и Георги Георгиев.

Со тоа, пратеничката група на Трифонов ќе остане со 13 пратеници, колку што во моментов има и опозициската Преродба.

The post Осум пратеници го напуштаат Слави Трифонов appeared first on Република.